Ремонт и техническое обслуживание транспортных средств и оборудования и сопутствующие услуги (Грузия - Тендер #68438608)

სსიპ შემოსავლების სამსახურის ბალანსზე რიცხული მანქანების (სედანი, ჯიპი, მიკროავტობუსი) რეცხვის მომსახურების სახელმწიფო შესყიდვა

ავტომანქანების რეცხვა/გასუფთავების მომსახურება (გარდა ქიმიური რეცხვისა და ქიმწმენდისა) შესაძლებელია განხორციელდეს ან საბარათე (პლასტიკური ბარათი) სისტემის მეშვეობით ან მიმწოდებლის მიერ დამზადებული შესაბამისი მომსახურების დამადასტურებელი საბუთის (ტალონი) მეშვეობით.

1. იმ შემთხვევაში თუ მომსახურების გაწევა განხორციელდება მიმწოდებლის მიერ დამზადებული შესაბამისი მომსახურების დამადასტურებელი საბუთის (ტალონი) მეშვეობით, ტენდერში გამარჯვებული ორგანიზაცია ვალდებულია:

მომსახურების დამადასტურებელი დოკუმენტი - რეცხვის ტალონი უნდა შეიცავდეს მინიმუმ შემდეგ ინფორმაციას:
ა) მიმწოდებლის დასახელება და ლოგო;
ბ) ტალონის იდენტიფიცირების ნომერი;
გ) სატრანსპორტო საშუალების სახეობა (ტიპი);
დ) ტალონის გამოყენების ვადა;
ე) გამოყოფილი ადგილი სატრანსპორტო საშალების სახელმწიფო ნომრის ჩასაწერად;

2. ტალონების მიწოდება უნდა განხორციელდეს, შემსყიდველის მოთხოვნიდან არაუგვიანეს მომდევნო სამუშაო დღეს ხელშეკრულების გაფორმებიდან 2026 წლის 10 დეკემბრამდე, ხოლო გაცემული ტალონების გამოყენების ვადა უნდა იყოს 2 წელი. ის კომპანია რომელთანაც გაფორმდება სახელმწიფო შესყიდვების შესახებ ხელშეკრულება, ვალდებულია ვადიანი ტალონების წარდგენის შემდეგ გაწიოს მომსახურება მიხუედავად იმისა გასუალია თუ არა გაფორმებული სახელმწიფო შესყიდვების შესახებ ხელშეკრულებით გათვალისწინებული მომსახურებისთვის გაწევის ვადა.


ხოლო, იმ შემთხვევაში თუ ავტომანქანების რეცხვა/გასუფთავების მომსახურება (გარდა ქიმიური რეცხვისა და ქიმწმენდისა) განხორციელდება საბარათე (პლასტიკური ბარათი) სისტემის მეშვეობით, ტენდერში გამარჯვებული ორგანიზაცია ვალდებულია:

1.შემსყიდველი უზრუნველყოს ისეთი ტიპის ელექტრონული საშუალებით, რომლის მეშვეობითაც შემსყიდველს შესაძლებლობა ექნება გააქტიუროს შეძენილი, მისი კუთვნილი რეცხვის მომსახურების ლიმიტები სპეციალურ ანგარიშზე და გადასცეს სისტემაში შესასვლელი მომხმარებლის სახელი და პაროლი, ონლაინ, 24 საათის განმავლობაში შეუზღუდავად, პლასტიკურ ბარათებზე მისი შემდგომი განაწილების მიზნით. სპეციალურ ანგარიშზე რეცხვის მომსახურების ჩარიცხვის შემდეგ იგი უნდა წარმოადგენდეს შემსყიდველის საკუთრებას და შემსყიდველს უფლება უნდა ჰქონდეს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე რეცხვითი მომსახურების ლიმიტები. პლასტიკური ბარათის წარდგენის შემთხვევაში მისი წარმდგენი უფლებამოსილია მიიღოს ბარათზე ჩარიცხული რეცხვის მომსახურება მიმწოდებლის კუთვნილ ნებისმიერ ავტოსამრეცხაო სადგურში.

2. პლასტიკური ბარათი უნდა შეიცავდეს მინიმუმ შემდეგ ინფორმაციას:
ა) შემსყიდველის დასახელებას და ლოგოს;
ბ) მიმწოდებლის დასახელებას;
გ) რეცხვის პლასტიკური ბარათის იდენტიფიცირების უნიკალურ ნომერს;
დ) ავტომანქანის სახელმწიფო ნომერს;
ე) ავტომობილების სახეობას (სედანი/ჯიპი/მიკროავტობუსი)

3. „მიმწოდებელმა“ უნდა უზრუნველყოს „შემსყიდველის“ მიერ მოთხოვნილი რაოდენობის მიხედვით, რეცხვის პლასტიკური ბარათების დამზადება არაუმეტეს 5 (ხუთი) სამუშაო დღის განმავლობაში და სპეციალური ანგარიშის გახსნა, ხოლო ელექტრონულად თანხით შევსება და „შემსყიდველისათვის“ უსასყიდლოდ მიწოდება მოთხოვნიდან არაუმეტეს 3 (სამი) სამუშაო დღის განმავლობაში.

4. პლასტიკური ბარათის დაზიანების ან დაკარგვის შემთხვევაში მიმწოდებელმა უნდა უზრუნველყოს ახალი პლასტიკური ბარათის შემსყიდველისათვის უსასყიდლო მიწოდება, მოთხოვნიდან არაუგვიანეს 2 (ორი) სამუშაო დღის განმავლობაში.

5. იმ შემთხვევაში თუ ხელშეკრულების მიმდინარეობის პროცესში, შემსყიდველს ბალანსზე დაემატება, წინამდებარე ტენდერით გათვალისწინებული სახეობის ახალი სატრანსპორტო საშუალება, შემსყიდველის მოთხოვნიდან 2 (ორი) სამუშაო დღის ვადაში, მიმწოდებელმა უნდა უზრუნველყოს დამატებითი პლასტიკური ბარათის დამზადება უსასყიდლოდ.

6. საბარათე სისტემის საშუალებით მომსახურების გაწევის პროცესში, ყოველ სამრეცხაო ობიექტზე განთავსებული უნდა იყოს შესაბამისი საბარათე სისტემის წამკითხველი მოწყობილობა, რომელზეც სამრეცხაო ბარათის დაფიქსირების დროს, უნდა უზრუნველყოს შესაბამისი მომსახურების მომენტალური ასახვა, ელექტრონულ სისტემაში, მიმწოდებლის მიერ შემსყიდველისთვის გამოყოფილ სპეციალურ ანგარიშზე.


ავტომანქანების რეცხვითი მომსახურების გაწევა უნდა განხორციელდეს შემდეგი აუცილებელი პირობების დაცვით:

მიმწოდებელმა უნდა უზრუნველყოს სატრანსპორტო საშუალებების როგორც ექსტერიერის (ძარა), ასევე ინტერიერის (სალონი, საბარგული) სრულად რეცხვა, გასუფთავება და გამშრალება, სპეციალური მოწყობილობების, ინვენტარისა და სარეცხი საშუალებების გამოყენებით. ასევე, მომსახურების გაწევის ვადაში, შემსყიდველის მოთხოვნის შესაბამისად ძრავის კაპიტალური რეცხვა. გამოყენებული უნდა იყოს ავტომანქანისათვის რეკომენდირებული და მაღალი ხარისხის სარეცხი და საწმენდი საშუალებები.

ავტომანქანების გარედან რეცხვა უნდა მოხდეს ე.წ. უკონტაქტო რეცხვის მეთოდის გამოყენებით, რომელიც არ აზიანებს ავტომანქანის საღებავს.

შემსყიდველის უფლებამოსილი წარმომადგენლის მიერ, წინასწარი დაჯავშნის შემთხვევაში, მიმწოდებელმა შეთანხმებულ დროს უნდა განახორციელოს რიგგარეშე მომსახურება, ხოლო სხვა დანარჩენ შემთხვევაში მომსახურება უნდა განხორციელდეს (დასრულდეს) რეცხვის ტალონების/პლასტიკური ბარათის წარდგენიდან არაუმეტეს 1 (ერთი) საათის განმავლობაში.

ავტოსამრეცხაოებში რეცხვითი მომსახურებით სარგებლობა შესაძლებელი უნდა იყოს ყოველდღე არანაკლებ 09:00 სთ-დან 20:00 სთ-მდე.

შემსყიდველი არ არის ვალდებული, წინამდებარე ტენდერის შედეგად გაფორმებული ხელშეკრულების ღირებულება აითვისოს სრულად.

რეცხვის პროცესში, სატრანსპორტო საშუალებების ნებისმიერი დაზიანებაზე პასუხისმგებელია მიმწოდებელი და ასეთი გარემოების არსებობის შემთხვევაში, ზიანს სრულად აანაზღაურებს მიმწოდებელი.

მიმწოდებელს ქ. თბილისის ტერიტორიაზე საკუთრებაში ან/და სარგებლობაში უნდა გააჩნდეს არანაკლებ 5 (ხუთი) ერთეული ავტოსამრეცხაო სადგური, ხოლო ქ. ბათუმში, ქ. ახალციხეში, ქ. ქუთაისში და ქ. ფოთში არანაკლებ 1 (ერთი) ერთეული ავტოსამრეცხაო სადგური. შემსყიდველი იტოვებს უფლებას, აღნიშნული ტენდერის სტატუსის - გამარჯვებულად გამოვლენამდე გადაამოწმოს ტენდერში მონაწილე პრეტენდენტის მიერ წამოდგენილი სამრეცხაო ობიექტები და მათი მატერიალური-ტექნიკური ბაზები რომლებიც აღჭურვილნი უნდა იყვნენ რეცხვითი მომსახურების გაწევისთვის საჭირო შესაბამისი მანქანა-დანადგარებით როგორიცაა კერხერი, მტვერსასრუტი და ა.შ.

სატრანსპორტო საშუალებების ჩამონათვალი ტიპის და რაოდენობის მიხედვით წარმოდგენილია დანართი N3-ში.

თუ პრეტენდენტის მიერ სისტემის მეშვეობით წარმოდგენილი ბოლო შეთავაზება, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტით ჩამონათვლის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.

სატენდერო დოკუმენტაციის 1.2 პუნქტით განსაზღვული მოთხოვნები გათვალისწინებული იქნება ტენდერში გამარჯვებულ კომპანიასთან, სახელმწიფო შესყიდვის შესახებ გასაფორმებელ ხელშეკრულებაში.

პრეტენდენტის მიერ დანართი №1 - პრეისკურანტი წარმოდგენილი უნდა იყოს EXCEL-ის ფორმატში.

შემსყიდველის მიერ წინასწარი დაჯავშნის შემთხვევაში, მიმწოდებელმა შეთანხმებულ დროს უნდა განახორციელოს რიგგარეშე მომსახურება, ხოლო სხვა დანარჩენ შემთხვევაში მომსახურება უნდა განხორციელდეს (დასრულდეს) რეცხვის ტალონების/პლასტიკური ბარათის წარდგენიდან არაუმეტეს 1 (ერთი) საათის განმავლობაში, ხელშეკრულების გაფორმებიდან, მაგრამ არაუადრეს 2026 წლის 01 იანვრიდან 2026 წლის 31 დეკემბრის ჩათვლით

მომსახურების გაწევის ადგილები:

ქ. თბილისი,
ქ. ახალციხე,
ქ. ქუთაისი,
ქ. ბათუმი,
ქ. ფოთი,

პრეტენდენტს 2022 წლის 10 ნოემბრიდან, ტენდერის გამოცხადების თარიღამდე (3 წელი) უნდა გააჩნდეს ავტოსატრანსპორტო საშუალებების რეცხვის მომსახურების სფეროში გამოცდილება და ამ პერიოდის განმავლობაში შესრულებული უნდა ჰქონდეს მინიმუმ 3 (სამი) პროექტი.

ტენდერში მონაწილე პრეტენდენტმა ერთიანი ელექტრონული სისტემის საშუალებით უნდა წარმოადგინოს, ავტოსატრანსპორტო საშუალებების რეცხვის მომსახურების გაწევასთან დაკავშირებული გაფორმებული ხელშეკრულებები და ამ მომსახურების გაწევის დასრულების დამადასტურებელი დოკუმენტების ასლები, კერძოდ მიღება-ჩაბარების აქტი ან/და წარმოდგენილი უნდა იქნას SPA ან/და NAT ან/და CMR ნომრები.

პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული ავტოსამრეცხაოების, ქ. თბილისი, ქ. ბათუმი, ქ. ფოთი, ქ. ქუთაისი და ქ. ახალციხე ადგილმდებარეობების შესახებ შესაბამისი ქალაქების, ფაქტიური მისამართების და საკონტაქტო პირების ტელეფონის ნომრების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

პრეტენდენტის ავტოსამრეცხაოები აღჭურვილი უნდა იყოს შესაბამისი მანქანა-დანადგარებით როგორიცაა კერხერი, მტვერსასრუტი და ა.შ..

მომსახურების გაწევის მიზნით ქ. თბილისში პრეტენდენტს სარგებლობაში ან/და საკუთრებაში უნდა გააჩნდეს მინიმუმ 5 ავტოსამრეცხაო სადგური, ხოლო ქ. ბათუმში, ქ. ფოთში, ქ. ქუთაისში და ქ. ახალციხეში მინიმუმ 1 ავტოსამრეცხაო სადგური.

იმ შემთხვევაში თუ ავტომანქანების რეცხვა/გასუფთავების მომსახურება განხორციელდება საბარათე (პლასტიკური ბარათი) სისტემის მეშვეობით, ტენდერში გამარჯვებული ორგანიზაცია ვალდებულია შერჩევა-შეფასების ეტაპზე ერთიანი ელექტრონული სისიტემის საშუალებით წარმოადგინოს საბარათე (პლასტიკური ბარათი) სისტემის გამოყენების შესახებ სრული ინსტრუქცია რომელიც იქნება მარტივად აღქმადი.

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასთან/მათთან არსებული ხელშეკრულება, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით და წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს):
- ხელშეკრულების საგანი), სადაც მითითებული უნდა იყოს ინფორმაცია ქვეკონტრაქტორ(ებ)ის ავტოსამრეცხაოების ფაქტიური მისამართები და საკონტაქტო ინფორმაცია.

ქვეკონტრაქტორ(ებ)ი ანგარიშვალდებული არიან მიმწოდებლის წინაშე. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8.პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მიმწოდებელთან განხორციელდება ფაქტიურად მიწოდებული ტალონების ღირებულების ან ფაქტიურად გაწეული მომსახურების შესაბამისად, ხელშეკრულების შესაბამისად გაფორმებული ინსპექტირების აქტის, მიღება-ჩაბარების აქტის და საგადასახადო ანგარიშ-ფაქტურის საფუძველზე, წარმოდგენიდან არაუგვიანეს 10 (ათი) სამუშაო დღის განმავლობაში. (იმ შემთხვევაში, თუ მიმწოდებელი არ არის დღგ-ს გადამხდელი, მან უნდა წარმოადგინოს შესაბამისი ცნობა სსიპ შემოსავლების სამსახურიდან)

სოფია პოლოზიანი, 599933315, s.poloziani@rs.ge