Земляное оборудование, землеройные машины и их запасные части (Грузия - Тендер #67438607)

მუხლუხა ბულდოზერის და შესაბამისი გეგმიური ტექნიკური მომსახურების (სარეგლამენტო) სახელმწიფო შესყიდვა

1.2.1 მუხლუხა ბულდოზერი - 1 ერთეული;

1.2.2 პრეტენდენტმა უნდა განაფასოს სატენდერო დოკუმენტაციის 1.3 პუნქტში ატვირთული - ფასების ცხრილი დანართი N1. დანართი N2-ში "პრეტენდენტის შემოთავაზება"-ს გრაფაში უნდა მიუთითოს შემოთავაზებული ტექნიკის ზუსტი ტექნიკური მახასიათებლები. დანართი N3-ში უნდა შეავსოს არანაკლებ 40 (ორმოცი) ერთეული ტექნიკის შესაბამისი სათადარიგო ნაწილი და მომსახურება (ნაწილის და მომსახურების ღირებულების გათვალისწინებით).
1.2.3 ბულდოზერი უნდა იყოს ახალი, ექსპლუატაციაში არ მყოფი, დეფექტების გარეშე, გამოშვების წელი არანაკლებ 2023წ.
1.2.4 პრეტენდენტმა უნდა უზრუნველყოს 2000 სამუშაო საათის განმავლობაში საჭირო გეგმიური ტექნიკური მომსახურების (სარეგლამენტო) ცხრილის (დანართი N4) შევსება, განფასება და ატვირთვა. პრეტენდენტმა გეგმიური ტექნიკური მომსახურება (სარეგლამენტო) უნდა გაწიოს შემოთავაზებული ტექნიკისათვის მწარმოებლის ან მწარმოებლის ოფიციალური წარმომადგენლის მიერ განსაზღვრული ნუსხისა და გრაფიკის შესაბამისად, რასთან დაკავშირებითაც უნდა წარმოადგინოს მწარმოებლის ან მწარმოებლის ოფიციალური წარმომადგენლის მიერ გაცმული ოფიციალური დოკუმენტი.
1.2.5 ბულდოზერს უნდა გააჩნდეს ინტეგრირებული GPS სისტემა (ტელემატიკა), რომელიც უწყვეტ რეჟიმში უზრუნველყოფს ტექნიკის შესახებ სხვადასხვა ინფორმაციის (ადგილმდებარეობა, ნამუშევარი საათები, მიმდინარე ტექნიკური გაუმართაობების შესახებ ინფორმაცია და ა.შ.). შემსყიდველისთვის მიწოდებას, არანაკლებ 3 (სამი) წლის განმავლობაში, უფასოდ.
1.2.6 პრეტენდენტმა დანართი N3-ში უნდა შეავსოს არანაკლებ 40 (ორმოცი) ერთეული ტექნიკის შესაბამისი სათადარიგო ნაწილი და მომსახურება (ნაწილის და მომსახურების ღირებულების გათვალისწინებით). არსებული ნუსხა მოიცავს პრეტენდენტის მიერ ბულდოზერის მოწოდებიდან საგარანტიო პერიოდის (არანაკლებ 1 (ერთი) წელს ან 2000 სამუშაო საათს (რომელიც ადრე დადგება)) განმავლობაში მოსაწოდებელ მომსახურებას შესაბამისი საქონლით.
1.2.7 სატენდერო წინადადების ფასი წარმოდგენილი უნდა იყოს შესყიდვის ობიექტის მიწოდებასთან და შემსყიდველისთვის გადაფორმებასთან დაკავშირებული საქართველოს კანონმდებლობით გათვალისწინებული ყველა გადასახადის გათვალისწინებით. ღირებულება ასევე უნდა მოიცავდეს გეგმიური ტექნიკური მომსახურების (სარეგლამენტო) საფასურს. დანართი N3-ით განსაზვრული ტექნიკისათვის შესაცვლელი ნაწილებისა და მომსახურების ჯამური ღირებულება არ მონაწილეობს ვაჭრობაში.
1.2.8 პრეტენდენტი ვალდებულია ბულდოზერის ღირებულება და გეგმიური ტექნიკური მომსახურების (სარეგლამენტო) ღირებულება წარმოადგინოს ლარში. გამარჯვებულ პრეტენდენტთან ხელშეკრულება გაფორმდება ბულდოზერის შესყიდვაზე და გეგმიურ ტექნიკური მომსახურებაზე (სარეგლამენტო), ხოლო საგარანტიო პერიოდის განმავლობაში საჭირო საქონლის და მომსახურების შესყიდვაზე, საჭიროებისამებრ გაფორმდება ცალკე ხელშეკრულება გამარტივებული შესყიდვის საფუძვლით. შემოთავაზებული საგარნტიო პერიოდის განმავლობაში საჭირო საქონლის და მომსახურების ღირებულება (დანართი N3) შესაძლებელია დაფიქსირდეს ლარში ან აშშ დოლარში ან ევროში, პრეტენდენტის მოთხოვნის შესაბამისად. დანართი N3-ით განსაზღვრული საქონლის და მომსახურების უცხოურ ვალუტაში წარმოდგენის შემთხვევაში, საგარანტიო პერიოდში ანგარიშსწორება განხორციელდება ეროვნულ ვალუტაში მიღება-ჩაბარების დღეს ეროვნული ბანკის მიერ დაფიქსირებული ოფიციალური გაცვლითი კურსით.

1.4.1 ბულდოზერის მიწოდება უნდა განხორციელდეს ხელშეკრულების გაფორმებიდან არაუმეტეს 60 (სამოცი) კალენდარული დღისა;
1.4.2 პრეტენდენტის მიერ შევსებული და შემოთავაზებული გეგმიური ტექნიკური მომსახურების (სარეგლამენტო) მომსახურების გაწევა უნდა განხორციელდეს მოთხოვნიდან 3 (სამი) კალენდარული დღის ვადაში.
1.4.3 შესაცვლელი ნაწილებისა და მომსახურების მიწოდება, მოთხოვნის შემთხვევაში, უნდა განხორციელდეს ბულდოზერის მიწოდების შემდეგ მიღება-ჩაბარების აქტის გაფორმებიდან საგარნტიო პერიოდის განმავლობაში დანართი N3-ში მითითებული ვადებისა და პრეტენდენტის მიერ შემოთავაზებული განფასების შესაბამისად.

1.5.1 მიწოდების ადგილი: ქ. თბილისი, შემსყიდველის მიერ მითითებული მისამართი;
1.5.2 მიმწოდებელმა აღნიშნული ტექნიკის მიწოდება უნდა განახორციელოს საკუთარი ხარჯებით;
1.5.3 ტექნიკა უნდა იყოს განბაჟებული.

1.7.1.1 ბულდოზერის საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს ან 2000 სამუშაო საათს (რომელიც ადრე დადგება);
1.7.1.2 გარანტია უნდა ვრცელდებოდეს სრულ ბულდოზერზე (გარდა სახარჯი მასალებისა (მაგ: საცხებ-საპოხი მასალები, ფილტრები, ანტიფრიზი და ა.შ.) და ცვეთადი დეტალებისა (მაგ: სავალი ნაწილის ცვეთადი ნაწილები, დანის პირები, მინის საწმენდები, ნათურები, აკუმულატორები, ღვედები და ა.შ.).
1.7.1.3 საგარანტიო პერიოდის განმავლობაში, საგარანტიო შემთხვევის დადგომისას, მიმწოდებელი ვალდებულია დაზიანებული ან/და ქარხნული წუნის გამოვლენის შემთხვევაში, ყოველგვარი ანაზღაურების გარეშე სრულად აღმოფხვრას პრობლემა, კერძოდ, შეაკეთოს ან თუ შეკეთებას არ დაექვემდებარება ნაკლიანი კომპონენტი, შეცვალოს დაზიანებული ან/და ქარხნული წუნის მქონე კომპონენტი ახლით, შემსყიდველის მიერ წერილობითი მოთხოვნიდან არაუმეტეს 4 (ოთხი) სამუშაო დღის ვადაში. აღნიშნული ვადა, მხარეთა შეთანხმებით, შესაძლებელია გაიზარდოს არაუმეტეს 45 (ორმოცდახუთი) კალენდარული დღით.
1.7.1.4 იმ შემთხვევაში, თუ დადგინდება, რომ გამოვლენილი ქარხნული წუნი არ ექვემდებარება აღმოფხვრას მიმწოდებელი ვალდებულია 180 (ასოთხმოცი) კალენდარული დღის განმავლობაში უზრუნველყოს ბულდოზერის შეცვლა ანალოგიური ან გაუმჯობესებული პარამეტრების მქონე მუხლუხა ბულდოზერით.
1.7.1.5 საგარანტიო ვადაში, საგარანტიო შემთხვევის დადგომისას, დაზიანების ან/და ქარხნული წუნის გამოვლენის შემთხვევაში, მიმწოდებელმა უნდა შეძლოს ტექნიკური მომსახურების ადგილზე ჩატარება მობილური ბრიგადების საშუალებით ან მოახდინოს ტექნიკის ევაკუირება სერვის ცენტრ(ებ)ში საკუთარი ხარჯებით.
1.7.1.6 მუხლუხა ბულდოზერზე შეცვლილ/შეკეთებულ ნაწილებზე/კომპონენტებზე გავრცელდება საგარანტიო პერიოდი 6 თვის ვადით;

2.1.1.1 პრეტენდენტი ვალდებული ფასების ცხრილში მიუთითოს წარმოშობის ქვეყანა, მწარმოებელი ან/და სავაჭრო ნიშანი და მარკა ან/და მოდელი.
2.1.1.2 აღნიშნული ინფორმაციის წარმოუდგენლობის შემთხვევაში პრეტენდენტი ექვემდებარება დისკვალიფიკაციას.

2.2.1.1. პრეტენდენტის მიერ საქართველოს ტერიტორიაზე გაყიდული ბულდოზერის რაოდენობა, 2022 წლის პირველი იანვრიდან ტენდერის გამოცხადების თარიღამდე უნდა შეადგენდეს არანაკლებ 1 (ერთი) ერთეულს.
2.2.1.2 პრეტენდენტის მიერ სატენდერო დოკუმენტაციის 2.2.1.1 პუნქტით განსაზღვრული მოთხოვნის დასადასტურებლად ერთიანი ელექტრონული სისტემის მეშვეობით წარმოდგენილი უნდა იქნას შესაბამისი ხელშეკრულებ(ებ)ი და ხელშეკრულებ(ებ)ის შესაბამისი მიღება-ჩაბარების აქტ(ებ)ი ან/და დადასტურებული ანგარიშ-ფაქტურები ან/და დადასტურებული ზედნადებები.

2.3.1.1 პრეტენდენტს უნდა გააჩნდეს საკუთრებაში ან სარგებლობაში არსებული მინიმუმ 1 სერვის ცენტრი თბილისში ან თბილისიდან არაუმეტეს 35 კმ-ის რადიუსში (კონკრეტული მისამართის (ადგილმდებარეობის) მითითებით), სადაც სერვისი განხორციელდება მწარმოებლის მიერ დადგენილი (რეკომენდირებული) ექსპლუატაციის, რეგულარული მომსახურების და რემონტის ინსტრუქციების სრული დაცვით. აღნიშნულის დასადასტურებლად, პრეტენდენტის მიერ წარმოდგენილი უნდა იქნეს დოკუმენტაცია, სადაც მითითებული იქნება ინფორმაცია სერვისცენტრ(ებ)ის მისამართ(ებ)ის შესახებ. შენიშვნა:1) საკუთრების შემთხვევაში - ინფორმაცია მისი მდებარეობის და ამონაწერი უძრავი ქონების რეესტრიდან შენობა-ნაგებობის და მიწის ფლობის შესახებ; 2) იჯარის შემთხვევაში - მოიჯარესთან გაფორმებული ხელშეკრულება სადაც მითითებული იქნება იჯარით გადაცემული ქონების შესახებ სრულყოფილი ინფორმაცია და ამონაწერი უძრავი ქონების რეესტრიდან შენობა-ნაგებობის და მიწის შესახებ.
2.3.1.2 შემსყიდველი უფლებამოსილია ტენდერისათვის "გამარჯვებული გამოვლენილია" სტატუსის მინიჭებამდე, ნებისმიერ ეტაპზე ადგილზე შეამოწმოს პრეტენდენტის სერვისცენტრ(ებ)ი სატენდერო დოკუმენტაციით განსაზღვრულ პირობებთან მისი შესაბამისობის დადგენის მიზნით.

2.7.1.1 ბულდოზერს უნდა გააჩნდეს ISO 3471 (ROPS) და ISO 3449 (FOPS) სერტიფიკატები. აღნიშნულის თაობაზე, პრეტენდენტმა სისტემის მეშვეობით უნდა წარმოადგინოს შემოთავაზებულ ბულდოზერზე მწარმოებლის მიერ გაცემული დოკუმენტ(ებ)ი, რომლითაც დადასტურდება, რომ შემოთავაზებულ საქონელს გააჩნია ზემოაღნიშნული სერტიფიკატები, ხოლო მოწოდებულ ბულდოზერს უნდა გააჩნდეს აღნიშნულ სტანდარტებთან შესაბამისობის დამადასტურებელი სათანადო ფირნიში.
2.7.1.2 პრეტენდენტი უნდა იყოს შემოთავაზებული ტექნიკის მწარმოებლის ოფიციალური, მოქმედი წარმომადგენელი/დილერი საქართველოში, რომლის დასადასტურებლად წარმოდგენილ უნდა იქნეს შემოთავაზებული ტექნიკის მწარმოებლის მიერ გაცემული ოფიციალური დოკუმენტი.

2.9.1 შემოთავაზებული ტექნიკა უნდა იწარმოებოდეს ევროკავშირის ან ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში;
2.9.2 ბულდოზერს თან უნდა ახლდეს მოხმარების წესების სახელმძღვანელო (ქართულ ან რუსულ ან ინგლისურ ენაზე). გამარჯვებული პრეტენდენტი შესყიდვის ობიექტის მიწოდებისას ვალდებულია, ჩაატაროს სწორი ექსპლუატაციის ინსტრუქტაჟი, შემსყიდველი ორგანიზაციის თანამშრომლებისთვის

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტი და დასკვნაზე ხელმომწერი ქონების შემფასებელი პირის (საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული) ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

5 Процентов

10 Процентов

მიმწოდებლის მიერ წარმოდგენილი ხელშეკრულების შესრულების უზრუნველყოფის გარანტიის მოქმედების ვადა, მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის საბოლოო მიწოდების ვადას;

6.4.1 ტენდერში გამოიყენება ხელშეკრულების შესრულების უპირობო და გამოუთხოვადი საბანკო ან/და სადაზღვევო გარანტია, ხელშეკრულების ღირებულების 5%–ის ოდენობით, (იმ შემთხვევაში თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესაბამისი ტენდერის შესყიდვის ობიექტის სავარაუდო ღირებულებაზე, შემსყიდველ ორგანიზაციას უფლება აქვს გამარჯვებულ პრეტენდენტს მოსთხოვოს ხელშეკრულების შესრულების უზრუნველყოფის საბანკო გარანტია 10%-მდე ოდენობით). საბანკო ან/და სადაზღვევო გარანტიის მოქმედების ვადა არანაკლებ 60 დღით უნდა აღემატებოდეს საქონლის (ბულდოზერის და გეგმიურ ტექნიკური მომსახურების (სარეგლამენტო)) მოწოდების საბოლო ვადას. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება - ჩაბარების აქტის შესაბამისად.

7.3.1 ანგარიშსწორება განხორციელდება ანგარიშ-ფაქტურის გამოწერისა და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში. გარდა წინამდებარე მუხლის „ 7.3.2“ პუნქტის შემთხვევისა.
7.3.2 იმ შემთხვევაში, თუ ჯარიმის/პირგასამტეხლოს გამოყენებასთან დაკავშირებით შეტყობინების მიღებიდან 7.3.1 პუნქტით გათვალისწინებულ ანგარიშსწორებამდე მიმწოდებლის მიერ არ იქნა წარმოდგენილი საჯარიმო სანქციით დაკისრებული თანხის გადახდის დამადასტურებელი დოკუმენტი, შემსყიდველი უფლებამოსილია მიღება-ჩაბარების აქტით განსაზღვრული მოწოდებული შესყიდვის ობიექტის ღირებულების ანაზღაურებისას, ხელშეკრულების პირობების დარღვევის გამო ჯარიმის/პირგასამტეხლოს თანხა დაუქვითოს მიმწოდებელს, რის შემდეგაც მიმწოდებელს ჩაერიცხება დარჩენილი თანხა.

ქეთევან გოგიბერიძე, 551526284, q.gogiberidze@tbsg.ge ტექნიკურ საკითხებთან დაკავშირებით საკონტაქტო პირი - ავთანდილ ბროლაძე, ტელ: 595 905 049.

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის 1.3. პუნქტით გათვალისწინებული დანართები შესაძლებელია წარმოდგენილ იქნეს MS Excel-ის ფორმატის ფაილის სახით, რაც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“;
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება;

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 სატენდერო დოკუმენტაციის 1.3 პუნქტით გათვალისწინებული დანართი N1, დანართი N2, დანართი N3 და დანართი N4.
10.1.7.2 სატენდერო დოკუმენტაციის 1.7.1.1. პუნქტით გათვალისწინებული ინფორმაცია;
10.1.7.3 სატენდერო დოკუმენტაციის 2.2.1 პუნქტით გათვალისწინებული დოკუმენტები;
10.1.7.4 სატენდერო დოკუმენტაციის 2.3.1.1 პუნქტით გათვალისწინებული დოკუმენტები;
10.1.7.5 სატენდერო დოკუმენტაციის 2.7.1 პუნქტით გათვალისწინებული დოკუმენტები;
10.1.7.6 სატენდერო დოკუმენტაციის 1.2.4 პუნქტით გათვალისწინებული დოკუმენტები.