Строительно-монтажные работы (Грузия - Тендер #67029258)

შსს სასაზღვრო პოლიციის სანაპირო დაცვის დეპარტამენტის საზღვაო ოპერაციების ერთობლივი მართვის ცენტრის ორგანიზაციული და ტექნიკური მხარდაჭერის უზრუნველყოფის სამმართველოს (გრიგოლეთი) არსებულ სარადარო ანძაზე არსებული, ექსპლუატაციისათვის უვარგისი, პასიური მეხამრიდის დემონტაჟი და აქტიური მეხამრიდის სისტემის და მისთვის განკუთვნილი დამიწების კონტურის მოწყობის მონტაჟის სამუშაოების შესყიდვა.

მომწოდებელმა უნდა უზრუნველყოს არსებული, ექსპლუატაციისათვის უვარგისი, პასიური მეხამრიდის დემონტაჟი. ასევე, აქტიური (ახალი) მეხამრიდის სისტემის და მისთვის განკუთვნილი დამიწების კონტურის მოწყობის და სრული გამართვის სამუშაოები დანართი N1- ხარჯთაღრიცხვის შესაბამისად.

დემონტაჟი:
არსებული პასიური მეხამრიდის, რომელიც ექსპლუატაციისათვის უვარგისია და “ელექტროდანადგარების მოწყობის წესების“ და საქართველოს მთავრობის 2013 წ. 17 დეკემბრის N340 დადგენილების „ელექტროდანადგარების ექსპლუატაციისას უსაფრთხოების წესების დამტკიცების შესახებ“ პირობებთნ მიმართებაში და მისი საპასპორტო მონაცემებიდან და არსებული ტექნიკური პირობიდან გამომდინარე, უნდა განხორციელდეს ყველა იმ კომპონენტის დემონტაჟი, რომელიც გამოიყენებოდა პასიური მეხამრიდის ფუნქციონირებისათვის (მეტალის ელემენტები, კაბელები, ტროსები, სამაგრები და ა.შ). დემონტაჟირებული მეხამრიდი უნდა განთავსდეს სანაპირო დაცვის დეპარტამენტის საზღვაო ოპერაციების ერთობლივი მართვის ცენტრის ორგანიზაციული და ტექნიკური მხარდაჭერის უზრუნველყოფის სამმართველოს ტერიტორიაზე (გრიგოლეთი).

მონტაჟი:
სამუშაოები უნდა შესრულდეს ფასების ცხრილში (ხარჯთაღრიცხვა) მოცემული პირობების და რაოდენობების შესაბამისად. სამუშაოების შესრულების პროცესში ყველა გამოყენებული მასალა და მოწყობილობა უნდა შეესაბამებოდეს ამ სფეროში აღიარებულ სტანდარტებს. შემსყიდველს უფლება აქვს, დამატებით, ნებისმიერ დროს მოითხოვოს სამუშაოების შესრულების პროცესში გამოყენებული მასალებზე და მოწყობილობებზე შესაბამისი სერტიფიკატი (პრეტენდენტს მოეთხოვება მეხამრიდის საგარანტიო სერთიფიკატის წარმოდგენა რომელიც გაცემული უნდა იყოს მწარმოებლის მიერ).

იმ შემთხვევაში, თუ მიმწოდებელი სამუშაოების შესრულების პროცესში დააზიანებს შემსყიდველის ქონებას (შენობა-ნაგებობა და ა.შ.), იგი ვალდებული იქნება უზრუნველყოს შემსყიდველის ქონებისათვის (შენობა-ნაგებობა და ა.შ.) პირვანდელი სახით აღდგენა საკუთარი ხარჯებით.

სამუშაოთა დასრულების შემდეგ, მიმწოდებელი ვალდებულია თავისი ძალებით და სახსრებით დაუყონებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან და ა.შ.

მიმწოდებელი ვალდებულია სამუშაოები აწარმოოს საქართველოში მოქმედი სამშენებლო ნორმებისა და წესების დაცვით, აგრეთვე დაიცვას უსაფრთხოების წესები. სამუშაო ადგილის ფარგლებში მინიმუმამდე დაიყვანოს გარემოზე ეკოლოგიური ზემოქმედება, მუშაობით გამოწვეული ხმაურის, ვიბრაციის და მტვრის გავლენა.

შემსრულებელმა ექსლუატაციის პერიოდში, მიღება-ჩაბარების აქტის გაფორმებიდან საგარანტიო პერიოდის განმავლობაში შესყიდვის ობიექტს გაუწიოს მონიტორინგი, რაც გულისხმობს არანაკლებ წელიწადში ერთხელ აქტიური მეხამრიდის ფუნქციონალური მდგომარეობის და დამიწების კონტურის შემოწმება/გაზომვას შესაბამისი აქტის წარდგენით შემსყიდველთან.

შემსრულებელმა, სამონტაჟო სამუშაოებების დასრულების შემდეგ, უნდა წარმოუდგინოს შემსყიდველს ადგილზე, აქტიური მეხამრიდის გამართული ფუნქციონირების ტესტირების შედეგები, რომელიც უნდა განახორციელოს სპეციალური, იგივე მწარმოებლის, მოწყობილობით (ტესტერით).


შენიშვნა: პრეტენდენტის მიერ დანართი N1-ხარჯთაღრიცხვა შესაძლებელია წარმოდგენილი იყოს როგორც PDF ასევე Excel-ის ფორმატში.

ხელშეკრულების გაფორმების 60 (სამოცი) კალენდარული დღის განმავლობაში.

საქართველო, ლანჩხუთის მუნიციპალიტეტი, სოფელი გრიგოლეთი.

საგარანტიო ვადა უნდა შეადგენდეს საბოლოო მიღება-ჩაბარების აქტის გაფორმებიდან არანაკლებ 5 (ხუთი) წელს. საგარანტიო ვადის პერიოდში წუნდებული მომსახურების/საქონლის შეცვლა/შეკეთება მიმწოდებელმა უნდა უზრუნველყოს შემსყიდველის მოთხოვნიდან არაუგვიანეს 15 (თხუთმეტი) კალენდარულ დღის განმავლობაში, საკუთარი ხარჯებით (შეტყობინების გაგზავნა შესაძლებელია განხროციელდეს როგორც წერილობით, ისე ელექტრონული ფოსტის საშულებით).

მეხამრიდს უნდა გააჩნდეს ქარხნული გარანტია არანაკლებ 5 წელი მუშაობაზე და არანაკლებ 25 წლიანი გარანტია კოროზიამედეგობაზე, რაზეც უნდა იქნას წარმოდგენილი მწარმოებლის მიერ დამადასტურებელი დოკუმენტაცია.

აღნიშნული ინფორმაციის წარმოდგენა სავალდებულოა.

მიმწოდებელმა უნდა წარმოადგინოს ინფორმაცია დანართი N1-ს (ხარჯთაღრიცხვა) მეორე და მესამე პოზიციაზე შემოთავაზებული საქონლის (მოწყობილობის) მწარმოებელი კომპანიის, წარმოშობის ქვეყანის და მოდელი/დასახელების შესახებ.

პრეტენდენტს 2022 წლის პირველი იანვრიდან უნდა გააჩნდეს არანაკლებ 20 000 (ოცი ათასი) ლარის ღირებულების შენობის სამშენებლო ან/და შენობის სარემონტო ან/და მეხამრიდის სამონტაჟო სამუშაოების გამოცდილება, აღნიშნულის დასტურად, პრეტენდენტმა ელექტრონულ სისტემაში უნდა ატვირთოს სამუშაოების შესრულების დამადასტურებელი დოკუმენტაცია – ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან ფორმა N2 ან/და სხვა).
იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა 2.2.1.1 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ელექტრონული ვერსიები.

პრეტენდენტის მიერ წარმოდგენილი უნდა იქნას დანართი N1 - ხარჯთაღრიცხვის მე-2 და მე-3 პოზიციაზე შემოთავაზებული საქონლის მწარმოებილის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დაადასტურებს შემოთავაზებული საქონლის მოცულობ(ებ)ის შესაბამისობას სატენდერო დოკუმენტაციით განსაზღვრულ მოთხოვნებთან ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები). შენიშვნა: იმ შემთხვევაში, თუ პრეტენდენტის მიერ წარმოდგენილ, დოკუმენტებში, მწარმოებლის ოფიციალური ვებ-გვერდზე, ეტიკეტის ფოტოსურათზე ან/და საქონლს ფოტოსურათზე ინფორმაცია იქნება უცხო ენაზე პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართული თარგმანი.

1. სატენდერო დოკუმენტაციაში დაემატოს პირობა, რომ მოცემულ ეტაპზე ქვეკონტრაქტორის შესახებ ინფორმაციის წარმოდგენა არ მოითხოვება, თუმცა შემსყიდველთან შეთანხმების გარეშე, პრეტენდენტს უფლება არ აქვს სამშენებლო-სამონტაჟო სამუშაოები ან მისი ნაწილი გადასცეს ქვეკონტრაქტორს.
2. სატენდერო დოკუმენტაციაში დაემატოს პირობა, რომ ხარჯთაღრიცხვის წარმოუდგენლობა ან განუფასებლად წარმოდგენა, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.
ანგარიშსწორება განხორციელდება 2025 წლის ბიუჯეტის სახსრებით. ანგარიშსწორება შემსყიდველის მიერ მოხდება ფაქტობრივად მოწოდებული და დამონტაჟებული შესყიდვის ობიექტის მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის გამოწერის (კანონით დადგენილ შემთხვევასი) და წარმოდგენის შემდეგ.

შესაბამისი დოკუმენტაციის წარმოდგენიდან არაუგვიანეს 10 სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

მიმწოდებელი ვალდებულია სამუშაოების სრულად დასრულების შემდეგ, მიღება-ჩაბარების ეტაპზე წარმოადგინოს სამუშაოთა ღირებულების და მოცულობების დადგენის მიზნით ექსპერტიზის დასკვნა (აღნიშნული დასკვნა წარმოდგენილი უნდა იყოს ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული (ექსპერტიზის ხარჯებს აანაზღაურებს მიმწოდებელი).

მიმწოდებელი ვალდებულია სამუშაოების სრულად დასრულების შემდეგ, მიღება-ჩაბარების ეტაპზე წარმოადგინოს მეხამრიდის ფუნქციონალური მდგომარეობის და დამიწების კონტურის ლაბორატორიული დადებითი დასკვნა. დამიწების კონტურის წინაღობის გაზომვა უნდა განხორციელდეს ISO 17025 სტანდარტით. (აღნიშნული დასკვნა წარმოდგენილი უნდა იყოს ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული (ექსპერტიზის ხარჯებს აანაზღაურებს მიმწოდებელი).

თეიმურაზ ჩიკვაიძე, 595449110, chikvaidze.t@mia.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.3 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.1.6 სამუშაოების წარმოების პროცესში, სამუშაოს ახალი პოზიცი(ებ)ის წარმოქმნის შემთხვევაში, შემსყიდევლის მხრიდან ცვლილება (ახალი პოზიციის დამატება) განხორციელდება სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნით (ექსპერტიზის ხარჯებს აანაზღაურებს მიმწოდებელი). ხოლო ანაზღაურება განხორციელდება ექსპერტიზის დასკვნის შესაბამისად, ფაქტობრივი დანახარჯების მიხედვით, მაგრამ არაუმეტეს ხარჯთაღრიცხვაში მოცემული ერთეულის ღირებულებებისა.