Услуги в области экологии (Грузия - Тендер #67029227)

სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ინსინერატორების (ლაბორატორიული ნარჩენების თერმული გაუვნებელყოფის საამქრო) მიერ გარემოში გაფრქვეული მავნე ნივთიერებების რაოდენობების კვარტალური მაჩვენებლების განსაზღვრა/გაანგარიშება ინსტრუმენტული და საანგარიშო მეთოდებით

სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ინსინერატორების (ლაბორატორიული ნარჩენების თერმული გაუვნებელყოფის საამქრო) მიერ გარემოში გაფრქვეული მავნე ნივთიერებების რაოდენობების კვარტალური მაჩვენებლების განსაზღვრა/გაანგარიშება ინსტრუმენტული და საანგარიშო მეთოდებით.

ინსინერატორების მდებარეობის ადგილია: ქ. თბილისი, კახეთის გზატკეცილი №99 (2 ცალი); ქ. ქუთაისი, ოცხელის №2 (1 ცალი) ; ქ. ბათუმი ქათამაძის ჩიხი №4 (1 ცალი).

ტექნიკური დავალება

1. გზშ–ს (გარემოზე ზემოქმედების შეფასება) მოთხოვნების შესაბამისად ინსინერატორებიდან და მიმდებარე ობიექტებიდან ინსტრუმენტული მეთოდით მავნე ნივთიერებათა (შეწონილი ნაწილაკები, აზოტის დიოქსიდი) გაფრქვევის კვარტალური სინჯების აღება.
2.საანგარიშო მეთოდით მავნე ნივთიერებათა (კადმიუმი, სპილენძი, ნიკელი, ვერცხლისწყალი, ტყვია, ქრომი, ქლორწყალბადი, დარიშხანი, ნახშირბადის ოქსიდი, ააონ C6 - C10, აირადი ფტორიდები, ჯამური ზემოქმედების ჯგუფი 6030, დიჰიდროსულფიდი/გოგირდწყალბადი, ნაჯერი ნახშირწყალბადები C12 - C19) გაფრქვევის კვარტალური სინჯების აღება ინსინერატორის გამფრქვევი მილიდან და ანგარიშების წარდგენა დამკვეთთან;
3. გზშ–ს (გარემოზე ზემოქმედების შეფასება) მოთხოვნების შესაბამისად ინსინერატორების მიმდებარე ობიექტებთან ინსტრუმენტული მეთოდით ხმაურის დონის შემოწმება კვარტალში ერთხელ;
4. არსებული ნაცრის ანალიზი;

მომსახურების გაწევა უნდა განხორციელდეს ორ ეტაპად ფასების ცხრილის დანართი #1-ის შესაბამისად.

I ეტაპი - ხელშეკრულების გაფორმებიდან არაუგვიანეს 2025 წლის 15 ოქტომბრისა.
II ეტაპი - ხელშეკრულების გაფორმებიდან არაუგვიანეს 2026 წლის 15 იანვრისა.

1. მომზადებული ანგარიშები წარმოდგენილი უნდა იყოს ქართულ ენაზე Microsoft Word ფორმატში.
2. საბოლოო დოკუმენტაცია წარმოდგენილი უნდა იქნას ქართულ ენაზე, 4 ნაბეჭდი და ასევე ელექტრონული სახით. ელექტრონული ვერსია წარმოდგენილი უნდა იყოს PDF ფორმატში.

სამუშაოს შესრულების ადგილი: ქ. თბილისი, კახეთის გზატკეცილი №99; ქ. ქუთაისი, ოცხელის №2; ქ. ბათუმი ქათამაძის ჩიხი №4.

პრეტენდენტს 2022 წლიდან აღნიშნული ტენდერის გამოცხადების დღემდე პერიოდში უნდა გააჩნდეს ჯამურად არანაკლებ 15 000.00 ლარის ოდენობის ანალოგიურ მომსახურებაზე მუშაობის გამოცდილება. ზემოაღნიშნულის დასადასტურებლად პრეტენდენტის მიერ წარმოდგენილი უნდა იქნას გამოცდილების შესახებ ინფორმაცია დანართი N2-ის შესაბამისად, ამასთან:

ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).

ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე),

მიმწოდებლისა და შემსყიდველის მიერ ორმხრივად დამოწმებული კვალიფიციური ხელმოწერით ან კვალიფიციური შტამპით

ან/და დამატებით წარმოდგენილი უნდა იქნას ხელშეკრულება და შესაბამისი შესრულების დამადასტურებელი დოკუმენტი.

,,პრეტენდენტი“ ვალდებულია წარმოადგინოს, ინსტრუმენტული მეთოდით მავნე ნივთიერებათა გაფრქვევის სინჯების ასაღებად საჭირო მოწყობილობის დასახელება.
იმ შემთხვევაში თუ აღნიშნული მოწყობილობა საჭიროებს კალიბრაციას „პრეტენდენტი“ ვალდებულია წარმოადგინოს შესაბამისი დამადასტურებელი დოკუმენტაცია
ან/და
წერილი, იმ შემთხვევაში თუ აღნიშნული მოწყობილობა არ საჭიროებს კალიბრაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2023 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

მეორე ეტაპით გასაწევი მომსახურების ანაზაურება განხორციელდება 2025 წელს, მხოლოდ წინასწარი ანგარიშსწორების მექანიზმის გამოყენებით. „მიმწოდებელი“ ვალდებულია არაუგვიანეს 2025 წლის 20 დეკემბრისა წარმოადგინოს შესყიდვის ობიექტის ღირებულების შესაბამისი ოდენობის უპირობო გამოუთხოვადი საბანკო (საქართველოს ეროვნული ბანკის მიერ ლიცენზირებული ბანკის მიერ გაცემული) ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიის მიერ გაცემული გარანტია, რომლის მოქმედების ვადა 30 დღით უნდა აღემატებოდეს „საქონლის“ მოწოდების საბოლოო ვადას.

ანგარიშსწორება განხორციელდება ფაქტიურად გაწეული „მომსახურებისა“ და მიღება-ჩაბარების აქტის შესაბამისად.

მიღება-ჩაბარების აქტის გაფორმდებიდან 20 (ოცი) კალენდარული დღის განმავლობაში.

თამარი მანაგაძე, 592150804, Tamari.Managadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“-„ვ“ ქვეპუნქტებში განსაზღვრულ მოთხოვნებზე:

ა. „პრეტენდენტის“ მიერ წარმოდგენილი დოკუმენტაცია ხელმოწერილი უნდა იყოს უფლებამოსილი პირის მიერ.
ბ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მომსახურებასთან დაკავშირებული ყველა გადასახადის გათვალისწინებით.
გ. ანგარიშსწორების ფორმა იქნება უნაღდო ანგარიშსწორება. ანგარიშსწორება განხორციელდება, ეროვნულ ვალუტაში მიმწოდებლის საბანკო ანგარიშზე თანხის გადარიცხვით.
დ. პრეტენდენტის მიერ სატენდერო წინადადების (დოკუმენტაცია) წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
ე. „მიმწოდებელი“ იღებს ვალდებულებას, რომ გამარჯვების შემთხვევაში შეასრულებს ტექნიკური დავალების შესაბამისად განსაღვრულ მოთხოვნებს.
ვ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2023 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.