Ремонт и техническое обслуживание транспортных средств и оборудования и сопутствующие услуги (Грузия - Тендер #68249392)

სსიპ „საგანგებო სიტუაციების კოორდინაციისა და გადაუდებელი დახმარების ცენტრის“ სახელზე რიცხული ავტოსატრანსპორტო საშუალებებისთვის ნაწილებისა და მასთან დაკავშირებული მომსახურების შესყიდვა.

1.2.1 შესყიდვის ობიექტია შემსყიდველის სახელზე არსებული დანართ N1-ში მოცემული სხვადასხვა ტიპის ავტოსატრანსპორტო საშუალებების შეკეთება/ტექნიკური მომსახურება, ამავე დანართის შიტებში არსებული პრეისკურანტების შესაბამისად (ავტოსატრანსპორტო საშუალებების სრული სია იხ. 1.2 პუნქტში ატვირთულ ფაილში ,,არსებული ავტოსატრანსპორტო საშუალებების სია".

1.2.2 ავტოსატრანსპორტო საშუალებების ტექნიკური მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალებების დათვალიერების აქტის შედგენის შემდეგ. ავტოსატრანსპორტო საშუალებების ტექნიკური მომსახურეობის შესყიდვისას გასაწევი მომსახურების დეტალური აღწერა უნდა იყოს მოცემული შემსყიდველისა და მიმწოდებლის მიერ შედგენილი დათვალიერების აქტში, აგრეთვე მომსახურების დაწყებისა და დასრულების სავალდებულო ან სასურველი ვადები.

1.2.3 მიმწოდებელი ვალდებულია დაუყოვნებლივ ჩაატაროს ავტომობილების დათვალიერება და წარუდგინოს შემსყიდველს დეფექტური აქტი ხელმოსაწერად, რომელშიც აღნიშნული იქნება გასაწევი მომსახურების ან/და ასეთი მომსახურებისათვის სათადარიგო ნაწილების/საცხებ-საპოხი მასალის დეტალური აღწერა; ჩაუტაროს რეგულარული და სრული შემოწმება, რაც საშუალებას მოგვცემს უმაღლეს დონეზე შენარჩუნდეს მისი უსაფრთხოება და გამართულობა. „მიმწოდებელი“ პასუხისმგებელია დაყენებული/შეცვლილი დეტალის, მასალის, მომსახურების ხარისხზე. აგრეთვე, ავტოსატრანსპორტო საშუალებების მომსახურების გაწევისას უსასყიდლოდ დაწვრილებით შეამოწმოს, მისი დეტალებისა და აღჭურვილობის გამართულობა.

1.2.4 მიმწოდებელი ვალდებულია მომსახურება განახორციელოს მოთხოვნისთანავე, რიგგარეშე, ოპერატიულად და შეუფერხებლად.

1.2.5 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი სახსრებით.

1.2.6 იმ შემთხვევაში თუ, რომელიმე სერვის-ცენტრში „მიმწოდებელი“ვერ უზრუნველყოფს ავტოსატრანსპორტო საშუალებების შეკეთებას და ავტოსატრანსპორტო საშუალება საჭიროებს სხვა სერვის-ცენტრში გადაყვანას, „მიმწოდებელი“ ვალდებულია სერვის-ცენტრებს შორის ავტოსატრანსპორტო საშუალების გადაადგილება უზრუნველყოს საკუთარი ხარჯებით არაუგვიანეს მეორე დღისა.

1.2.7 „მიმწოდებელი“ იღებს ვალდებულებას უზრუნველყოს ევაკუატორის მომსახურებით, შეტყობინების საფუძველზე საქართველოს მასშტაბით 24 (ოცდაოთხი) საათის განმავლობაში, ყოველდღიურ რეჟიმში.

1.2.8 „მიმწოდებელი“ ვალდებულია, უზრუნველყოს მისი სერვის-ჯგუფის, შეტყობინებაში მითითებულ ადგილას, გამოცხადება, შეტყობინების მიღებიდან არაუგვიანეს მეორე დღისა.

1.2.9 მიმწოდებელი ვალდებულია საანგარიშო თვის დასრულებიდან არაუმეტეს 10 (ათი) კალენდარული დღის ვადაში შემსყიდველს წარუდგინოს არანაკლებ ერთი თვის განმავლობაში გაწეული მომსახურების შესახებ შესაბამისი შესრულების დამადასტურებელი დოკუმენტაცია, ხოლო აღნიშნული დოკუმენტაციის დადასტურებიდან შემსყიდველთან 3 (სამი) სამუშაო დღის ვადაში გააფორმოს თვის განმავლობაში გაწეული მომსახურების შესაბამისი მიღება-ჩაბარების აქტი.

1.2.10 მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) სამუშაო დღის ვადაში, მოთხოვნის შემთხვევაში, წარუდგინოს შემსყიდველს შეკვეთის დამადასტურებელი დოკუმენტი, სადაც მითითებული იქნება შეკვეთილი ნაწილი, თარიღი და ჩამოსვლის დრო.

1.2.11 შემსყიდველი უფლებამოსილია მიმწოდებელს პერიოდულად (თვის განმავლობაში რამოდენიმეჯერ) მოსთხოვოს საანგარიშო თვის განმავლობაში მომსახურების გაწევის დამადასტურებელი დოკუმენტაცია, ხოლო მიმწოდებელი ვალდებულია შემსყიდველს წარუდგინოს აღნიშნული დოკუმენტაცია, მოთხოვნის შესაბამისად.

1.4.1 მომსახურების მიწოდება უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით, შემსყიდველის მოთხოვნისთანავე.

1.4.2 მომსახურების მოწოდებისას ვადა თითოეულ შემთხვევაში არ უნდა აღემატებოდეს:

1.4.2.1 სავალი ნაწილებისათვის არაუმეტეს 3 (სამი) სამუშაო დღეს.

1.4.2.2 ელექტროობისათვის არაუმეტეს 3 (სამი) სამუშაო დღეს.

1.4.2.3 ხანგრძლივი მომსახურების (ძრავის, სიჩქარეთა კოლოფის, ხიდი) გაწევის დრო არაუმეტეს 25 (ოცდახუთი) კალენდარულ დღეს.

1.4.2.4 სამღებრო/სათუნუქე სამუშაოებისათვის არაუმეტეს 15 (თხუთმეტი) კალენდარულ დღეს.

1.4.2.5 დეფიციტური სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა არაუმეტეს 30 კალენდარულ დღეს;

1.4.2.6 სხვა მომსახურება, რომელიც არ არის გათვალისწინებული ზემოთ მოცემულ პუნქტებში არაუმეტეს 10 კალენდარულ დღეს.

1.5.1 შესყიდვის ობიექტის მიწოდების ადგილად განისაზღვრება მიმწოდებლის სერვის-ცენტრები.

1.5.2 პრეტენდენტს მომსახურების მოწოდება უნდა შეეძლოს ქ. თბილისის არანაკლებ 1 (ერთი) სერვის-ცენტრში, ქუთაისის არანაკლებ 1 (ერთი) სერვის-ცენტრში.

1.5.3 მიმწოდებელმა სერვისცენტრებში უნდა უზრუნველყოს ერთდროულად ტექ-მომსახურების გაწევა შემდეგი რაოდენობის ავტომანქანებისთვის: ქ.თბილისში - არანაკლებ 6 ავტომანქანა; რეგიონში (ადგილმდებარეობის მიხედვით მითითებულ თითოეულ მისამართზე) არანაკლებ 3 ავტომანქანა.

1.5.4 პრეტენდენტის სერვის-ცენტრების თაობაზე პრეტენდენტმა უნდა წარმოადგინოს დეტალური ინფორმაცია (სერვის-ცენტრების რაოდენობისა და ზუსტი მისამართის მითითებით). ასევე პრეტენდენტმა უნდა წარმოადგინოს შესაბამისი დოკუმენტაცია (დასაშვებია საკუთრების/მფლობელობის დოკუმენტი ან/და იჯარის/ქირავნობის ხელშეკრულება ან/და ამონაწერი რეესტრიდან) რითიც მოხდება იდენტიფიცირება რომ პრეტედენტი ფლობს/სარგებლობს მითთებული ფართით.

1.5.5 მითითებულ ლოკაციებზე სარგებლობაში ან მმართველობაში სერვის-ცენტრების არარსებობის შემთხვევაში, დასაშვებია ქვეკონტრაქტორ(ებ)ის სერვის-ცენტრ(ებ)ის არსებობა, აღნიშნულის დასადასტურებლად პრეტენდენტმა უნდა წარმოადგინოს ქვეკონტრაქტორის მიერ ფართის საკუთრების/სარგებლობის დოკუმენტი (მაგ. ამონაწერი საჯარო რეესტრიდან) ან იჯარის/ქირავნობის ხელშეკრულება და სხვა, რომელიც მოქმედი უნდა იყოს არანაკლებ 2025 წლის 31 დეკემბრისა. პრეტენდენტმა, არებობის შემთხვევაში ასევე, უნდა წარმოადგინოს ქვეკონტრაქტორთან გაფორმებული ხელშეკრულება, რომელიც ასევე მოქმედი უნდა იყოს არანაკლებ 2025 წლის 31 დეკემბრისა. როგორც პრეტენდენტის შემთხვევაში, ქვეკონტრაქტორ(ებ)ის სერვის ცენტრებსაც უნდა გააჩნდეს კონკრეტული ქვეკონტრაქტორის მაიდენტიფიცირებელი ნიშანი/წარწერა.

1.7.1.1 მიმწოდებელი იძლევა გარანტიას, რომ განხორციელებული მომსახურება და შეცვლილი სათადარიგო ნაწილები იქნება ხარისხიანი და შეესაბამება დადგენილ მოთხოვნებს.
1.7.1.2 გარანტია მიმწოდებლის მიერ გაწეულ მომსახურებაზე ან/და მომსახურების გაწევის დროს გამოყენებულ სათადარიგო ნაწილებზე ვრცელდება შესაბამისი მიღება-ჩაბარების აქტის გაფორმებიდან არანაკლებ 6 (ექვსი) თვის განმავლობაში (გარდა სწრაფცვეთადი ნაწილებისა).
1.7.1.3 შეძენილ (ახალი) ან შეკეთებულ ძირითად აგრეგატებზე გარანტია განისაზღვრება არანაკლებ 1 წელით.
1.7.1.4 შეძენილ (მეორად) ძირითად აგრეგატებზე, გარანტია განისაზღვრება არანაკლებ 6 (ექვსი) თვე, ხოლო სხვა ყველა მეორად დეტალზე არანაკლებ 6 (ექვსი) თვე.
1.7.1.5 სამუხრუჭე ხუნდებზე გარანტია განისაზღვრება არანაკლებ 7,000 კმ.
1.7.1.6 სამუხრუჭე დისკებზე გარანტია განისაზღვრება არანაკლებ 6 თვე.
1.7.1.7 ჰაერის ფილტრზე 10,000 კმ.
1.7.1.8 საწვავის ფილტრზე 10,000 კმ.
1.7.1.9 კონდენციონერის ფილტრზე 10,000 კმ.
1.7.1.10 მინის მწმენდებზე, ნათურებზე და მტვერდამცავებზე 30 დღე.
1.7.1.11 გადაბმულობის კომპლექტზე 10000 კმ.
1.7.1.12 კონდენციონერის კომპრესორზე გარანტია განისაზღვროს არანაკლებ 1 წელი.
1.7.1.13 დინამოს, კონდენციონერის და საჭის ჰიდროგამაძლიერებლის ღვედზე არანაკლებ 3 თვე.
1.7.1.14 გადაცემათა კოლოფის, გამაძლიერებელი კოლოფის, წამყვანი ხიდების ზეთზე გარანტია განისაზღვრება არანაკლებ 30,000 კმ.
1.7.1.15 ძრავის ღვედზე გარანტია განისაზღვრება არანაკლებ 50,000 კმ.
1.7.1.16 საგარანტიო პერიოდში მიმწოდებელი ვალდებულია დაუყოვნებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.
1.7.1.17 სამუხრუჭე ხუნდები არ უნდა აფუჭებდეს საყრდენ დისკოს, არ უნდა ჰქონდეს ეგრეთ წოდებული წრიპინის და ხრიალის ხმა, წინააღმდეგ შემთხვევაში, მიმწოდებელი საკუთარი ხარჯებით უზრუნველყოფს აღნიშნული წუნის/ნაკლის აღმოფხვრას, შემსყიდველის მხრიდან დამატებითი დანახარჯების გაწევის გარეშე.
1.7.1.18 თუ გაწეული მომსახურების და სათადარიგო ნაწილის საგარანტიო ვადის ამოწურვამდე აღმოჩნდება ან გამოვლინდება ნაკლი ან/და დეფექტი (გარდა გარეგანი ფიზიკური დაზიანებისა), მიმწოდებელი ვალდებულია შემსყიდველის შეტყობინებიდან 2 (ორი) კალენდარულ დღეში (განსაკუთრებულ შემთხვევაში გონივრულ ვადაში) უზრუნველყოს ნაკლის ან/და დეფექტის აღმოფხვრა. იმ შემთხვევაში, თუ ნაკლის ან/და დეფექტის აღმოფხვრა არ ხერხდება, მიმწოდებელმა ნაკლიანი სათადარიგო ნაწილი უნდა შეცვალოს უნაკლო ან/და ახალი ნაწილით.
1.7.1.19 მიმწოდებლის მიზეზით ან დაუდევრობით შემსყიდველის ავტოსატრანსპორტო საშუალებისთვის მიყენებული ზიანის სრული ანაზღაურება ეკისრება მიმწოდებელს, რომლის დროსაც მიმწოდებელი ვალდებულია შემსყიდველის შეტყობინებიდან 2 (ორი) კალენდარულ დღეში (განსაკუთრებულ შემთხვევაში გონივრულ ვადაში) უზრუნველყოს ნაკლის ან/და დეფექტის აღმოფხვრა. იმ შემთხვევაში, თუ ნაკლის ან/და დეფექტის აღმოფხვრა არ ხერხდება, მიმწოდებელმა ნაკლიანი სათადარიგო ნაწილი უნდა შეცვალოს უნაკლო ან/და ახალი ნაწილით.
1.7.1.20 ავტოსატრანსპორტო საშუალების ევკუატორით ტრანსპორტირების შემთხვევაში, თუ დადგინდება რომ ავტომობილის გადაადგილება შეუძლებელი გახდა საგარანტიო დეტალის დაზიანების გამო, ევაკუატორის ხარჯი ეკისრება მიმწოდებელს.
1.7.1.21 შესყიდვის ობიექტის მიწოდების შემდეგ, ხარვეზის ან/და გაუმართავობის აღმოჩენის შემთხვევაში, თუ იგი იქნება გამოწვეული „მიმწოდებლის“ ბრალეულობით, მიმწოდებელი ვალდებულია აღმოფხვრას გაუმართაობა, შეაკეთოს ან/და გამოცვალოს დაზიანებული ნაწილი ახლით.
1.7.1.22 სათადარიგო ნაწილებსა და გაწეულ მომსახურებაზე საგარანტიო პირობები ვრცელდება ყოველგვარი დამატებითი პირობის გარეშე.
1.7.1.23 საგარანტიო პერიოდში მიმწოდებლის მხრიდან გარანტიით შეცვლაზე უარის თქმის შემთხვევაში შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა, ხარისხის/ვარგისიანობის/დაზიანების გამომწვევი მიზეზის დადგენისათვის შემსყიდველის მხრიდან დამატებითი დანახარჯების გარეშე. მიმწოდებლის მხრიდან აღნიშნულ ავტოსათადარიგო ნაწილზე/გაწეულ მომსახურებაზე ექსპერტიზის ჩატარების შემთხვევაში ექსპერტიზის ჩატარების ვადად განისაზღვროს დეფექტური აქტის შედგენის თარიღიდან არაუმეტეს 15 კალენდარული დღე.
1.7.1.24 პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში ატვირთოს ინფორმაცია მომსახურების გაწევის საგარანტიო ვადებთან დაკავშირებით (დააზუსტოს საგარანტიო პერიოდის ხანგრძლივობები).

2.2.1.1 პრეტენდენტს 2022 წლიდან, მიმდინარე ტენდერის გამოცხადებამდე, შესრულებული უნდა ჰქონდეს ანალოგიური ტიპის (მიკროავტობუსი) ავტოსატრანსპორტო საშუალებების ნაწილებისა და მასთან დაკავშირებული მომსახურებების, ჯამურად არანაკლებ 1400000.00 (ერთი მილიონ ოთხასი ათასი ლარი და 00 თეთრი) ლარის ღირებულების ხელშეკრულებები.

2.2.1.2 2.2.1.1 პუნქტით მოთხოვნილი გამოცდილების ფარგლებში მინიმუმ ერთი მაინც უნდა იყოს სპეციალური დანიშნულების ანალოგიური ტიპის (მიკროავტობუსი) ავტოსატრანსპორტო საშუალებების ნაწილებისა და მასთან დაკავშირებული მომსახურებების მიწოდების შესრულებული ხელშეკრულება, რომლის ღირებულება უნდა შეადგენდეს არანაკლებ 350000.00 (სამას ორმოცდაათი ათასი ლარი და 00 თეთრი) ლარს.

2.2.1.3. პრეტენდენტმა გამოცდილების დადასტურების მიზნით უნდა წარმოადგინოს გაფორმებული ხელშეკრულებ(ები)ა და ამ ხელშეკრულების შესაბამისი მიღება-ჩაბარების აქტ(ებ)ი ან/და ანგარიშ-ფაქტურ(ები)ა ან/და ზედნადებ(ებ)ი.


2.2.1.4 იმ შემთხვევაში, თუ გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართ N2-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.2.1.5 იმ შემთხვევაში თუ 2.2.1.2 პუნქტის შესაბამისად წარმოდგენილი დოკუმენტაციით ან/და ინფორმაციით ვერ დასტურდება ,,სპეციალური დანიშნულების ავტოსატრანსპორტო საშუალებების" შეკეთების მომსახურება, მიმწოდებელმა უნდა წარმოადგინოს შემსყიდველი ორგანიზაციის წერილობითი დასტური, სადაც მითითითებული უნდა იყოს, რომ პრეტენდენტის მიერ წარმოდგენილი ხელშეკრულებ(ებ)ის და ამ ხელშეკრულების შესაბამისი მიღება-ჩაბარების აქტ(ებ)ის ან/და ანგარიშ-ფაქტურ(ები)ის ან/და ზედნადებ(ებ)ის ან წარმოდეგენილი CMR ან/და SPA ან/და NAT ან/და სხვა შესყიდვის საშუალების ფარგლებში ავტოსატრანსპორტო საშუალებების შეკეთების მომსახურება გაწეული იქნა ,,სპეციალური დანიშნულების ავტოსატრანსპორტო საშუალებებზე“, მათზე გაწეული მომსახურების ჯამური ღირებულების მითითებით.

2.3.1.1 პრეტენდენტს უნდა გააჩნდეს ქ. თბილისში არსებულ სერვისცენტრ(ებ)ში შესაბამისი ავტოსატრანსპორტო საშუალების არანაკლებ 6 (ექვსი) ამწე მექანიზმი ერთ კონკრეტულ მისამართზე, რომელიც მუდმუვად თავისუფალი უნდა იყოს ცენტრის ავტოსატრანსპორტო საშუალებისათვის. რეგიონში არსებულ სერვის ცენტრ(ებ)ში შესაბამისი ავტოსატრანსპორტო საშუალების არანაკლებ 3 (სამი) ამწე მექანიზმი ერთ კონკრეტულ მისამართზე.

2.3.1.2 პრეტენდენტს თითოეულ სერვის-ცენტრში, ასევე მის ქვეკონტრაქტორებს (არსებობის შემთხვევაში) უნდა გააჩნდეს შემდეგი მანქანა-დანადგარები და აღჭურვილობა:

2.3.1.2.1 შესაბამისი ავტოსატრანსპორტო საშუალების კომპიუტერული დიაგნოსტიკისთვის საჭირო მოწყობილობა.
2.3.1.2.2 თვლების შეყრის კომპიუტერული დანადგარი (რაზვალი).
2.3.1.2.3 საბურავის დაშლა აწყობისა და ბალანსირების დანადგარი.
2.3.1.2.4 კონდიციონერის სისტემაში ფრეონის ჩასატუმბი აპარატი.
2.3.1.2.5 ძრავის ამოსაღები ამწეები.
2.3.1.2.6 ზეთის გამოსაცვლელი ვაკუუმური ბალონი.
2.3.1.2.7 ავტო ამწეებით და მომსახურების გაწევისათვის საჭირო სხვა თანამედროვე აპარატურა და დანადგარები.

2.3.1.3 ხელშეკრულების გაფორმებიდან 3 კალენდარული დღის ვადაში მიმწოდებელმა უნდა უზრუნველყოს ქ. თბილისში და რეგიონებში შემოთავაზებული სერვისცენტრის სამუშაო სივრცის და ავტოსადგომის ვიდეო კამერებით აღჭურვა. ამასთან, არანაკლებ 30 დღიანი ჩანაწერის უზრუნველყოფა, რომლის მიწოდება შემსყიდველის მოთხოვნის შემთხვევაში უნდა განხორციელდეს არაუგვიანეს 2 სამუშაო დღის ვადაში.

2.3.1.4 პრეტენდენტმა ხელშეკრულების გაფორმების მომენტიდან დაუყოვნებლივ უნდა უზრუნველყოს ტენდერით გათვალისწინებული ავტოსატრანსპორტო საშუალებები შეკეთება, ტექნიკური მომსახურების მიწოდება.

2.3.1.5 პრეტენდენტს ხელშეკრულების გაფორმების მომენტში უნდა გააჩნდეს ანალოგიური სატრანსპორტო საშუალებების (Fiat ducato) სასაწყობო მარაგი, რომელშიც უნდა შედიოდეს როგორც სავალი ნაწილის სწრაფცვეთადი, ასევე ძირითადი დეტალები, როგორიცაა - სამუხრუჭე ხუნდები, სამუხრუჭე დისკები, გადაბმულობის კომპლექტი, მტვერდამცავები, ჰაერისა და კონდენციონერის ფილტრები, საქარე მინის მწმენდები და წყლის რადიატორი, კონდიციონერის რადიატორი, ინტერქულერის რადიატორი, კონდეციონერის კომპრესორი, გაგრილების ვენტილატორი, ფეჩის რადიატორი წინა სალონის და უკანა სალონის, ტურბინა, ნათურები, სტარტერი, ფრქვევანა (კომპლექტში), წყლის ტუმბო, სუპორტი (წინა და უკანა), EGR, ტურბინის ჰაერის მილი, გადაცემათა კოლოფის ბალიში, საწვავის გამანაწილებელი მილის მაგისტრალი (მეტალის), ღვედის დამჭიმი როლიკი (კომპლეტში), წყლის გამაფართოებელი ავზი, წყლის რადიატოერის მილი ზედა სდა ქვედა, ძრავის ბალიში, ელ. გენერატორი(დინამო),სალონის გამათბობელი ფეჩი (წინა და უკანა), ფეჩის რადიატორი სალონის, მაღალი წნევის მქაჩი, საწვავის ავზის მილი( მაღალი წნევის), ძრავის ზეთის ვანა, წყლის გამაფართოებელი ავზი,მორგვის საკისარი (წინა და უკანა), სიჩქარის გადამრთველი რიჩაგი (ტროსებით), კარის სახელური (წინა და უკანა),კარის საკეტები(წინა და უკანა), შუშის ამწევი მექანიზმი წინა, გამათბობლის რეოსტატი, ძრავი (ახალი ან/და მეორადი), გადაცემათა კოლოფი (ახალი ან/და მეორადი) და ა.შ.

2.3.1.6 სამუშაო ფართობი დაფარული უნდა იყოს ბეტონით ან მსგავსი ტიპის ზედაპირით.

2.3.1.7 სერვისცენტრებს უნდა გააჩნდეს საჭირო ფართი იმისათვის, რომ უზრუნველყოს ერთდროულად მისაღები შემსყიდველის ავტომობილების განთავსება ბოქსებში ან/და შესაბამის სადგომზე (დაცულ ტერიტორიაზე).

2.3.1.8 სერვისცენტრებს უნდა გააჩნდეს ასევე, სარეზერვო ავტომობილების დაცული ავტოსადგომი თბილისში 15 ერთეული ავტომობილის გაჩერების შესაძლებლობით და ქუთაისში 5 ერთეული ავტომობილის გაჩერების შესაძლებლობით.

2.3.1.9 ცენტრის წარმომადგენლისთვის უნდა გამოყოს სამუშაო კუთხე, რომელიც აღჭურვილი უნდა იყოს სამუშაო პროცესის წარმართვისთვის საჭირო ინვენტარით, მათ შორის კომპიუტერით, პრინტერით და ა.შ.

2.3.1.10 სერვის-ცენტრ(ებ)ში დაცული უნდა იყოს ჰიგიენური და სახანძრო უსაფრთხოების ნორმები მოქმედი კანონმდებლობის შესაბამისად.

2.3.1.11 შემსყიდველი უფლებამოსილია ტენდერის მიმდინარეობის ეტაპზე შეამოწმოს პრეტენდენტის მატერიალურ-ტექნიკური ბაზა (მათ შორის მოთხოვნილი სასაწყობე მარაგი) და შესადგინოს შესაბამისი მოკვლევის ოქმი.

2.8.1.1 პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია.
2.8.1.2 ქვეკონტრაქტორის არსებობის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
2.8.1.3 ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
2.8.1.4 იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.
2.8.1.5 სატენდერო დოკუმენტაციის 2.3.1 პუნქტში მითითებული მოთხოვნა მატერიალურ-ტექნიკური ბაზის შესახებ, ვრცელდება თითოეულ ქვეკონტრაქტორზე.

2.9.1 შესყიდვა ხორციელდება პრეისკურანტის საფუძველზე. პრეტენდენტის მიერ მომსახურების პრეისკურანტი წარმოდგენილი უნდა იქნას დანართი N1-ის (პრეისკურანტი) შესაბამისად. კვანძები და დეტალები, რომელიც კონკრეტული ტიპის ავტომობილს არ გააჩნია პრეისკურანტში არ უნდა იყოს განფასებული.
2.9.2 პრეტენდენტის მიერ სისტემის მეშვეობით წარმოდგენილ პრეისკურანტში ერთეულის ღირებულებები არ უნდა აღემატებოდეს დანართ N1-ში (პრეისკურანტი) შესაბამის პოზიციებზე მითითებული ერთეულის ზღვრულ ღირებულებებს. წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2.9.3 თუ პრეტენდენტის მიერ სისტემის მეშვეობით წარმოდგენილი პირველადი წინადადების ფასი, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტის ჩამონათვალის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
2.9.4 სატენდერო წინადადება, რომელშიც თითოეული პოზიციის ფასი გადააჭარბებს შემსყიდველის მიერ განფასების ცხრილში დაფიქსირებულ პოზიციების სავარაუდო ფასს, არ ჩაითვლება მისაღებად. ვაჭრობის შედეგად დაფიქსირებული ფასის დაზუსტების შემთხვევაში, დაუშვებელია თავდაპირველ პრეისკურანტში დაფიქსირებული ფასების გაზრდა რომელიმე პოზიციაზე.
2.9.5 განფასების ცხრილში არ არსებული დეტალის ან/და მომსახურების არსებობის შემთხვევაში, დეტალის და მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში ავტოსატრანსპორტო საშუალების ნაწილის/მომსახურების არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონულ სისტემაში დაფიქსირებული პრეისკურანტის საბოლოო ჯამური ღირებულების 10%-ს.
2.9.6 პრეტენდენტის მიერ პრეისკურანტის ცხრილის რომელიმე პოზიციის შეუვსებლობის (ცარიელი უჯრა ან/და უჯრა დეფისით) შემთხვევაში, აღნიშნულ პოზიციაში მოცემული სათადარიგო ნაწილის/მომსახურების გაწევის საჭიროების დადგომისას მიმწოდებელი ვალდებულია მომსახურება განახორციელოს ანაზღაურების გარეშე.
2.9.7 პრეტენდენტის მიერ პრეისკურანტი ,,ფასების ცხრილი“ წარმოდგენილი უნდა იქნას Excel-ის ფორმატში.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

2 Процентов