Инженерные услуги (Грузия - Тендер #67463666)

ქალაქ თბილისში, მთაწმიდის რაიონში, გომის ქუჩაზე, ბეთლემის ტაძრის მიმდებარე არსებული ფერდის პრევენციული დამცავი ღონისძიებების გატარების მიზნით დეტალური საინჟინრო-გეოლოგიური კვლევის და პროექტირების სამუშაოების საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა.

საკვლევი ობიექტის მდებარეობა და მოკლე აღწერა: ბეთლემის ტაძარი თავისი ეზოთი მდებარეობს ქალაქის ცენტრალურ ნაწილში (კოორდ: X-483730; Y-4615245). ფერდობს აქვს ჩრდილოური ექსპოზიცია, საერთო დახრილობა 20–250, ზედაპირი ტალღოვანი, წარმოადგენს მამადავითის ანტიკლინის ჩრდილო ფრთას, რომელიც გეოლოგიურად აგებულია შუაეოცენური (E23) ასაკის ტუფოგენური და ტუფბრექჩიული ქანებით. წარმოდგენილი ქანები ზედაპირზე, ღია გაშიშვლებებში, დანაპრალიანებული და გამოფიტულია, ამიტომ თითქმის ვერტიკალური ქანობის პირობებში, რომლის სიმაღლე ტაძრის მიმდებარედ 8 – 10 მ-ია, ხდება ცალკეული ადგილების ჩამოშლა და ჩამოცვენა. ტაძრის უკან კლდოვან კედელზე ჩამოშვებულია მავთულბადე, ამჟამინდელი მდგომარეობით ის არაეფექტურია, რადგან ზედა ნაწილში ამოვარდნილ კლდოვან მასალას აქვს თავისუფალი ვარდნის დიდი სივრცე. კლდოვანი კარნიზის ზემოთ ქანები დანაპრალებული და დაშლილია. ჩამოშვებული მავთულბადის შიგნით დაგროვილია ჩამოშლილი მასალა.

დავალების მიზანია:
ქალაქ თბილისში, მთაწმინდის რაიონში, გომის ქუჩაზე, ბეთლემის ტაძრის მიმდებარედ არსებული ფერდის პრევენციული დამცავი ღონისძიებების გატარების მიზნით დეტალური საინჟინრო-გეოლოგიური კვლევის და პროექტირების სამუშაოების საპროექტო-სახარჯთაღრიცხვო და სატენდერო პროცედურების ჩატარებასთან დაკავშირებული ტექნიკური დოკუმენტების შედგენაზე მომსახურების გაწევა და სამუშაოების პროცესში საავტორო ზედამხედველობა.
ზემოაღნიშნული გეოდინამიკური სიტუაციიდან გამომდინარე ფერდობის მდგრადობის უზრუნველყოფისათვის აუცილებელია შემდგომი ღონისძიებების განხორციელება, კერძოდ:
 ხელოვნურად ჩამოიშალოს ფერდობის ზედა ნაწილში არსებული, მყიფე წონასწორობის მდგომარეობაში მყოფი, ჩამოშლისთვის გამზადებული უბანი;
 მოხდეს ფერდობის ქანობის შემცირება (დატერასება);
 კარნიზის ზემოთ დეტალური გეოლოგიური კვლევების ჩატარება, რათა გამოვლენილი იქნეს საშიშროების შემცველი კონკრეტული ადგილები;
აღნიშნული ღონისძიებები უნდა განხორციელდეს ქვეყანაში მოქმედი სამშენებლო ნორმებისა და წესების სრული დაცვით შემუშავებული პროექტის საფუძველზე, რომელმაც შესაძლოა გამოვლინოს დამატებით სხვა ღონისძიებების გატარების საჭიროება, ან ზემოაღნიშნული ჩამონათვალის კორექტირება.

შენიშვნა: ტექნიკური დავალება და მომსახურების ხარჯთაღრიცხვა ატვირთულია სატენდერო დოკუმენტაციასთან ერთად.

1.4.1 მიწოდების ვადა: ხელშეკრულების ძალაში შესვლიდან 60 (სამოცი) კალენდარული დღე (ექსპერტიზის მომსახურების ვადის ჩათვლით).

1.5.1 საპროექტო დოკუმენტაციის მიწოდების ადგილი: ქ. თბილისი, ჟ. შარტავას ქ. №7, ქ. თბილისის მუნიციპალიტეტის მერიის ინფრასტრუქტურის განვითარების საქალაქო სამსახური.

პრეტენდენტს 2022 წლის 01 იანვრიდან უნდა გააჩნდეს არანაკლებ შესყიდვის სავარაუდო ღირებულების 150%-ის ღირებულების საყრდენი კედლ(ებ)ის ან/და ფერდობ(ებ)ის გამაგრების სამუშაოების საპროექტო დოკუმენტაციის შედგენის, მათ შორის ერთ ობიექტზე არანაკლებ შესყიდვის სავარაუდო ღირებულების 50%-ის ღირებულების მომსახურების გამოცდილება, რომელიც ინფორმაციის სახით მოცემული უნდა იყოს დანართი №2-ით გათვალისწინებულ ცხრილში (წარმოდგენილ იქნას დამადასტურებელი დოკუმენტაცია - ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან სხვა))(დანართი №2).

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი №2-ის შესაბამისად.

2.7.1 მიღება-ჩაბარების აქტი გაფორმდება საინჟინრო-გეოლოგიური ანგარიშის და სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
2.7.2 წარმოდგენილ ექსპერტიზის დასკვნას უნდა ახლდეს სამშენებლო სამუშაოების სახარჯთაღრიცხვო დოკუმენტაცია, რომელსაც ჩაუტარდა ექსპერტიზა და მიეცა შესაბამისი ექსპერტის დადებითი დასკვნა/რეკომენდაცია.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2025 წლის ქ. თბილისის ბიუჯეტის სახსრებით, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ირაკლი ბრეგვაძე, 599729939, bregvadze.irakli@yahoo.com ტელ: +99532 237 85 72. ტექნიკურ საკითხებთან დაკავშირებით საკონტაქტო პირი: ბ-ნი შალვა ზარიძე, ტელეფონის ნომერი: 595 28 28 22, ელ. ფოსტა: infrastructure@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 და №2 დანართებზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ წარმოდგენილ უნდა იქნას დანართი №2-ის შესაბამისად.

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.