Мебельные аксессуары (Грузия - Тендер #68529962)

ა(ა)იპ ,,ახალციხის მუნიციპალიტეტის სკოლამდელი აღზრდის დაწესებულება-ის დაქვემდებარებაში მყოფი საბავშვო ბაგა-ბაღებისთვის სამზარეულოს ჭურჭლის შესყიდვა.

1. შემოთავაზებული საქონელი უნდა იყოს ჯანმრთელობისთვის უსაფრთხო, საკვებისთვის განკუთვნილი. დანართის სახით იხილეთ საქონლის ტექნიკურ-ხარისხობრივი მახასიათებელი და რაოდენობა.
2. საქონლის ტექნიკურ-ხარისხობრივი მახასიათებლის და ასევე დანართი #1-ში (ფასების ცხრილი) 30-ე, 34-ე და 79-ე პოზიციაზე (ხელის სათქვეფი, ლანგარი უჟანგავი მეტალის, საპირფარეშოს ქაღალდის ჩასადები ყუთი) ზომებში ცდომილება დასაშვებია + 5 სმ.

საქონლის მიწოდება განხორციელდება ხელშეკრულების გაფორმების თარიღიდან არაუგვიანეს 15 (თხუთმეტი) კალენდარული დღის ვადაში.

საქონლის მიწოდება უნდა განხორციელდეს 2.9 პუნქტში ატვირთულ დოკუმენტში მითითებულ მისამართებზე.

პრეტენდენტმა სისტემის საშუალებით უნდა წარმოადგინოს ინფორმაცია საქონლის წარმოშობის ქვეყნისა და მწარმოებლის შესახებ სატენდერო დოკუმენტაციის 1.3 პუნქტში ატვირთულ დანართი #1-ში (ფასების ცხრილი) არსებულ გრაფაში.

1. ხელშეკრულების გაფორმების შემდგომ მიმწოდებელმა წერილობით უნდა აცნობოს შემსყიდველს ქვეკონტრაქტორ(ებ)ის აყვანის ან/და შეცვლის შესახებ (ქვეკონტრაქტორის აყვანის აუცილებლობის მიზეზების დასაბუთებით). ქვეკონტრაქტორ(ებ)ის დასაშვებობის საკითხს წყვეტს შემსყიდველი და მიმწოდებელი ერთობლივი მოლაპარაკების საფუძველზე, რომელიც გაფორმდება წერილობითი ფორმით.
2. ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე
არაკეთილსინდისიერ პირთა რეესტრში – „შავი სია“.
3. ქვეკონტრაქტორზე წარმოდგენილი იქნას შემდეგი სახის ინფორმაცია:
•მისაწოდებელი საქონლის დასახელება და ღირებულება;
• ქვეკონტრაქტის ასლი.
4. ამ ხელშეკრულების ფარგლებში დადებული ყველა ქვეკონტრაქტის ხელშეკრულების ასლი უნდა წარედგინოს შემსყიდველს.
5. მისაწოდებელი საქონლის ნაწილის ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.

დანართის სახით იხილეთ საბავშვო ბაგა-ბაღების მისამართები და კონკრეტული საბავშვო ბაგა-ბაღში მისაწოდებელი ჭურჭლის ჩამონათვალი.

თუ პრეტენდენტის მიერ ვაჭრობის შედეგად დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისგან ითხოვს, ფასწარმოქმნის ადეკვატურობის დასაბუთებას. ფასწარმოქმნის ადეკვატურობა უნდა დასაბუთდეს საექსპერტო ან აუდიტორული დასკვნით, (დასკვნასთან ერთად წარმოდგენილი უნდა იყოს დასკვნის გამცემი პირის უფლებამოსილების დამადასტურებელი დოკუმენტი) რომელიც დაადასტურებს ხელშეკრულებით ნაკისრი ვალდებულებების შესრულების შესაძლებლობას, როგორც სისტემაში დაფიქსირებული წინადადების საბოლოო ფასთან, ასევე ერთეულის ფასებთან მიმართებით.

1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
2. მიმწოდებელთან ანგარიშსწორება მოხდება ერთჯერადად, ხელშეკრულებით გათვალისწინებული საქონლის მიწოდებული მიღება-ჩაბარების აქტისა და სასაქონლო ზედნადების/შესაბამისი საგადასახადო ანგარიშ-ფაქტურის საფუძველზე (ასეთის არსებობის შემთხვევაში).

მიღება-ჩაბარების აქტის მხარეთა მიერ ხელმოწერიდან 10 სამუშაო დღის განმავლობაში.

მარინა მერაბიშვილი, 591449640, marmer8888@gmail.com ეკა მამუკაშვილი ტელ: 577600711

1. სახელმწიფო შესყიდვების ერთიან ელექტრონულ სისტემაში (შემდგომში - ,,სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი დამოწმებული უნდა იყოს ტენდერის დასრულების დღეს მოქმედი მარეგულირებელი კანონმდებლობის შესაბამისად.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. პრეტენდენტის მიერ დანართი #1-ის წარმოუდგენლობა გამოიწვევს პრეტენდენტის დისკვალიფიკაციას. ასევე დაზუსტებას არ დაექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ან მასში არ არის მითითებული ინფორმაცია საქონლის წარმოშობის ქვეყნის და მწარმოებლის შესახებ, ასევე არ არის ან განუფასებლადაა წარდგენილი ხარჯთაღრიცხვა.