Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #67414006)

შსს სსიპ - საზოგადოებრივი უსაფრთხოების მართვის ცენტრი „112“-ის ბალანსზე რიცხული დიზელ გენერატორებისა და ელ. მომარაგების ქსელის ტექნიკური სერვისი

1.2.1 მომსახურება უნდა განხორცილდეს დანართ N1-ში (პრეისკურანტში) მითითებული შესაბამისი საქონლის და მომსახურების შესაბამისად.
1.2.2 მომსახურეობა გულისხმობს დაზიანებული დიზელ-გენერატორისა და ავტომატური ძაბვის გადამრთველის შეკეთებას და საჭიროების შემთხვევაში დეტალების შეცვლას.
1.2.3 მიმწოდებელი ვალდებულია მომსახურების გაწევისას გამოიყენოს ქარხნული, ახალი (არამეორადი) სათადარიგო ნაწილები. მეორადი ნაწილების გამოყენება დასაშვებია მხოლოდ შემსყიდველთან შეთანხმებით, რა შემთხვევაშიც მეორადი სათადარიგო ნაწილის ფასი განსაზღვრული იქნება ურთიერთშეთანხმების საფუძველზე, საბაზრო ფასის გათვალისწინებით.
1.2.4 შემსრულებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან;
1.2.5 მომსახურების გაწევის დროს დაცული უნდა იყოს უსაფრთხოების ნორმები, მიწოდებლის ბრალეულობით დანადაგარის დაზიანების შემთხვევაში, მიმწოდებელი ვალდებულია საკუთარი ხარჯებით უზრუნველყოსდაზიანების აღმოფხვრა.
1.2.6 მომსახურე პერსონალი უნდა იყოს კვალიფიცირებული სპეციალისტ(ებ)ი და აღჭურვილი ყველა საჭირო ხელსაწყოებით.
1.2.7 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნადან ვადაგადაცილებით შესრულების შემთხვევები.
1.2.8 მიმწოდებელი ვალდებულია, შემოწმების შემდეგ წარადგინოს დასკვნა - ავტომატური ძაბვის გადამრთველისა და გენერატორების მდგომარეობის შესახებ.
1.2.9 მიმწოდებელი ვალდებულია, შემსყიდველის მოთხოვნის შესაბამისად, ხელშეკრულების მოქმედების პერიოდში 9-ჯერ განახორციელოს ავტომატური ძაბვის გადამრთველისა და გენერატორების შემოწმება.
1.2.10 მომსახურება უნდა განხორციელდეს მიმწოდებლის მიერ წარმოდგენილი დეფექტური აქტის შემდგომ.
(მოთხოვნილ ინფორმაციას/დოკუმენტს უნდა შეიცავდეს პრეტენდენტის სატენდერო წინადადება)

შსს სსიპ - საზოგადოებრივი უსაფრთხოების მართვის ცენტრი „112“-ის ბალანსზე რიცხული დიზელ გენერატორებისა და ელ. მომარაგების ქსელის ტექნიკური სერვისი უნდა განხორციელდეს ხელშეკრულების გაფორმებიდან - 2027 წლის 31 დეკემბრის ჩათვლით;
ავტომატური ძაბვის გადამრთველის ან გენერატორების მოულოდნელად (ავარიული) მწყობრიდან გამოსვლის შემთხვევაში, შემსყიდველის მხრიდან სატელეფონო ან წერილობითი შეტყობინების მიღების შემდგომ, მიმწოდებელმა არაუმეტეს 2 (ორი) საათის განმავლობაში უნდა უზრუნველყოს სპეციალისტის გამოგზავნა მოთხოვნილ მისამართზე და შესაბამისი მომსახურების დაუყოვნებლივ დაწყება. დაზიანების აღმოფხვრის ვადა არ უნდა აღემატებოდეს 24 საათს.
დაზიანებული ნაწილის შეცვლა პრეტენდენტმა უნდა განახორციელოს დეფექტური აქტის წარმოდგენის შემდგომ შემსყიდველი ორგანიზაციის მოთხოვნიდან არაუგვიანეს 30 კალენდარული დღის განმავლობაში.
თუ ავტომატური ძაბვის გადამრთველის ან გენერატორების შეკეთებისას, საჭირო გახდა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადად განისაზღვროს არაუმეტეს 45 (ორმოცდახუთი) კალენდარულ დღე. ,,მიმწოდებელმა“ დეფიციტური ნაწილის შესახებ ინფორმაცია წერილობით უნდა აცნობოს ,,შემსყიდველს“ მომსახურების დაწყებიდან არაუგვიანეს 2 (ორი) სამუშაო დღის ვადაში.

(მოთხოვნილ ინფორმაციას/დოკუმენტს უნდა შეიცავდეს პრეტენდენტის სატენდერო წინადადება)

მომსახურების გაწევის ადგილი: შემსყიდველის ადგილსამყოფელი; ქ. თბილისი, ლისის ქ. N1ა და ქ. რუსთავი, ფალიაშვილის ქ. N1.

პრეტენდენტმა სატენდერო წინადადებაში (დანართ N1-ში - მომსახურების ხარჯთაღრიცხვაში) უნდა წარმოადგინოს ინფორმაცია მითითებული პოზიციების საგარანტიო ვადის შესახებ.

შემსყიდველის მხრიდან მოთხოვნა/შეტყობინება წუნდებული საქონლის შეცვლა/შეკეთების საჭიროების შესახებ შესაძლებელია განხორციელდეს სატელეფონო ზარით ან SMS-ით, ან ელ-ფოსტაზე გაგზავნილი შეტყობინებით, ან ოფიციალური წერილის სახით. მიმწოდებელი ვალდებულია შეტყობინების მიღებიდან არაუგვიანეს 30 (ოცდაათი) კალენდარული დღის განმავლობაში უზრუნველყოს წუნდებული საქონლის შეკეთება და/ან შეცვლა.

პრეტენდენტს, უნდა გააჩნდეს გენერატორების, ავტომატური ძაბვის გადამრთველისა და უწყვეტი კვების წყაროების მომსახურების გაწევის გამოცდილება 2022 წლის 1 იავრიდან ტენდერის გამოცხადებამდე არანაკლებ 50 000.00 ლარის ოდენობით, რომლის დამადასტურებელი დოკუმენტები - ხელშეკრულებ(ები)ა, ხელშეკრულებ(ებ)ის შესრულების დამადასტურებელი მიღება - ჩაბარების აქტ(ებ)ი უნდა აიტვირთოს ერთიან ელექტრონულ სისტემაში.

იმ შემთხვევაში, თუ პრეტენდენტი ვერ წარმოადგენს მოთხოვნილ დოკუმენტაციას ან/და არ გააჩნია შესაბამისი გამოცდილება განხორციელდება მისი დისკვალიფიკაცია სატენდერო პროცედურიდან.

(მოთხოვნილ ინფორმაციას/დოკუმენტს უნდა შეიცავდეს პრეტენდენტის სატენდერო წინადადება)

2.9.1 პრეტენდენტის მიერ, წარმოდგენილ პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულისსავარაუდო მაქსიმალურ ზღვრულ ფასებს.
2.9.2 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
2.9.3 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემულიჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისადშეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).
2.9.4 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
2.9.5 სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
2.9.6 სატენდერო წინადადების ღირებულება და პრეტენდენტის მიერ წარმოსადგენი მომსახურების ხარჯთაღრიცხვა განისაზღვრება სატენდერო დოკუმენტაციის დანართი №1-ის (პრეისკურანტი) შესაბამისად.
2.9.7 თუ მომსახურების პროცესში აღმოჩნდება, რომ საჭირო გახდა ისეთი მომსახურების მოწოდება, რომელიც არ იყო განსაზღვრული პრეისკურანტში, ასეთ შემთხვევაში მხარეები იხელმძღვანელებენ სახელმწიფოშესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-11 მუხლის მე-5 პუნქტით გათვალისწინებული პირობების შესაბამისად.
2.9.8 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალურიინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების განხორციელების შესაძლებლობა.
ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადად განისაზღვრება 2028 წლის 31 იანვარი).

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

შემსყიდველი იღებს ვალდებულებას, აუნაზღაუროს მიმწოდებელს მომსახურების ღირებულება ეტაპობრივად, ყოველი კონკრეტული მომსახურების გაწევიდან - კანონმდებლობის შესაბამისად, მიღება-ჩაბარების აქტის გაფორმებისა და ანაზღაურებისათვის საჭირო დოკუმენტაციის წარმოდგენის შემდგომ.
ანგარიშსწორების ფორმა - უნაღდო.

მომსახურების გაწევიდან კანონმდებლობის შესაბამისად, ანაზღაურებისათვის საჭირო დოკუმენტაციის წარმოდგენიდან 10 (ათი) სამუშაო დღეში.

ზურაბ კალაძე, 591607067, z.kaladze@112.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერისჩატარების წესის დამტკიცების შესახებ“ - სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ამასთან, ქართულენოვანტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცი დამოწმებული უნდა იყოს კვალიფიციური ელექტრონული შტამპით ან/დაკვალიფიციური ელექტრონული ხელმოწერით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
10.1.5 პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შესაძლებელია შესწორდესდაზუსტების გარეშე, ერთეულის ფასის უპირატესობის პრინციპის გათვალისწინებით, მხოლოდ იმ პირობით თუ აღნიშნული არ აღემატება სისტემის შესაბამის ველში დაფიქსირებულ საბოლოო ფასს.
10.1.6 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადებისშესაბამისად.
10.1.7 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია,ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვისობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 ვინაიდან პრეტენდენტებისათვის სატენდერო წინადადების წარმოდგენა დასაშვებია მხოლოდ ეროვნულ ვალუტაში - ლარში, ხელშეკრულება გაფორმდება ლარში.