Мебель (Грузия - Тендер #67831448)

სხვადასხვა დასახელების ავეჯის შესყიდვა.

1.2.1. წინამდებარე ტენდერის სატენდერო დოკუმენტაციით განსაზღვრულ შესყიდვის ობიექტებს წარმოადგენს, დანართი N1-ით გათვალისწინებული სხვადასხვა სახის საოფისე ავეჯი.
1.2.2. შესყიდვის ობიექტების ტექნიკური აღწერილობა (ტექნიკური პარამეტრები/სპეციფიკაციები) შესაბამის ნახაზებთან (ესკიზებთან) ერთად მოცემულია თანდართულ ფაილში დანართი N2-ის შესაბამისად.
1.2.3. პრეტენდენტმა ფასების ცხრილი უნდა წარმოადგინოს დანართი N1-ის შესაბამისად.
1.2.4 მოწოდებული საქონელი უნდა იყოს ახალი, უნაკლო და სრულად უნდა პასუხობდეს ტექნიკური დავალებით გათვალისწინებულ მოთხოვნებს.
1.2.5მიმწოდებელი ვალდებულია უზრუნველყოს საქონლის ისეთი ტრანსპორტირება, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.2.6 მიმწოდებელი ვალდებულია უზრუნველყოს შემსყიდველისთვის მიყენებული ნებისმიერი სახის მატერიალური და არამატერიალური ზიანის ანაზღაურება.
1.2.7 შესყიდვის ობიექტი უნდა დამზადდეს ნახაზებისა (ესკიზები) და ტექნიკური დავალების შესაბამისად;
1.2.8 დანართი N1-ით განსაზღვრული თითოეული შესყიდვის ობიექტის სიგრძის, სიმაღლისა და სიგანის დასაშვები ცდომილება ტექნიკური დავალებით დადგენილ პარამეტრებთან მიმართებაში განისაზღვრება ±1 სმ-ით.
1.2.9 ავეჯის ფერის შეთანხმება უნდა მოხდეს შემსყიდველთან.

მიმწოდებელი ვალდებულია საქონლის მიწოდება უზრუნველყოს სახელმწიფო შესყიდვების შესახებ ხელშეკრულების გაფორმების მომენტიდან 40 კალენდარული დღის ვადაში.

1.5.1.მისაწოდებელი საქონელი უნდა აკმაყოფილებდეს სატენდერო დოკუმენტაციის 1.2 პუნქტით განსაზღვრულ ტექნიკურ პარამეტრებს;
1.5.2 საქონლის მიწოდება უნდა განხორციელდეს მიმწოდებლის ხარჯით შემსყიდველის შემდეგ მისამართებზე: ქალაქი თბილისი, შ.რუსთაველის გამზ. N19 ან/და ქ. თბილისი დ. აღმაშენებლის გამზ. N40.
1.5.3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
1.5.4. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.
1.5.5. მიმწოდებელმა საქონლის მიწოდებისას უნდა წარმოადგინოს სასაქონლო ზედნადები, რომელშიც საქონლის დასახელება უნდა ემთხვეოდეს ხელშეკრულებაში მითითებულ საქონლის დასახელებას.
1.5.6. მიმწოდებელი ვალდებულია, დანართი N1-ით განსაზღვრულ თითოეულ შესყიდვის ობიექტზე, საკუთარი ხარჯებით უზრუნველყოს საქონლის ტრანსპორტირება, ადგილზე მიწოდება და აწყობა.
1.5.7.მიმწოდებელი ვალდებულია 2 (ორი) სამუშაო დღით ადრე შეატყობინოს შემსყიდველ ორგანიზაციას საქონლის მიწოდების ზუსტი თარიღი და დრო.
1.5.8. მიმწოდებელი ვალდებულია შემსყიდველ ორგანიზაციას ჩააბაროს საქონელი აწყობილ მდგომარეობაში.

1.7.1.1. პრეტენდენტმა შემოთავაზებულ საქონელზე, სწორი ექსპლუატაციის პირობებში (გარდა გარეგანი ზემოქმედებით და მესამე პირის მხრიდან მიყენებული დაზიანებისა),მიღება-ჩაბარების აქტის გაფორმების დღიდან უნდა გაავრცელოს გარანტია არანაკლებ 1(ერთი) წლის ვადით.
1.7.1.2 საგარანტიო პერიოდში, მიმწოდებელი ვალდებულია საკუთარი ხარჯებით უზრუნველყოს წუნდებული/დაზიანებული საქონლის ან/და მისი ნაწილის შეკეთება, ხოლო შეკეთების შეუძლებლობის შემთხვევაში – მისი შეცვლა, შემსყიდველი ორგანიზაციის მხრიდან სათანადო შეტყობინების მიღების დღიდან არაუგვიანეს 10 (ათი) კალენდარული დღის განმავლობაში.
1.7.1.3. საგარანტიო ვადის მითითება უნდა მოხდეს ფასების ცხრილში (დანართი N1).

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს მის მიერ შემოთავაზებული შესყიდვის ობიექტის მწარმოებელი ქვეყანა, მწარმოებელი და მოდელი (მოდელის არარსებობის შემთხვევაში პრეტენდენტმა უნდა მიუთითოს ტექსტი: ,,მოდელი არ გააჩნია")).
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.
2.1.1.3 იმ შემთხვევაში თუ პრეტენდენტის მიერ შემოთავაზებულ შესყიდვის ობიექტებს არ გააჩნიათ მოდელი და პრეტენდენტი ფასების ცხრილში არ მიუთითებს ტექსტს ,,მოდელი არ გააჩნია", აღნიშნული დაზუსტებას არ დაექვემდებარება და გამოიწვევს მის დისკვალიფიკაციას.

2.9.1. პრეტენდენტმა უნდა წარმოადგინოს ფასების ცხრილი სატენდერო დოკუმენტაციის დანართი N1-ს შესაბამისად და სატენდერო დოკუმენტაციის 2.1.1.1. პუნქტით განსაზღვრული მოთხოვნების გათვალისწინებით (ფასების ცხრილის წარმოუდგენლობა ან ისეთი ფასების ცხრილის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, ასევე, სატენდერო დოკუმენტაციის 2.1.1.1 პუნქტით განსაზღვრული მოთხოვნების გაუთვალისწინებლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

2.9.2 პირგასამტეხლო: სახელმწიფო შესყიდვების შესახებ ხელშეკრულებით ნაკისრი ვალდებულების შეუსრულებლობის შემთხვევაში, მხარეს დაეკისრება პირგასამტეხლო ხელშეკრულების საერთო ღირებულების 10%-ის ოდენობით, ხოლო ვალდებულების ნაწილის შეუსრულებლობის შემთხვევაში - ვალდებულების შეუსრულებელი ნაწილის 5%-ის ოდენობით. ხელშეკრულებით ნაკისრი ვალდებულების შესრულების ვადის გადაცილების შემთხვევაში, მხარეს დაეკისრება პირგასამტეხლო ყოველ ვადაგადაცილებულ დღეზე შეუსრულებელი ნაწილის 0.02%-ის ოდენობით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.1.1.1 იმ შემთხვევაში თუ მიმწოდებელი 2025 წლის 15 დეკემბრამდე ვერ უზრუნველყოფს ხელშეკრულებით გათვალისწინებული საქონლის სრულად მიწოდებას, იგი ვალდებულია, არაუგვიანეს 2025 წლის 20 დეკემბრისა, შემსყიდველ ორგანიზაციაში წარმოადგინოს დარჩენილი მოსაწოდებელი საქონლის ოდენობის უპირობო, გამოუთხოვადი საავანსო გარანტია , რის შემდეგაც შემსყიდველი ორგანიზაცია მოახდენს საავანსო ანგარიშსწორებას.
შენიშვნა: ამ პუნქტის გათვალისწინებით საავანსო გარანტიის წარმოუდგენლობა ჩაითვლება ხელშეკრულების არსებითი პირობის დარღვევად.
7.1.1.2 საბანკო გარანტია გაცემული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ, ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვეო კომპანიის მიერ. საბანკო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას.

7.2.1 სახელშეკრულებო თანხის ანგარიშსწორება განხორციელდება ფაქტობრივად მოწოდებული საქონლის ღირებულების შესაბამისად,შესყიდვის ობიექტის მიწოდების შესახებ მხარეებს შორის ელექტრონულად გაფორმებული მიღება-ჩაბარების აქტის და შესაბამისი საგადასახადო დოკუმენტაციის (ზედნადები ან/და საგადასახადო ანგარიშ-ფაქტურის ან/და საქართველოს საგადასახადო კოდექსით გათვლისწინებული შესაბამისი დოკუმენტ(ებ)ი) საფუძველზე.
7.2.2 ანგარიშსწორება მოხდება უნაღდო ანგარიშსწორებით, ეროვნულ ვალუტაში - ლარში.

სახელშეკრულებო თანხის ანგარიშსწორება განხორციელდება სატენდერო დოკუმენტაციის კითხვარის "7.2" პუნქტის (მიუთითეთ ეტაპობრივი ან/და საბოლოო ანგარიშსწორების განხორციელების პირობები) შესაბამისად, გათვალისწინებული დოკუმენტაციის სრულყოფილი სახით წარმოდგენის შემდგომ, არაუგვიანეს 10 (ათი) სამუშაო დღის ვადაში.

ქრისტინა ჯანაშია, 555191616, kjanashia@tafu.edu.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 პრეტენდენტს არ აქვს უფლება წარმოადგინოს ალტერნატიული სატენდერო წინადადება.