Техническое обслуживание и ремонт (Грузия - Тендер #67601323)

სსიპ შემოსავლების სამსახურის ბალანსზე რიცხული ვიდეოსამეთვალყურეო სისტემის შეკეთების და ტექნიკური მომსახურების მრავალწლიანი შესყიდვა. 2025 წელს გასაწევი მომსახურების სავარაუდო ღირებულება შეადგენს - 15 000.00 ლარს; 2026 წელს გასაწევი მომსახურების სავარაუდო ღირებულება შეადგენს - 76 560.00 ლარს;

შემოსავლების სამსახურის ვიდეოსათვალთვალო სისტემებზე ყოველთვიური მიმდინარე ტექნიკური მომსახურება უნდა განხორციელდეს შემდეგი პირობების დაცვით.

მიმდინარე საექსპულატაციო მომსახურება, გულისხმობს თითოეული უსაფრთხოების სისტემის მიმართ გეგმიური პროფილაქტიკური მომსახურების გაწევას და გამოძახების (შეტყობინების) საფუძველზე სისტემის ხარვეზიანი მუშაობის აღმოფხრის კუთხით განხორციელებულ მომსახურებას.

გეგმიური პროფილაქტიკური მომსახურება: გულისხმობს თითოეულ უსაფრთხოების სისტემაზე, ერთი თვის განმავლობაში ერთხელ შემდეგი მოქმედებების განხორციელებას:
• ელექტროკომპონენტების, სადენების და შეერთებების შემოწმება;
• აკუმულატორების შემოწმება;
• ძაბვის შემოწმება და შედარება;
• შემოწმების შედეგად გამოვლენილი რაიმე გადახრის შემთხვევაში, ხარვეზების გამომწვევი მიზეზების აღმოფხვრა (მ.შ. მთლიანი კომპონენტის გამოცვლის გზით);
• ვიდეოსამეთვალყურეო კამერების განლაგების და ხედვის მიმართულების შემოწმება და საჭიროების შემთხვევაში კორექტირება - შემსყიდველის მოთხოვნით;
• ციფრული ჩამწერის პარამეტრების შემოწმება (ჩაწერის ხარისხი, ჩანაწერის უწყვეტობა, ჩაწერის პერიოდი, დროის გასწორება და ა.შ.);
• ციფრული ჩამწერების და ვიდეოკამერების მტვრისგან გაწმენდა (აღნიშნული მომსახურება შესაძლებელია განხორციელდეს სამ თვეში ერთხელ).

არაგეგმიური მომსახურება გულისხმობს მიმწოდებლის მხრიდან შეტყობინების საფუძველზე უსაფრთხოების სისტემის ან მისი კომპონენტის ხარვეზიანი მუშაობის მიზეზის დადგენას და მათ აღმოფხვრას. არაგეგმიური მომსახურებად ითვლება მხოლოდ იმ ხარვეზის აღმოფხვრა, რომელიც გამომდინარეობს სისტემის ჩვეულებრივი ექსპულატაციის პირობებიდან.

ობიექტზე მისვლის და ხარვეზის გამოსწორობის ვადა უნდა შეადგენდეს შეტყობინების მიღებიდან არაუმეტეს მომდევნო:
ა) 2 (ორი) სამუშაო დღეს თბილისის ადმინისტრაციულ-ტერიტორიული საზღვრებში არსებულ ობიექტებზე;
ბ) 3 (სამი) სამუშაო დღეს რეგიონებში არსებულ ობიექტებზე.
გ) იმ შემთხვევაში როდესაც შეკეთება საჭიროებს 24 საათზე მეტ დროს ან აპარატურა არ ექვემდებარება ადგილზე შეკეთებას მიმწოდებელმა უნდა დაამონტაჟოს შემცვლელი აპარატურა (კამერა,ჩამწერი მოწყობილობა, და ა.შ.) შეკეთებული აპარატურის უკან დაბრუნებამდე. მიმწოდებლის მიერ შეცვლილი აპარატურის დაზიანების შემთხვევაში შემსყიდველს პასუხისმგებლობა არ ეკისრება.

მიმწოდებელმა უნდა უზრუნველყოს სისტემის ან მისი რომელიმე კომპონენტის გაუმართავი მუშაობის ან ავარიული სიტუაციის შესახებ წერილობითი და/ან სატელეფონო შეტყობინების მიღებიდან (არაუგვიანეს ა) 2 (ორი) სამუშაო დღისა თბილისის ადმინისტრაციულ-ტერიტორიული საზღვრებში არსებულ ობიექტებზე; ბ) 3 (სამი) სამუშაო დღისა რეგიონებში არსებულ ობიექტებზე) ობიექტზე მისვლა და სისტემის გამართული ექსპლუატაციის პროცესის აღდგენის უზრუნველყოფა. იმ შემთხვევაში, თუ დაზიანებული მოწყობილობის აღდგენა ტექნიკურად ვერ ხერხდება მიმწოდებელსა და შემსყიდველს შორის უნდა შედგეს შესაბამისი აქტი, სადაც მითითებული იქნება შესაცვლელი ნაწილის დასახელება და სპეციფიკაცია.

მიმწოდებელმა, დამკვეთის მოთხოვნის საფუძველზე, უნდა უზრუნველყოს ობიექტზე ვიდეოსამეთვალყურეო კამერების გადატანა (დემონტაჟი-მონტაჟი), ასეთი დემონტაჟი-მონტაჟის რაოდენობა არ აღემატება 10 ერთეულს, მონტაჟისთვის საჭირო კაბელის რაოდენობა ობიექტზე არ აღემატება 300 მეტრს და ასეთი ობიექტები ხელშეკრულების მოქმედების პერიოდში არ აღემატება რაოდენობის 1/3-ზე მეტს.

მიმწოდებელმა ხელშეკრულების გაფორმებისას შემსყიდველს უნდა წარუდგინოს იმ პირთა სია (შესაბამისი რეკვიზიტებით: თანამდებობა, მობილური და სამსახურის ტელეფონები, ელექტრონული ფოსტა), რომლებიც უზრუნველყოფენ ხელშეკრულებით განსაზღვრულ მომსახურების გაწევას.

სისტემის ჩამონათვალი მდებარეობების მითითებით მოცემულია დანართი N2-ში.

მიმდინარე საექსპლუატაციო მომსახურება არ მოიცავს:
• მომსახურების პროცესში აღმოჩენილი სისტემის შემადგენლობაში შემავალი კომპონენტების გამოცვლას ან შეკეთებას.

თუ ხარვეზის გამოსწორების პროცესში მიმწოდებლის მიერ დაზიანდა შესაკეთებელი ტექნიკა, იგი უზრუნველყოფს მიყენებული ზარალის სრულ ანაზღაურებას.

მომსახურების გაწევა უნდა განხორციელდეს ხელშეკრულების გაფორმებიდან 1 (ერთი) კალენდარული წლის განმავლობაში, ყოველთვიურად.

მომსახურების გაწევა უნდა განხორციელდეს საქართველოს მთელ ტერიტორიაზე, დანართი N1-ში მითითებულ მისამართებზე, შემსყიდველის მოთხოვნის შესაბამისად.

პრეტენდენტს 2022 წლის 06 ოქტომბრიდან ტენდერის გამოცხადების დღემდე, უნდა გააჩნდეს ვიდეოსამეთვალყურეო სისტემების ტექნიკური მომსახურების სფეროში გამოცდილება. აღნიშნულის დასტურად პრეტენდენტმა უნდა წარმოადგინოს მინიმუმ 3 (სამი) შესრულებული პროექტის დამადასტურებელი დოკუმენტი (ხელშეკრულება და ამ ხელშეკრულების შესაბამისი მიღება-ჩაბარების აქტი ან/და დამკვეთის მიერ გაცემული შესრულებული გაწეული მომსახურების დამადასტურებელი ცნობა ან/და წარმოდგენილი უნდა იქნას SPA ან/და NAT ან/და CMR ნომრები.

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8.პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია, ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები

ანგარიშსწორება მიმწოდებელთან განხორციელდება ლარებში, უნაღდო ანგარიშსწორების ფორმით, მიმწოდებლის მიერ ფაქტობრივად გაწეული მომსახურების ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდების ადგილზე მიწოდებასთან დაკავშირებული ყველა გადასახადის გათვალისწინებით (მათ შორის ტრანსპორტირების ხარჯი).

ანგარიშსწორება მიმწოდებელთან განხორციელდება ეტაპორივად (ყოველთვიურად) ხელშეკრულების შესაბამისად გაფორმებული ინსპექტირების აქტის, მიღება-ჩაბარების აქტის და საგადასახადო ანგარიშ-ფაქტურის საფუძველზე, წარმოდგენიდან არაუგვიანეს 10 (ათი) სამუშაო დღის განმავლობაში.

თამარ ჩიხლაძე, 595036151, t.chikhladze@rs.ge