Ремонт и техническое обслуживание строительных сооружений (Грузия - Тендер #67414018)

სსიპ - შემოსავლების სამსახურის ბალანსზე რიცხულ, აღმოსავლეთ საქართველოში არსებულ შენობებსა და მიმდებარე ტერიტორიებზე, ელექტრო, სანტექნიკური და მექანიკური მოწყობილობების და მათ შეკეთებასთან დაკავშირებული მასალებისა და მათი მომსახურების სახელმწიფო შესყიდვა

შესყიდვის ობიექტის დასახელება: სსიპ - შემოსავლების სამსახურის ბალანსზე რიცხულ შენობებსა და მიმდებარე ტერიტორიებზე, ელექტრო, სანტექნიკური და მექანიკური მოწყობილობების და მათ შეკეთებასთან დაკავშირებული მასალებისა და მათი მომსახურების სახელმწიფო შესყიდვა აღმოსავლეთ საქართველოში.

1. ელექტრო სისტემების მომსახურება მოიცავს:
- მაღალი და დაბალი ძაბვის ელექტრო ფარების, მექანიკური აგრეგატების მართვის ფარების მონიტორინგი და მოვლა;
- ელექტრო ფარების თერმო კამერით ტესტირება (თვეში ერთხელ ან/და საჭიროების შემთხვევაში);
- სადენების შემოწმება გადახურების პრევენციის მიზნით, იზოლაციის შემოწმება სპეციალური ხელსაწყოს საშუალებით თვეში ერთხელ;
- ამომრთველის დასუფთავება მტვრისგან თვეში ერთხელ;
- კონტაქტების და მომჭერების შემოწმება (საჭიროების შემთხვევაში გაწმენდა სპეც. ხსნარით და გადაჭერა) თვეში ერთხელ;
- ცვლადი დენის ძალის (ვოლტაჟის და ამპერაჟის) კონტროლი;
- დამიწების კონტურის ტესტირება წინაღობაზე, სპეციალური ხელსაწყოს გამოყენებით ხელშეკრულების პერიოდში ერთხელ;
- წყალმომარაგების, კანალიზაციის/სან-კვანძების და სარწყავი სისტემების მომსახურება:
- სისტემების მონიტორინგი;
- წყლის წნევის რეგულირება;
- ტუმბოების შემოწმება;
- არსებულ წყალსადენის ქსელში შეჭრა;
- წყლის ფილტრების გასუფთავება თვეში ერთხელ;
- წყლის რეზერვუარის გამორეცხვა ხელშეკრულების პერიოდში ერთხელ;
- სახურავის სანიაღვრე სისტემის გაწმენდა თვეში ერთხელ.
- სახანძრო სისტემის მომსახურება:
- დეტექტორების გაწმენდა შეკუმშული ჰაერით და ტესტირება თვეში ერთხელ;
- დეტექტორების შემოწმება თვეში ერთხელ კვამლის დეტექტორის ტესტერის მეშვეობით;

მომსახურება უნდა განხორციელდეს კვალიფიციური სპეციალისტების მეშვეობით, პერსონალს უნდა გააჩნდეს მომსახურებისთვის საჭირო სპეციალური ტექნიკური საშუალებები, აღჭურვილობები და სპეც. ფორმა წარწერით - “ტექნიკური პერსონალი“.

2.მიმწოდებელი ვალდებულია შეტყობინების მიღებიდან არაუმეტეს 1 (ერთი) კალენდარულ დღეში აღმოფხვრას გაუმართაობა;

3.ტექნიკური დავალების მიღების და გამოძახების თარიღად ითვლება შემოსავლების სამსახურის უფლებამოსილი პირ(ებ)ის მიერ სატელეფონო შეტყობინების ან ელ. ფოსტაზე ტექსტური შეტყობინების გაგზავნის თარიღი;

4. პრეისკურანტებით გათვალისწინებული დეტალების/მოწყობილობების მომსახურების პერიოდში საჭირო აღჭურვილობის და მძიმე ტექნიკის (მაგ: ამწე კალათი, სხვადასხვა ტიპის დამხმარე ხელსაწყოები და ა.შ.) უზრუნველყოფა უნდა განახორციელოს გამარჯვებულმა კომპანიამ;

5. იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად გაწეული მომსახურება და/ან შეცვლილი ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, არაუგვიანეს 1 (ერთი) კალენდარულ დღეში.

6. დანართი N1 პრეისკურანტის სავარაუდო ღირებულება შეადგენს 15 746.42 (თხუთმეტი ათას შვიდას ორმოცდაექვსი ლარი და 42 თეთრი) ლარს (დღგ-ს გათვალისწინებით).

7. გამარჯვებულ კომპანიასთან ხელშეკრულება გაფორმდება 40 000.00 (ორმოცი ათასი ლარი და 00 თეთრი) ლარზე.

სატენდერო წინადადების ფასი:

ა) ელექტრონული ვაჭრობა გაიმართება სატენდერო დოკუმენტაციის 1.3 პუნქტში ატვირთულ დანართი N1 პრეისკურანტში მოცემული ელექტრო, სანტექნიკური, მექანიკური და სარემონტო მასალების/მოწყობილობების და მათი მომსახურების ღირებულებებზე;

ბ) პრეტენდენტის მიერ ელექტრონული ვაჭრობის შედეგად დანართი N1 პრეისკურანტის საერთო ფასის შემცირების/კლების შემთხვევაში, ფასთა კლება, პრეისკურანტის სავარაუდო ღირებულებასა (სატენდერო ღირებულება) და პრეტენდენტის მიერ დაფიქსირებული საბოლოო პრეისკურანტის ფასის პროცენტულად და პროპორციულად უნდა აისახოს პრეისკურანტით განსაზღვრულ ყველა პოზიციაზე. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

გ) სატენდერო წინადადების ფასი წარმოდგენილი უნდა იყოს პრეისკურანტში მოცემული საქონლისა და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული სავარაუდო ღირებულებისა;

დ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

შენიშვნა: სატენდერო დოკუმენტაციის 1.2 პუნქტით განსაზღვული მოთხოვნები გათვალისწინებული იქნება ტენდერში გამარჯვებულ კომპანიასთან, სახელმწიფო შესყიდვის შესახებ გასაფორმებელ ხელშეკრულებაში.

პრეტენდენტის მიერ დანართი N1 - პრეისკურანტი წარმოდგენილი უნდა იყოს EXCEL-ის ფორმატში.

მომსახურების გაწევა უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით, დანართი N2-ში მოცემული პირობების შესაბამისად.

ინფორმაცია მომსახურების გაწევის მისამართების, პირობების და ვადების შესახებ მოცემულია სატენდერო დოკუმენტაციის 1.2 კითხვარის დანართი N2-ში.

მიმწოდებლის მიერ გაწეულ მომსახურებაზე და შეცვლილ ახალ სათადარიგო ნაწილებზე გარანტია უნდა ვრცელდებოდეს მიღება-ჩაბარების აქტის გაფორმებიდან არანაკლებ 6 (ექვსი) თვის განმავლობაში, საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია აღმოფხვრას აღნიშნული წუნი ( ნაკლოვანებები, დეფექტი) შემსყიდველის მოთხოვნიდან არაუგვიანეს 1 (ერთი) კალენდარული დღის ვადაში.

პრეტენდენტს ბოლო სამი წლის განმავლობაში (2022 წლის 30 სექტემბრიდან ტენდერის გამოცხადების თარიღამდე), უნდა გააჩნდეს შენობის მოწყობილობების შეკეთება და ტექნიკური მომსახურების სფეროში გამოცდილება და ამ პერიოდის განმავლობაში გაწეული მომსახურების ღირებულება არ უნდა იყოს 40 000.00 ლარზე ნაკლები.

ტენდერში მონაწილე პრეტენდენტმა ერთიანი ელექტრონული სისტემის საშუალებით უნდა წარმოადგინოს შენობის მოწყობილობების შეკეთება და ტექნიკური მომსახურებასთან დაკავშირებით გაფორმებული ხელშეკრულებები და ამ ხელშეკრულებ(ებ)ის შესრულების დამადასტურებელი დოკუმენტ(ებ)ი, კერძოდ: მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტი ან/და SPA,NAT,CMR ნომრები

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები დაამრგვალოს მეასედებამდე.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

1. ანგარიშსწორება მიმწოდებელთან განხორციელდება ლარებში.
2. ანგარიშსწორება განხორციელდება ყოველთვიურად, მიმწოდელის მიერ ფაქტობრივად გაწეული მომსახურების, ან/და მიწოდებული საქონლის ღირებულების შესაბამისად გაფორმებული ინსპექტირების აქტის, მიღება-ჩაბარების აქტის გაფორმების შემდგომ;
3. ანგარიშსწორების ფორმა იქნება უნაღდო. გადარიცხვა მოხდება მიმწოდებლის საბანკო ანგარიშზე.
4. ანაზღაურება განხორციელდება პრეისკურანტში მითითებული ფასების შესაბამისად.

ანგარიშსწორება მიმწოდებელთან განხორციელდება ყოველთვიურად მიმწოდელის მიერ ფაქტობრივად გაწეული მომსახურების ან/და მიწოდებული საქონლის ღირებულების შესაბამისად გაფორმებული ინსპექტირების აქტის, მიღება-ჩაბარების აქტის და საგადასახადო ანგარიშ-ფაქტურის საფუძველზე, წარმოდგენიდან არაუგვიანეს 10 (ათი) სამუშაო დღის განმავლობაში.

სოფიკო მდინარაძე, 599973301, s.mdinaradze@rs.ge