Ремонт и техническое обслуживание транспортных средств и оборудования и сопутствующие услуги (Грузия - Тендер #67997190)

სსიპ შემოსავლების სამსახურის ბალანსზე რიცხული ტვირთამწეების შეკეთების და ტექნიკური მომსახურების სახელმწიფო შესყიდვა.

1. მომსახურების გაწევა უნდა განხორციელდეს ტექნიკური პერსონალის მიერ, რომლებიც აღჭურვილი უნდა იყვნენ ყველა საჭირო ხელსაწყოთი;

2. მიმწოდებელი ვალდებულია მომსახურება გაწეული იქნას დაუყოვნებლივ, რიგგარეშედ, ამასთან მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 2 (ორი)კალენდარული დღე; ელექტროობისათვის - 2 (ორი) კალენდარული დღე; აგრეგატებისათვის - 3 (სამი) კალენდარული დღე. იმ შემთხვევაში თუ საჭირო იქნება კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით მაგრამ არაუმეტეს 30 კალენდარული დღისა;

3. შემსყიდველისგან ტექნიკური დავალების მიღების და გამოძახების თარიღად ითვლება შემოსავლების სამსახურის უფლებამოსილი პირ(ებ)ის მიერ სატელეფონო შეტყობინების ან ელ. ფოსტაზე ტექსტური შეტყობინების გაგზავნის თარიღი;

4. იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად გაწეული მომსახურება ან/და შეცვლილი სათადარიგო ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, არაუგვიანეს 3 (სამი) სამუშაო დღეში;

5. ხელშეკრულების მოქმედების პერიოდში, პრეისკურანტში რომელიმე სახის ტექნიკური მომსახურების ან/და სათადარიგო ნაწილის არ არსებობისას, აღნიშნული ტექნიკური მომსახურების ან/და სათადარიგო ნაწილის ერთეულის ფასი მისი შესყიდვის აუცლებლობიდან გამომდინარე დადგინდება, შემსყიდველ ორგანიზაციისა და მიმწოდებლის შეთანხმებით საბაზრო ფასის გათვალისწინებით. (ასეთ შემთხვევაში პრეისკურანტში ერთეულის ღირებულების არარსებობით გამოწვეული შემსყიდველის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);

6. პრეისკურანტის სავარაუდო ჯამური ღირებულება შეადგენს 57 190.00 (ორმოცდაჩვიდმეტი ათას ას ოთხმოცდაათი ლარი და 00 თეთრი) ლარს;

7. ტენდერში გამარჯვებულ პრეტენდენტთან ხელშეკრულება გაფორმდება 140 000.00 (ას ორმოცი ათასი ლარი და 00 თეთრი) ლარი.


სატენდერო წინადადების ფასი:

ა) ელექტრონული ვაჭრობა გაიმართება სატენდერო დოკუმენტაციის 1.3 პუნქტში ატვირთულ ცხრილში (დანართი №1 პრეისკურანტი) მოცემული სათადარიგო ნაწილებისა და ტექნიკური მომსახურების ერთეულის ფასების ჯამურ ღირებულებაზე.
ბ) თუ პრეტენდენტის მიერ სისტემის მეშვეობით წარმოდგენილი პირველადი წინადადების ფასი, ნაკლები იქნება პრეისკურანტის სავარაუდო ღირებულებაზე, მაშინ პრეტენდენტმა ფასების კლება პროცენტულად და პროპორციულად უნდა ასახოს პრეისკურანტით ჩამონათვლის თითოეული პოზიციის ერთეულის ფასებზე. თუ ერთეულის ფასები გამოვიდა მრავალნიშნა ათწილადის სახით, პრეტენდენტი ვალდებულია აღნიშნული ფასები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
გ) სატენდერო წინადადების ფასი წარმოდგენილი უნდა იყოს პრეისკურანტში მოცემული საქონლისა და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული სავარაუდო ღირებულებისა.

შენიშვნა: სატენდერო დოკუმენტაციის 1.2 პუნქტით განსაზღვული მოთხოვნები გათვალისწინებული იქნება ტენდერში გამარჯვებულ კომპანიასთან, სახელმწიფო შესყიდვის შესახებ გასაფორმებელ ხელშეკრულებაში.
პრეტენდენტის მიერ დანართი N1 - პრეისკურანტი წარმოდგენილი უნდა იყოს EXCEL-ის ფორმატში.

მიმწოდებელმა მომსახურების გაწევა უნდა განახორციელოს შემსყიდველის მოთხოვნის შესაბამისად ხელშეკრულების გაფორმებიდან, მაგრამ არაუადრეს 2026 წლის 01 იანვრიდან 2026 წლის 31 დეკემბრის ჩათვლით.

მომსახურება გაწეული იქნას დაუყოვნებლივ, რიგგარეშედ, ამასთან მომსახურების ვადა თითოეულ შემთხვევაზე არ უნდა აღემატებოდეს:
სავალი ნაწილებისათვის - 2 (ორი)კალენდარული დღე;
ელექტროობისათვის - 2 (ორი) კალენდარული დღე;
აგრეგატებისათვის - 3 (სამი) კალენდარული დღე.
იმ შემთხვევაში თუ საჭირო იქნება კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ არაუმეტეს 30 (ოცდაათი) კალენდარული დღისა;

მომსახურების გაწევის ადგილი, ქ. თბილისი და ქ.ბათუმი.
მომსახურების გაწევა უნდა განხორციელდეს მიმწოდებლის სარგებლობაში/საკუთრებაში არსებულ მომსახურების სერვის ცენტრ(ებ)ში; თუმცა რიგ შემთხვევებში შემსყიდველისგან დავალების მიღების და გამოძახებისას უნდა შეეძლოს შემსყიდველის ტერიტორიაზე არსებული ტვირთამწ(ებ)ის შეკეთება და ტექნიკური მომსახურება.

მიმწოდებლის მიერ შეცვლილ სათადარიგო ნაწილებზე და გაწეულ მომსახურებაზე საგარანტიო ვადა განისაზღვროს მიღება-ჩაბარების აქტის გაფორმებიდან არანაკლებ 6 თვე.

ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, საგარანტიო პერიოდში აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებისთანავე გონივრულ ვადებში, მაგრამ არაუგვიანეს ხელშეკრულებაში არსებული შესაბამისი მომსახურების ვადებისა გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვისცენტრების (ქ. თბილისი, ქ. ბათუმი) ადგილმდებარეობების შესახებ, შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

დამატებითი მოთხოვნები:
1. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები დაამრგვალოს მეასედებამდე.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8. პრეტენდენტის მიერ ერთიან ელექტრონულ სისტემაში ატვირთული დოკუმენტები "ელექტრონული დოკუმენტისა და ელექტრონული სანდო მომსახურების შესახებ" საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

9. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია, ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება ეტაპობრივად, ფაქტობრივად გაწეული მომსახურების მიხედვით, უნაღდო ანგარისწორებით ლარში.

ანგარიშსწორება მიმწოდებელთან განხორციელდება ფაქტიურად გაწეული მომსახურების შესაბამისად, ხელშეკრულების შესაბამისად გაფორმებული ინსპექტირების აქტის, მიღება-ჩაბარების აქტის და საგადასახადო ანგარიშ-ფაქტურის საფუძველზე, წარმოდგენიდან არაუგვიანეს 10 (ათი) სამუშაო დღის განმავლობაში.

სოფიო ბრეგვაძე, 599431000, s.bregvadze@rs.ge ნატო ასლანიშვილი, 599618811, nnataaslanishvili@gmail.com