Инженерные услуги (Грузия - Тендер #67601341)

საქართველოს ფინანსთა სამინისტროს საგამოძიებო სამსახურის აჭარის სამმართველოს ოფისის ფასადის რეკონსტრუქციისა და შენობის სარემონტო სამუშაოების საპროექტო-სახარჯთაღრიცხვო დოკუმენტაციის შედგენის მომსახურების შესყიდვა.

გასაწევი მომსახურების აღწერილობა (ტექნიკური დავალება) იხილეთ თანდართულ ფაილში.


- მიმწოდებელმა წერილობით უნდა წარუდგინოს შემსყიდველს ექსპერტიზა გავლილი პროექტის, მოცულობათა უწყისის და ხარჯთაღრიცხვის ბეჭდური და ელექტრონული ვერსია.
- მიღება-ჩაბარების აქტი გაფორმდება პროექტის, სახარჯთაღრიცხვო დოკუმენტაციის და ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა შესაბამის სფეროში საქართველოს კანონმდებლობით განსაზღვრული წესით აკრედიტირებული ექსპერტიზის განმახორციელებელი პირის მიერ.
- სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან შესაბამის სფეროში საქართველოს კანონმდებლობით განსაზღვრული წესით აკრედიტირებული ექსპერტიზის განმახორციელებელი პირის შერჩევას, ექსპერტიზის დაკვეთას და ღირებულების ანაზღაურებას უზრუნველყოფს მიმწოდებელი დამატებითი ანაზღაურების გარეშე. იმ შემთხვევაში, თუ ექსპერტიზის დასკვნის გამცემი არ იქნება სსიპ "ლევან სამხარაულის სახელობის სასამართლო ექსპერტიზის ეროვნული ბიურო", დასკვნასთან ერთად დამატებით წარმოდგენილ უნდა იქნას ექსპერტიზის განმახორციელებელი პირის შესაბამისი აკრედიტაციის სერტიფიკატი.
- ექსპერტიზის დროს წარმოქმნილი გადაწყვეტილებების კორექტირებას მიმწოდებელი ორგანიზაცია ასრულებს დამატებითი ანაზღაურების გარეშე;
- იმ შემთხვევაში თუ საჭირო გახდება სამუშაოების განხორციელების ეტაპზე საპროექტო-სახარჯთაღრიცხვო დოკუმენტაციაში ცვლილების შეტანის აუცილებლობა, შემსყიდველის მიმართვიდან განსაზღვრულ ვადაში მიმწოდებელი ვალდებულია დააკორექტიროს საპროექტო-სახარჯთაღრიცხვო დოკუმენტაცია და წარუდგინოს ექსპერტიზა გავლილი დამატებითი ანაზრაურების გარეშე.
- მიმწოდებელმა წერილობით უნდა წარმოადგინოს შესაბამისი საპროექტო დოკუმენტაცია 5 (ხუთი) ბეჭდვით ეგზემპლარად და ელექტრონული სახით (1 CD დისკი).
- მიმწოდებელი ვალდებულია, შემსყიდველს მოუმზადოს და წარმოუდგინოს სრული დოკუმენტაცია და მასალები, რაც საჭიროა აღნიშნული პროექტის განსახორციელებლად ადგილობრივ თვითმმართველობისგან შესაბამისი ნებართვის მოსაპოვებლად (მუნიციპალიტეტში ნებართვის მოპოვებაზე განაცხადს გააკეთებს მოცემული შენობით მოსარგებლე ორგანიზაცია);
-მიმწოდებელი ვალდებულია პროექტის და სახარჯთაღრიცხვო დოკუმენტაციის მომზადებისას ყველა დეტალი შეათანხმოს შემსყიდველთან;
- პროექტი უნდა იყოს მაქსიმალურად ენერგოეფექტური (დეტალები შეთანხმდეს დამკვეთთან);
- პროექტი უნდა ითვალისწინებდეს შეზღუდული შესაძლებლობების მქონე პირებისათვის ადაპტირებული გარემოს უზრუნველყოფას, საქართველოში მოქმედი შესაბამისი ნორმებისა და წესების შესაბამისად;
- პროექტი შესრულებული უნდა იყოს საქართველოში მოქმედი შესაბამის სფეროს ნორმების და წესების მიხედვით;
- საფასადე მასალები შერჩეულ უნდა იქნას ქ. ბათუმისათვის დამახასიათებელი კლიმატური პირობების გათვალისწინებით. კერძოდ, საფასადე მასალები მედეგი უნდა იყოს ხშირი ნალექის, მაღალტენიანი ჰავის, ულტრაიისფერი გამოსხივებისა და ზღვის სანაპიროსთვის დამახასიათებელი სხვა კლიმატური პირობების მიმართ, მ.შ. საფასადე მასალა უნდა იყოს ცეცხლგამძლე (დეტალები შეთანხმდეს დამკვეთთან);
- საპროექტო-სახარჯთაღრიცხვო დოკუმენტაცია უნდა შედგეს მიმდინარე საბაზრო ფასებით.

ხელშეკრულების გაფორმებიდან არაუგვიანეს 70 (სამოცდაათი) კალენდარული დღის განმავლობაში, ექსპერტიზის ჩათვლით.

საპროექტო-სახარჯთაღრიცხვო დოკუმენტაცია წარმოდგენილი უნდა იქნას საქართველოს ფინანსთა სამინისტროში, ქ. თბილისი, გორგასლის ქ. №16.

1. პრეტენდენტს უნდა გააჩნდეს ზღვისპირა დასახელებებში (იგულისხმება დასახლებები, რომლის ადმინისტრაციული საზღვრები უშუალოდ ესაზღვრება ზღვას/ოკეანეს) არანაკლებ ორი, დასრულებული, მინიმუმ სამ სართულიანი შენობის, რომლის შიდა სასარგებლო ფართი (თითოეულის) არანაკლებ 1000 კვ/მ-ისა, ფასადის მოწყობის პროექტირების სამუშაოების გამოცდილება (ფასადის მოწყობის სამუშაოები პრეტენდენტს გამოცდილებაში ეთვლება, იმ შემთხვევაშიც თუ ეს სამუშაოები სხვა სამშენებლო სამუშაოებთან ერთად აქვს დაპროექტებული. მაგალითად, თუ სამი და მეტ სართულიანი შენობის მშენებლობის პროექტის ნაწილია). ამასთან, აღნიშნული შენობების ფასადების მოწყობის სამუშაოები დასრულებული უნდა იყოს მოცემული ტენდერის გამოცხადების თარიღისათვის.
აღნიშნულის დამადასტურებლად სისტემაში უნდა ატვირთოს გაფორმებული ხელშეკრულებ(ებ)ის და ამავე ხელშეკრულებ(ებ)ის შესრულების დამადასტურებელი დოკუმენტ(ებ)ის ასლები ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA და ა.შ).

რეალიზებული პროექტების დასტურად წარმოდგენილ უნდა იქნას შესაბამისი მუნიციპალური სამსახურის მიერ მოცემულ ობიექტზე/ობიექტებზე გაცემული მშენებლობის ნებართვის ასლი და შესაბამისი ფოტო-მასალა.

პრედენდენტის მიერ ერთიან ელექტრონულ სისტემაში ასატვირთი ინფორმაცია:
1. იმ შემთხვევაში, თუ პრედენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრედენდენტი ვალდებულია წარმოადგინოს აღნიშნული ინფორმაცია.
2. ფასთა ცხრილი (1.3 პუნქტის შესაბამისად).
3. ინფორმაცია მომსახურების გაწევის ვადის შესახებ (1.4 პუნქტის შესაბამისად).
4. გამოცდილების დამადასტურებელი დოკუმენტ(ებ)ი (2.2.1 პუნქტის შესაბამისად).

,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-18 მუხლის მე-5 პუნქტის შესაბამისად, სატენდერო დოკუმეტაციის პროექტში არ არის გათვალისწინებული ფასწარმოქმნის ადეკვატურობის დასაბუთების ვალდებულება, ვინაიდან შესყიდვის ობიექტს წარმოადგენს ინტელექტუალური მომსახურება, რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, ამასთანავე, ინტელექტუალური შრომის შეფასების დასაბუთება სუბიექტურია. შესაბამისად, იმ შემთხვევაში თუ ტენდერში ყველაზე დაბალი ფასის წინადადების მქონე პრედენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი გათავისუფლდება ფასწარმოქმნის ადეკვატურობის დამადასტურებელი დოკუმენტების წარმოდგენის ვალდებულებისგან.

1. მიმწოდებლის მიერ გაწეული მომსახურების ღირებულების ანაზღაურება მოხდება ინსპექტირების განმახორციელებელი პირის/პირების დადებითი დასკვნის, საბოლოო მიღება-ჩაბარების აქტის გაფორმების, ექსპერტიზის დასკვნის და ანგარიშ-ფაქტურის საფუძველზე (თუ პირი დღგ-ს გადამხდელია)
2. სატენდერო წინადადებაში საერთო ფასი გამოხატული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
3. ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

მზია ნანეტაშვილი, 591222281, mziananetashvili@mof.ge

1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნ და იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
3. პრეტენდენტის მიერ შექმნილი ყველა დოკუმენტი ან/და ინფორმაცია წარმოდგენილ უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და მის საფუძველზე გამოცემული ნორმატიული აქტ(ებ)ის (ასეთის არსებობის შემთხვევაში) შესაბამისად, გარდა იმ შემთხვევისა, როდესაც სატენდერო დოკუმენტაციის 2.9 პუნქტის მე-2 ქვეპუნქტით მოთხოვნილი დანართი N1 (ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში დანართის სახით, რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად.