Лабораторные услуги (Грузия - Тендер #68348271)

ლაბორატორიული მომსახურება - დნმ-ის ექსტრაქციისა და პჯრ ამმპლიფიკაციის შედეგად მიღებული ნიმუშების გასუფთავება, სექვენირება და ოლიგონუკლეოტიდების დიზაინი

1. შესაბამის ლაბორატორიაში იგზავნება სამიზნე სახეობის - აღმოსავლური წიფლის პჯრ ნიმუშები გასუფთავებისა და სექვენირების მიზნით.
რაოდენობა: 300 ნიმუში
აღწერილობა: სამიზნე პჯრ პროდუქტები მიღებულია საქართველოსა და ნაწილობრივ თურქეთში აღებული აღმოსავლური წიფლის ინდივიდებიდან. ჯამში შეგროვებულია 100 ინდივიდი, რომლისგანაც მოხდა დნმ ექსტრაქცია. განხორციელდა ამ 100 ინდივიდის პჯრ ამპლიფიკაცია 3 სამიზნე ქლოროპლასტურ ლოკუსზე. კერძოდ, შეირჩა შემდეგი უბნები: atpF-psbJ, trnK-trnQ m1 და trnK-trnQ m2. შედეგად, ჯამურად მიღებულ იქნა 300 პჯრ ამპლიკონი, რომელთა სექვენირების მომსახურება უნდა ჩატარდეს ერთი Forward მიმართულებით.

ნიმუშები ჩაიდება სპეციალურ კონვერტში, დაილუქება, ყველა ნიმუში უზრუნველყოფილი იქნება ანოტაციით, რომელიც მოიცავს სინჯის დასახელებას და სამიზნე გენს, რომლზეც შესრულდება კვლევა.
კონვერტის მასა დაახლოებით 700 გრამი.
კონვერტის ზომა: არაუმეტეს A4
ნიმუშების მიმწოდებლისთვის გადაცემა მოხდება ხელშეკრულების დადებიდან არაუგვიანეს 15 კალენდარული დღისა.

2. დნმ-ის თანმიმდევრობის დადგენის მიზნით და სექვენირებისთვის შესაბამის ლაბორატორიაში იგზავნება, საქართველოს სხვადასხვა ტერიტორიიდან, შესაბამისი ნებართვების საფუძველზე შეგროვებული ნიმუშები, რაც ფილოგენეტიკური ანალიზის ჩატარების საშუალებას მოგვცემს.
მიზნობრიობა: პჯრ პროდუქტების გასუფთავება და ამპლიფიკაცია, გარდა ამისა, ლაბორატორიამ უნდა უზრუნველყოს ოლიგონუკლეოტიდების დიზაინი, რომელიც აუცილებელია დნმ-ის სრული თანმიმდევრობის მისაღებად.
რაოდენობა: პჯრ-ის 3 ცალი ფლეითი: ორ მათგანზე 192 სინჯია მოთავსებული, ხოლო მესამეზე — 41.

ნიმუშები ჩაიდება ყუთში, დაილუქება, ყველა ნიმუში უზრუნველყოფილი იქნება ანოტაციით, რომელიც მოიცავს სინჯის დასახელებას და სამიზნე გენს, რომლზეც შესრულდება კვლევა.
ამანათის მონაცემები:
• შეფუთვა: მუყაოს ყუთი
• სიმაღლე: 10.5 სმ
• სიგანე: 12.5 სმ
• სიგრძე: 16 სმ
• წონა: 254 გ
ნიმუშების მიმწოდებლისთვის გადაცემა მოხდება ხელშეკრულების დადებიდან არაუგვიანეს 15 კალენდარული დღისა.

კვლევის პასუხების მიწოდება უნდა განხორციელდეს ხელშეკრულების დადებიდან არაუგვიანეს 60 კალენდარულ დღეში.

ომსახურების გაწევა უნდა განხორციელდეს კვლევის განმახორციელებელ ლაბორატორიაში. ხოლო კვლევის პასუხების მიწოდება მოხდება ელექტრონულად - ლაბორატორიის ვებ-გვერდის, ან ელექტრონული ფოსტის მეშვეობით, რომელიც განისაზღვრება ხელშეკრულების დადების მომენტში.

პრეტენდენტს, თუ ის არ არის უშუალოდ ლაბორატორია და არის შუამავალი კომპანია, რომელიც ნიმუშებს გაუგზავნის შესაბამის ლაბორატორიას, უნდა ჰქონდეს მსგავსი ტიპის მომსახურების გაწევის გამოცდილება, რისთვისაც უნდა წარმოადგინოს აღნიშნულის დამადასტურებელი საბუთი (ხელშეკრულება და მიღება-ჩაბარების აქტი/ანგარიშ-ფაქტურა/ინვოისი/ლინკი/ან სხვა დოკუმენტი), ასევე მისაღები იქნება პრეტენდენტის ოფიციალურ ვებ-გვერდზე განთავსებული ინფორმაცია ლაბორატორიული ნიმუშების გაგზავნის მომსახურების შესახებ (აღნიშნულის შემთხვევაში წარმოსადგენი იქნება კომპანიის ვებ-გვერდის მისამართი, რაც შეიძლება განხორციელდეს ინტერნეტ ბმულის (ე.წ. ლინკი) მითითებით.

შენიშვნა: იმ შემთხვევაში თუ, შუამავალი კომპანიის მიერ ლაბორატორიული მომსახურების გაწევის დადასტურების მიზნით წარმოდგენილი იქნა შესყიდვის რეკვიზიტები (SPA/NAT/MEP/CMR ნომერი), მომსახურების გაწევის დამადასტურებელი დოკუმენტაციის (ხელშეკრულება და მიღება-ჩაბარების აქტი/ანგარიშ-ფაქტურა/ინვოისი/ლინკი/ან სხვა დოკუმენტი) წარმოდგენა არ არის სავალდებულო.

ლაბორატორიას, რომელიც განახორციელებს კვლევას, უნდა ჰქონდეს ოფიციალური ინტერნეტ-გვერდი.
პრეტენდენტმა უნდა წარმოადგინოს კვლევის განმახორციელებელი ლაბორატორიის ოფიციალური ინტერნეტ-გვერდის მისამართი, რაც შეიძლება განხორციელდეს ინტერნეტ-ბმულის (ე.წ. ლინკი) მითითებით.
ინტერნეტ-გვერდზე განთავსებული ინფორმაციის წაკითხვა შესაძლებელი უნდა იყოს ინგლისურ ენაზე. წარმოდგენილ ინტერნეტ-გვერდზე უნდა ჩანდეს საქმიანობის სფერო და მათ შორის აუცილებელია იყოს ლაბორატორიული ნიმუშების გასუფთავების და სექვენირების მომსახურება.
წარმოდგენილ ინტერნეტ-გვერდზე შესაძლებელი უნდა იყოს კვლევის შედეგების გაცნობა ინგლისურ ენაზე.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდოღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა აუდიტორის/ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე შესყიდვის ობიექტის ერთეულის ფას(ებ)თან მიმართებით.

დასკვნის გამცემი იურიდიული პირი, რეგისტრირებული უნდა იყოს ბუღალტრული აღრიცხვის, ანგარიშგებისადა აუდიტის ზედამხედველობის სამსახურის სახელმწიფო რეესტრში (www.saras.gov.ge)

ანგარიშსწორება განხორციელდება - გაწეული მომსახურების მიღების შესაბამისად, მხარეებს შორის მიღება-ჩაბარების აქტის ხელმოწერის შემდეგ.

მიმწოდებელი ვალდებულია, შემსყიდველს მიაწოდოს შესაბამისი ფინანსური დოკუმენტაცია (საგადასახადო ანგარიშ-ფაქტურა, ან საგადასახადო დოკუმენტი - თუ მიმწოდებელი დღგ-ს გადამხდელია).

ანგარიშსწორება განხორციელდება, წინამდებარე კითხვარის 7.2 პუნქტით განსაზღვრული მიღება-ჩაბარების აქტის ხელმოწერიდან და ფინანსური დოკუმენტაცის წარდგენიდან 10 სამუშაო დღის განმავლობაში.

თამარი მოხევიშვილი, 577189758, tamar.mokhevishvili.1@iliauni.edu.ge

1. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
5. პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-8 მუხლით დადგენილი წესის შესაბამისად;
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას;
8. პრეტენდენტს არ აქვს უფლება წარმოადგინოს ალტერნატიული წინადადება.