Марки, чековые книжки, банкноты, акции, рекламные материалы, каталоги и справочники (Грузия - Тендер #67463686)

შესყიდვის ობიექტს წარმოადგენს დაბადებისა და ქორწინების ელექტრონული მოწმობების ასლების დასაბეჭდი ქაღალდი და მათი ჩასადები ყდები.

დაბადების ელექტრონული მოწმობის ასლის დასაბეჭდი ქაღალდი და ჩასადები ყდა - 220 000 ცალი;
ქორწინების ელექტრონული მოწმობის ასლის დასაბეჭდი ქაღალდი და მისი ჩასადები ყდა - 90 000 ცალი.


1. დაბადების ელექტრონული მოწმობის ასლის დასაბეჭდი ქაღალდი და ჩასადები ყდა

1.1 დაბადების ელექტრონული მოწმობის ასლის გაცემისას იგი ამოიბეჭდება ოფსეტურ ქაღალდზე - (100 ± 4%) გრ/მ2;
სისქე μm - 125 ± 4;
სითეთრე CIE (%) - 160.0 ± 3;
გაუმჭვირვალობა (%) ≥ 90.
ქაღალდის ფერია თეთრი. ზომები (210 x 297)მმ ± 2 (გაშლილ მდგომარეობაში).
ქაღალდი ოთხგვერდიანია. ქაღალდის პირველი გვერდზე დატანილია წარწერა „დაბადების მოწმობა“. წარწერის ქვედა მხარეს დატანილია ვერცხლისფერი ორნამენტი. პირველი გვერდის მარჯვენა მხარეს დატანილია ვერტიკალური ვერცხლისფერი ორნამენტი. ქაღალდის/ფურცლის მეორე გვერდის ზედა მხარეს, შუაში, დატანილია სიტყვა „საქართველო“, მცირე სახელმწიფო გერბი და წარწერა: „დაბადების მოწმობა“. ქაღალდის მეორე და მესამე გვერდებზე დატანილია ვერცხლისფერი ორნამენტი (გაშლილ მდგომარეობაში ფურცლის შუა ნაწილში გადაკეცვის ადგილას ზედა და ქვედა მხარეს) . ქაღალდის მეოთხე გვერდის მარცხენა მხარეს დატანილია ვერტიკალური ვერცხლისფერი ორნამენტი. ქაღალდის პირველი და მეოთხე გვერდები ჩასმულია ვერცხლისფერ ჩარჩოში.

1. 2 დაბადების ელექტრონული მოწმობის ასლი იდება ცარცირებული ქაღალდის გარედან ლამინირებულ ყდაში.
ლამინირების გარეშე ქაღალდი (300 ± 4%) გრ/მ2;
სისქე μm - 320 ± 10; სითეთრე CIE (%) - 116 ± 5;
გაუმჭვირვალობა (%) - 99 ± 2).
ყდის ფერია თეთრი. ყდას აქვს გადაკეცვის ადგილი შუაში.
ყდის ზომები - (210 x 303)მმ ± 2 (გაშლილ მდგომარეობაში).
ყდა ოთხგვერდიანია. ყდის პირველ გვერდზე დატანილია ვერტიკალური ვერცხლისფერი ორნამენტი. ორნამენტის გვერდით, ცენტრში, დატანილია ფოლგირებული წარწერა „დაბადების მოწმობა“. ყდის მეორე და მესამე გვერდი ცარიელია. მეოთხე გვერდის ქვედა მხარეს განთავსებულია სააგენტოს სრული ლოგო ერთ ფერში. ყდის პირველი და მეოთხე გვერდები ჩასმულია ვერცხლისფერ ჩარჩოში და მათზე დატანილია მცირე ზომის ორნამენტირებული ელემენტები.

2. ქორწინების ელექტრონული მოწმობის ასლის დასაბეჭდი ქაღალდი და ჩასადები ყდა

2.1 ქორწინების ელექტრონული მოწმობის ასლის გაცემისას, იგი ამოიბეჭდება არაცარცირებულ ქაღალდზე (90 ± 3%) გრ/მ2;
Bulky index, VSA (სმ3/გრ) - 1.3;
გაუმჭვირვალობა (%) - 88 ± 2), რომელიც არის სპილოს ძვლის ფერი (IVORY) .
ზომები - (210 x 297)მმ ± 2 (გაშლილ მდგომარეობაში).
ქაღალდი ოთხგვერდიანია. ქაღალდის პირველ გვერდზე დატანილია წარწერა: „ქორწინების მოწმობა“, რომლის ქვემოთ განთავსებულია ოქროსფერი ორნამენტი. გვერდი ჩასმულია ოქროსფერ ჩარჩოში. ქაღალდის მეორე გვერდზე, ზედა მხარეს დატანილია სიტყვა „საქართველო“ , მცირე სახელმწიფო გერბი და წარწერა - „ქორწინების მოწმობა“. ფურცლის მეორე და მესამე გვერდებზე დატანილია ოქროსფერი ჩარჩო. ფურცლის მესამე გვერდის ქვედა მარჯვენა კუთხეში დატანილია ოქროსფერი ორნამენტი, რომელშიც ჩასხმულია ოხრა. მეოთხე გვერდი ჩასმულია ოქროსფერ ჩარჩოში.

2.2 ქორწინების ელექტრონული მოწმობის ასლი თავსდება ქაღალდის გარედან ლამინირებულ ყდაში. ლამინირების გარეშე ქაღალდი (200 ± 3%) გრ/მ2;
Bulky index, VSA (სმ3/გრ) - 1.28±0.03;
გაუმჭვირვალობა (%) - 96 ± 2).
ყდის ფერია სპილოსძვლისფერი (IVORY). ყდის ზომები - (210 x 303) მმ ± 2 (გაშლილ მდგომარეობაში).
ყდა ოთხგვერდიანია. ყდას აქვს გადაკეცვის ადგილი შუაში. ყდის პირველ გვერდზე დატანილია ოქროსფერი ჩარჩო. ამავე გვერდის ცენტრში არის ფოლგირებული წარწერა - „ქორწინების მოწმობა“, რომელიც ჩასმულია ორნამენტირებულ ჩარჩოში. გვერდის ქვედა მარჯვენა კუთხეში დატანილია ოქროსფერი ორნამენტი. ყდის მეორე და მესამე გვერდები ცარიელია. ყდის მეოთხე გვერდზე დატანილია ოქროსფერი ჩარჩო. გვერდის ქვედა მხარეს განთავსებულია სააგენტოს სრული ლოგო ერთ ფერში. მოწმობისა და ყდის შესაკრავად გამოიყენება ლენტი (ქსოვილის ფაქტურა: grosgrain; სიგრძე - 70 ± 2 სმ; სიგანე - 6 ± 1 მმ; ფერი - ოქროსფერი).

შენიშვნა: შემსყიდველის მიერ მოწმობების ბლანკზე ლაზერული პრინტერით დატანილი ტექსტი, ზემოქმედების შედეგად, არ უნდა იშლებოდეს.

მიმწოდებელმა შემსყიდველს შესყიდვის ობიექტის უნდა მიაწოდოს ხელშეკრულების დადებიდან 40 სამუშაო დღის განმავლობაში.
მიმწოდებელი ვალდებულია შესყიდვის ობიექტის მიწოდებამდე არანაკლებ 2 სამუშაო დღით ადრე შეატყობინოს შემსყიდველს მიწოდების დროის შესახებ.

1. შესყიდვის ობიექტის მიწოდების ადგილია ქ. თბილისი, აკაკი წერეთლის გამზირი №67ა;
2. მისაწოდებელი შესყიდვის ობიექტი შეფუთული უნდა იყოს 100-ცალიან შეკვრებად, მიმწოდებლის შეხედულებისამებრ, რათა თავიდან იქნეს აცილებული ტრანსპორტირებისას მოსალოდნელი დაზიანებები. შეფუთული საქონელი დამოწმებული უნდა იყოს მიმწოდებლის მიერ პასუხისმგებელი პირის ხელმოწერით ან/და ბეჭდით და მითითებული უნდა იყოს შესყიდვის ობიექტის დასახელება და რაოდენობა. შემსყიდველს შეუძლია უარი თქვას საქონლის ჩაბარებაზე, შეფუთვის მთლიანობის დარღვევის შემთხვევაში.

პრეტენდენტმა, ფასების ცხრილის შესაბამის გრაფაში ჩაწერის გზით, უნდა წარმოადგინოს ინფორმაცია შემოთავაზებული შესყიდვის ობიექტის მწარმოებელი კომპანიის შესახებ.

შენიშვნა: „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 27-ე მუხლის მე-3 პუნქტის შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის ან განუფასებლადაა წარდგენილი ხარჯთაღრიცხვა", გარდა ამავე მუხლის მე-3 პრიმა პუნქტით გათვალისწინებული შემთხვევისა.

1. პრეტენდენტმა სისტემის მეშვეობით უნდა წარმოადგინოს წინამდებარე კითხვარის 1.3 პუნქტით გათვალისწინებული ფასების ცხრილი.
2. შემოთავაზებული შესყდვის ობიექტი უნდა იყოს ტრანსპორტირებისთვის უსაფრთხო ქარხნული შეფუთვით.
3. დაუშვებელია პრეტენდენტის მიერ ტენდერში ქვეკონტრაქტორით მონაწილეობა.

ტექნიკური დავალებით გათვალისწინებული შესყიდვის ობიექტის ნიმუშები:

ა) დაბადებისა და ქორწინების ელექტრონული მოწმობის ასლის ჩასადები ყდები 10-10 ცალი ბეჭდვით და ლამინირებით (ტექნიკური დავალების 1.2 და 2.2 პოზიციები), ხოლო 10-10 ცალი ბეჭდვისა და ლამინირების გარეშე.

ბ) დაბადებისა და ქორწინების ელექტრონული მოწმობის ასლის დასაბეჭდი ქაღალდი (ტექნიკური დავალების 1.1 და 2.1 პოზიციები) თითოეული 10-10 ცალი ტექნიკური დავალების პარამეტრების სრული დაცვით, ხოლო 10-10 ცალი ბეჭდვის გარეშე.

ლენტი - მინიმუმ 1 ცალი ტექნიკური პარამეტრების სრული დაცვით.

შემსყიდველ ორგანიზაცია უფლებას იტოვებს, მიერ შერჩეული მეთოდით, შეამოწმოს წარმოდგენილი ნიმუშის შესაბამისობა სატენდერო დოკუმენტაციით გათვალისწინებულ მოთხოვნებთან.

შემოთავაზებული შესყიდვის ობიექტის ნიმუშების წარმოდგენის ადგილია ქ. თბილისი, ზვიად გამსახურდიას სანაპირო №1 (იუსტიციის სახლი).

1. საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებისა და საგადასახადო ანგარიშ-ფაქტურის (საქართველოს კანონმდებლობით დადგენილ შემთხვევაში) წარმოდგენის შემდეგ.

ანგარიშსწორება განხორციელდება ხელშეკრულების შესრულების შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის (დღგ–ს გადამხდელად რეგისტრაციის შემთხვევაში) წარმოდგენიდან არაუგვიანეს 10 სამუშაო დღის განმავლობაში.

ნინო მღარიშვილი, 555751574, n.mgarishvili@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.

დოკუმენტების ელექტრონულად დამოწმება შესაძლებელია:
1) პრეტენდენტის მიერ შექმნილი ნებისმიერი დოკუმენტების (მათ შორის: ფასების ცხრილი, გეგმა-გრაფიკი და სხვა) დამოწმება ცალ-ცალკე, ელექტრონული ხელმოწერით ან/და კვალიფიციური ელექტრონული შტამპით.
2) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად.

აღნიშნული წესი არ ეხება:
1) არარეზიდენტი პირებს. შესაბამისად, მათ მიერ შექმნილი სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ.
2) სახელმწიფო შესყიდვების სააგენტოს ვებ გვერდზე (https://t.ly/74T1s) განთავსებული რეკომენდაციით გათვალისწინებულ დოკუმენტებს (მათ შორის, ექსელის სახით წარმოდგენილი "ფასების ცხრილი"). შესაბამისად, აღნიშნულ დოკუმენტებზე კვალიფიციური ელექტრონული ხელმოწერით/შტამპით დამოწმება არაა სავალდებულო და არ გამოიწვევს პრეტენდენტის დისკვალიფიკაციას.

10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე, კერძოდ, პრეტენდენტის მიერ წარმოდგენილი უნდა იყოს საქართველოს ნოტარიუსთა პალატის ნოტარიუსთა ელექტრონულ რეესტრში რეგისტრირებულ ნოტარიუსთა მიერ დამოწმებული თარგმანი;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის, "ფასების ცხრილთან "დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.