Ремонт и техническое обслуживание транспортных средств и оборудования и сопутствующие услуги (Грузия - Тендер #67108671)

დეპარტამენტის ბალანსზე არსებული მსუბუქი ავტომანქანების შეკეთება, ტექმომსახურება.

შესყიდვა მოიცავს დეპარტამენტის ბალანსზე არსებული მსუბუქი ავტომანქანების ტექმომსახურებას, საჭიროების შემთხვევაში სათადარიგო ნაწილის შეცვლას, პრეისკურანტში (დანართი N1) მითითებული ჩამონათვალის შესაბამისად, მიმწოდებელი ვალდებულია ყოველ კონკრეტულ შემთხვევაში ტექნიკის შეკეთების დროს ჩაატაროს დათვალიერება, რის შემდგომაც მხარეები აფორმებენ დეფექტურ აქტს, რომელშიც მითითებული იქნება გასაწევი მომსახურების ან/და სათადარიგო ნაწილების დეტალური აღწერა. მიმწოდებელი ვალდებულია შემსყიდველის მოთხოვნის შესაბამისად მოახდინოს ტექნიკის სათადარიგო ნაწილების მიწოდება და მოთხოვნილი ტექმომსახურების გაწევა. ტექნიკის მომსახურება გაწეულ უნდა იქნას დაუყოვნებლივ რიგგარეშე.
- ტექნიკის დაზიანებული ნაწილი უნდა შეიცვალოს ახალი/არამეორადი მაღალი ხარისხის სათადარიგო ნაწილით.

ხელშეკრულების გაფორმებიდან 2025 წლის 31 დეკემბრის ჩათვლით.

მსუბუქი ავტომანქანების შეკეთება, ტექმომსახურება (სათადარიგო ნაწილების შეცვლით), ქ. ბათუმის ან/და ხელვაჩაურის ტერიტორიაზე არსებულ სერვისცენტრში.

მიმწოდებელი იძლევა გარანტიას, რომ მის მიერ გაწეული მომსახურება და გამოცვლილი სათადარიგო ნაწილები, ტექნიკის სწორი ექსპლუატაციის პირობებში არ გამოავლენს რაიმე დეფექტს, მიღება-ჩაბარების აქტის გაფორმებიდან არანაკლებ 6 თვეს. დეფექტის გამოვლენის შემთხვევაში მიმწოდებელი უზრუნველყოფს წუნდებული (უხარისხო) საქონლის და მის შეცვლასთან დაკავშირებულ მომსახურებას, საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 10 (ათი) კალენდარული დღის ვადაში.

- ინფორმაცია წარმოდგენილი იქნას დანართი N3-ის სახით, დამოწმებული ელექტრონული ხელწერით ან კვალიფიციური ელექტრონული შტამპით.

2.2.1.1 ინფორმაცია პრეტენდენტის მიერ 2021 წლის 1 იანვრიდან სატენდერო წინადადების მიღების დაწყების თარიღამდე პერიოდის განმავლობაში სახელმწიფო შესყიდვის ან/და სახელმწიფო შესყიდვების ფარგლებს გარეთ გაწეული ანალოგიური მომსახურების - ავტოსატრანსპორტო საშუალებების ტექმომსახურების, შეკეთების (სათადარიგო ნაწილების მიწოდების ჩათვლით) არანაკლებ 40 000 ლარის ოდენობის გამოცდილების შესახებ. წარმოდგენილი იქნას ანალოგიურ მომსახურებაზე დადებული ხელშეკრულებ(ებ)ის ასლ(ებ)ი ფასების ცხრილთან (არსებობის შემთხვევაში) ერთად და ამ ხელშეკრულებ(ებ)ის შესრულების დამადასტურებელი დოკუმენტ(ებ)ის - მიღება-ჩაბარების აქტ(ებ)ის, ხოლო იმ შემთხვევაში, თუ მომსახურება გაწეულია არასახელმწიფო შემსყიდველ ორგანიზაციებზე (კერძო სამართლის სუბიექტზე), ხელშეკრულებების, მიღება-ჩაბარების აქტების (არსებობის შემთხვევაში) და ასევე საგადასახადო ანგარიშფაქტურის ასლები, რომლის გამოწერის ვადა უნდა ემთხვეოდეს სატენდერო პირობების 2.2.1.1 პუნქტით მოთხოვნილ გამოცდილების ვადას.

- ინფორმაცია წარმოდგენილი იქნას დანართი N2-ის შესაბამისად, დამოწმებული ელექტრონული ხელწერით ან კვალიფიციური ელექტრონული შტამპით.

(2.2.1.1 პუნქტით მოთხოვნილი ინფორმაციის წარმოდგენა სავალდებულოა)

2.3.1.1 ინფორმაცია პრეტენდენტის მატერიალურ-ტექნიკური ბაზის შესახებ.
პრეტენდენტს ქ. ბათუმში ან/და ხელვაჩაურის ტერიტორიაზე საკუთრებაში ან/და სარგებლობაში უნდა გააჩნდეს მოქმედი სერვისცენტრი, რომელიც აღჭურვილი უნდა იყოს თანამედროვე აპარატურითა და დანადგარებით. სერვისცენტრი უნდა ფუნქციონირებდეს ყოველდღიურად. სერვისცენტრს ავტოსატრანსპორტო საშუალებების მომსახურებისათვის უნდა გააჩნდეს არანაკლებ 2 ბოქსისა, რომლებიც (თითოეული) უზრუნველყოფილი იქნება სატრანსპორტო საშუალების ამწევი მექანიზმით.
პრეტენდენტმა უნდა წარმოადგინოს სერვისცენტრის საკუთრებაში არსებობის შემთხვევაში, საკუთრების დამადასტურებელი დოკუმენტი (აუდიტის დასკვნის წარმოდგენის შემთხვევაში, დოკუმენტი გაცემული უნდა იყოს ტენდერის გამოცხადების შემდეგი თარიღით) ასევე ფოტოები. სერვისცენტრის სარგებლობაში არსებობის შემთხვევაში წარმოდგენილი იქნას შესაბამისი ხელშეკრულების ასლი, ასევე ფოტოები. ხელშეკრულების მოქმედების ვადა განისაზღვროს არანაკლებ 2025 წლის 31 დეკემბრისა.
„საჯარო რეესტრის შესახებ“ საქართველოს კანონის მე-11 მუხლის (უძრავ ნივთებზე უფლებათა რეეტრში რეგისტრაციისადმი დაქვემდებარებული უფლებები და ვალდებულებები) მე-5 პუნქტის თანახმად, მე-11 მუხლის პირველი პუნქტის „ა“-„ე“ ქვეპუნქტებით გათვალისწინებული უფლებების, ხოლო კერძო სამართლის იურიდიული პირის მონაწილეობით 1 (ერთი) წელზე მეტი ვადით დადებული გარიგებების (მათ შორის გარიგებებისა, რომელთა საერთო ვადა აღემატება 1 (ერთი) წელს) -აგრეთვე ამ მუხლის პირველი პუნქტის „ვ“-„ი“ და „ლ“ ქვეპუნქტებით გათვალისწინებული უფლებების წარმოშობისათვის აუცილებელია მათი საჯარო რეესტრში რეგისტრაცია.


(2.3.1.1 პუნქტით მოთხოვნილი ინფორმაციის წარმოდგენა სავალდებულოა)

2.5.1.1 მიმწოდებელი ვალდებულია შემსყიდველის მოთხოვნის შესაბამისად, ყოველ კონკრეტულ შემთხვევაში ტექნიკის რემონტის დროს ჩაატაროს დათვალიერება, რის შემდგომაც მოთხოვნიდან 3 (სამი) კალენდარული დღის ვადაში მხარეები აფორმებენ დეფექტურ აქტს, რომელშიც მითითებული იქნება გასაწევი მომსახურების ან/და სათადარიგო ნაწილების დეტალური აღწერა, მიმწოდებელი ვალდებულია შემსყიდველის მოთხოვნის შესაბამისად მოახდინოს ტექნიკის სათადარიგო ნაწილების მიწოდება და მოთხოვნილი ტექმომსახურების გაწევა. ტექნიკის მომსახურება გაწეულ უნდა იქნას დაუყოვნებლივ რიგგარეშე.

2.5.1.2. მიმწოდებელმა ყოველ კონკრეტულ შემთხვევაში უნდა უზრუნველყოს მომსახურების გაწევა გონივრულ ვადაში, სამუშაოს სირთულიდან გამომდინარე, მაგრამ დეფექტური აქტის გაფორმებიდან არაუმეტეს 5 (ხუთი) კალენდარული დღისა, ხოლო თუ მომსახურება ეხება ძრავის კაპიტალურ რემონტს ან დეფიციტური სათადარიგო ნაწილებით უზრუნველყოფას- არაუმეტეს 10 (ათი) კალენდარული დღისა.

1) პრეისკურანტის ღირებულება წარმოდგენილი უნდა იყოს დანართი N1–ში მოცემული განფასების ცხრილის (პრეისკურანტის) ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილის თითოეულ პოზიციაზე მითითებული სავარაუდო ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

2) პრეტენდენტის მიერ პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასებზე (პროპორციულად დაკლებული ფასები უნდა იყოს დამრგვალებული მეასედებამდე სიზუსტით).

3) ფასების ცხრილი (პრეისკურანტი) წარმოდგენილი იქნას მხოლოდ Excel-ის სახით (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს, მათ შორის ელექტრონულ ხელმოწერას ან/და ელექტრონულ შტამპს)

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა, რისთვისაც ვალდებულია უზრუნველყოს შესაბამისი დადებითი დასკვნის წარმოდგენა, რომელიც გაცემული უნდა იყოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ ან/და წარმოდგენილი უნდა იქნას აუდიტის დასკვნა, დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი, ხოლო აკრედიტებული პირის მიერ დასკვნის გაცემის შემთხვევაში, დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტი.
დასკვნით უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასით მომსახურების გაწევის შესაძლებლობა.
ექსპერტიზის ხარჯებს გაიღებს პრეტენდენტი.

1. მხარეები ანგარიშსწორებას ახორციელებენ უნაღდო ანგარიშსწორების ფორმით, ლარში.
2. შემსყიდველი ანგარიშსწორებას ახორციელებს მიმწოდებლის მიერ ფაქტიურად გაწეული მომსახურების შესაბამისად, მიღება-ჩაბარების აქტისა და გაწეული მომსახურების ღირებულების თაობაზე გამოწერილი საგადასახადო ანგარიშფაქტურის შემსყიდველის მიერ დადასტურების შემდეგ.

მიმწოდებლის მიერ ფაქტიურად გაწეული მომსახურების დამადასტურებელი დოკუმენტების წარმოდგენიდან არაუგვიანეს 10 სამუშაო დღე.

ირინა ფუტკარაძე, 591929613, beeiren@yahoo.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია დეპარტამენტის სახელმწიფო შესყიდვების სამსახურში. ქ. ბათუმი, ჯავახიშვილის ქ. #72ა.
შიდა ტელეფონი (0422) 24-73-88.

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5. პრედენდენტს არა აქვს უფლება წარმოადგინოს ალტერნატიული სატენდერო წინადადება;
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება
განსაფასებელი პოზიციების 1%-ს);

8) ფასების ცხრილი (პრეისკურანტი) წარმოდგენილი იქნას მხოლოდ Excel-ის სახით (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს, მთ შორის ელექტრონულ ხელმოწერას ან/და ელექტრონულ შტამპს)