Ремонт и техническое обслуживание транспортных средств и оборудования и сопутствующие услуги (Грузия - Тендер #68249422)

2021-2022 წლებში წარმოებული PIAGGIO-ს მარკის MP3 500 SPORT ADVANCE მოდელის ტრიციკლების შეკეთება, ტექნიკური მომსახურების შესყიდვა.

1.2.1 შესყიდვის ობიექტია შემსყიდველის სახელზე არსებული დანართ N2-ში მოცემული PIAGGIO-ს მარკის MP3 500 SPORT ADVANCE მოდელის ტრიციკლების შეკეთება/ტექნიკური მომსახურება, დანართი N1-ის (ფასების ცხრილი - პრეისკურანტი) შესაბამისად.

1.2.2 ტრიციკლების ტექნიკური მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ტრიციკლის დათვალიერების აქტის შედგენის შემდეგ. ტრიციკლის ტექნიკური მომსახურეობის შესყიდვისას გასაწევი მომსახურების დეტალური აღწერა უნდა იყოს მოცემული შემსყიდველისა და მიმწოდებლის მიერ შედგენილი დათვალიერების აქტში, აგრეთვე მომსახურების დაწყებისა და დასრულების ვადა.

1.2.3 „მიმწოდებელი“ ვალდებულია ტრიციკლების მომსახურების გაწევისას უსასყიდლოდ დაწვრილებით შეამოწმოს, მისი დეტალებისა და აღჭურვილობის გამართულობა. ჩაუტაროს რეგულარული და სრული შემოწმება, რაც საშუალებას მოგვცემს უმაღლეს დონეზე შენარჩუნდეს მისი უსაფრთხოება და გამართულობა. „მიმწოდებელი“ პასუხისმგებელია დაყენებული/შეცვლილი დეტალის (საქონელი) და მომსახურების ხარისხზე.

1.4.1 მომსახურება მიწოდება, უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით. მომსახურების მიწოდება უნდა განხორციელდეს შემსყიდველის მოთხოვნისთანავე, რიგგარეშე, ოპერატიულად და შეუფერხებლად.

1.4.2 მომსახურების მოწოდებისას ვადა თითოეულ შემთხვევაში არ უნდა აღემატებოდეს:

1.4.2.1 სავალი ნაწილებისათვის არაუმეტეს 2 (ორი) სამუშაო დღეს.

1.4.2.2 ელექტროობისათვის არაუმეტეს 3 (სამი) სამუშაო დღეს.

1.4.2.3 დეფიციტური სათადარიგო ნაწილებით უზრუნველყოფისას არაუმეტეს 25 (ოცდახუთი) სამუშაო დღეს.

1.5.1 შესყიდვის ობიექტის მიწოდების ადგილად განისაზღვრება მიმწოდებლის ქ. თბილისში არსებული სერვის-ცენტრ(ებ)ი.

1.5.2 პრეტენდენტის სერვის-ცენტრ(ებ)ი უნდა იყოს მის სარგებლობაში და მმართველობაში.

1.5.3 პრეტენდენტის სერვის-ცენტრ(ებ)ის თაობაზე პრეტენდენტმა უნდა წარმოადგინოს დეტალური ინფორმაცია (სერვის-ცენტრ(ებ)ის რაოდენობისა და ზუსტი მისამართის მითითებით). ასევე პრეტენდენტმა უნდა წარმოადგინოს სერვის ცენტრის ფლობის დამადასტურებელი შესაბამისი დოკუმენტაცია (დასაშვებია საკუთრების/მფლობელობის დოკუმენტი ან/და იჯარის/ქირავნობის ხელშეკრულება ან/და ამონაწერი), რითაც მოხდება იდენტიფიცირება რომ პრეტენდენტი ფლობს/სარგებლობს მითითებული ფართით.

1.5.4 საჭიროების შემთხვევაში, პრეტენდენტმა ასევე, უნდა უზრუნველყოს საქართველოს სხვადასხვა ტერიტორიულ ერთეულებში დაზიანებული ცენტრის ტრიციკლების შეკეთება/ტექნიკური მომსახურება.

1.7.1.1 მიმწოდებელი იძლევა გარანტიას, რომ განხორციელებული მომსახურება და შეცვლილი სათადარიგო ნაწილები იქნება ორიგინალი (ქარხნული) ან იმავე ხარისხის და შეესაბამება დადგენილ მოთხოვნებს.

1.7.1.2 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი სახსრებით, გონივრულ ვადაში.

1.7.1.3 გარანტია მიმწოდებლის მიერ გაწეულ მომსახურებაზე ან/და მომსახურების გაწევის დროს გამოყენებულ სათადარიგო ნაწილებზე ვრცელდება შესაბამისი მიღება-ჩაბარების აქტის გაფორმებიდან 5 (ხუთი) თვის განმავლობაში.

1.7.1.4 ძრავის და გადაცემათა სისტემის ზეთებზე, ასევე სამუხრუჭე სითხეზე არანაკლებ 5 000 კმ ან 5 თვე.

1.7.1.5 ზეთის და ჰაერის ფილტრებზე არანაკლებ 5 000 კმ ამ 5 თვე.

1.7.1.6 საგარანტიო პერიოდში მიმწოდებელი ვალდებულია დაუყოვნებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.

1.7.1.7 სამუხრუჭე ხუნდები არ უნდა აფუჭებდეს საყრდენ დისკოს, არ უნდა ჰქონდეს ეგრეთ წოდებული წრიპინის და ხრიალის ხმა, წინააღმდეგ შემთხვევაში, მიმწოდებელი საკუთარი ხარჯებით უზრუნველყოფს აღნიშნული წუნის/ნაკლის აღმოფხვრას, შემსყიდველის მხრიდან დამატებითი დანახარჯების გაწევის გარეშე.

1.7.1.8 თუ მიმწოდებელი მომსახურების და სათადარიგო ნაწილის საგარანტიო ვადის ამოწურვამდე აღმოჩნდება ან გამოვლინდება ნაკლი ან/და დეფექტი (გარდა გარეგანი ფიზიკური დაზიანებისა), მიმწოდებელი ვალდებულია შემსყიდველის შეტყობინებიდან 2 (ორი) კალენდარულ დღეში
(განსაკუთრებულ შემთხვევაში გონივრულ ვადაში) უზრუნველყოს ნაკლის ან/და დეფექტის აღმოფხვრა. იმ შემთხვევაში, თუ ნაკლის ან/და დეფექტის აღმოფხვრა არ ხერხდება, მიმწოდებელმა ნაკლიანი სათადარიგო ნაწილი უნდა შეცვალოს უნაკლო ან/და ახალი ნაწილით.
1.7.1.9 მიმწოდებლის მიზეზით ან დაუდევრობით შემსყიდველის ტრიციკლებისათვის მიყენებული ზიანის სრული ანაზღაურება ეკისრება მიმწოდებელს, რომლის დროსაც მიმწოდებელი ვალდებულია შემსყიდველის შეტყობინებიდან 3 (სამი) კალენდარულ დღეში (განსაკუთრებულ შემთხვევაში გონივრულ ვადაში) უზრუნველყოს ნაკლის ან/და დეფექტის აღმოფხვრა. იმ შემთხვევაში, თუ ნაკლის ან/და დეფექტის აღმოფხვრა არ ხერხდება, მიმწოდებელმა ნაკლიანი სათადარიგო ნაწილი უნდა შეცვალოს უნაკლო ან/და ახალი ნაწილით.

1.7.1.10 ტრიციკლის ევკუატორით ტრანსპორტირების შემთხვევაში, თუ დადგინდება რომ ტრიციკლის გადაადგილება შეუძლებელი გახდა საგარანტიო დეტალის დაზიანების გამო, ევაკუატორის ხარჯი ეკისრება მიმწოდებელს.

1.7.1.11 შესყიდვის ობიექტის მიწოდების შემდეგ, ხარვეზის ან/და გაუმართავობის აღმოჩენის შემთხვევაში, თუ იგი იქნება გამოწვეული „მიმწოდებლის“ ბრალეულობით, მიმწოდებელი ვალდებულია აღმოფხვრას გაუმართაობა, შეაკეთოს ან/და გამოცვალოს დაზიანებული ნაწილი ახლით, სატენდერო დოკუმენტაციის 1.4 პუნქტით განსაზღვრული ვადების შესაბამისად.

1.7.1.12 სათადარიგო ნაწილებსა და გაწეულ მომსახურებაზე საგარანტიო პირობები ვრცელდება ყოველგვარი დამატებითი პირობის გარეშე.

1.7.1.13 პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში ატვირთოს ინფორმაცია მომსახურების გაწევის საგარანტიო ვადებთან დაკავშირებით (დააზუსტოს საგარანტიო პერიოდის ხანგრძლივობები).

2.3.1.1 პრეტენდენტის სერვის-ცენტრ(ებ)ს უნდა გააჩნდეს PIAGGIO-ს მარკის MP3 500 SPORT ADVANCE მოდელის ტრიციკლების შეკეთება/ტექნიკური მომსახურებისათვის საჭირო სპეციალური სადიაგნოსტიკო მოწყობილობები და სერვისისთვის საჭირო სპეციალური იარაღები.

2.3.1.2 პრეტენდენტს ხელშეკრულების გაფორმებიდან არაუმეტეს 10 (ათი) სამუშაო დღის ვადაში უნდა გააჩნდეს სერვისისათვის საჭირო სასაწყობო მარაგი, რომელშიც უნდა შედიოდეს სავალი ნაწილის სწრაფცვეთადი დეტალები, კერძოდ - სამუხრუჭე ხუნდები, სამუხრუჭე დისკები, ზეთი, ზეთის და ჰაერის ფილტრები.

2.3.1.3 სერვის-ცენტრ(ებ)ში დაცული უნდა იყოს ჰიგიენური და სახანძრო უსაფრთხოების ნორმები მოქმედი კანონმდებლობის შესაბამისად.

2.3.1.4 პრეტენდენტმა სახელმწიფო შესყიდვების ერთიან ელექტრონულ სისტემაში წერილობით უნდა წარმოადგინოს ინფორმაცია მატერიალურ-ტექნიკურ ბაზასთან დაკავშირებით, კერძოდ: PIAGGIO-ს მარკის MP3 500 SPORT ADVANCE მოდელის ტრიციკლების შეკეთება/ტექნიკური მომსახურებისათვის საჭირო სპეციალური სადიაგნოსტიკო მოწყობილობები და სერვისისთვის საჭირო სპეციალური იარაღები.

2.3.1.5 შემსყიდველი უფლებამოსილია ტენდერის მიმდინარეობის ეტაპზე შეამოწმოს პრეტენდენტის მატერიალურ-ტექნიკური ბაზა.

2.7.1.1. პრეტენდენტმა სატენდერო წინადადებასთან ერთად უნდა წარადგინოს PIAGGIO-ს მარკის MP3 500 SPORT ADVANCE მოდელის ტრიციკლების მწარმოებლის მიერ გაცემული ავტორიზაციის დოკუმენტი (წერილი ე.წ. “MAF“ - მწარმოებლის მხარდამჭერი წერილი), რომლითაც უნდა დასტურდებოდეს პრეტენდენტის მხარდაჭერა აღნიშნული ტრიციკლების შეკეთება/ტექნიკური მომსახურების განხორციელებისას.

2.9.1 შესყიდვა ხორციელდება პრეისკურანტის საფუძველზე. პრეტენდენტის მიერ მომსახურების პრეისკურანტი წარმოდგენილი უნდა იქნას დანართი N1-ის (ფასების ცხრილი - პრეისკურანტი) შესაბამისად.

2.9.2 პრეტენდენტის მიერ სისტემის მეშვეობით წარმოდგენილ პრეისკურანტში ერთეულის ღირებულებები არ უნდა აღემატებოდეს დანართ N1-ში (ფასების ცხრილი - პრეისკურანტი) შესაბამის პოზიციებზე მითითებული ერთეულის ზღვრულ ღირებულებებს. წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.

2.9.3 თუ პრეტენდენტის მიერ სისტემის მეშვეობით წარმოდგენილი პირველადი წინადადების ფასი, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტის ჩამონათვალის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

2.9.4 სატენდერო წინადადება, რომელშიც თითოეული პოზიციის ფასი გადააჭარბებს შემსყიდველის მიერ განფასების ცხრილში დაფიქსირებულ პოზიციების სავარაუდო ფასს, არ ჩაითვლება მისაღებად. ვაჭრობის შედეგად დაფიქსირებული ფასის დაზუსტების შემთხვევაში, დაუშვებელია თავდაპირველ პრეისკურანტში დაფიქსირებული ფასების გაზრდა რომელიმე პოზიციაზე.

2.9.5 განფასების ცხრილში არ არსებული დეტალის ან/და მომსახურების არსებობის შემთხვევაში, დეტალის და მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში ტრიციკლის ნაწილის/მომსახურების არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონულ სისტემაში დაფიქსირებული პრეისკურანტის საბოლოო ჯამური ღირებულების 10%-ს.

2.9.6 პრეტენდენტის მიერ პრეისკურანტის ცხრილის რომელიმე პოზიციის შეუვსებლობის (ცარიელი უჯრა ან/და უჯრა დეფისით) შემთხვევაში, აღნიშნულ პოზიციაში მოცემული სათადარიგო ნაწილის/მომსახურების გაწევის საჭიროების დადგომისას მიმწოდებელი ვალდებულია მომსახურება განახორციელოს ანაზღაურების გარეშე.

2.9.7 პრეტენდენტის მიერ პრეისკურანტი ,,ფასების ცხრილი“ წარმოდგენილი უნდა იქნას Excel-ის ფორმატში.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორების საფუძველია მხარეების უფლებამოსილი პირების მიერ ფაქტობრივად მიწოდებულ შესყიდვის ობიექტზე გაფორმებული მიღება-ჩაბარების აქტ(ებ)ი.

7.2 2 შესყიდვის ობიექტის ღირებულების ანაზღაურება განხორციელდება, უნაღდო ანგარიშსწორებით, ეროვნულ ვალუტა - ლარში.

ანგარიშსწორება „შემსყიდველის” მიერ განხორციელდება „საქონლის” მიწოდების თაობაზე მხარეთა შორის შესაბამისი მიღება-ჩაბარების აქტ(ებ)ის გაფორმებიდან და „მიმწოდებლის“ მიერ საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის განმავლობაში.

საბა კახიანი, 598725007, skakhiani@moh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია ხელმოწერილი უნდა იყოს პრეტენდენტის შესაბამისად უფლებამოსილი პირის მიერ;

10.1.2.ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3. ალტერნატიული სატენდერო წინადადება არ განიხილება;

10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით;

10.1.5 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;