Строительные материалы и связанные с ними изделия (Грузия - Тендер #67414027)

რკინა-ბეტონის მასალის სახელმწიფო შესყიდვა

1.2.1.1 რ/ბ ჭების, ბეტონის კიუვეტების, ბოქს-კულვერტების და ფილების კონსტრუქციების დამზადება უნდა განხორციელდეს ქარხნულ პირობებში ან სპეციალურად მომზადებულ სამშენებლო მოედნებზე. ფილების, ანაკრები რკინა-ბეტონოს ჭებისა და "ბოქს-კულვერტების" მასალების წარმოებისთვის გამოყენებული ბეტონი უნდა იყოს ქარხნული წესით წარმოებული, არ უნდა იყოს ხელით მოზელილი.
1.2.1.2 ანაკრები რკინა-ბეტონის ჭების, ბეტონის კიუვეტების და ბოქს-კულვერტების გარე ზედაპირის ჰიდროიზოლაცია უნდა განხორციელდეს ბიტუმის მასტიკით 2 ფენად.
1.2.1.3 რკინა-ბეტონის გადახურვის ყრუ ფილებს, ასევე ბოქ-კულვერტებს უნდა გააჩნდეთ ორმაგი არმირება, ხოლო კიუვეტების გადახურვის რკინა-ბეტონის ფილების არმირება უნდა იყოს ერთმაგი არანაკლებ 10 მმ დიამეტრის არმატურის ბადით.
1.2.1.4 რკინა-ბეტონის პროდუქცია უნდა იყოს დამზადებული B-25 მარკის ბეტონით.
1.2.1.5 მიმწოდებელი ვალდებულია შესასყიდ საქონელს შიდა მხარეს დაუსვას სპეციალური დამღა/ან გააკეთოს მარკირება საქონლის წარმოების თარიღის და მწარმოებლის შესახებ;
1.2.1.6 მიმწოდებელი ვალდებულია უზრუნველყოს რკინა-ბეტონის ფილის, ანაკრები რკინა-ბეტონის ჭების, კიუვეტებისა და ბოქს-კულვერტების წარმოებაში გამოყენებული ბეტონის მასალის ნიმუშის („კუბიკი“) შენახვა/კონსერვაცია მინიმუმ 3 თვის განმავლობაში. ამასთან, მიმწოდებელი ვალდებულია შემსყიდველის მოთხოვნის შემთხვევაში უზრუნველყოს წარმოებაში გამოყენებული ბეტონის ნიმუშის შემოწმება საკუთარი ხარჯით, იმ შემთხვევაში თუ ბეტონის ნიმუშის ხარისხი არ იქნება შესაბამისობაში შემსყიდველის მიერ განსაზღვრულ ბეტონის სპეციფიკაციებთან შემსყიდველი უფლებამოსილია მოითხოვოს უხარისხო ბეტონით წარმოებული საქონლის ჩანაცვლება;
1.2.1.7 კონკრეტული მიწოდებული პარტიის ხარისხის შემოწმება შემსყიდველის მიერ მოხდება შემსყიდველის ტერიტორიაზე საქონლის ჩამოტვირთვამდე (მანქანაზე) შმიდტის ჩაქუჩითა და ვიზუალური დათვალირებით. იმ შემთხვევაში თუ საქონლის ხარისხი არ დააკმაყოფილებს შემსყიდველის მიერ განსაზღვრულ მოთხოვნებს შემსყიდველი აამოქმედებს კონტრაქტით გათვალისწინებულ საჯარიმო სანქციებს;
1.2.1.8 მიმწოდებელი ვალდებულება ჭების, ჭის ძირების, ბეტონის კიუვეტების, ბოქს-კულვერტებისა და გადახურვის ფილების ვიბრირება მოახდინოს „ვიბრო მაგიდაზე“ ან „ვიბრო შლანგით“.
1.2.1.9 რკინა ბეტონის ჭებზე, ჭის ძირებზე და გადახურვის ფილებზე დასამაგრებელი კაუჭების ზომები უნდა შეესაბამებოდეს ГОСТ 14098-91 სტანდარტს. აღნიშნული ნორმით 0,5-1,0 ტონამდე მასის რკინა-ბეტონის ნაკეთობაზე კაუჭი უნდა დამზადდეს 8-10 მმ დიამეტრის არმატურით 1-3 ტონამდე - 12 მმ დიამეტრის არმატურით 3-5 ტონამდე 14-16 მმ დიამეტრის არმატურით 5 ტონაზე მეტი - 18-20 მმ დიამეტრის არმატურით
1.2.1.10 ბეტონის კიუვეტებისათვის ლითონის ცხაურები უნდა იყოს დამზადებული ესკიზის შესაბამისად.
1.2.1.11 მოწოდებული შესყიდვის ობიექტი უნდა იყოს ახალი, ექსპლუატაციაში არ მყოფი.

1.2.2 შესყიდვის ობიექტის დეტალური ტექნიკური მახასიათებლები, რაოდენობებით და ზღვრული ერთეულის ფასებით იხილეთ სატენდერო დოკუმენტაციის 1.3. პუნქტში ატვირთულ ფასების ცხრილში (Excel) დანართი N1.
1.2.3 შესყიდვის სავარაუდო ღირებულების კლების შემთხვევაში, პრეტენდენტის მიერ წარმოდგენილ ფასების ცხრილში, თითოეული პოზიციის ერთეული ფასის კლება უნდა განხორციელდეს სატენდერო დოკუმენტაციის ფასების ცხრილით განსაზღვრული ზღვრული ერთეულის ფასებიდან, არანაკლებ, სატენდერო განცხადებაში მოცემულ შესყიდვის სავარაუდო ღირებულებასა და პრეტენდენტის მიერ სისტემაში დაფიქსირებულ სატენდერო წინადადების საბოლოო ფასს შორის არსებული პროცენტული სხვაობით.
1.2.4 პრეტენდენტმა უნდა წარმოადგინოს სატენდერო დოკუმენტაციის 1.3 პუნქტში ატვირთული ფასების ცხრილი დანართი N1 (Excel)-ის ფორმატის სახით.
1.2.5 პრეტენდენტი ვალდებულია, ფასების ცხრილი დანართი N1 (Excel) -ში "პრეტენდენტის მიერ დაფიქსირებული ბოლო შეთავაზება"-ის გრაფაში მიუთითოს შესყიდვის ობიექტის შემოთავაზებული ჯამური ღირებულება. რის შემდგომ ფორმულა ავტომატურად გადაანაწილებს შესყიდვის ობიექტის ყველა პოზიციაზე როგორც ერთეულის ფასს, ასევე ჯამურ ღირებულებას მე-6 და მე-7 სვეტებში.
1.2.6 ფასების ცხრილის ტექნიკური მახასიათებლები, წარმოდგენილი უნდა იყოს დაზუსტებულად, "არანაკლებ"-ის გარეშე.
1.2.7 ფასების ცხრილი დანართი N1-ის წარმოუდგენლობის ან განუფასებლად წარმოდგენის შემთხვევაში პრეტენდენტი ექვემდებარება დისკვალიფიკაციას.

1.4.1 შესყიდვის ობიექტის მიწოდება ხორციელდება ეტაპობრივად, ხელშეკრულების გაფორმებიდან 2025 წლის 31დეკემბრის ჩათვლით, შემსყიდველის მოთხოვნილი რაოდენობების შესაბამისად, მოთხოვნიდან არაუგვიანეს 5 (ხუთი) სამუშაო დღისა.
1.4.2 შემსყიდველი არ იღებს ვალდებულებას შესყიდვის ობიექტის რაოდენობების სრულად დაკვეთის შესახებ.
1.4.3 პრეტენდენტმა შესყიდვის ობიექტის მიწოდებასთან დაკავშირებით შემსყიდველი უნდა გააფრთხილოს წინასწარ 24:00 საათით ადრე;
1.4.4 პრეტენდენტმა შემსყიდველის მიერ მოთხოვნილი შესყიდვის ობიექტის მიწოდება უნდა განახორციელოს სამუშაო დღის 16:00 საათამდე.

შესყიდვის ობიექტის მიწოდების ადგილია: ქ. თბილისი, თვალჭრელიძის ქ. 41ა.

2.1.1.1 პრეტენდენტმა ფასების ცხრილში შესყიდვის ობიექტის ყველა პოზიციაზე უნდა მიუთითოს მწარმოებელი ან/და სავაჭრო ნიშანი.
2.1.1.2 აღნიშნული ინფორმაციის წარმოუდგენლობის შემთხვევაში პრეტენდენტს მიენიჭება დისკვალიფიკაცია;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტი და დასკვნაზე ხელმომწერი ქონების შემფასებელი პირის (საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული) ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

5 Процентов

0 Процентов

მიმწოდებლის მიერ წარმოდგენილი ხელშეკრულების შესრულების უზრუნველყოფის გარანტიის მოქმედების ვადა, არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის საბოლოო მიწოდების ვადას.

ტენდერში გამოიყენება ხელშეკრულების შესრულების უპირობო და გამოუთხოვადი საბანკო გარანტია, ხელშეკრულების (დღგ-ს გათვალისწინებით) ღირებულების 5%–ის ოდენობით, (იმ შემთხვევაში თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით და მეტით დაბალია შესაბამისი ტენდერის შესყიდვის ობიექტის სავარაუდო ღირებულებაზე, გამარჯვებულ პრეტენდენტს არ მოეთხოვება ხელშეკრულების შესრულების უზრუნველყოფის საბანკო გარანტია. ასევე ხელშეკრულების შესრულების საბანკო გარანტია პრეტენდენტს არ მოეთხოვება თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი იქნება 200000.00 ლარზე ნაკლები). უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება - ჩაბარების აქტის შესაბამისად.

შესყიდვის ობიექტის ღირებულება ანაზღაურდება, მიღება-ჩაბარების (შესრულების) აქტის გაფორმებისა და ანგარიშ-ფაქტურის (საქართველოს კანონმდებლობით განსაზღვრულ შემთხვევაში) გამოწერის თარიღიდან (რომელიც უფრო გვიან დადგება) არაუგვიანეს 10 (ათი) სამუშაო დღისა.

ლევან ჯანჯულია, 577092510, l.janjulia@tbsg.ge ტექნიკურ საკითხებთან დაკავშირებით საკონტაქტო პირი - ერეკლე ხუმარაშვილი, 595309773;

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის 1.3. პუნქტით გათვალისწინებული დანართ(ებ)ი შესაძლებელია წარმოდგენილ იქნეს MS Excel-ის ფორმატის ფაილის სახით, რაც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“;
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 სატენდერო დოკუმენტაციის 1.3 პუნქტით გათვალისწინებული ფასების ცხრილი (დანართი N1) MS Excel-ის ფორმატის სახით.