Услуги офисного обеспечения (Грузия - Тендер #68529971)

საქართველოს პარლამენტის აპარატის მიერ ფოტოასლების გადაღების მომსახურებების სახელმწიფო შესყიდვა (CPV 79521000).

1.2.1 შესყიდვის ობიექტია სატენდერო დოკუმენტაციის დანართ #1-ში "ფასების ცხრილი" მითითებული რაოდენობის A4 ზომის ფორმატის გვერდების მაღალი ხარისხის შავ-თეთრი ფოტოასლების გადაღების მომსახურების სახელმწიფო შესყიდვა წინამდებარე სატენდერო დოკუმენტაციით გათვალისწინებული პირობების შესაბამისად. ამასთან შემსყიდველი ორგანიზაცია არ არის ვალდებული სრულად აითვისოს მითითებული შესყიდვის ობიექტის რაოდენობა.

შენიშვნა: პრეტენდენტი უფლებამოსილია დანართი №1 "ფასების ცხრილი" წარმოადგინოს Excel-ის ფორმატის ცხრილის სახით
(გთხოვთ გაითვალისწინოთ, რომ პრეტენდენტის მიერ Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)).
1.2.2 ფოტოასლების გადაღების მომსახურების გაწევისთვის მიმწოდებელი ვალდებულია უზრუნველყოს შემსყიდველისათვის 4 (ოთხი) ერთეული ასლგადამღები აპარატის დროებით სარგებლობაში გადაცემა, ხოლო შემსყიდველი ორგანიზაციის საჭიროებისა და მოთხოვნის შემთხვევაში მიმწოდებელმა უნდა უზრუნველყოს დამატებით 2 (ორი) ერთეული ასლგადამღები აპარატის დროებით სარგებლობაში გადაცემა.
1.2.3 მიმწოდებელმა მომსახურების გაწევის მთელი პერიოდის მანძილზე უნდა უზრუნველყოს ასლგადამღები აპარატების აღჭურვა ყველა საჭირო სახარჯი მასალებით (საბეჭდი ქაღალდის გარდა), შეტყობინებიდან არაუგვიანეს 4 (ოთხი) საათის განმავლობაში.
1.2.4 მიმწოდებელმა უნდა უზრუნველყოს ასლგადამღები აპარატების კვალიფიციური სერვისი მომსახურების გაწევა მთელი პერიოდის მანძილზე, მოთხოვნიდან არაუგვიანეს 2 (ორი) კალენდარული დღის ვადაში. იმ შემთხვევაში თუ 2 (ორი) კალენდარულ დღეში ასლგადამღები აპარატის შეკეთება ვერ ხერხდება, მიმწოდებელი ვალდებულია ჩაანაცვლოს სხვა ანალოგიური პარამეტრების მქონე ტექნიკურად გამართული აპარატით არაუგვიანეს 2 (ორი) კალენდარული დღის ვადაში.
1.2.5 მიმწოდებელი ვალდებულია ასლგადამღები აპარატის, სახარჯი მასალების და სათადარიგო ნაწილების ტრანსპორტირება მოახდინოს საკუთარი ხარჯით.

1.4.1 ფოტოასლების გადაღების მომსახურების გაწევა უნდა განხორციელდეს 2026 წლის 1-ელი იანვრიდან (ხოლო იმ შემთხვევაში თუ ხელშეკრულება ვერ გაფორმდება 2026 წლის პირველ იანვრამდე, მაშინ ხელშეკრულების გაფორმებიდან და მისი ძალაში შესვლიდან) - 2026 წლის 31 დეკემბრის ჩათვლით, პერიოდულად, შემსყიდველი ორგანიზაციის მოთხოვნისა და საჭიროების შესაბამისად.
1.4.2 მიმწოდებელის მიერ შემსყიდველისათვის 4 (ოთხი) ერთეული ასლგადამღები აპარატის დროებით სარგებლობაში გადაცემა უნდა განხორციელდეს ხელშეკრულების გაფორმებიდან არაუგვიანეს 3 (სამი) სამუშაო დღის განმავლობაში, ფოტოასლების გადაღების მომსახურებისთვის დადგენილი სრული ვადით (მომსახურების გაწევის პერიოდი).
1.4.3 შემსყიდველი ორგანიზაციის საჭიროებისა და მოთხოვნის შემთხვევაში, მიმწოდებლის მიერ უნდა განხორციელდეს დამატებით 2 (ორი) ერთეული ასლგადამღები აპარატის შემსყიდველისათვის დროებით სარგებლობაში (მომსახურების გაწევის დარჩენილი პერიოდის მანძილზე) გადაცემა, შემსყიდველის მოთხოვნიდან არაუგვიანეს 10 (ათი) კალენდარული დღის ვადაში.

ფოტოასლების გადაღების მომსახურების გაწევისა და დროებით სარგებლობაში ასლგადამღები აპარატურების გადაცემის ადგილია: ქ. თბილისი, რუსთაველის გამზირი №8, საქართველოს პარლამენტის სასახლე.

2.3.1.1. მიმწოდებლის მიერ მომსახურების გაწევის დროს გამოსაყენებელი ასლგადამღები აპარატების მინიმალური ტექნიკური მონაცემები:

ბეჭდვის მეთოდი: ლაზერული, ბეჭდვის სიჩქარე A4: არანაკლებ 45 გვ/ წთ.
კოპირების გარჩევადობა არანაკლებ: 1200 dpi; ასლების რაოდენობა : 1-999, მაქსიმალური ფორმატი: A3+ (SRA3) მასშტაბირება: 25-400% კოპირების ფუნქცია: ორმხრივი ასლის გადაღება ბეჭდვის გარჩევადობა არანაკლებ 1200 × 1200 dpi; პირველი ამონაბეჭდი: არაუმეტეს პირველი ამონაბეჭდი: არაუმეტეს 4.0 წმ; ოპერაციული სისტემა: Windows 7/8/10 (32/64), Windows Server 2003/2008 (32/64),
სკანერი
სკანირების სიჩქარე: არანაკლებ 80 ორიგინალი/წთ, სკანირების გარჩევადობა არანაკლებ 600 × 600 dpi; სკანირების რეჟიმი: Network TWAIN scan, scan-to-eMail, scan-to-FTP, scan-to-SMB, scan- to-Box ფაილების ფორმატი: არანაკლებ TIFF, PDF დოკუმენტის გაგზავნის მისამართი: არანაკლებ 1500 ცალი დამხარისხებელი (Finisher, Stepler finisher) არანაკლებ 3000 ფურცლის ტევადობით დასტეპლერება არანაკლებ 50 ფურცელი
სისტემა
მეხსიერება: არანაკლებ 1,5 გბ; მყარი დისკი: არანაკლებ 250 გბ;
პროცესორი: არანაკლებ 1000 მგჰ ინტერფეისი: 10/100/1000 Base-T, Ethernet, USB 2.0; , Gigabit Ethernet პროტოკოლები: არანაკლებ TCP/IP, IPX/SPX. ფრეიმების ტიპი: 10-Base-T/100-Base-TX Ethernet, USB 2.0 ავტომატური დედნის მიმწოდებელი: არანაკლებ 100 ფურცელი; DADF ქაღალდის სისქე: 55 გ/მ2 - 215 გ/მ2 ან უკეთესი მონაცემები; ქაღალდის უჯრ(ებ)ის ტევადოვა: არანაკლებ - 3500 ფურცელი, ხელის მიწოდების უჯრა - არანაკლებ 100 ფურცელი; ავტომატური ორმხრივი ბეჭდვა: A3-A5, ქაღალდის სისქე: 55 გ/მ2 -215 გ/მ2 ან უკეთესი მონაცემები; დატვირთვის ციკლი თვეში არანაკლებ 220000 გვერდი.
2.3.1.2 პრეტენდენტი ვალდებულია წარმოადგინოს ინფორმაცია დროებით სარგებლობაში გადმოსაცემი ასლგადამღები აპარატურის კონკრეტული ტექნიკური პარამეტრების შესახებ (ზუსტი მონაცემები/მაჩვენებლები, ყოველგვარი არანაკლებ, არაუმეტეს, მინიმუმ ან მსგავსი მაჩვენებლის მითითების გარეშე), რომელიც უნდა მოიცავდეს და არ უნდა ეწინააღმდეგებოდეს სატენდერო დოკუმენტაციის 2.3.1.1 პუნქტით დადგენილ მოთხოვნებს.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)) რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.2.1 ხელშეკრულების სავარაუდო ჯამური ღირებულება განისაზღვრება მაქსიმალური გვერდების რაოდენობის ნამრავლით ერთი გვერდის A4 ტიპის ფორმატის ასლის გადაღების ღირებულებაზე. A3 ტიპის ფორმატის ასლის გადაღების საფასური დაითვლება როგორც 2 (ორი) A4 ტიპის ფორმატის ასლის გადაღების ღირებულება. გადაღებული ასლების გვერდების რაოდენობის კონტროლი უნდა მოხდეს ელექტრონული მრიცხველის საშუალებით, რომლის დამონტაჟებასაც ასლგადამღებ აპარატებზე, საკუთარი ხარჯით, უზრუნველყოფს ტენდერში გამარჯვებული პრეტენდენტი. ანგარიშსწორება მიმწოდებელთან მოხდება ელექტრონული მრიცხველების ჩვენების მიხედვით.
7.2.2 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, ფაქტობრივად მიწოდებული შესყიდვის ობიექტის შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი სასაქონლო ზედნადების (კანონმდებლობით გათვალისწინებულ შემთხვევაში), ასევე ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე, ანდა გამოწერილი საგადასახადო დოკუმენტის (საგადასახადო დოკუმენტის გამოწერის შემთხვევაში სასაქონლო ზედნადების ან საგადასახადო ანგარიშ-ფაქტურის (მათ შორის, სპეციალური საგადასახადო ანგარიშ-ფაქტურის) გამოწერის ვალდებულება არ წარმოიშობა) საშუალებით.
7.2.3 დაფინანსების წყარო: საქართველოს 2026 წლის სახელმწიფო ბიუჯეტიდან საქართველოს პარლამენტისათვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

თეიმურაზ ჩიჩუა, 599700079, tchichua@parliament.ge ტექნიკურ დავალებასთან დაკავშირებით: მიხეილ ყუფარაძე M: 577492772 mkuparadze@parliament.ge

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №1 "ფასების ცხრილი". პრეტენდენტი უფლებამოსილია აღნიშნული დანართი წარმოადგინოს Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა.
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.1.7. ყველგან, თუ სადმე მითითებულია სასაქონლო ნიშანი, მოდელი, წარმოშობის წყარო ან მწარმოებელი იგულისხმება "მსგავსი" ან "ექვივალენტური".