Текстильные изделия (Грузия - Тендер #66520709)

ფარდა-ჟალუზების და მწერებისგან დამცავი ბადეების სახელმწიფო შესყიდვა თანმდევი მომსახურებით

1.2.1. მწერებისგან დამცავი ბადე (მოძრავი) (მონტაჟით) - 50 კვმ.
მოძრავი (ზამბარაზე) დამცავი ბადეები.
კასეტის და მიმმართველების ფერი: შეთანხმებით.
კასეტის და მიმმართველების მასალა: ალუმინი.
ბადის მასალა: პოლიესტერი.
ბადის ფერი: ნაცრისფერი.

1.2.2. ვერტიკალური ფარდა-ჟალუზი (მონტაჟით) - 250 კვმ
ნაჭრის ზოლის სიგანე: 127 მმ (±2 მმ).
ნაჭრის მასალა: პოლიესტერი.
ნაჭრის ფერი: მოთხოვნის შესაბამისად
ვერტიკალური ფარდა-ჟალუზების შემდეგი ფერები: ყავისფერი,ნაცრისფერი, ლიმონისფერი, ჩალისფერი, ბეჟი, თეთრი და ლურჯი ფერების სხვადასხვა ტონალობების კატალოგი, სულ ჯამში არანაკლებ ათი ფერი (მაგ: ყავისფერი, ღია ყავისფერი, მუქი ყავისფერი).
ლავგარდანის (კარნიზი):
ზომები: 25 მმ X 45 მმ (±2 მმ).
მასალა: ალუმინი.
ფერი: თეთრი.

1.2.3. ჰორიზონტალური ფარდა-ჟალუზი (მონტაჟით) - 80 კვმ
ჰორიზონტალური ზოლი: 25 მმ (±2 მმ).
ჰორიზონტალური ზოლის მასალა: ალუმინი.
ჰორიზონტალური ზოლის ფერი: მოთხოვნის შესაბამისად.
კარნიზი (ლავგარდანის):
მასალა - მეტალი,
კარნიზის ზომა: 19 მმ X 25 მმ (±2 მმ).
კარნიზის ფერი: ლენტის შესაბამისი.

1.4.1. შესყიდვის ობიექტის მიწოდება/მონტაჟის ვადა განისაზღვროს 2026 წლის 01 აპრილიდან 2027 წლის 31 მარტის ჩათვლით ეტაპობრივად.
1.4.2. იმ შემთხვევაში, თუ შესასყიდი ობიექტის ფართობი შეადგენს ან ნაკლებია 50 კვ. მეტრს, მიმწოდებელმა უნდა უზრუნველყოს საქონლის მიწოდება/მონტაჟი შემსყიდველის მოთხოვნიდან 5 (ხუთი) კალენდარული დღის განმავლობაში, ხოლო 50 კვ. მეტრზე მეტი ფართობის შემთხვევაში შემსყიდველის მოთხოვნიდან 10 (ათი) კალენდარული დღის განმავლობაში.
1.4.3. მოთხოვნა განხორციელდება ელექტრონული ფოსტის ან სატელეფონო ზარის მეშვეობით.

1.5.1. მომწოდებელმა შესყიდვის ობიექტის მიწოდება უნდა განახორციელოს საქართველოს მასშტაბით
1.5.2. საქონლის მიწოდება/მომსახურება უნდა უზრუნველყოს საკუთარი მუშახელითა და სატრანსპორტო საშუალებით.

1.7.1.1. საგარანტიო ვადა განისაზღვრება არანაკლებ 1 (ერთი) წლის ვადით, მიღება-ჩაბარების აქტის გაფორმებიდან, არამექანიკური დაზიანების შემთხვევაში.
1.7.1.2. საგარანტიო ვადის პერიოდში გამოვლენილი ხარვეზების აღმოფხვრა უნდა უზრუნველყოს საკუთარი ხარჯებით მომწოდებელმა.
1.7.1.3. შესყიდვის ობიექტის შეუსაბამო, ხარვეზის, არა შემსყიდველის ბრალეულობით დაზიანების და დეფექტის მქონე საქონლის, მათ შორის საექსპლუატაციო თვისებების ვადაზე ადრე გაუარესების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით.
1.7.1.4. აღნიშნულის შესახებ „შემსყიდველი“ ატყობინებს „მომწოდებელს“ წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მიმწოდებლის სატენდერო წინადადებაში ატვირთულ რეკვიზიტებში მითითებული ელ. ფოსტის მისამართზე. შეტყობინების გაგზავნის მომდევნო დღიდან აითვლება წუნდებული საქონლის ხარვეზის გამოსწორების 5 (ხუთი) კალენდარულ დღიანი, ხოლო ახლით შეცვლის 10 (ათი) კალენდარულ დღიანი ვადა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი და წარმოშობის ქვეყანა.
2.1.1.2. პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

4.1.1.1. ,,იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2. ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები“.

7.2.1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2. მიმწოდებელთან ანგარიშსწორება განხორციელდება ეტაპობრივად ფაქტიურად მიწოდებული საქონლის შესაბამისად, უნაღდო ანგარიშსწორების ფორმით, ლარებში, მიმწოდებლის საბანკო ანგარიშზე, მიღება-ჩაბარების აქტის და საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში) წარმოდგენის შემდეგ.
7.2.3. ანგარიშსწორება ხორციელდება შსს სსიპ-დაცვის პოლიციის დეპარტამენტის 2026-2027 წლის საკუთარი სახსრებით.

7.3.1. ანგარიშსწორება განხორციელდება 7.2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშაო დღის ვადაში.

ნინო ბერიძე, 599181715, n.beridze@spd.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.

10.1.2 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.

10.1.3 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.5 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მისაწოდებელი საქონლის ფასების ცხრილი დანართი N1-ის მიხედვით, ტექნიკური მონაცემების, მწარმოებლის/ბრენდის და წარმოშობის ქვეყნის მითითებით (შესყიდვის ობიექტის წარმოშობის ქვეყნის ან/და მწარმოებლის/ბრენდის შესახებ ინფორმაციის წარმოუდგენლობა, ასევე ფასთა ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).