Услуги в области лесного хозяйства (Грузия - Тендер #67000224)

შესყიდვის ობიექტია ბორჯომ-ხარაგაულის ეროვნული პარკის ტერიტორიაზე, კერძოდ ნეძვის აღკვეთილში ხე-ტყის/მერქნული რესურსის დამზადების და მისი საქმიან ეზოში ტრანსპორტირების მომსახურება.

წინამდებარე ტექნიკური დავალების მიზანია:

1. სსიპ დაცული ტერიტორიების სააგენტოს ნეძვის აღკვეთილის ტერიტორიაზე ხე-ტყის/მერქნული რესურსის დამზადების და მისი საქმიან ეზოში ტრანსპორტირების მომსახურება.
დაცული ტერიტორიის ადმინისტრაციის დასახელება ბორჯომ-ხარაგაულის ეროვნული პარკის ადმინისტრაცია; უბანი - ნეძვი.

ლოტი N 1 – ნეძვის აღკვეთილი, ნეძვის უბანი.
დასამზადებელია წიწვოვანი სახეობის მერქანი, რესურსის მოცულობით -110,08 კუბ.მ.
უბანი-ნეძვი; კვარტალი-N31; ლიტერი - N14, მოსაჭრელი სახეობა (საორიენტაციო მოცულობა)-ნაძვი; საორიენტაციო მოცულობა-110.08კუბ.მ.

ლოტი N 2 – ნეძვის აღკვეთილი, ნეძვის უბანი.
დასამზადებელია წიწვოვანი და ფოთლოვანი სახეობის მერქანი, რესურსის მოცულობით -320,12კუბ.მ.
უბანი-ნეძვი; კვარტალი - N31, ლიტერი-N24, მოსაჭრელი სახეობა (საორიენტაციო მოცულობა): ნაძვი-94,34 კუბ.მ.; სოჭი-218,368კუბ.მ. მუხა-1,22კუბ.მ. რცხილა-1,56კუბ.მ. წიფელი-4,636 კუბ.მ.

ლოტი N 3 – ნეძვის აღკვეთილი, ნეძვის უბანი.
დასამზადებელია წიწვოვანი და ფოთლოვანისახეობის მერქანი, რესურსის მოცულობით -374,7 კუბ.მ.
უბანი-ნეძვი; კვარტალი-N31, ლიტერი-N39;33;34;40. მოსაჭრელი სახეობა (საორიენტაციო მოცულობა): ფიჭვი-13,54კუბ.მ. მუხა-0,72 კუბ.მ. ნაძვი-67,68კუბ.მ. რცხილა-1,28კუბ.მ. სოჭი-288,53კუბ.მ. წიფელი-2,95კუბ.მ.

ლოტი N 4 – ნეძვის აღკვეთილი, ნეძვის უბანი.
დასამზადებელია წიწვოვანი და ფოთლოვანი სახეობის მერქანი, რესურსის მოცულობით - 125,72 კუბ.მ. უბანი-ნეძვი; კვარტალი-N31, ლიტერი-N30; მოსაჭრელი სახეობა (საორიენტაციო მოცულობა); ფიჭვი-73,126კუბ.მ. ნაძვი-20,71კუბ.მ. რცხილა-0,61კუბ.მ. სოჭი-27,68კუბ.მ. წიფელი-3,59 კუბ.მ.

ლოტი N 5 – ნეძვის აღკვეთილი, ნეძვის უბანი.
დასამზადებელია წიწვოვანი და ფოთლოვანი სახეობის მერქანი, რესურსის მოცულობით -60,33 კუბ.მ.
უბანი- ნეძვი; კვარტალი-N40, ლიტერი-კვარტლის ფარგლებში; მოსაჭრელი სახეობა (საორიენტაციო მოცულობა): ფიჭვი-25,04კუბ.მ. ნაძვი-15,148კუბ.მ. რცხილა-0,436კუბ.მ. სოჭი-19,709კუბ.მ.

1.1 გასაწევი მომსახურეობის აღწერა
ა) ზეზემდგომი ხმელი ხის ჭრა და მოთხრილ-მოტეხილი წაქცეული ხეების გატანა: სამუშაო ადგილის მომზადება (საჭიროების მიხედვით ხის ირგვლივ ადგილის გასუფთავება ქვეტყისგან, ეკალბარდებისსა და ბუნებრივი ნაყარისგან) ხის ჭრა და განსაზღვრული მიმართულებით მოზარდის მაქსიმალურად დაცვის გათვალისწინებით ხის წაქცევა, ტოტების შეჭრა და დარჩენილი ჯირკვის გაქერქვა.
ბ) საჭიროების მიხედვით მორების (შოლტების) მორთრევა ცოცხალი გამწევი ძალით ან მუხლუხა ტრაქტორით, ნიადაგის ნაყოფიერი ფენის მაქსიმალურად დაზიანების გარეშე. მორთრევა განხორციელდეს ზედა საწყობამდე (ბაქნამდე) ან სატყეო - სამეურნეო მიზნით გამოყოფილ გზამდე.
გ) მორზე (შოლტზე) გადასაჭრელი ადგილის მონიშვნა მრგვალი ხე-ტყის მორების მიღების მიზნით და შოლტების დამორვა ბენზოხერხით, ძირზე დარჩენილი ღეროს ნაწილის მოჭრა - შესწორება.
დ) მოჭრილი ხის ღეროდან მაქსიმალურად იქნეს ამოღებული საქმისი მერქანი - მრგვალი მორი 2 - 6 მეტრის სიგრძის. საშეშე ხე-ტყის 60 სმ-მდე სიგრძეზე დაკოტვრა.
ე) ხე-ტყის დატვირთვა ტრანსპორტზე, ტრანსპორტირება ხე ტყის საბოლოო დასაწყობების ადგილამდე.
ვ) მიმწოდებელმა მოჭრილი - დამზადებული მერქნული რესურსი უნდა დაასაწყობოს ხელშეკრულებით განსაზღვრულ ადგილზე ნეძვის საქმიანი ეზო.
ზ) ხე-ტყის დახარისხება და დაშტაბელება რაც მოიცავს შოლტის მიგორებას, დახარისხებას სიგრძის და ხარისხის მიხედვით, მორების დახარისხებას სიგრძისა და ხარისხის მიხედვით.

1.2. მიმწოდებლის ვალდებულება:
ა) ტყეკაფზე ხე-ტყის დამზადების შედეგად მიღებული ნარჩენები განათავსოს მოქმედი კანონმდებლობის შესაბამისად.
ბ) მიმწოდებელი ვალდებულია დამზადებული მერქნული რესურსი ხე-ტყის დასაწყობების ადგილზე დაალაგოს შტაბელებად.
გ) მომსახურების გაწევის პერიოდში საჭიროების შემთხვევაში სააგენტოსთან ან/და სააგენტოს მართვას დაქვემდებარებული დაცული ტერიტორიის ადმინისტრაციასთან შეთანხმებით უნდა უზრუნველყოს სატყეო - სამეურნეო მიზნით გამოყოფილი გზის რეაბილიტაცია.
დ) მომსახურების გაწევისას სავალდებულოა შრომის უსაფრთხოების მიმართულებით საქართველოს კანონმდებლობით დადგენილი სამართლებრივი წესების და ნორმების დაცვა, მათ შორის ტყეში მიმდინარე სამუშაოების დროს მკაცრად განისაზღვროს კანონმდებლობით განსაზღვრული სახანძრო უსაფრთხოების მიმართ წაყენებული მოთხოვნების შესრულება.
ე) მოჭრას და დაამზადოს მხოლოდ სსიპ დაცული ტერიტორიების სააგენტოს მართვას დაქვემდებარებული ბორჯომ-ხარაგაულის ეროვნული პარკის ადმინისტრაციის მიერ ჭრაში დანიშნული (ზეზემდგომი და მოთხრილ-მოტეხილი) ხეები.
ვ) მომსახურეობის გაწევის პერიოდში დამზადების პროცესის გამართულად წარმოების უზრუნველსაყოფად შეასრულოს სააგენტოსა და ბორჯომ-ხარაგაულის ეროვნული პარკის ადმინისტრაციის წერილობითი მითითებები.
ზ) მიმწოდებელმა მოჭრილი-დამზადებული მერქნული რესურსი უნდა დაასაწყობოს სსიპ დაცული ტერიტორიების სააგენტოს მართვას დაქვემდებარებული ნეძვის აღკვეთილის სოფ. ახალდაბის საქმიან ეზოში N 308-000-000262
1.3. წარმოდგენილი დასამზადებელი მერქნული რესურსი საორიენტაციო ხასიათისაა და „ტყითსარგებლობის წესის შესახებ“ საქართველოს მთავრობის 2021 წლის 18 მაისის №221 დადგენილების მე- 26 მუხლის მე-4 პუნქტის გამომდინარე შემსყიდველი უფლებამოსილია არ მოახდინოს შესყიდვა სრული რაოდენობით.
1.4. მიმწოდებელმა უნდა უზრუნველყოს „ტყითსარგებლობის წესის შესახებ“ საქართველოს მთავრობის 2021 წლის 18 მაისის №221 დადგენილების მე-28 მუხლის მოთხოვნათა დაცვით უზრუნველყოს ჭრის შედეგად მიღებული ნარჩენების განთავსება.
1.5. შემსყიდველი უფლებამოსილია მიმწოდებლის მიერ ზემოაღნიშნული მე-4 პუნქტის დარღვევის შემთხვევაში დაეკისროს გარემოსთვის მიყენებული ზიანის ანაზღაურება საქართველოს მთავრობის 2022 წლის 15 ივლისის № 368 დადგენილების მე-4 დანართის მე-8 პუნქტის შესაბამისად.
1.6. შემსყიდველი უფლებამოსილია მიმწოდებელს ტყეზე მიყენებული ზიანის შემთხვევაში დააკისროს გარემოსთვის მიყენებული ზიანის ანაზღაურება საქართველოს მთავრობის 2022 წლის 15 ივლისის № 368 დადგენილების მე-4 დანართის შესაბამისად.

ხე-ტყის დამზადების მომსახურება და ამ მომსახურებასთან დაკავშირებით მიმწოდებლის მიერ ნაკისრი ყველა ვალდებულება სრულად უნდა განხორციელდეს შემდეგი გრაფიკით: 500 კუბ.მ. - 2025 წლის 20 დეკემბრამდე, 490.95 კუბ.მ. - 2026 წლის 1 ივლისამდე.

მომსახურების გაწევა უნდა განხორციელდეს ნეძვის აღკვეთილის ნეძვის უბნის N31 და N40 კვარტლებში. ტყეკაფამდე მისასვლელი სატყეო სამეურნეო გზა უზრუნველყოფილია (მიმწოდებელმა დაზინების შემთხვევაში თავად უნდა უზრუნველყოს სატყეო გზის აღდგენა). ტყეკაფიდან დამზადებული ხე-ტყის დასაწყობების ადგილამდე მანძილი: ნეძვის აღკვეთილის ნეძვის უბნის N31 და N40 კვარტლებიდან ბორჯომის მუნიციპალიტეტის სოფ. ახალდაბამდე (საქმიანი ეზო) მანძილი შეადგენს - 7 კმ-ს.

მომსახურების სრულყოფილად მიწოდების მიზნით, პრეტენდენტს უნდა ჰყავდეს არანაკლებ 2 (ორი) სამუშაო ჯგუფი და თითოეული სამუშაო ჯგუფი უნდა იყოს უზრუნველყოფილი შემდეგი ტექნიკური საშუალებით:
1. მაღალი გამავლობის სატვირთო ავტომანქანა – მორების საბოლოო დასაწყობების ადგილამდე ტრანსპორტირებისათვის, არანაკლებ 1 ერთეული (შესაბამისად მინიმუმ 2 სამუშაო ჯგუფისათვის - არანაკლებ 2 ერთეული და ა.შ.);

2. მუხლუხოიანი სპეციალური ტექნიკა (მორმთრევი ან სხვა ანალოგიური დანიშნულების ტექნიკა) – მორების გამოსატანად და დასაშტაბელებლად, არანაკლებ 1 ერთეული (შესაბამისად მინიმუმ 2 სამუშაო ჯგუფისათვის - არანაკლებ 2 ერთეული და ა.შ.);

3. სპეციალური ტექნიკა (ბულდოზერი ან მსგავსი ტექნიკა) – საჭიროების შემთხვევაში სატყეო სამეურნეო გზების მოწყობა-რეაბილიტაციისათვის, არანაკლებ 1 ერთეული (შესაბამისად მინიმუმ 2 სამუშაო ჯგუფისათვის - არანაკლებ 2 ერთეული და ა.შ.).

ზემოთჩამოთვლილი ტექნიკური საშუალებების დროებით ან მუდმივ სარგებლობაში ფლობის დასადასტურებლად პრეტენდენტმა უნდა წარმოადგინოს: რეგისტრაციის მოწმობა (თუ ტექნიკა მის საკუთრებაშია); ან ქირავნობის/თხოვების შესაბამისი ხელშეკრულება; ან წერილობითი შეთანხმება ტექნიკის დროებით სარგებლობაში გადაცემის მზაობის შესახებ.

მომსახურების სრულყოფილად მიწოდების მიზნით, ტენდერში მონაწილე პრეტენდენტს უნდა ჰყავდეს არანაკლებ 2 (ორი) სამუშაო ჯგუფი. თითოეული სამუშაო ჯგუფი უნდა შედგებოდეს მინიმუმ 4 (ოთხი) კვალიფიციური ადამიანისაგან (შესაბამისად მინიმუმ 2 სამუშაო ჯგუფის შემთვევაში - არანაკლებ 8 ადამიანი და ა.შ.). აქედან, მინიმუმ ერთი დასაქმებული პირი (ჯამში ყველა ჯგუფისათვის) უნდა იყოს დიპლომირებული მეტყევე სპეციალისტი.
აღნიშნული მოთხოვნის დასადასტურებლად პრეტენდენტმა უნდა წარმოადგინოს წერილობითი თანხმობა მომსახურების გაწევის მიზნით დასაქმებული პირების რაოდენობის და მათი ზოგადი კვალიფიკაციის შესახებ, აგრეთვე სამუშაო ჯგუფებში დასაქმებული არანაკლებ ერთი პირის შესახებ მეტყევე სპეციალისტის ბაკალავრის აკადემიური ხარისხის დამადასტურებელი დიპლომი.

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მიმწოდებელთან განხორციელდება ეტაპობრივად, ფაქტიურად მიწოდებული მომსახურების მოცულობის და ღირებულების მიხედვით, მიღება-ჩაბარების აქტის და შესაბამისი საგადასახადო დოკუმენტაციის (ანგარიშ-ფაქტურა) საფუძველზე.

ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში, სსიპ დაცული ტერიტორიების სააგენტოს 2025 და 2026 წლის საკუთარი სახსრებით.

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.