Ремонт и техническое обслуживание транспортных средств и оборудования и сопутствующие услуги (Грузия - Тендер #67230210)

სააგენტოს ბალანსზე არსებული ავტომანქანების საბარათე სისტემით რეცხვის მომსახურება.

1. მიმწოდებელმა უნდა უზრუნველყოს სსიპ - სახელმწიფო ქონების ეროვნული სააგენტოს ბალანსზე არსებული ავტომანქანების რეცხვის მომსახურება, საბარათე (პლასტიკური ბარათი) სისტემის მეშვეობით, ეტაპობრივად, შემსყიდველის მოთხოვნის შესაბამისად;
2. რეცხვის მომსახურება უნდა განხორციელდეს მიმწოდებლის მიერ შესაბამისი საბარათე(პლასტიკური
ბარათი) სისტემის მეშვეობით შემსყიდველის ავტოსატრანსპორტო საშუალების ავტოსამრეცხაოში მისვლიდან არაუგვიანეს 1 (ერთი) საათის განმავლობაში;
3. პრეტენდენტის მიერ შემოთავაზებულ ყოველ სამრეცხაო ობიექტზე განთავსებული უნდა იყოს შესაბამისი საბარათე სისტემის წამკითხველი (გასატარებელი) მოწყობილობა, რომელმაც ბარათის დაფიქსირების შემთხვევაში უნდა უზრუნველყოს შესაბამისი მომსახურების მომენტალური ასახვა ელექტრონულ სისტემაში (შემსყიდველის სპეციალურ ანგარიშზე);
4. პრეტენდენტმა ყველა შემოთავაზებულ რეგიონში უნდა უზრუნველყოს ავტომანქანის სრული,ქიმიური
წმენდის მომსახურება ქიმიური წმენდა უნდა განხორციელდეს მოთხოვნიდან არაუგვიანეს 2(ორი) დღისა.ქიმიური წმენდის დროს გამოყენებული უნდა იყოს მაღალი ხარიხსის სპეციალური ხსნარები და სპეციალური დანადგარები;
5. მიმწოდებელი ვალდებულია თავის ვებ-გვერდზე გაუხსნას შემყიდველს სპეციალური ანგარიში და
უზრუნველყოს აღნიშნულ ანგარიშზე მოთხოვნილი მომსახურების (რეცხვა) დარიცხვა, ხოლო შემსყიდველი უფლებამოსილია მომსახურება გადაანაწილოს პლასტიკურ ბარათებზე თავისი შეხედულებისამებრ;
6. შემსყიდველის მოთხოვნიდან 3 (სამი) სამუშაო დღის ვადაში, მიმწოდებელმა უნდა უზრუნველყოს არაუმეტეს 100 (ასი) ერთეული პლასტიკური ბარათის დამზადება უსასყიდლოდ;
7. პლასტიკური ბარათის პროგრამულად დაზიანების შემთხვევაში მიმწოდებლმა უსასყიდლოდ უნდა
გამოცვალოს და დაამზადოს ახალი პლასკიტური ბარათი, შემსყიდველის მოთხოვნიდან 3 (სამი) სამუშაო დღის ვადაში;
8. თითოეულ ბარათზე უნდა იყოს დატანილი შემსყიდველის მიერ მიწოდებული ავტოსტრანსპორტო საშუალების სახელმწიფო ნომერი;
9. მიმწოდებელმა უნდა უზრუნველყოს სსიპ - სახელმწიფო ქონების ეროვნული სააგენტოს ავტომანქანების როგორც გარედან, ასევე შიდა (სალონის, საბარგული) რეცხვა;
10. რეცხვისას გამოყენებული უნდა იყოს მაღალი წნევის რეცხვის დანადგარი, მაღალი ხარისხის მტვერსასრუტი და მაღალი ხარისხის სპეციალური სარეცხი საშუალებები, რომლებიც არ აზიანებს ავტომანქანის ლაქსა და საღებავს;
11. ავტოსამრეცხაო ობიექტებზე რეცხვითი მომსახურებით სარგებლობა შესაძლებელი უნდა იყოს ყოველდღე 08:00 სთ-დან 21:00 სთ-მდე (მათ შორის უქმე დღეებში);
12. ყველა შემოთავაზებულ ობიექტებზე უნდა გამოყოს საკონტაქტო პირი (მენეჯერი), რომელთანაც
შესაძლებელი იქნება წინასწარი დაჯავშნა/ჩაწერა;
13. მომსახურების გაწევის დროს მიმწოდებლის ბრალეულობით შემსყიდველის ავტომანქანაზე მიყენებული ნებისმიერი ზიანის აღმოფხვის ხარჯების ანაზღაურება ეკისრება მიმწოდებელს.

ხელშეკრულების გაფორმებიდან, ეტაპობრივად 2025 წლის 25 დეკემბრის ჩათვლით.

ავტომანქანების რეცხვის მომსახურების გაწევის ადგილია ქ.თბილისი, ქ. რუსთავი, ქ. თელავი, ქ. გორი, ქ. ქუთაისი, ქ. ახალციხე, ქ. ფოთი, ქ. ზუგდიდი, ქ. ბათუმი.

1. პრეტენდენტს უნდა გააჩნდეს 2 (ორი) წლის (2020-2023 წწ) განმავლობაში ანალოგიური მომსახურების (რეცხვა) მიწოდების გამოცდილება;
2. 2 (ორი) წლის განმავლობაში ანალოგიური/მსგავსი საქმიანობის შესრულება არ გულისხმობს აღნიშნული საქმიანობის უწყვეტად განხორციელებას;
3. გამოცდილების დასადასტურებლად, წარმოდგენილი უნდა იქნას ხელშეკრულებები, წარმოდგენილი ხელშეკრულების მიღება-ჩაბარების აქტები და ამ ხელშეკრულებებთან დაკავშირებული დადასტურებული ანგარიშ-ფაქტურები (ასეთის არსებობის შემთხვევაში) სრულად;
4. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი, დადასტურებული ანგარიშ-ფაქტურები) წარმოდგენა სავალდებულო არ არის.

1. პრეტენდენტს ქ. თბილისში უნდა გააჩნდეს არანაკლებ 5 (ხუთი) ავტოსამრეცხაო ობიექტი (სხვადასხვა ტერიტორიულ ერთეულში), საიდანაც ერთი უნდა იყოს არანაკლებ 5 ბოქსიანი, ორი ერთეული არანაკლებ 4 ბოქსიანი, ხოლო დანარჩენი 2 არანაკლებ - 2 ბოქსიანი. ყველა სამრეცხაო ბოქსი უნდა იყოს მოქმედი ყოველდღიურ რეჟიმში;
2. პრეტენდენტს საქართველოს სხვადასხვა რეგიონებში უნდა გააჩნდეს:
2.1. ერთი ავტოსამრეცხაო ქალაქ რუსთავში;
2.2. ერთი ავტოსამრეცხაო ქ. თელავში;
2.3. ერთი ავტოსამრეცხაო ქ. გორში;
2.4. ერთი ავტოსამრეცხაო ქ. ქუთაისში;
2.5. ერთი ავტოსამრეცხაო ქ. ახალციხეში;
2.6. ერთიავტოსამრეცხაო ქ. ფოთში;
2.7. ერთი ავტოსამრეცხაო ქ. ზუგდიდში;
2.8. ერთი ავტოსამრეცხაო ქ. ბათუმში;
2.1-2.8 - რვავე ავტოსამრეცხაო უნდა იყოს არანაკლებ 2 (ორი) ბოქსიანი;
3. პრეტენდენტმა უნდა წარმოადგინოს ინფორმაცია ავტოსამრეცხაოების შესახებ, შესაბამისი მისამართების მითითებით,
4. პრეტენდენტმა უნდა წარმოადგინოს საკუთრების ან/და სარგებლობის დამადასტურებელი დოკუმენტების ასლები ან/და ქვეკონტრაქტორთან გაფორმებული ხელშეკრულებები, მომსახურების გაწევის პერიოდისთვის შესაბამისად დამაკმაყოფილებელი.
5. სამრეცხაო ობიექტები უნდა იყოს კეთილმოწყობილი, რის დასადასტურებლადაც პრეტენდენტმა უნდა წარმოადგინოს თითოეული ავტოსამრეცხაო ობიექტის ფოტოსურათ(ებ)ი, შესაბამისი მისამართების მითითებით; აღნიშნულთან დაკავშირებით, შემსყიდველი უფლებამოსილია შერჩევა/შეფასების ეტაპზე პრეტენდენტის მიერ წარმოდგენილი ინფორმაცია გადაამოწმოს და მოახდინოს ავტოსამრეცხაოების ვიზუალური დათვალიერება.

თუ აღმოჩნდება, რომ ობიექტები არ არის კეთილმოწყობილი (არ იქნება სისუფთავე, ტექნიკური აღჭურვილობა, რეცხვისთვის შესაბამისი მაღალი ხარისხის სარეცხი საშუალებები და ა.შ.), პრეტენდენტი დაექვემდებარება დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „ზ“ ქვეპუნქტის შესაბამისად.

ზემოაღნიშნული 1-3 პუნქტებით დადგენილი ინფორმაციის წარმოუდგენლობა, სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული "ელექტრონული ტენდერის ჩატარების წესის" მე-2 მუხლის პირველი პუნქტის "ს" ქვეპუნქტით გათვალისწინებულ ეტაპზე ("წინადადების მიღება დაწყებულია"), გამოიწვევს პრეტენდენტის დისკვალიფიკაციას ამავე წესის 32-ე მუხლის პირველი პუნქტის "ბ" ქვეპუნქტის შესაბამისად.

ინფორმაცია ქვეკონტრაქტორის შესახებ (ასეთის არსებობის შემთხვევაში):
1. პრეტენდენტმა ქვეკონტრაქტორის არსებობის შემთხვევაში უნდა წარმოადგინოს ქვეკონტრაქტორთან გაფორმებული ხელშეკრულება და ანალოგიური ხასიათის ინფორმაცია ავტოსამრეცხაო ობიექტების შესახებ, რაც მოეთხოვება პრეტენდენტს 2.3.1 პუნქტში, იმის მიხედვით, თუ რომელ ტერიტორიულ ერთეულზე იქნება ქვეკონტრაქტორის ავტოსამრეცხაო ობიექტი განთავსებული;
2. ქვეკონტრაქტორ(ებ)თან სამართლებრივი ურთიერთობის წარმოდგენილ დოკუმენტ(ებ)ში (ხელშეკრულება, შეთანხმება ან სხვა ექვივალენტური დოკუმენტი) უნდა ფიქსირდებოდეს, რომ რეცხვის მომსახურება განხორციელდება საბარათე (პლასტიკური ბარათი) სისტემის მეშვეობით;
3. ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – “შავ სიაში“.
შენიშვნა: თუ პრეტენდენტს განზრახული აქვს მომსახურების მიწოდება ქვეკონტრაქტორის გარეშე, უნდა წარმოადგინოს ინფორმაცია ამის შესახებ.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი (ფასთა ცხრილი, პუნქტი 1.3);
3. პრეტენდენტის გამოცდილების დამადასტურებელი დოკუმენტაცია (პუნქტი 2.2.1);
4. ინფორმაცია პრეტენდენტის მატერიალურ-ტექნიკური ბაზის შესახებ (პუნქტი 2.3.1);
5. ქვეკონტრაქტორთან დაკავშირებული მოთხოვნები (პუნქტი 2.8.1).

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/ აკრედიტაციის დამადასტურებელი დოკუმენტი).
2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1. ანგარიშსწორება მოხდება უნაღდო ანგარიშსწორებით ლარში, ეტაპობრივად, ფაქტობრივად მიწოდებული მომსახურების შესაბამისად.
2. ანგარიშსწორება მოხდება მიღება–ჩაბარების აქტის გაფორმების და ანგარიშფაქტურის (ასეთის არსებობის შემთხვევაში) წარმოდგენის შემდგომ.

წინამდებარე სატენდერო პირობების 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

მარიამ სამსონია, 599455556, msamsonia@nasp.gov.ge

1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს გარეშე;
1.1 პრეტენდენტი წინადადების ფასში არ ითვალისწინებს დღგ-ს, მიუხედავად იმისა, არის თუ არა იგი დღგ-ს გადამხდელი საქართველოს კანონმდებლობის შესაბამისად. შერჩევა-შეფასება განხორციელდება წარმოდგენილი წინადადების ფასების მიხედვით. შემსყიდველი ორგანიზაცია ხელშეკრულების ღირებულებაში გაითვალისწინებს სატენდერო წინადადების ფასის შესაბამის დღგ-ს ოდენობას, თუ ხელშეკრულების დადების მომენტისთვის პრეტენდენტი არის დღგ-ს გადამხდელი საქართველოს კანონმდებლობის მოთხოვნათა შესაბამისად;
2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. პრეტენდენტმა უნდა უზრუნველყოს განფასება დ.ღ.გ-ს გარეშე დანართი №1-ის მიხედვით;
5. სხვადასხვა ვალუტაში გამოსახული სატენდერო წინადადება არ განიხილება;
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.