Ремонт и техническое обслуживание строительных сооружений (Грузия - Тендер #68469074)

1.1.1. საქართველოს საგარეო საქმეთა სამინისტროს საჭიროებისათვის „Haier" MRV IV-c გათბობა-გაგრილების სისტემის შეკეთებისა და ტექნიკური მომსახურების შესყიდვა.

1.2.1. მომსახურების ოდენობა და აღწერა (ტექნიკური დავალება) მოცემულია მიბმულ ფაილში. დანართი N2.

1.4.1. მომსახურების გაწევა განხორციელდება ხელშეკრულების გაფორმებიდან, ეტაპობრივად, 2026 წლის 1 იანვრიდან - 2026 წლის 31 დეკემბრის ჩათვლით.

1.5.1. მიმწოდებელი ვალდებულია შემსყიდველის მოთხოვნიდან (წერილი, ელ.ფოსტა ან/და სხვა ელექტრონული საშუალებები) 5 სამუშაო დღის განმავლობაში განახორციელოს საავარიო სიტუაციის მიზეზის დადგენა, ტექნიკური დათვალიერება და დიაგნოზის დასმა დაზიანების ტიპზე, რის შემდგომაც მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების სათადარიგო ნაწილების დეტალური აღწერა და განახორციელოს მომსახურების გაწევა (საჭიროების შემთხვევაში, სათადარიგო ნაწილ(ებ)ის შეცვლით).
1.5.1. იმ შემთხვევაში თუ შეკეთება არ მოითხოვს სათადარიგო ნაწილის საზღვარგარეთ შეკვეთას/შეძენას, მიმწოდებელი ვალდებულია შეკეთება (მათ შორის სათადარიგო ნაწილის შეცვლა და ექსპლუატაციაში გაშვება) უზრუნველყოს დეფექტური აქტის ხელმოწერიდან 6 სამუშაო დღის განმავლობაში.
1.5.2. იმ შემთხვევაში თუ შეკეთება მოითხოვს სათადარიგო ნაწილის საზღვარგარეთ შეკვეთას/შეძენას, მიმწოდებელი ვალდებულია შეკეთება (მათ შორის სათადარიგო ნაწილის შეცვლა და ექსპლუატაციაში გაშვება) უზრუნველყოს დეფექტური აქტის ხელმოწერიდან 40 სამუშაო დღის განმავლობაში.(მიმწოდებელი ვალდებულია შემსყიდველის მოთხოვნიდან არაუმეტეს 6 სამუშაო დღის ვადაში წარმოადგინოს სათადარიგო ნაწილის საზღვარგარეთ შეკვეთის დამადასტურებელი დოკუმენტაცია).
1.5.3.შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.
1.5.4. მომსახურების გაწევა განხორციელდება ქ.თბილისში, სულხან-საბას ქ.N1/გიორგი ლეონიძის ქ.N3-5-ში მდებარე, საქართველოს საგარეო საქმეთა სამინისტროში.

1.7.1.1. მიმწოდებელი ვალდებულია მომსახურების გაწევისას გამოიყენოს ახალი ქარხნული სათადარიგო ნაწილები, მომსახურებისათვის საჭირო სათადარიგო ნაწილებზე/მომსახურებაზე მიმწოდებელმა უნდა უზრუნველყოს საგარანტიო ვადის გავრცელება ფასების ცხრილის (პრეისკურანტის) შესაბამის გრაფაში მითითებული ვადების შესაბამისად.

შენიშნვნა: ინფორმაცია საგარანტიო ვადასთან დაკავშირებით, პრეტენდენტის მიერ წარმოდგენილ უნდა იქნას ცალკე დოკუმენტად ან ფასების ცხრილის (პრეისკურანტის) შესაბამის გრაფაში ("არანაკლებ" ან მსგავსი ჩანაწერის გარეშე).

2.1.1.1. პრეტენდენტს 2024 – 2025 წლებში უნდა გააჩნდეს ანალოგიური, გათბობა-გაგრილების სისტემის მომსახურების ან/და გათბობა-გაგრილების სისტემის მონტაჟის განხორციელების გამოცდილება. პრეტენდენტი ვალდებულია წარმოადგინოს შესაბამისი ხელშეკრულება/ხელშეკრულებები და მისი შესრულების დამადასტურებელი დოკუმენტ(ებ)ის (მიღება-ჩაბარების აქტ(ებ)ი, ან სხვა მასთან გათანაბრებული დოკუმენტ(ებ)ი) ასლ(ებ)ი ან/და სახელმწიფო შესყიდვის ერთიანი ელექტრონული სისტემის მონაცემები, კერძოდ: SPA /NAT/CMR და სხვა ნომრები.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

4.1.1.2. ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1.ანგარიშსწორება განხორციელდება ეროვნულ ვალუტაში-ლარში და უნდა ითვალისწინებდეს ყველა ხარჯს დღგ-ს ჩათვლით, აგრეთვე საქართველოს მოქმედი კანონმდებლობით დადგენილ ყველა სხვა გადასახადს.
7.2.2. ანგარიშსწორება მოხდება ეტაპობრივად, ფაქტიურად გაწეული მომსახურების შესაბამისად, უნაღდო ანგარიშსწორებით ლარში.

7.3.1. ანგარიშსწორება განხორციელდება ეტაპობრივად, უნაღდო ანგარიშსწორებით ლარში. შესაბამისი მიღება -ჩაბარების აქტის გაფორმებიდან 10 სამუშაო დღის განმავლობაში.

მაიკო მიქაია, 599035434, mmikaia@mfa.gov.ge

10.1.1 პრეტენდენტმა უნდა მიუთითოს ფასები განსაფასებელი ცხრილების (პრეისკურანტების) ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილებში (პრეისკურანტებში) მითითებულ თითოეულ პოზიციაზე სავარაუდო მაქსიმალურ (სავარაუდო ღირებულების ზედა ზღვარი) ღირებულებებს.
10.1.2. ხელშეკრულების დადების შემდეგ, პრეისკურანტში საქონლის ან/და მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი საქონლის ან/და მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს.
10.1.3. ტენდერში ვაჭრობა გაიმართება განფასების ცხრილების (პრეისკურანტების) ჯამურ სავარაუდო ღირებულებაზე.
10.1.4. ელექტრონული ვაჭრობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.
10.1.5. პრეისკურანტის დაზუსტების საჭიროების შემთხვევაში, დაუშვებელია რომელიმე პოზიციაზე პრეტენდენტის მიერ თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. პრეტენდენტის მიერ დაზუსტებულ პრეისკურანტში რომელიმე პოზიციის ერთეულის ფასის გაზრდა გამოიწვევს პრეტენდენტის დისკვალიფიკაციას. ასეთ შემთხვევაში, არ იქნება გათვალისწინებული ამავე მუხლის 10.1.4 პუნქტით დადგენილი მოთხოვნა პროპორციული კლების შესახებ.
10.1.6. თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
10.1.7. პრეტენდენტის მიერ წარმოდგენილი პრეისკურანტი ერთიან ელექტრონულ სისტემაში ატვირთული უნდა როგორც PDF, ისე Excel-ის ფორმატში. პრეტენდენტის მიერ Excel-ის ცხრილის სახით წარმოდგენილი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.8. თუ პრეტენდენტი გეგმავს რომელიმე პოზიციაზე მომსახურება ან/და ამ მომსახურებისათვის საჭირო სათადარიგო ნაწილები მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0”.ცარიელი სიმბოლოს ან სხვა აღნიშვნის ( „-“, „* “ ან მსგავსი) მითითება დაუშვებელია, ასეთ შემთხვევაში იგულისხმება, რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასევე, დაზუსტებას არ ექვემდებარება, თუ პრეტენდენტის მიერ წარმოდგენილ პრეისკურანტში ერთეულის ფასი აღემატება შემსყიდველის მიერ შესაბამის გრაფაში მითითებულ ერთეულის სავარაუდო ზღვრულ ფასს.
10.1.9. სატენდერო წინადადებაში საერთო და ერთეულის ფასის წარმოდგენა დასაშვებია მხოლოდ ლარებში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
10.1.10. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია წარმოდგენილი იქნას ქართულ ენაზე. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.11. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია (გარდა Excel-ის ფორმატში ატვირთული ფასთა ცხრილის-პრეისკურანტისა) უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული.
10.1.12. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.13. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებით და სატენდერო დოკუმენტაციით მოთხოვნილ პირობებს.
10.1.14. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.1.15. პრეტენდენტის მიერ ერთიან ელექტრონულ სისტემაში ასატვირთი ტექნიკური დოკუმენტაცია/ინფორმაცია:
• ფასების ცხრილი - პრეისკურანტი (დანართი N1), რომელიც ერთიან ელექტრონულ სისტემაში ატვირთული უნდა იყოს როგორც PDF, ისე Excel-ის ფორმატში. (სატენდერო დოკუმენტაციის 1.3. პუნქტის მოთხოვნის შესაბამისად);
• ინფორმაცია საგარანტიო ვადასთან დაკავშირებით (სატენდერო დოკუმენტაციის 1.7.1 პუნქტის შესაბამსიად);
• პრეტენდენტის გამოცდილებასთან დაკავშირებული მოთხოვნები (სატენდერო დოკუმენტაციის 2.2.1 პუნქტის შესაბამისად).