Гостиничные услуги (Грузия - Тендер #67633066)

სსიპ “ახალგაზრდობის სააგენტო” გეგმავს "თემატური ბანაკი - ახალგაზრდობის პოლიტიკა“-ს განხორციელებას, რომლის ფარგლებშიც, ახალგაზრდები ჩაერთვებიან მრავალფეროვან სპორტულ, გასართობ, შემეცნებით და საგანმანათლებლო საბანაკე აქტივობებში, ხოლო ბანაკის სპეციფიკური თემატური მიმართულებიდან გამომდინარე, კვალიფიციური ტრენერებისა და სპიკერების ჩართულობით, ბანაკი უზრუნველყოფს ახალგაზრდების ცნობიერების ამაღლებას ახალგაზრდების მონაწილეობისა და აქტიური მოქალაქეობის, ახალგაზრდული საქმიანობისა და დასაქმების შესაძლებლობების, ჯანმრთელობისა და კეთილდღეობის (მენტალური ჯანმრთელობა, ჯანსაღი ცხოვრების წესი, პერსონალურ მონაცემთა დაცვა), შედეგზე ორიენტირებული ახალგაზრდული პოლიტიკის ფორმირებისა და დაგეგმვის შესახებ.

ზემოაღნიშნული მიზნით, შესყიდვის ობიექტს წარმოადგენს "თემატური ბანაკი - ახალგაზრდობის პოლიტიკა“-ს მონაწილეთათვის სასტუმროში განთავსების მომსახურების შესყიდვა.

შესყიდვის ობიექტს წარმოადგენს სასტუმროს მომსახურების შესყიდვა 2025 წლის ნოემბერი-დეკემბრის პერიოდში შემდეგი ტექნიკური მახასიათებლების შესაბამისად:
1.1. სასტუმრო შესაძლებელია იყოს კომპლექსის ტიპის, შესაძლოა იყოს რამდენიმე შენობით წარმოდგენილი ერთ სივრცეში/ერთ ლოკაციაზე და შემოსაზღვრული დაცული ღობით, გამოყოფილი სხვა თავშეყრის სივრცეებისგან. ვინაიდან საბანაკე პროგრამა მოიცავს სპორტულ, გასართობ, შემეცნებით და კულტურულ აქტივობებს, სასურველია სასტუმრო მდებარეობდეს დასახლებული პუნქტიდან მოშორებით.
1.2. სასტუმრო უნდა იყოს თანამედროვე სტანდარტების და კომფორტული ინფრასტრუქტურის მქონე, არ უნდა იყოს განთავსებული საცხოვრებელი სახლის ნაწილში ან მიწისქვეშ, სასტუმრო არ უნდა იყოს საოჯახო ტიპის.
1.3. კომპლექსი უნდა მდებარეობდეს კახეთის რეგიონში.
1.4. ყველა ნომერი განთავსებული უნდა იყოს ერთ კომპლექსში. იმ შემთხვევაში, თუ სასტუმროს აქვს 3 ან მეტი სართული, აუცილებელია ჰქონდეს ლიფტი.
1.5. სასტუმრომ უნდა უზრუნველყოს ერთდროულად არანაკლებ 70 ადამიანის განთავსება სამჯერადი კვებით (საუზმე, სადილი, ვახშამი) 3 ღამე და 4 დღე (ერთი ნაკადი). ჯამში შესაძლებელი უნდა იყოს არაუმეტეს 4 ნაკადის მიღება. ნაკადების თარიღები წარმოდგენილია ტექნიკური დოკუმენტაციის დანართი N1-ის სახით), თუმცა საჭიროების შემთხვევაში, შესაძლებელი უნდა იყოს აღნიშნული თარიღების ცვლილება. თითოეული ნაკადის ზუსტი თარიღი და მონაწილეების ზუსტი რაოდენობა მომწოდებელს ეცნობება ნაკადის მიღებამდე არანაკლებ 3 კალენდარული დღით ადრე.
1.6. ერთ ოთახში დასაშვებია არაუმეტეს 2 ან 3 მონაწილის განთავსება (ჯამში არაუმეტეს 70 ადამიანი, სქესთა ბალანსის დაცვით), გამომდინარე ოთახის სპეციფიკიდან. აუცილებელია, რომ საწოლები იყოს ცალ-ცალკე, ინდივიდუალური, არაგასაშლელი. ასევე, საჭიროების შემთხვევაში, სასტუმრომ უნდა უზრუნველყოს 70 სტუმრიდან 5 სტუმრის ინდივიდუალური განთავსება 1 ადგილიან ნომრებში.
1.7. სასტუმროს ნომრები უნდა იყოს უზრუნველყოფილი ინდივიდუალური სველი წერტილებით, უწყვეტი ცივი და ცხელი წყლით, ცენტრალური გათბობა-გაგრილების სისტემით, 24 საათიანი ელექტრომომარაგებით, მაცივრით, ინტერნეტით, ტელევიზორით. ნომრებში ასევე დაცული უნდა იყოს სანიტარული ნორმები. სასტუმროს უნდა გააჩნდეს დენის ალტერნატიული წყარო.
1.8. ოთახები შესაბამისად უნდა მარაგდებოდეს ჰიგიენის ინდივიდუალური ნივთებით ყოველდღე თითო ადამიანზე: 1 დიდი პირსახოცი, 1 პატარა პირსახოცი, ოთახის ერთჯერადი ჩუსტი, შამპუნი, ტანის გელი, საპონი და თმის საშრობი ფენი. ჰიგიენის ნივთები უნდა იცვლებოდეს 24 საათში ერთხელ.
1.9. ოთახის დალაგება უნდა ხორციელდებოდეს ყოველდღიურად სველი/მშრალი წმენდით, ხოლო თეთრეულის გამოცვლა სასტუმროში არსებული სტანდარტის შესაბამისად.
1.10. სასტუმრომ უნდა უზრუნველყოს ფურშეტის ორგანიზების მომსახურების გაწევა 70 (სამოცდაათი) ადამიანისთვის, 4 საბანაკე ნაკადის განმავლობაში მინიმუმ ორჯერ (ღონისძიების გახსნა-დახურვის ცერემონიისთვის). ასევე უნდა უზრუნველყოს მომსახურების გასაწევად საჭირო ტექნიკური აღჭურვილობა, ინვენტარი და სერვირება საკუთარი ძალებით, ხელშეკრულების ღირებულების ფარგლებში, შემსყიდველის მხრიდან დამატებითი ანაზღაურების გარეშე; ფურშეტი განახორციელოს ქვემოთ მოცემულ ფასების ცხრილის (იხ. ტექნიკური დავალების დანართი 2) შესაბამისად.
1.11. სასტუმროში უნდა იყოს 1 დიდი საკონფერენციო სივრცე არანაკლებ 70 ადამიანზე გათვლილი, სადაც საჭიროების შემთხვევაში შესაძლებელი იქნება დახურულ სივრცეში ღონისძიების/ტრენინგის განხორციელება ერთდროულად 70 ადამიანის მონაწილეობით. გარდა ამისა, სასტუმროს უნდა ჰქონდეს არანაკლებ 3 იზოლირებული სატრენინგო სივრცე, სადაც შესაძლებელი იქნება მონაწილეების მცირე ჯგუფების (არანაკლებ 15 პირი) შეკრება და მუშაობა. საკონფერენციო და სატრენინგო სივრცეები ხელმისაწვდომი უნდა იყოს ნაკადის განმავლობაში ნებისმიერ დროს, პროგრამული აქტივობების განხორციელებისთვის.
1.12. საკონფერენციო დარბაზი და სატრენინგო სივრცე(ები) უნდა იყოს იზოლირებული და დამოუკიდებელი სხვა ოთახებისგან, მათ შორის სამზარეულოსგან/კვებისთვის განკუთვნილი სივრცისგან (ფარდით ან სხვა საშუალებებით გამოყოფა არ მოიაზრება). საკონფერენციო დარბაზი და სატრენინგო სივრცეები უზრუნველყოფილი უნდა იყოს გათბობა/გაგრილების სისტემით და ცენტრალური ვენტილაციით.
1.13. საკონფერენციო სივრცე აღჭურვილი უნდა იყოს პროექტორით, ლეპტოპით, ეკრანით, თეთრი დაფით, ფლიფჩარტებით და მარკერებით, მონაწილეთა შესაბამისი რაოდენობის სკამებითა და სამუშაო მაგიდებით (არანაკლებ 70 პირისთვის), ხმის გამაძლიერებელი სისტემით (მიკროფონი და დინამიკები), უკაბელო ინტერნეტით, მონაწილეებისათვის სასმელი წყლით (არანაკლებ 70 ცალი 0,5 მლ ბოთლი). საკონფერენციო ოთახში შესასრულებელი სამუშაოდან გამომდინარე, შესაძლებელი უნდა იყოს დარბაზში არსებული ინვენტარის (მაგიდები, სკამები) გადაადგილება (შეერთება ან განცალკევება). საჭიროების შემთხვევაში, შესაძლებელი უნდა იყოს სასტუმროში პრინტერის გამოყენება.
1.14. საკონფერენციო დარბაზი, სატრენინგო სივრცეები, კვებისთვის განკუთვნილი ადგილი და სასტუმროს ნომრები უნდა იყოს ერთ კომპლექსში.
1.15. სასტუმროს უნდა ჰქონდეს დახურული სივრცე (ლობი ან/და რესტორანი ან/და კაფე ან/და ლაუნჯი), სადაც მონაწილეები შეძლებენ არაფორმალურ გარემოში შეკრებას და მუსიკის თანხლებით დროის გატარებას მათთვის სასურველ დროს. სივრცე ხელმისაწვდომი უნდა იყოს მონაწილეებისთვის 24 საათის განმავლობაში.
1.16. სასტუმროს არანაკლებ 70 ადამიანისთვის, ტერიტორიის შიგნით, უნდა გააჩნდეს გარე სარეკრეაციო სივრცე, სადაც შესაძლებელი იქნება ღონისძიებებისა და სპორტული აქტივობების ჩატარება. უნდა ჰქონდეს სავარჯიშო სპორტული დარბაზი, რომელიც აღჭურვილი იქნება შესაბამისი ინვენტარით (არანაკლებ 2 სარბენი ბილიკით; არანაკლებ 1 ველოტრენაჟორი; არანაკლებ 1 ელიპტიკური ტრენაჟორი; არანაკლებ 1 მუცლის პრესის ტრენაჟორი და სხვ.). ასევე, საცურაო დახურული აუზი, სივრცე კინოჩვენების გამართვისთვის, შესაბამისი აღჭურვილობითა და ინვენტარით.
1.17. კვებისთვის განკუთვნილი საათების განსაზღვრა უნდა მოხდეს შემსყიდველთან შეთანხმებით. გათვალისწინებული უნდა იყოს ყოველდღიურად 3-ჯერადი კვება (იხ. ტექნიკური დავალების დანართი 3). გათვალისწინებული უნდა იყოს სამარხვო და ვეგეტარიანული მოთხოვნები, აუცილებელია ცხელი კერძის ერთ-ერთ რაციონში არ შედიოდეს ღორის ხორცი. საუზმეზე, სადილსა და ვახშამზე უნდა მოხდეს სტუმრების ერთდროულად განთავსება, ცხელი ხაზის ან შვედური მაგიდის პრინციპით, შემსყიდველის მიერ შეთანხმებული მენიუს მიხედვით არანაკლებ 70 ადამიანზე (იხ. ტექნიკური დავალების დანართი 4).
1.18 კერძები უნდა მომზადდეს ჰიგიენის ნორმების მკაცრი დაცვით. კერძებისთვის საჭირო ინგრედიენტები უნდა იყოს ახალი, მაღალხარისხიანი. მომსახურების გაწევის პროცესში, მიმწოდებელმა უნდა დაიცვას საქართველოს კანონმდებლობით გათვალისწინებული რეგულაციები, წინააღმდეგ შემთხვევაში შემსყიდველი იძენს უფლებამოსილებას, დასვას მიმწოდებლის პასუხისმგებლობის საკითხი კანონმდებლობით გათვალისწინებული სათანადო წესით.
1.19. კვებითი მომსახურების გაწევის დროს მიმწოდებელმა უნდა უზრუნველყოს შესაბამისი რაოდენობის მომსახურე პერსონალის ადგილზე ყოფნა.
1.20. პერიმეტრი 24 საათის მანძილზე უნდა კონტროლდებოდეს შესაბამისი დაცვის სისტემით/პატრულირებით. სასტუმროს პერიმეტრი მუდმივად უნდა იყოს დაცვის ქვეშ; 24 საათის განმავლობაში ხელმისაწვდომი უნდა იყოს ადმინისტრაციის სამსახური (ადმინისტრატორი).
1.21. სასტუმროში ხელმისაწვდომი უნდა იყოს პირველადი გადაუდებელი დახმარებისთვის საჭირო სამედიცინო ჩანთა.
1.22. სასტუმროში განთავსებული უნდა იყოს სახანძრო უსაფრთხოების სისტემები/სისტემა, რომელიც უნდა შეესაბამებოდეს უსაფრთხოების დადგენილ ნორმებს (ბრძანება - საქართველოში მოქმედი სახანძრო უსაფრთხოების წესების დამტკიცების შესახებ; ასევე ტექნიკური რეგლამენტი სახანძრო უსაფრთხოების წესების და პირობების შესახებ).
1.23. სასტუმროს ოთახებში მინი ბარში არ უნდა იყოს ხელმისაწვდომი ალკოჰოლური სასმელი და თამბაქო.
1.24. სასტუმროს შერჩევა-შეფასების ეტაპზე შესაბამისი კომისიის ნებისმიერი წევრი უფლებამოსილია, ადგილზე დაათვალიეროს პრეტენდენტის მიერ შემოთავაზებული სასტუმროს შესაბამისობა ტექნიკურ დავალებაში განსაზღვრულ მოთხოვნებთან.

მომსახურების გაწევის თარიღია 2025 წლის ნოემბერი - დეკემბრის პერიოდი.

სასტუმრო უნდა მდებარეობდეს კახეთის რეგიონში.

1. პრეტენდენტს 2022 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 372 300.00 (სამას სამოცდათორმეტი ათას სამასი) ლარის ღირებულების ანალოგიური მომსახურების გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა. ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
3. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.
4. ანალოგიურ მომსახურებად განიხილება სასტუმროში სტუმრების განთავსების მომსახურება.

1.პრეტენდენტმა, წინადადებების მიღების ეტაპზე, უნდა წარმოადგინოს ინფორმაცია მის მიერ შემოთავაზებული სასტუმროს შესახებ, სასტუმროს ზუსტი ფაქტობრივი მისამართი, წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.

2. იმ შემთხვევაში, თუ პრეტენდენტი არ არის მის მიერ მომსახურების გასაწევად შემოთავაზებული სასტუმროს წარმომადგენელი, წინადადების მიღების ეტაპზე, უნდა წარმოადგინოს მომსახურების გასაწევად შემოთავაზებული სასტუმროს ზუსტი მისამართი. ასევე, მომსახურების გასაწევად შემოთავაზებული სასტუმროს ხელმძღვანელი ან/და უფლებამოსილი პირის მიერ დადასტურებული წერილობითი შეტყობინება, იმის თაობაზე, რომ გაცნობილია ტექნიკური დავალების პირობებს და მზად არის, გასწიოს ტენდერით გათვალისწინებული მომსახურება ტექნიკურ დავალებაში მითითებული პირობების მიხედვით. წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.
ასევე პრეტენდენტის მიერ წარმოდგენილი სასტუმრო უნდა აკმაყოფილებდეს სატენდერო დოკუმენტაციის 2.2.1 პუნქტით განსაზღვრულ პირობებს, შესაბამისად წარმოდგენილი უნდა იყოს 2.2.1 - ით მოთხოვნილი დოკუმენტაცია.

წარმოდგენილი დოკუმენტები დამოწმებული უნდა იყოს პრეტენდენტის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.

3. პრეტენდენტმა უნდა წარმოადგინოს სასტუმროს ვიზუალური მასალა, მათ შორის, სასტუმროს ლობის ან/და რესტორნის ან/და კაფის ან/და ლაუნჯის, ნომრების, სასადილო სივრცის, საცურაო დახურული აუზის, სატრეინინგო სივრცის, საკოფერენციო სივრცის, გარე სარეკრეაციო სივრცის, სპორტული დარბაზის, კინოჩვენების გამართვისთვის განკუთვნილი სივრცის ((სასურველია, აღნიშნული ინფორმაციის გადამოწმება შესაძლებელი იყოს ვებ-გვერდის საშუალებით (არსებობის შემთხვევაში)).

ა) სატენდერო დოკუმენტაციის 1.3 პუნქტით გათვალისწინებული შევსებული ხარჯთაღრიცხვა.
ბ) წინამდებარე სატენდერო პირობების 2.2.1 ქვეპუნქტში მოცემული პირობების შესაბამისად შევსებული დანართი N2 შესაბამისი გამოცდილების დამადასტურებელი დოკუმენტაცია.
გ) წინამდებარე სატენდერო პირობების 2.3.1 პუნქტით გათვალისწინებული ინფორმაცია და ვიზუალური მასალა მატერიალურ-ტექნიკური ბაზის შესახებ.


შენიშვნა: პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა ფასების ცხრილისა და 2.3.1 პუნქტის მე-3 ქვეპუნქტით გათვალისწინებული ვიზუალური მასალისა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ტენდერში გამოიყენება ხელშეკრულების შესრულების უზრუნველყოფის უპირობო გამოუთხოვადი საბანკო გარანტია (გაცემული საქართველოში მოქმედი საბანკო დაწესებულების, საქართველოში მოქმედი კანონმდებლობის შესაბამისად ლიცენზირებული სადაზღვევო კომპანიის ან კანონმდებლობის შესაბამისად ლიცენზირებული საკრედიტო დაწესებულების მიერ, რომელიც უფლებამოსილია გასცეს ხელშეკრულების შესრულების უზრუნველყოფის უპირობო/გამოუთხოვადი საბანკო გარანტია).
საქართველოში მოქმედი კანონმდებლობის შესაბამისად საკრედიტო დაწესებულების ან სადაზღვევო კომპანიის მიერ გაცემული საბანკო გარანტიის წარმოდგენის შემთხვევაში პრეტენდენტი ვალდებულია ასევე წარმოადგინოს საბანკო გარანტიის გამცემი კომპანიის ძალაში მყოფი ლიცენზია ან სხვა დოკუმენტი, რომლითაც დადასტურდება საბანკო გარანტიის გაცემის უფლებამოსილება-წინააღმდეგ შემთხვევაში შემსყიდველი უფლებამოსილია არ მიიღოს წარმოდგენილი საბანკო გარანტია.
6.4.2 თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.

ანგარიშსწორება მოხდება ფაქტიურად გაწეული მომსახურების შესაბამისად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.