Отделочные строительные работы (Грузия - Тендер #67334072)

დავით აღმაშენებლის სახელობის ქუთაისის საერთაშორისო აეროპორტის ტერიტორიაზე არსებული სხვადასხვა შენობა-ნაგებობის სარემონტო სამუშაოები.

ხელშეკრულების ფარგლებში, დავით აღმაშენებლის სახელობის ქუთაისის საერთაშორისო აეროპორტის ტერიტორიაზე დაგეგმილია სარემონტო სამუშაოების სახელმწიფო შესყიდვა.

1.1. მომსახურების აღწერა და ტექნიკური დავალება

1.1.1. მომსახურების აღწერა:
დავით აღმაშენებლის სახელობის ქუთაისის საერთაშორისო აეროპორტის ტერიტორიაზე დაგეგმილია სარემონტო სამუშაოები, კერძოდ: აეროპორტის ტერმინალის შიდა ტერიტორიაზე სწრაფი გასასვლელის სარემონტო სამუშაოები, სახურავზე სავინტილაციო შახტის მოწყობა, ახალი ვიტრაჟის მოწყობა, მოსაწევი სივრცის რემონტი, დახლის მოწყობა, ინტერნეტ და ელ კაბელის მოწყობა.

1.1.2. ტექნიკური დავალება
1.1.2.1. გასაწევი მომსახურების ძირითადი მოთხოვნები.
სარემონტო სამუშაოების პროცესში გათვალისწინებული უნდა იყოს მოქმედი სამშენებლო წესების და ნორმების მოთხოვნები:
საქართველოს კანონი „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“;
საქართველოს მთავრობის 2020 წლის 4 დეკემბრის N732 დადგენილება ტექნიკური რეგლამენტის - „მისაწვდომობის ეროვნული სტანდარტების“ დამტკიცების თაობაზესაქართველოს მთავრობის 2016 წლის 28 იანვრის N41 დადგენილება ტექნიკური რეგლამენტის „შენობა-ნაგებობის უსაფრთხოების წესების “დამტკიცების თაობაზე;
საქართველოს მთავრობის 2019 წლის 31 მაისის დადგენილება №257 განსაკუთრებული მნიშვნელობის ობიექტების (მათ შორის, რადიაციული ან ბირთვული ობიექტების) მშენებლობის ნებართვის გაცემის წესისა და სანებართვო პირობების შესახებ;
კონტრაქტორმა კომპანიამ უნდა იხელმძღვანელოს შემდეგი პრინციპებით:
- სარემონტო სამუშაოების დროს უნდა მუშაობდეს მინიმუმ 3 ჯგუფი სხვადასხვა ლოკაციაზე.
- მინიმუმამდე უნდა იქნეს დაყვანილი გარემოზე უარყოფითი ზემოქმედება.

დეტალები იხილეთ თანდართულ დოკუმენტებში:

სამუშაოს განხორციელების ვადა განისაზღვრება ხელშეკრულების გაფორმებიდან არაუმეტეს 90 (ოთხმოცდაათი) კალენდარული დღე.

სამუშაოს განხორციელების ადგილია: დავით აღმაშენებლის სახელობის ქუთაისის საერთაშორისო აეროპორტი.

შესრულებულ სამუშაოებზე საგარანტიო ვადა განისაზღვრება შემდეგნაირად:

შესრულებულ სამუშაოებზე საგარანტიო ვადა განისაზღვრება შემდეგნაირად:

- სარემონტო-მოსაპირკეთებელ სამუშაოებზე -5 წელი;
- ელ-მომარაგება და სუსტი დენები - 5 წელი;
- კანალიზაციის ქსელი - 5 წელი;
- სანტექნიკური მოწყობილობები- 5 წელი;
- ვიტრაჟები, კარები, ფანჯრები, ასევე არამზიდი კონსტრუქციები - 5 წელი.
- სავენტილაციო შახტა - 5 წელი.

შესრულებული სამუშაოების საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის აღმოჩენის შემთხვევაში, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება. აღნიშნულის შესახებ „შემსყიდველი“ ატყობინებს „მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ. ფოსტის მისამართზე.

მიმწოდებელმა საგარანტიო მომსახურების საჭიროების შემთხვევაში პირველადი დიაგნოსტიკური შემოწმება და შეკეთება უნდა განახორციელოს შეტყობინებიდან არაუგვიანეს 5 სამუშაო დღის ვადაში.

შემსყიდველის მხრიდან წერილობითი შეტყობინების გაგზავნის მომდევნო დღიდან აითვლება ხარვეზის გამოსწორების შემსყიდველთან შეთანხმებული გონივრული ვადა.

პრეტენდენტმა უნდა წარმოადგინოს ინფორმაცია საგარანტიო ვადის თაობაზე.

2020 წლის 01 იანვრიდან ტენდერის გამოცხადების დღემდე პერიოდში პრეტენდენტს უნდა გააჩნდეს გამოცდილება სარემონტო-სამშენებლო სფეროში. სარემონტო- სამშენებლო სამუშაოების გამოცდილება მითითებულ პერიოდში ჯამური ღირებულებით არანაკლებ 1 500 000 ლარი დღგ-ს გათვალისწინებით, ხოლო ერთი პროექტის ფარგლებში ამავე პერიოდში სამშენებლო სამუშაოების სფეროში გამოცდილება არანაკლებ 500 000 ლარი დღგ-ს გათვალისწინებით.

გამოცდილების დადასტურების მიზნით წარმოსადგენი დოკუმენტაცია:

პრეტენდენტმა, გამოცდილების დასატურად, უნდა წარმოადგინოს (სისტემაში ატვირთოს) შესაბამისი ხელშეკრულებების ასლები და ამ ხელშეკრულებით განსაზღვრული სამუშაოების შესრულების დამადასტურებელი დოკუმენტის ასლები (შესრულებული სამუშაოს მიღება-ჩაბარების აქტი, ან/და დამკვეთის მიერ გაცემული შესრულებული სამუშაოს დამადასტურებელი წერილი/ცნობა თუ სხვა დოკუმენტაცია. იმ შემთხვევაში, თუ აღნიშნულის დამადასტურებელი დოკუმენტები სრულად ატვირთულია ერთიან ელექტრონულ სისტემაში (https://tenders.procurement.gov.ge/), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

შრომის უსაფრთხოების პირობების უზრუნველყოფის დადასტურების მიზნით, პრეტენდენტმა ელექტრონული სისტემის მეშვეობით უნდა წარმოადგინოს შემდეგი დოკუმენტები:

1. კომპანიის ხელმძღვანელის/პასუხისმგებელი პირის მიერ შრომის უსაფრთხოების სპეციალისტის დანიშვნის/მოწვევის ბრძანება;

2. შრომის ინსპექციაში საქართველოს მოქმედი კანონმდებლობის შესაბამისად აკრედიტირებული პირის მიერ გაცემული კომპანიის შრომის უსაფრთხოების სპეციალისტის კვალიფიკაციის დამადასტურებელი სერტიფიკატის ასლი.

ხელშეკრულების გაფორმების შემდგომ, გაფორმებიდან არაუგვიანეს 7 სამუშაო დღის ვადაში მიმწოდებელმა უნდა წარმოადგინოს შემდეგი დოკუმენტები:

„შრომის უსაფრთხოების შესახებ“ საქართველოს ორგანული კანონის და რელევანტური ნორმატიული აქტების (მათ შორის ტექნიკური რეგლამენტების) შესაბამისად შედგენილი მძიმე, მავნე და საშიშპირობებიანი სამუშაოების ჩატარებასთან დაკავშირებული სამაშველო გეგმა;

„შრომის უსაფრთხოების შესახებ“ საქართველოს ორგანული კანონისა და „სამუშაო სივრცეში რისკის შეფასების წესის დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 30 იანვრის 01-15/ნ ბრძანების შესაბამისად შედგენილი სამუშაოების დაწყებამდე და სამუშაო პროცესში გამოვლენილი საფრთხეების იდენტიფიცირებისა და რისკის შეფასების დოკუმენტი;

„შრომის უსაფრთხოების შესახებ“ საქართველოს ორგანული კანონის შესაბამისად შემუშავებული თანამიმდევრული პრევენციული ღონისძიებების პოლიტიკის დოკუმენტი, რომელიც უნდა ითვალისწინებდეს საწარმოო გარემოსა და სამუშაო პროცესის თავისებურებებს;

„შრომის უსაფრთხოების შესახებ“ საქართველოს ორგანული კანონის შესაბამისად მანქანა დანადგარების, სამუშაო ტექნიკისა და სამუშაო აღჭურვილობის შემოწმებისა და უსაფრთხო გამოყენების დამადასტურებელი დოკუმენტაცია".

4.1.1.1. თუ ტენდერში ელექტრონული ვაჭრობის შედეგად ყველაზე დაბალი ფასის წარმომდგენი პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა ფასწარმოქმნის ადეკვატურობა უნდა დაასაბუთოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან შესაბამისს სფეროში სხვა აკრედიტებული პირის მიერ გაცემული დასკვნის საფუძველზე (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი). პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
4.1.1.2.ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
4.1.1.3. ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" მოთხოვნების შესაბამისად.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა სულ მცირე 60 კალენდარული დღით უნდა აღემატებოდეს სამუშაოების დასრულების ვადას.

ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან შემსყიდველთან შეთანხმებული ფორმის მიხედვით ეროვნულ ვალუტაში - ლარში (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ). გარანტია უნდა იყოს უპირობო და გამოუთხოვადი.

პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

1. წინასწარი ანგარიშსწორება დასაშვებია არაუმეტეს ხელშეკრულების ჯამური ღირებულების 30%-ისა, მიმწოდებლის დასაბუთებული მოთხოვნის საფუძველზე, სადაც მითითებული იქნება დეტალური ჩაშლილი ინფორმაცია თანხის განკარგვის მიზნობრიობის შესახებ. ამასთან, შემსყიდველი უფლებამოსილია გააკონტროლოს თანხის მიზნობრივი ჩაშლა.

2. ასეთ შემთხვევაში, წარდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან ლიცენზირებული სადაზღვევო კომპანიის მიერ გაცემული საბანკო გარანტია, შემსყიდველთან შეთანხმებული ფორმით. გარანტიის მოქმედების ვადა სულ მცირე 30 კალენდარული დღით უნდა აღემატებოდეს სამუშაოს დასრულების ვადას.

ანგარიშსწორება შესაძლებელია განხორციელდეს ეტაპობრივად, მიღება-ჩაბარების აქტის და ფორმა N2-ის საფუძველზე. საბოლოო მიღება-ჩაბარების აქტის გაფორმებამდე მიმწოდებელმა შესრულებული სამუშაოების თაობაზე უნდა წარმოადგინოს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული საექსპერტო ბიუროს მიერ გაცემული დასკვნა (დასკვნის აღებასთან დაკავშირებულ ყველა ხარჯს გაიღებს მიმწოდებელი). დასკვნის შინაარსი გათვალისწინებული იქნება მიღება-ჩაბარების აქტის შედგენისა და ურთიერთანგარიშსწორების განსაზღვრისათვის, ასევე მიმწოდებელმა უნდა უზრუნველყოს შემსყიდველის წარმომადგენლის ჩართულობა საექსპერტო შემოწმების პროცესში. საექსპერტო ორგანიზაციამ უნდა განახორციელოს სამუშაოების მოცულობის და ხარისხის შემოწმება/დადასტურება. მიმწოდებელი ვალდებული იქნება, დამატებითი ანაზღაურების გარეშე გამოასწოროს დასკვნაში მითითებული შენიშვნები.

ანგარიშსწორება განხორციელდება უნაღდო ანგარისწორებით ლარში, ხელშეკრულებით განსაზღვრული ორმხრივად გაფორმებული შესაბამისი დოკუმენტაციის სრულყოფილად წარდგენიდან 10 (ათი) საბანკო დღის ვადაში.

ანა ხაჩიაშვილი, 598799993, a.khachiashvili@airports.ge ტექნიკურ დეტალებზე დავით ლორთქიფანიძე; ტელ: 597316070; d.lortkipanidze@airports.ge

• სამუშაოს შესრულების სხვა დეტალური პირობები განისაზღვრება მხარეთა შორის გაფორმებული ხელშეკრულებით.
• თუ ტენდერში გამარჯვებისა და ხელშეკრულების გაფორმების შემდეგ გამოირკვევა, რომ მომწოდებელს არ გააჩნია სამუშაოების შეუფერხებლად წარმოებისათვის საჭირო ფულადი, ტექნიკური თუ ადამიანური რესურსი, ეს გარემოება მიჩნეული იქნება მომწოდებლის არაკეთილსინდისიერებად და შესაძლოა გახდეს დამკვეთის მიერ ხელშეკრულების შეწყვეტის საფუძველი, აქედან გამომდინარე ყველა იმ შესაძლო შედეგით, რაც იმ დროისათვის გათვალისწინებული იქნება კანონმდებლობით ან/და ხელშეკრულებით.
• ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების, მათ შორის - ტექნიკური დავალების სრულად შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად, ელექტრონული ხელმოწერით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.