Электрические двигатели, генераторы электричества и электротрансформаторы (Грузия - Тендер #68313470)

შესყიდვის ობიექტია გენერატორები (თანმდევი მონტაჟით).

შესყიდვის ობიექტია 4 ცალი (50 KW) და 2 ცალი (10 KW) სიმძლავრის გენერატორის შესყიდვა (თანმდევი მონტაჟით).

ტექნიკური მახასიათებლები:

50 KW სიმძლავრის დიზელ-გენერატორის ტექნიკური მახასიათებლები:
დიზელ-გენერატორი - არანაკლებ 50 კვტ. - 4 კომპლექტი;
ძაბვა 400/230 ვოლტი, 50 Hz, 3 ფაზა;
დაცვა არანაკლებ IP22;
შესაბამისი სიმძლავრის ავტომატური მართვის პანელი (AVR)-ით, ავტომატური გადამრთველით-მოეწყოს შენობის ცენტრალურ ელ. მომარაგებაზე;
ხმის ჩამხშობი კაბინით;
კაბინის გასაღებიანი კარით;
დიზელ-გენერატორი უნდა წარმოადგენდეს მონობლოკს, აგრეგატისა და გამომავალი ელ. პარამეტრების კონტროლისა და მართვის პანელით, ინტეგრირებული საწვავის ავზით, დიზელ-გენერატორის ასამუშავებლად განკუთვნილი აკუმულატორით და აკუმულატორის დამტენით, ზეთით, ჰაერის ფილტრით, ზეთის ფილტრით, წყლის გაგრილების სისტემით, ძრავის გაგრილების სიტემის გამათბობელით (ზამთრის პირობებში გენერატორის ამუშავებისთვის), ავარიულ სიტუაციაში ავტომატურად გათიშვის ფუნქციით.
გრაფიკული LCD მონიტორი;
პერიოდული სერვისის მოთხოვნის მაჩვენებელი, ძრავის ზეთის, ძრავის ტემპერატურის, ზეთის წნევის, საწვავის დონის, ნამუშევარი საათების, ჩართვების რაოდენობის, ამპერაჟის, ვოლტაჟის და სხვა მახასიათებლების მაჩვენებელი, აკუმულატორის მინიმალური და მაქსიმალური ძაბვის ასახვა; არანაკლებ ინგლისურ ენოვანი მხარდაჭერა;
საჭიროების შემთხვევაში და ნებისმიერ ჩართვაზე ელექტრონული ფოსტის ან/და sms შეტყობინების საშუალებით ინფორმაციის ავტომატურ რეჟიმში გაგზავნის ფუნქცია;
ავტომატური მართვის პანელი აღჭურვილი უნდა იყოს შესაბამისი სიმძლავრის გადამრთველი კონტაქტორებით;
გენერატორს უნდა გააჩნდეს დაცვისა და კონტროლის სისტემა, რომელიც უზრუნველყოფს გენერატორის გათიშვას შესაბამისი გარემოებების დადგომისთანავე.

10 KW სიმძლავრის დიზელ-გენერატორის ტექნიკური მახასიათებლები:
დიზელ-გენერატორი - არანაკლებ 10 კვტ. - 2 კომპლექტი;
ძაბვა 220/240 ვოლტი, 50 Hz;
დაცვა არანაკლებ IP22;
შესაბამისი სიმძლავრის ავტომატური მართვის პანელი (AVR)-ით, ავტომატური გადამრთველით-მოეწყოს შენობის ცენტრალურ ელ. მომარაგებაზე;
პორტატული დიზელ-გენერატორი უნდა წარმოადგენდეს მობილურ კომპაქტურ მოძრავ ბლოკს, ინტეგრირებული საწვავის ავზით, ზეთით, ფილტრით, ჰაერით გაგრილების სიტემით, ავარიულ სიტუაციაში ავტომატურად გათიშვის ფუნქციით.

სრული ინფორმაცია შემოთავაზებული საქონლის ტექნიკური მახასიათებლეის შესახებ.

შენიშვნა:
1. თუ შესყიდვის ობიექტის ტექნიკური მახასიათებლებში მითითებულია სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება მისი „მსგავსი“ ან „ექვივალენტი“
2. საქონელი უნდა იყოს ნივთობრივად და უფლებრივად უნაკლო.
3. მოწოდებულ საქონელს თან უნდა ახლდეს ქარხნული შეფუთვით გათვალისწინებული ყველა შესაბამისი აქსესუარი და დამაკავშირებელი კაბელი.
4. საქონლის მონტაჟისას უნდა მოეწყოს შესაბამისი ზომის და სისქის არმირებული ბეტონის სადგამი.
5. გენერატორს უნდა გააჩნდეს ავეერი ავტომატური ჩართვისა და გათიშვის ფუნქციით.
6. თანმდევ მონტაჟში იგულისხმება ბეტონის საძირკველის მოწყობა, შენობაზე დაერთება და ექსპლლუატაციაში გაშვება (ყველა საჭირო აქსესუარითა და სახარჯი მასალით).
7. აღწერილობაში მოცემულია შესყიდვის ობიექტის მინიმალური პარამეტრები და პრეტენდენტს უფლება აქვს შესთავაზოს შემსყიდველს გაუმჯობესებული/უკეთესი პარამეტრების მქონე საქონელი, ანალოგიური შეთავაზება შეუძლია იმ შემთხვევაშიც თუ სადმე მითითებულია ზუსტი პარამეტრი.
8. ტექნიკური დავალებით განსაზღვრული ინფორმაცია უნდა იძებნებოდეს შემოთავაზებული დიზელ გენერატორის მწარმოებლის ვებ საიტზე დიზელ გენერატორის ტექნიკური მონაცემების დოკუმენტში.

1. საქონლის მიწოდება (თანმდევი მონტაჟით) უნდა განხორციელდეს ხელშეკრულების გაფორმებიდან 60 (სამოცი) სამუშაო დღის განმავლობაში;

საქონლის მიწოდების და მონტაჟის ადგილებია:

ამბროლაურის მუნიციპალიტეტი, სოფელი კვაცხუთი (საკ. კოდი: 86.03.22.118) - 50 KW
სიმძლავრის 1 კომპლექტი დიზელ-გენერატორი (თანმდევი მომსახურებით).

ქალაქი ონი, გერცელ ბააზოვის ქუჩა (საკ. კოდი: 88.18.26.064) - 50 KW სიმძლავრის 1
კომპლექტი დიზელ-გენერატორი (თანმდევი მომსახურებით).

ქალაქი ცაგერი, კოსტავას ქუჩა N11 (საკ. კოდი: 89.03.25.049) - 50 KW სიმძლავრის 1 კომპლექტი
დიზელ-გენერატორი (თანმდევი მომსახურებით).

ონის მუნიციპალიტეტი, სოფელი სორი (საკ. კოდი: 88.08.21.373) - 10 KW სიმძლავრის 1
კომპლექტი დიზელ-გენერატორი (თანმდევი მომსახურებით).

ცაგერის მუნიციპალიტეტი, სოფელი გაგულეჩი (საკ. კოდი: 89.04.30.192) - 10 KW სიმძლავრის
1 კომპლექტი დიზელ-გენერატორი (თანმდევი მომსახურებით).

წყალტუბოს მუნიციპალიტეტის სოფელი გუმბრა (ს/კ29.09.44.335) 50 KW სიმძლავრის 1 კომპლექტი
დიზელ-გენერატორი (თანმდევი მომსახურებით).

შესყიდვის ობიექტის მიწოდებისას გენერატორს უნდა ახლდეს ტექნიკური პასპორტი და ინსტრუქცია ექსპლუატაციის შესახებ (სავალდებულოა ინგლისურ ან რუსულ ენაზე).

შესყიდვის ობიექტის მიწოდებისას მიმწოდებელმა უნდა წარმოადგინოს საქარხნო შემოწმების აქტი (FAT), უცხოურ ენაზე გაცემული დოკუმენტის შემთხვევაში, უნდა იქნას წარმოდგენილი აღნიშნული დოკუმენტი ქართულ ენაზე თარგმნილი და ნოტარიულად დამოწმებული.

ახალი გენერატორი წყალტუბოს მუნიციპალიტეტში უნდა განთავსდეს ეზოში განთავსებულ მიწისპირა არმირებულ ფილაზე, ხოლო დანარჩენ ლოკაციებზე მიმწოდებლის მიერ უნდა მოეწყოს შესაბამისი სადგამი არმირებული ფილის სახით;
მიმწოდებელმა მიწოდების სერვისის ღირებულებაში უნდა გაითვალისწინოს შენობის ცენტრალურ ელ. მომარაგების ფარებზე გენერატორის შესაბამისი სიმძლავრის კაბელით მონტაჟი (მიახლოებითი არაუმეტესი მანძილი 50 მეტრი).
50 კვტ. დიზელ-გენერატორების შემთხვევაში მიმწოდებლის მიერ უნდა მოეწყოს გენერატორის დამიწების ქსელი (შემსყიდველისთვის წარმოდგენილ უნდა იყოს შესაბამისი აკრედიტირებული პირის მიერ გაცემული საექსპერტო დასკვნა).
საქონლის დამონტაჟების შემდგომ მიმწოდებელმა უნდა შეადგინოს და შემსყიდველს წარუდგინოს ადგილზე შემოწმების აქტი (SAT). ადგილზე ინსტალაციის შემდეგ ჩატარდება შემდეგი შემოწმებები:
შემოწმება დატვირთვაზე;
50% დატვირთვა არანაკლებ 30 წუთის განმავლობაში;
100% დატვირთვა არანაკლებ 30 წუთის განმავლობაში;
ჩართვის დროის და სრულ დატვირთვაზე გადასვლის დროის შემოწმება; შემოწმების დროს გენერატორს საჭირო საწვავის ხარჯით უზრუნველყოფს მიმწოდებელი საკუთარი სახსრებით.
მიმწოდებელმა სსიპ „ეროვნული სატყეო სააგენტო“-ს თანამშრომ(ლებს)ელს უნდა ჩაუტაროს დიზელ-გენერატორების ექსპლუატაციისათვის საჭირო სწავლების კურსი.

დიზელ გენერატორზე (როგორც ძირითად აგრეგატზე - დიზელ-გენერატორზე, ასევე მაკომპლექტებელ ნაწილებზე და შესრულებულ სამუშაოებზე), სწორი ექსპლუატაციის პირობებში, გარანტია უნდა ვრცელდებოდეს მიღება-ჩაბარების აქტის გაფორმებიდან არანაკლებ 3 (სამი) წელი ან/და 1000(ათასი) მუშა საათი, რომელიც პირველი დადგება.

სატელეფონო კონსულტაციები ავარიული სიტუაციის შემთხვევაში კონსულტაცია გაწეულ უნდა იქნე ს 24/7რეჟიმით.

შემსყიდველის მხრიდან შესყიდვის ობიექტის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი (ტრანსპორტირების ჩათვლით), საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ხარვეზის/წუნის გამოვლენიდან შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) გონივრულ ვადაში, მაგრამ არაუგვიანეს 10 (ათი) კალენდარული დღისა, გარდა იმ შემთხვევისა, თუ ასეთი ხარვეზი გამოწვეულია ნივთის გარეგანი მექანიკური დაზიანებით.

პრეტენდენტმა უნდა წარმოადგინოს საგარანტიო ვადისა და პირობების შესახებ ინფორმაცია.

პრეტენდენტმა დანართ #1-ში (ფასების ცხრილი) უნდა მიუთითოს შესყიდვის ობიექტის მწარმოებელი ფირმა, მოდელი (შესაძლებელია სავაჭრო ნიშანი) და წარმოშობის ქვეყანა.

შენიშვნა:
მწარმოებელი ფირმის, მოდელის და წარმოშობის ქვეყნის წარმოუდგენლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.

1. ტენდერში მონაწილე პრეტენდენტს, უნდა გააჩნდეს გენერატორ(ებ)ის მიწოდების და მონტაჟის გამოცდილება 2020 წლის 1 იანვრიდან, ჯამურად არანაკლებ შესყიდვის სავარაუდო ღირებულების ოდენობით.

2. გამოცდილების დადასტურების მიზნით პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულების (სრულყოფილი, ყველა დანართის ჩათვლით) ასლი, ამ ხელშეკრულების მიხედვით გაფორმებული მიღება-ჩაბარების აქტები და დადასტურებლი საგადასახადო ანგარიშ-ფაქტურები (ასეთის არსებობის შემთხვევაში). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოთხოვნილი გამოცდილება დასტურდება სახელმწიფო შესყიდვების ერთიან ელექტრონულ სისტემაში არსებული ინფორმაციით/დოკუმენტაციით საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

პრეტენდენტის მიერ დამატებით სისტემაში ასატვირთი დოკუმენტებია:

1. სრული ინფორმაცია შემოთავაზებული საქონლის ტექნიკური მახასიათებლეის შესახებ.
2. ფასების ცხრილი.
3. საგარანტიო ვადა და პირობები.
4. მწარმოებლის რეკომენდაციის შესახებ ინფორმაცია, კერძოდ ექსპლუატაციის დროს საჭირო ზეთის შესახებ ინფორმაცია.
5. გამოცდილების შესახებ ინფორმაცია/დოკუმენტაცია.
6. სატენდერო წინადადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

იმ შემთხვევაში თუ 2025 წელს ვერ მოხდება საქონლის მოწოდება, წინამდებარე ტენდერში გამოყენებული იქნება სახელშეკრულებო ღირებულების სრული ოდენობის საავანსო ანგარიშსწორება, მიმწოდებლის მიერ წარმოდგენილი, საავანსო თანხის იდენტური ოდენობის საბანკო გარანტიის საფუძველზე, რომლის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

გარანტია გაცემული უნდა იყის საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ.

ანგარიშსწორება მიმწოდებელთან განხორციელდება შესყიდვის ობიექტის მიწოდების და ექსპლლუატაციაში გაშვების შემდეგ, მიღება-ჩაბარების აქტის ან მიღება-ჩაბარების აქტისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) საფუძველზე.

ანგარიშსწორება მიმწოდებელთან განხორციელდება მიღება-ჩაბარების აქტის გაფორმებიდან და საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერიდან 10 (ათი) სამუშაო დღის განმავლობაში.

რეზო ფხალაძე, 555487536, Rezo.Pkhaladze@forestry.gov.ge

1.სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.