Различые продукты питания (Грузия - Тендер #68313445)

ელექტრონული ტენდერის საშუალებით, ახალი წლის დღესასწაულთან დაკავშირებით კრწანისის რაიონში მცხოვრებ უფასო სასადილოთი მოსარგებლე ბენეფიციარებისათვის, ასევე უმწეო მდგომარეობაში მყოფი ოჯახების, ომის ვეტერანებისათვის და შშმ პირებისთვის 2960 ცალი (სასაჩუქრე პაკეტის) სახელმწიფო შესყიდვა.

1.2.1 სასურსათო ნობათის მიწოდება უნდა განხორციელდეს კრწანისის რაიონის ტერიტორიაზე მოქმედ უფასო სასადილოებით მოსარგებლე ბენეფიციარებზე და რაიონში მცხოვრებ შეჭირვებულ მდგომარეობაში მყოფ მოქალაქეებზე (სულ 2960 ბენეფიციარზე).
1.2.2. შემსყიდველისთვის მიწოდებული საქონელი სრულად უნდა შეესაბამებოდეს (იდენტური უნდა იყოს) ტენდერზე წარმოდგენილი ნიმუშების.
1.2.3. კონკრეტულ მისამართებზე მისაწოდებელი პაკეტების რაოდენობა და მიწოდების ვადები, მიმწოდებელს გადაეცემა ხელშეკრულების დადების შემდეგ.
1.2.4. მიმწოდებელმა უნდა უზრუნველყოს შესყიდვის ობიექტის ისეთი შეფუთვა, რომელიც დაიცავს მას დაზიანებისაგან დანიშნულების ადგილზე ტრანსპორტირების პროცესში; პროდუქტის დანიშნულების ადგილზე გადატანა უნდა განხორციელდეს პროდუქტების გადასაზიდად ვარგისი სპეციალური სატრანსპორტო საშუალებით. ასევე, მიმწოდებელმა უნდა უზრუნველყოს პროდუქტის ეტაპობრივი მიწოდება შემსყიდველთან შეთანხმებული რაოდენობით, მიწოდებისას პროდუქტის სათანადო შენახვით.
1.2.5. მიმწოდებებლი შესყიდვის ობიექტის მიწოდებას უზრუნველყოფს საკუთარი ხარჯებით (საქართველოს კანონმდებლობით გათვალისწინებული ყველა გადასახადის, ასევე ყველა სხვა ხარჯის ჩათვლით, რომელიც დაკავშირებულია შესყიდვის ობიექტის მიწოდებასთან);
1.2.6. შემოთავაზებული შესყიდვის ობიექტი უნდა იყოს ეკოლოგიურად სუფთა.
1.2.7. მისაწოდებელი კვების პროდუქტები მიმწოდებლის მიერ უნდა ჩაიდოს პლასტიკის (ბიოდეგრადირებადი) სახელურებიან თეთრ პარკში, შესაბამისი გამძლეობით, პარკზე დატანილი უნდა იყოს (დაპრინტული) ქალაქ თბილისის მუნიციპალიტეტის მერიის ლოგო და ბრენდირება საახალწლო მოლოცვის ტექსტით ორ ფერში (ტექსტი და დიზაინი შემსყიდველთან შეთანხმებით) და მიმწოდებლის მიერ დაკომპლექტდეს 2960 სასაჩუქრე პაკეტად.
1.2.8.მოწოდებული სურსათი უნდა აკმაყოფილებდეს საქართველოს მთავრობის 2014 წლის 15 იანვრის №72 დადგენილებით დამტკიცებულ ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს, სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ მიაყენებს სურსათს და უვნებელი იქნება ადამიანის ჯანმრთელობისათვის.
1.2.9. პროდუქტი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №301/ნ ბრძანებით) განსაზღვრულ სანიტარულ მოთხოვნებს.
1.2.10. შესყიდვის ობიექტის მიწოდებას, შეფუთვას და დარიგებას მიმწოდებელი უზრუნველყოფს საკუთარი ხარჯებით შემსყიდველის მიერ წერილობით გადაცემულ მისამართებზე.

მიწოდების საბოლოო ვადაა 2025 წლის 22 დეკემბერი.

შესყიდვის ობიექტის მიწოდების ადგილია:

1. რუსთავის გზატკეცილი №18/22;
2. რუსთავის გზატკეცილი №265;
3. ზემო ფონიჭალა კორპუსი №22;
4. სოფ.ფონიჭალა, იეთიმ გურჯის ქ.№23
5. ქ. თბილისი ორთაჭალის ქუჩა №36;
6. ქ. თბილისი გიორგი გურამიშვილის ქუჩა №6.

1. შესყიდვის ობიექტის დარიგებას მიმწოდებელი უზრუნველყოფს საკუთარი ხარჯებით შემსყიდველის მიერ წერილობით გადაცემულ მისამართებზე.
2. შესყიდვის ობიექტის მიწოდებას მიმწოდებელი უზრუნველყოფს საკუთარი ხარჯებით.
3. პროდუქტის დანიშნულების ადგილზე გადატანა უნდა განხორციელდეს პროდუქტების გადასაზიდად ვარგისი სპეციალური სატრანსპორტო საშუალებით.
4.მისაწოდებელი ნობათების რაოდენობა კონკრეტული მისამართების მიხედვით, მიმწოდებელს გადაეცემა ხელშეკრულების გაფორმების დროს.

სასაჩუქრე პროდუქტების ვარგისიანობის ვადა უნდა იყოს მიწოდებიდან არანაკლებ ერთი თვისა, გარდა კვერცხისა, რომლის ვარგისიანობის ვადა არანაკლებ 15 დღით უნდა აღემატებოდეს საქონლის მიწოდების ვადას. კვერცხის და ღვინის მიწოდებულ პარტიას უნდა ქონდეს ხარისხის დამადასტურებელი სერთიფიკატი.

2.1.1.1 პრეტენდენტი ვალდებულია ფასების ცხრილში (დანართი №1) მიუთითოს შესყიდვის ობიექტის წარმოშობის ქვეყანა ან/და მწარმოებელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

3.1.1.1. ერთიან ელექტრონულ სისტემაში დაფიქსირებული ყველაზე დაბალი ფასის წარმომდგენი პრეტენდენტი (დისკვალიფიკაციის შემთხვევაში მომდევნო დაბალფასიანი პრეტენდენტი), ვალდებულია შემსყიდველის მოთხოვნის შესაბამისად უზრუნველყოს შემოთავაზებული საქონლის სრული პაკეტის ნიმუშის წარდგენა.
3.1.1.2. შესყიდვის ნიმუშის წარმოუდგენლობა (ან შეუსაბამობა) გამოიწვევს პრეტენდენტის დისკვალიფიკაციას (ნიმუში დაზუსტებას არ ექვემდებარება).
3.1.1.3. პრეტენდენტის გამარჯვების შემთხვევაში, შემსყიდველისთვის მიწოდებული საქონელი სრულად უნდა შეესაბამებოდეს (იდენტური უნდა იყოს) ტენდერზე წარმოდგენილი ნიმუშის.

ქ. თბილისი გოირგი გურამიშვილის ქუჩა N 6.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა 30 კალენდარული დღით უნდა აღემატებოდეს ხელშეკრულებით გათვალისწინებულ საქონლის მიწოდების ვადას.

6.4.1 ტენდერში გამოიყენება ხელშეკრულების შესრულების უზრუნველყოფის გარანტირების მექანიზმი.
6.4.2. უპირობო, გამოუთხოვადი ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 იმ შემთხვევაში თუ სახელშეკრულებო ღირებულება შეადეგენს 200 000 ლარზე ნაკლებს, გამარჯვებულ პრეტენდენტს არ წარმოეშვება ხელშეკრულების შესრულების უზრუნველყოფის გარანტიის წარმოდგენის ვალდებულება.

ანგარიშსწორება მოხდება უნაღდო ანგარიშსწორებით ლარში, ქ. თბილისის მუნიციპალიტეტის 2025 წლის ადგილობრივი ბიუჯეტის სახსრებით, მიღება – ჩაბარების აქტის საფუძველზე.

ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღის ვადაში. მაგრამ არაუგვიანეს 2025 წლის 31 დეკემბრისა.

შალვა გათიკაშვილი, 599488500, shalvagatikashvili@gmail.com თამარ მამისაშვილი, 557705205, tamar.mamisashvili15@gmail.com

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. აღნიშნული ვალდებულებისგან არარეზიდენტი პირები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისგან გათავისუფლების თაობაზე“ საქართველოს მთავრობის 2022 წლის 20 დეკემბრის №2380 განკარგულების შესაბამისად გათავისუფლებულები არიან და წარმოსადგენ დოკუმენტაციაზე ევალებათ მატერიალურად ხელმოწერის შესრულება.
10.1.4. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6. პრეტენდენტს არ აქვს უფლება წარმოადგინოს ალტერნატიული სატენდერო წინადადება.