Типографские услуги и связанные с ними услуги (Грузия - Тендер #67384244)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ საგრანტო პროექტის FR-23-2950 (ხელმძღვაწელი მალხაზ მაცაბერიძე) დაფინანსების ფარგლებში წიგნის ბეჭდვა და მასთან დაკავშირებული მომსახურების სახელმწიფო შესყიდვა.

გრანტის ფარგლებში გაწერილია წიგნის ბეჭდვა: საქართველოს დამოუკიდებლობის აქტის ენციკლოპედიური ცნობარის გამოცემა.

რაოდენობა/ტირაჟი 100 ცალი

წიგნის ბეჭდვის მინიმალური ტექნიკური მახასიათებლები:
წიგნის ფორმატი-A4
გვერდების რაოდენობა - 100 (+/- 20) გვერდი
ბეჭდვა - 70 გრ. ქაღალდი,
ტექსტი - შავ-თეთრი.
გარეკაწი - მყარი, მუყაო
ლამინაცია - გლუვი
აკინძვა - თერმული

მომსახურება მოიცავს: დაკაბადონება, რედაქტირება, კორექტურა, ბეჭდვა.

საცდელი ნიმუშები და დიზაინი წინასწარ უნდა იყოს შეთანხმებული შემსყიდველთან /ავტორებთან.

შოთა რუსთაველის ეროვნული სამეცნიერო ფონდის მოთხოვნით, წიგნს უნდა მიენიჭოს საერთაშორისო სტანდარტული ნომერი (ISBN); წიგნს უწდა ეწეროს გამოცემის ადგილი და წელი (თბილისი, 2025) ასევე გამომცემლობა.
წიგნში სავალდებულოა განთავსდეს შოთა რუსთაველის საქართველოს ეროვნული სამეცნიერო ფონდის ლოგო და მიეთითოს ფრაზა, რომ „გამოიცა შოთა რუსთაველის საქართველოს ეროვნული სამეცნიერო ფონდის მხარდაჭერით [გრანტის ნომერი -FR-23-2950]“ / „This work was supported by Shota Rustaveli National Science Foundation of Georgia [grant number - FR-23-2950]“.

მომსახურების გაწევა განხორციელდება ხელშეკრულების გაფორმების შემდგომ, საგრანტო პროექტის წარმომადგენლების მხრიდან დასაბეჭდი მასალების სრულად მიწოდებიდან 30 კალენდარულ დღეში.

1.შესყიდვის ობიექტის მიწოდების ადგილი: ქ. თბილისი, ი.ჭავჭავაძის გამზ.#1 (საწყობში შეზიდვისა და დასაწყობების ჩათვლით).
2. ტრანსპორტირების, დასაწყობების ან გადაზიდვის ეტაპზე შესყიდვის ობიექტის დაზიანების თავიდან აცილების მიზნით მოწოდებული შესყიდვის ობიექტი უნდა იყოს შეფუთული.

1.„მიმწოდებელი“ ვალდებულია განახორციელოს უფლებრივად და ნივთობრივად უნაკლო შესყიდვის ობიექტის მიწოდება მოქმედი ყველა საჭირო ნორმების, სტანდარტების, წესებისა და მოთხოვნების დაცვით.
2. მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
3. თსუ-ს მიერ საქონლის ინსპექტირების პროცესში წუნის აღმოჩენის შემთხვევაში, მიმწოდებელი ვალდებულია, განახორციელოს წუნდებული საქონლის ახლით შეცვლა შემსყიდველის მიმართვიდან არაუგვიანეს 10 (ათი) სამუშაო დღის ვადაში.

პრეტენდენტმა შეტყობინების შემდეგ, სატენდერო განცხადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით, შემსყიდველის მისამართზე უნდა წარმოადგინოს მის მიერ დამზადებული ნაბეჭდი წიგნის (სატენდერო დოკუმენტაციის კითხვარის 1.2 პუნქტის მიხედვით) შესყიდვის ობიექტის მინიმუმ ერთი ნიმუში, რომელზეც სათანადო წესით დატანილი უნდა იყოს: ინფორმაცია, რომლითაც დადასტურდება, რომ პრეტენდენტი წარმოადგენს გამოცემაზე უფლებამოსილ პირს.

ქ.თბილისი, ი.ჭავჭავაძის გამზ.#1 , თსუ-ს პირველი კორპუსი, ოთახი #016, შესყიდვების განყოფილება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

1. „მიმწოდებელთან“ ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
2. ანგარიშსწორება იწარმოებს უნაღდო ანგარიშსწორებით ერთჯერადად, ფაქტიურად მოწოდებული საქონლის შესაბამისად, მიმწოდებლის მიერ წარმოდგენილი სასაქონლო ზედნადების და/ან საგადასახადო ანგარიშფაქტურის, ინსპექტირების დადებითი დასკვნის საფუძველზე „შემსყიდველსა“ და „მიმწოდებელს“ შორის გაფორმებული მიღება-ჩაბარების აქტის წარმოდგენიდან 10 (ათი) სამუშაო დღის განმავლობაში.

3. გრანტის ვადებიდან გამომდინარე, შემსყიდველის გადაწყვეტილებით, ანგარიშსწორება შესაძლებელია განხორციელდეს წინასწარი ანგარიშსწორებით, წარმოდგენილი შესაბამისი საავანსო გარანტიის საფუძველზე სახელშეკრულებო ღირებულების 100% ოდენობით, საავანსო გარანტიის წარმოდგენიდან არაუგვიანეს 3 (სამი) სამუშაო დღის ვადაში. საავანსო გადახდაზე საბანკო გარანტია წარმოდგენილი უნდა იქნას შემსყიდველის მოთხოვნიდან 3 (სამი) სამუშაო დღის განმავლობაში და მოქმედების ვადა 30 დღით უნდა აღემატებოდეს ხელშეკრულების მოქმედების ვადას. იმ შემთხვევაში თუ მიმწოდებლის საგარანტიო ვალდებულებები სრულად შესრულდება აღნიშნულ ვადამდე, შემსყიდველი უფლებამოსილია მიმწოდებელს დაუბრუნოს გარანტია. გარანტია უკან დაუბრუნდება შესყიდვის ობიექტის მიღების შემდეგ, ხელშეკრულებით განსაზღვრული პირობების შესაბამისად 5(ხუთი) სამუშაო დღის განმავლობაში.
4. გარანტია უნდა იყოს უპირობო ე.ი. გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი განმარტებისა და მტკიცებულების წარდგენის გარეშე, პირველივე მოთხოვნისთანავე. გარანტიაში არ უნდა იყოს მითითებული, რომ იგი მცირდება შესრულების პროპორციულად.
5. გამოუთხოვადი საავანსო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, - ეროვნულ ვალუტაში. რომელიც წარმოადგენს ხელშეკრულების განუყოფელ ნაწილს.
6. სახელმწიფო შესყიდვების სააგენტოს თავმჯდომარის 2016 წლის 26 თებერვლის № 2 ბრძანებით დამტკიცებული ,,თეთრი სიის წარმოების წესისა და პირობების’’ მე-10 მუხლის პირველი პუნქტის ,,ბ“ ქვეპუნქტის შესაბამისად, კომპანია უფლებამოსილია წარმოადგინოს წინასწარ გადასახდელი თანხის ნახევარი ოდენობის საავანსო გარანტია.

ანგარიშსწორება მიმწოდებელთან განხორციელდება ფაქტობრივად გაწეული მომსახურების რაოდენობის შესაბამისად, ინსპექტირებაზე უფლებამოსილი პირ(ებ)ის დადებითი დასკვნის, მიმწოდებლის მიერ შესაბამისი ანგარიშ-ფაქტურა/ზედნადების საფუძველზე შედგენილი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

ქრისტინა ხუციშვილი, 558614496, kristina.khutsishvili@tsu.ge