Мебель (Грузия - Тендер #68313461)

საოფისე ავეჯის შესყიდვა

საქონლის ტექნიკური პარამეტრები და რაოდენობა იხილეთ დანართი N1 და დანართი N2-ის სახით.

საქონლის მიწოდება შესაძლებელია განხორციელდეს ეტაპობრივად ან ერთიანად, ხელშეკრულების გაფორმებიდან 45 კალენდარული დღის განმავლობაში.

- მიწოდების ადგილი ქ. ბათუმი, ბაქოს ქუჩა N8, აჭარის ავტონომიური რესპუბლიკის კულტურის სამინისტრო.
- შესყიდვის ობიექტის მიწოდებას მიმწოდებელი უზრუნველყოფს საკუთარი სახსრებით.

- მიმწოდებელი იძლევა გარანტიას, რომ შეთავაზებული საქონელი სრულად შეესაბამება სატენდერო დოკუმენტაციით (დანართი N1) გათვალისწინებულ პირობებს;
- მოწოდებული საქონლის საგარანტიო ვადა შეადგენს აჭარის ა/რ კულტურის სამინისტროსა და მიმწოდებელს შორის საქონლის გადაცემის დამადასტურებელი შესაბამისი დოკუმენტაციის გაფორმებიდან 12 (თორმეტი) თვეს.

- მიმწოდებელი კისრულობს ვალდებულებას საქონლის საგარანტიო ვადაში მომსახურებაზე. სწორი ექსპლუატაციის პირობებში, თუ დაზიანდა მოწოდებული საქონლის რომელიმე ნაწილი, ან იქნა აღმოჩენილი ქარხნული წუნი, მიმწოდებელი იღებს ვალდებულებას საგარანტიო პერიოდში (12 თვე) თავისი ხარჯებით (ტრანსპორტირების ჩათვლით) არაუგვიანეს 5 (ხუთი) სამუშაო დღის ვადაში უზრუნველყოს უშუალოდ მოწოდებული საქონლის ან/და მისი რომელიმე ნაწილის შეკეთება, ხოლო შეუკეთებლობის შეთხვევაში შეცვლა ან შემსყიდველისათვის წუნდებული საქონლის ღირებულების თანხის ანაზღაურება, ბიუჯეტის შესაბამის ანგარიშზე გადარიცხვით.

მოსაწოდებელი საქონლის წარმოშობის ქვეყნისა და მწარმოებლის შესახებ ინფორმაცია პრეტენდენტის მიერ ასახული უნდა იქნას ატვირთულ ფასების ცხრილში (დანართი N1).

შენიშვნა: პრეტენდენტის მიერ შემოთავაზებული საქონლის წარმოშობის ქვეყნისა და მწარმოებლის მიუთითებლობა გამოიწვევს პრეტენდენტის დისკვალიფიკაციას მოქმედი კანონმდებლობის შესაბამისად.

პრეტენდენტის მიერ ერთიან ელექტრონულ სისტემაში წარმოდგენილი უნდა იქნას:

- 1.3. პუნქტით გათვალისწინებული ინფორმაცია/დოკუმენტაცია (ფასების ცხრილი/ხარჯთაღრიცხვა).

ა)თუ ერთიან ელექტორნულ სისტემაში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. აღნიშნული დასაბუთების წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას (დასკვნასთან ერთად წარმოდგენილ უნდა იქნას დასკვნის გამცემი პირის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი).

ბ)ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

გ) წარმოდგენილ დასკვნას თან უნდა ერთვოდეს ფასების ცხრილი, რომლის საფუძველზეც მოხდა დასკვნის შედგენა.

1. იმ შემთხვევაში, თუ საქონლის მიწოდება ვერ მოხერხდება 2025 წლის 15 დეკემბრის ჩათვლით, მაშინ მიმწოდებელი ვალდებულია წარმოადგინოს საავანსო ანგარიშწირების უზრუნველყოფის გარანტია აუთვისებელ თანხაზე.

2. საავანსოდ გადასახდელი თანხის უზრუნველყოფისათვის გამოიყენება საქართველოს ეროვნული ბანკის მიერ ლიცენზირებული კომერციული ბანკის ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიის მიერ გაცემული უპირობო გარანტია/კონტრგარანტია, რომლის მოქმქდების ვადა უნდა იყოს არანაკლებ 2026 წლის 31 მარტისა.

1. ანგარიშსწორება განხორციელდება უნაღდო ანგარიშსწორების ფორმით.

2. ანგარიშსწორება მოხდება მოწოდებულ საქონელზე სასაქონლო ზედნადების/ანგარიშფაქტურის წარდგენისა და მიღება-ჩაბარების (საბოლოო/ეტაპობრივი) აქტების გაფორმების შემდეგ.

3. ანგარიშსწორება მიმწოდებელთან განხორციელდება ლარებში.

ანგარიშსწორება მოხდება მოწოდებულ საქონელზე სასაქონლო ზედნადების/ანგარიშფაქტურის წარდგენისა და მიღება-ჩაბარების აქტების გაფორმებიდან არაუგვიანეს 10 (ათი) სამუშაო დღის ვადაში.

გოგიტა გოგიტიძე, 555424545, ministryofculture2025@gmail.com

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.
10.1.2. სატენდერო წინადადებაში საერთო და ერთეულის ფასი გამოსახული უნდა იყოს ყველა ხარჯის გათვალისწინებით, როგორიცაა: ტრანსპორტირების და განბაჟების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
10.1.3. პრეტენდენტი ვალდებულია ფასების ცხრილში მითითებული ერთეული და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
10.1.4. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ფასების ცხრილი ან წარმოდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.7. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული, გარდა Excel-ის ფორმით ატვირთული ფასების ცხრილისა.
10.1.8. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.9. პრეტენდენტს არ აქვს უფლება წარმოადგინოს ალტერნატიული სატენდერო წინადადება.