Оборудование, применяемое при чрезвычайных обстоятельствах, и средства защиты (Грузия - Тендер #66520697)

3 ცალი ერთ ფეხიანი ტურნიკეტისა და 7 კომპლექტი ბარათის წამკითხველის სისტემის (მონტაჟით) შესყიდვა.

1.2.1 აუცილებელი პირობები:
1.2.1.1. მიმწოდებელმა საკუთარი მასალებით უნდა უზრუნველყოს ტურნიკეტის და ბარათების წამკითხველი სისტემის დამონტაჟებისათვის აუცილებელი ყველა სამუშაოს (მკვებავი და ქსელის კაბელის (არაუმეტეს 15 მეტრისა) მიყვანა ტურნიკეტიდან ელექტრო ფარამდე და ა.შ.) შესრულება;
1.2.1.2. მიმწოდებელმა უნდა უზრუნველყოს არსებული (ასეთის არსებობის შემთხვევაში) ტურნიკეტის დემონტაჟი;
1.2.1.3 მიწოდება/მონტაჟი უნდა განხორციელდეს შესაბამისი კვალიფიკაციის მქონე სპეციალისტების მიერ, რომლებიც აღჭურვილი უნდა იყვნენ ყველა საჭირო ხელსაწყოთი.
1.2.1.4 მიწოდება/მონტაჟის დროს დაცული უნდა იყოს უსაფრთხოების ნორმები.
1.2.1.5 მიმწოდებელმა მიწოდება/მონტაჟის დროს დაუდევრობის შედეგად მიყენებული ზიანი უნდა აღმოფხვრას საკუთარი ხარჯებით.
1.2.1.6. მიმწოდებელი ვალდებულია შემსყიდველს საკონტაქტოდ მიაწოდოს არანაკლებ ორი სატელეფონო ნომერი და ორი ელექტრონული ფოსტის მისამართი.

1.2.2 საქონლის ტექნიკური პარამეტრები (ტექნიკური დავალება) იხილეთ ატვირთულ ფაილში.

საქონლის მიწოდება უნდა განხორციელდეს ხელშეკრულების გაფორმებიდან 15 (თხუთმეტი) კალენდარული დღის განმავლობაში, ხოლო მონტაჟი განხორციელდება საგარანტიო პერიოდში, შემსყიდველის მოთხოვნიდან არაუმეტეს 15 (თხუთმეტი) კალენდარული დღის განმავლობაში, უსასყიდლოდ.

საქონლის მიწოდების ადგილი: ქ. თბილისი, ქიზიყის ქუჩა N5ა, ხოლო მონტაჟი ქ. თბილისის მასშტაბით, შემსყიდველის მოთხოვნის შესაბამისად.

1.7.1 შემოთავაზებულ საქონელზე და გაწეულ მომსახურებაზე უნდა ვრცელდებოდეს არანაკლებ 1 (ერთი) წლიანი საგარანტიო ვადა მიღება-ჩაბარების აქტის გაფორმებიდან (პრეტენდენტი ვალდებულია ფასების ცხრილში (დანართი N1) მიუთითოს ინფორმაცია საგარანტიო ვადის შესახებ). მიმწოდებელმა, საგარანტიო ვადის პერიოდში გამოვლენილი წუნდებული საქონლის შეკეთება უნდა უზრუნველყოს საკუთარი ხარჯებით, მოთხოვნიდან არაუგვიანეს 10 (ათი) კალენდარული დღის ვადაში, ხოლო საქონლის შეცვლის საჭიროების შემთხვევაში, მისი შეცვლა უნდა უზრუნველყოს 30 (ოცდაათი) კალენდარული დღის განმავლობაში.

შეტყობინება შესაძლებელია განხორციელდეს ოფიციალური წერილის ან/და ელექტრონულ ფოსტაზე შეტყობინების გზით.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი, წარმოშობის ქვეყანა და მოდელი/დასახელება.
2.1.1.2 პრეტენდენტის მიერ 2.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.7.1.1. პრეტენდენტის მიერ წარმოდგენილი უნდა იქნას შემოთავაზებული ტურნიკეტისა და ბარათების ქსელური კომბინირებული წამკითხველ/კონტროლერის მწარმოებლის მიერ გაცემული დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან ვებ-გვერდზე არსებული კატალოგიდან, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).

2.7.1.2. შემოთავაზებული ტურნიკეტის მწარმოებლის სახელზე, მწარმოებლისგან დამოუკიდებელი მასერტიფიცირებელი ორგანოს მიერ გაცემული მოქმედი შესაბამისობის სერტიფიკატი ტურნიკეტების პროდუქციაზე, 2006/42/EC და 2014/30/EU დირექტივების შესაბამისად (პრეტენდენტმა უნდა ატვირთოს სერტიფიკატი სისტემის მეშვეობით ან წარმოადგინოს სერტიფიკატის ბმული ვებ გვერდიდან), რომელზეც უნდა იყოს მითითებული სერტიფიკატის სარეგისტრაციო ნომერი და გამცემი ორგანიზაცია (სახელწოდება და ვებ გვერდის მისამართი ან/და ელექტრონული ფოსტა, რის შედეგადაც საჭიროების შემთხვევაში შესაძლებელი იქნება მასერტიფიცირებელ ორგანიზაციასთან დაკავშირება და სერტიფიკატის ავთენტურობის გადამოწმება).

შენიშვნა N1: იმ შემთხვევაში, თუ პრეტენდენტის მიერ წარმოდგენილ დოკუმენტებში, მწარმოებლის ოფიციალური ვებ-გვერდზე, ეტიკეტის ფოტოსურათზე ან/და საქონლის ფოტოსურათზე ინფორმაცია იქნება უცხო ენაზე პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართული თარგმანი.

შენიშვნა N2: მწარმოებლის მიერ გაცემული წერილის წარმოდგენის შემთხვევაში, წერილში მითითებული უნდა იყოს პასუხისმგებელი/უფლებამოსილი პირის საკონტაქტო ინფორმაცია (ტელეფონის ნომერი და ელექტრონული ფოსტა).

2.9.1 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

3.1.1.1 პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული ბარათების ქსელური კომბინირებული წამკითხველ/კონტროლერის ნიმუში, რათა წარმოდგენილი ნიმუშით მოხდეს აღნიშნულ მოთხოვნებთან (ბარათებთან თავსებადობა და დოკუმენტ ბრუნვის სისტემაში ჩართვის შესაძლებლობა) შესაბამისობის შემოწმება. წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.
3.1.1.2 პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.
3.1.1.3 ტენდერში მონაწილე „დისკვალიფიცირბულ“ პრეტენდენტს ნიმუშის დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო „გამარჯვებულ“ პრეტენდენტს საქონლის სრულად მიწოდების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.
3.1.1.4 წარმოდგენილი ნიმუში შემოწმების შედეგად შესაძლებელია დაზიანდეს, შესაბამისად პრეტენდენტს იგი პირვანდელი სახით ვერ დაუბრუნდება.

ქ. თბილისი, გ. გულუას ქუჩა N10 (შსს ლოჯისტიკის დეპარტამენტი; საკონტაქტო პირი: ირაკლი ბაჯელიძე ტელ: 577-59-53-38).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ნანა უგრეხელიძე, 577960360, ugrekhelidzenana@yahoo.com ტექნიკურ საკითხებთან დაკავშირებით დაუკავშირდით ირაკლი ბაჯელიძეს ტელ: 577 59 53 38.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.

10.1.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.

10.1.4 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მისაწოდებელი საქონლის ფასების ცხრილი დანართი N1-ის მიხედვით, ტექნიკური მონაცემების, მწარმოებლის/ბრენდის, წარმოშობის ქვეყნის, მოდელის/დასახელების და საგარანტიო ვადის მითითებით (შესყიდვის ობიექტის წარმოშობის ქვეყნის, მწარმოებლის/ბრენდის ან/და მოდელის/დასახელების შესახებ ინფორმაციის წარმოუდგენლობა, ასევე ფასთა ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 სატენდერო დოკუმენტაციის 2.7.1 პუნქტის მოთხოვნებით გათვალისწინებული ინფორმაცია/დოკუმენტაცია.