Инженерные услуги (Грузия - Тендер #67831456)

ქ. თბილისში, გლდანის რაიონის ტერიტორიაზე 3 (სამი) ახალი სპორტული მოედნის მოწყობის სამუშაოებისთვის საჭირო საპროექტო დოკუმენტაციის შედგენის მომსახურების სახელმწიფო შესყიდვა.

1.2.1.1. სკვერების მოწყობის სამუშაოების საპროექტო ობიექტების მისამართი და საორიენტაციო ფართი:

- გლდანის 7 მ/რ, კორპ. N 24-ის მიმდ. (ს/კ 01.11.10.004.428) - საორიენტაციო ფართი 480 კვ/მ.
- გლდანის 4 მ/რ, კორპ N 110 ა-ს მიმდ. (ს/კ 01.11.12.002.144) - საორიენტაციო ფართი 591 კვ/მ.
- მუხიანის 4 ბ მ/რ, კორპ N 29-ის მიმდ. (ს/კ 01.11.13.010.053) - საორიენტაციო ფართი 400 კვ/მ.

1.2.1.2. ყოველი კონკრეტული ობიექტის საპროექტო მომსახურება შეასრულოს საქართველოში მოქმედი ტექნიკური რეგლამენტების, სტანდარტებისა და დეტალური ტექნიკური დავალებით გათვალისწინებული პირობების შესაბამისად;
1.2.1.3. საპროექტო სამუშაოების დროულად და ხარისხიანად შესრულებისათვის მოახდინოს საქართველოს კანონმდებლობით განსაზღვრულ სტრუქტურებთან და პირებთან პროექტისთვის საჭირო წინასწარი შეთანხმებები;
1.2.1.4. მიმწოდებელმა უნდა მოახდინოს პროექტის საავტორო ზედამხედველობა სამუშაოების პროცესში და საჭიროების შემთხვევაში მოახდინოს პროექტის კორექტირება დამკვეთთან შეთანხმებით.
1.2.1.5. სამშენებლო სამუშაოების განხორციელებისას, საპროექტო დოკუმენტაციაში გამოვლენილი უზუსტობების ან/და შეუსაბამობების შემთხვევაში მიმწოდებელი ვალდებულია, გამგეობის მიერ წერილობითი მიმართვის საფუძველზე, მოთხოვნიდან 5 სამუშაო დღის ვადაში საკუთარი ხარჯებით უზრუნველყოს საპროექტო სახარჯთაღრიცხვო დოკუმენტაციის კორექტირება და კორექტირებული დოკუმენტაციის გამგეობისთვის მიწოდება.
1.2.1.6. საპროექტო გადაწყვეტილებებმა უნდა უზრუნველყონ მოვლა-პატრონობის ხარჯების ოპტიმალურობა; გამოყენებული სამშენებლო მასალები და ტექნოლოგიები საშუალებას უნდა იძლეოდნენ მინიმუმამდე იქნას დაყვანილი მათი მიმდინარე და კაპიტალური შეკეთების ხარჯები.

1.2.2. გასაწევი მომსახურების ძირითადი პირობები:

1.2.2.1. საპროექტო სამუშაოები (ტექნიკური გადაწყვეტილებები და მშენებლობის ორგანიზაცია);
1.2.2.2. სახარჯთაღრიცხვო დოკუმენტაციის მომზადება და ობიექტის სავარაუდო ღირებულების დადგენა;
1.2.2.3. მუშა პროექტის შედგენა (გეგმები, პროფილები, ჭრილები, დეტალები, სპეციფიკაციები, უწყისები, განმარტებითი ბარათი);
1.2.2.4. სრული საპროექტო დოკუმენტაციის დაკომპლექტება და წარმოდგენა ნაბეჭდი (3 ეგზემპლ.) და ელექტრონული ვერსიის სახით, ფონტით - „sylfaen”, ხოლო ლათინური სიმბოლოები - „Calibri”- ით), (პროექტი- „PDF” და „DWG”, ხარჯთაღრიცხვა - „EXCEL” ფორმატში), კონსტრუქციული ნაწილის და საპროექტო სახარჯთაღრიცხვო დოკუმენტაციის (ხარჯთაღრიცხვის) ექსპერტიზის დასკვნასთან ერთად, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.

პროექტის შემადგენლობა:
1. განმარტებითი ბარათი დასკვნა-რეკომენდაციები (ობიექტის არსებული მდგომარეობის დეტალურ აღწერა, საპროექტო გადაწყვეტილებები, შესასრულებელ სამუშაოთა აღწერა და სხვა).
2. ტოპოგრაფია:
- ობიექტის 1:500 მასშტაბში ტოპოგადაღება ტაქეომეტრით გეგმურ/სიმაღლური წერტილების კოორდინატებზე დაყრდნობით;
- პროექტში ჩაიდოს დამაგრებული გეგმურ/სიმაღლური წერტილების (რეპერების) უწყისი ტექსტური და გრაფიკული ინფორმაციის აღწერით;
- პროექტში ჩაიდოს ტაქეომეტრით აგეგმილი ტოპოგადაღების ტექსტური ფაილი (IDX ფაილი)
3. ვერტიკალური გეგმარება;
4. არქიტექტურული პროექტი (ცალკე დეტალების გამოტანით), გეგმები, ჭრილები გაბარიტების მითითებით;
5. კონსტრუქციული პროექტი (ჩამაგრების პრინციპები);
6. არსებული კომუნიკაციებისა და ელექტრო გაყვანილობის სქემა (საჭიროების შემთხვევაში);
7. რენდერები (დღის და ღამის ხედებით) მინიმუმ 3-6 ხედი;
8. ელექტრო სამონტაჟო სამუშაოების პროექტი, მიმწოდებლის მიერ წინასწარ უნდა იქნას შეთანხმებული შ.პ.ს „თბილსერვის ჯგუფი"-სთან;
9. კონკრეტული მისამართების მიხედვით შესასრულებელი სამუშაოთა მოცულობათა უწყისი Excel-ის ფორმატში.
10. კონკრეტული მისამართების მშენებლობის სახარჯთაღრიცხვო დოკუმენტაციის შედგენა საბაზრო ფასებით და სამშენებლო რესურსების ფასთა კრებულის მიხედვით, ასევე გამარტივებული (გამსხვილებული) ვერსია (სატენდერო);
11. სახარჯთაღრიცხვო დოკუმენტაციაში გათვალისწინებული უნდა იქნას სამუშაოების/მომსახურების შესრულებისას წარმოქმნილი ნარჩენების (ინერტული) განთავსება ქ. თბილისის მუნიციპალიტეტის მიერ საამისოდ სპეციალურად გამოყოფილ ტერიტორიაზესამშენებლო ნარჩენების ნაგავსაყრელზე (ქალაქ თბილისში, გლდანის მუნიციპალიტეტი, თბილისის შემოვლითი გზის მე-15 კ.მ.-ის მიმდებარედ).
12. შესასრულებული სამუშაოების გეგმა-გრაფიკი კონკრეტული მისამართების მიხედვით.

წერილობითი დავალების შესაბამისად, არაუგვიანეს 2025 წლის 22 დეკემბრისა (ექსპერტიზის მომსახურების ვადის ჩათვლით).

ქ. თბილისი, დ. სარაჯიშვილის 1გ, გლდანის რაიონის გამგეობის ადმინისტრაციული შენობა.

2.2.1.1 პრეტენდენტს 2022 წლის 1 იანვრიდან უნდა გააჩნდეს არანაკლებ შესყიდვის ობექტის სავარაუდო ღირებულების 150%-ის ღირებულების ანალოგიური მომსახურების (სკვერების, პარკების, ბაღების, სათამაშო და სპორტული მოედნების მოწყობის ან/და რეაბილიტაციის ან/და შეკეთების სამუშაოების საპროექტო დოკუმენტაციის შედგენა) გამოცდილება. წარმოდგენილ იქნას დამადასტურებელი დოკუმენტაცია: ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი : 1. მიღება-ჩაბარების აქტ(ებ)ი, 2. დადასტურებული ანგარიშ-ფაქტურა ან/და გადახდის დამადასტურებელი დოკუმენტი.

2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ სამუშაო(ებ)ზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომერი. (დანართი#2).

შენიშვნა:
სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

2.7.1.1 მიმწოდებელმა თითოეულ მისამართზე განსახორციელებელი სამუშაოების საპროექტო- სახარჯთაღრიცხვო დოკუმენტაციასთან ერთად უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული ექსპერტიზის დასკვნა (კონსტრუქციული ნაწილის და ხარჯთაღრიცხვის ექსპერტიზა). აკრედიტებული პირის შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი.

2.7.1.2 მიღება-ჩაბარების აქტი გაფორმდება მხოლოდ სრული საპროექტო სახარჯთაღრიცხვო დოკუმენტაციის (ხარჯთაღრიცხვის) ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ. (ექსპერტიზის ხარჯებს ანაზღაურებს მიმწოდებელი).

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში. 2025 წლის ადგილობრივი ბიუჯეტის სახსრებით.

მიღება-ჩაბარების აქტის გაფორმებიდან 10 (ათი) სამუშაო დღის ვადაში.

სალომე კიკნაველიძე, 577361417, s.kiknavelidze@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები უნდა აკმაყოფილებდეს ელექტრონული დოკუმენტისა და ელექტრონული სანდო მომსახურების შესახებ საქართველოს კანონის. საჭიროების შემთხვევაში ატვირთულ უნდა იქნას მინდობილობა ან რწმუნებულება.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებელი ხარჯთაღრიცხვბის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. დოკუმენტაცია/ინფორმაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.