Инженерные услуги (Грузия - Тендер #66494365)

საკადასტრო აზომვითი ნახაზების შედგენის მომსახურების შესყიდვა

1) მიმწოდებელმა უნდა უზრუნველყოს თიანეთის მუნიციპალიტეტის ადმინისტრაციულ ერთეულებში მოქცეული საკადასტრო აზომვითი ნახაზების შედგენის მომსახურება
2) თიანეთის მუნიციპალიტეტის ადმინისტრაციულ ერთეულებში მოქცეული მიწის ნაკვეთების საკადასტრო/აგეგმვითი ნახაზების დამზადება უნდა მოხდეს შემსყიდველის მიერ მოთხოვნიდან 3 (სამი) კალენდარული დღის განმავლობაში, ხელშეკრულების დადებიდან 2025 წლის 31 დეკემბრის ჩათვლით.
3) დამზადებული საკადასტრო/აგეგმვითი ნახაზები შემსყიდველს უნდა ჩაბარდეს 3 (სამი) ეგზემპლარად, ყოველ შეკვეთაზე ინდივიდუალურად, სათანადო წესით შედგენილი, ხელმოწერილი და ბეჭდით დამოწმებული, ასევე წარმოდგენილი უნდა იყოს ელექტრონული ვერსია.
4) მიღება-ჩაბარების აქტების გაფორმება მოხდება ეტაპობრივად, შესრულებული მომსახურების შესაბამისად.
5) პრეტენდენტმა უნდა უზრუნველყოს საკუთარი ავტოსატრანსპორტო საშუალებით გადაადგილება და მომსახურების გაწევა.
6) პრეტენდენტი ვალდებულია აზომვითი ნახაზის შედგენისას, გადაფარვის არსებობის შემთხვევაში ინფორმაცია მიაწოდოს შემსყიდველს და უსასყიდლოდ დაამზადოს კორექტირებული ნახაზი.
7) საკადასტრო აზომვით ნახაზში ტექნიკური ხარვეზის ან დამკვეთის მიერ ცვლილების შეტანის შემთხვევაში შემსრულებელი ვალდებულია საკუთარი სახსრებით უზრუნველყოს წარმოდგენილი აზომვითი ნახაზების კორექტირება, მიუხედავად ხელშეკრულებით გათვალისწინებული ვადის დასრულებისა.
8) პრეტენდენტის მიერ შესრულებული მიწის ნაკვეთების საკადასტრო დაგეგმვის, სიტუაციური ნახაზების მომზადების და მიწის ნაკვეთის გამიჯვნა-გაერთიანების აზომვითი ნახაზები უნდა აკმაყოფილებდეს საჯარო რეესტრის შესახებ ინსტრუქციის მოთხოვნებს.
9) პრეტენდენტმა დამკვეთის მოთხოვნის შესაბამისად აზომვები უნდა შეასრულოს სახელმწიფო გეოდეზიურ კოორდინატთა სისტემაში, UTM-ს პროექციაში, საქართველოს მთავრობის 2016 წლის 8 აგვისტოს №388 დადგენილებით გათვალისწინებული მიწის ნაკვეთის საკადასტრო აგეგმვით/აზომვით სამუშაოს შესრულებისა და დოკუმენტირების წესის მოთხოვნათა შესაბამისად, საჯარო რეესტრის ეროვნული სააგენტოს მიერ განახლებული მონაცემების (ბაზის) გათვალისწინებით.
10) პრეტენდენტის მიერ საკადასტრო და აზომვითი სამუშაოები უნდა ჩატარდეს მაღალი სიზუსტის GPS ხელსაწყოთი და აუცილებლობის შემთხვევაში ელექტრონული ტახეომეტრების გამოყენებით.
11) პრეტენდენტის მიერ საინჟინრო ქსელების პროექტირება უნდა განხორციელდეს არსებული მოქმედი დადგენილების მიხედვით.

აგეგმვა/აზომვა შესრულებელ უნდა იქნეს GNSS (GPS) მიმღებით, რომელიც ჩართული უნდა იყოს საქართველოს მუდმივმოქმედი საბაზო რეფერენსული სადგურების ქსელში (GEO-CORS).

მომსახურება უნდა განხორციელდეს 2025 წლის 31 დეკემბრამდე ეტაპობრივად მოთხოვნის შესაბამისად.

მომსახურების გაწევის ადგილია თიანეთის მუნიციპალიტეტის ტერიტორია.

პრეტენდენტს სასურველია გააჩნდეს საჯარო რეესტრის ეროვნული სააგენტოს შესაბამისი განახლებადი საკადასტრო საინფორმაციო ელექტრონული ბაზა, ხოლო აუცილებლად უნდა გააჩნდეს თანამედროვე სტაციონალური GPS სისტემა და ელექტრო ტახეომეტრი, რომლებზედაც უნდა წარმოადგინოს საკუთრების ან სარგებლობის დამადასტურებელი დოკუმენტები.

საამზომველო ინსტრუმენტი ჩართული უნდა იყოს „GEO-CORS“-ის სისტემაში, რომლის გამოყენებაზე წარმოდგენილი უნდა იქნეს სსიპ საჯარო რეესტრის ეროვნული სააგენტოს შესაბამის დეპარტამენტთან გაფორმებული ხელშეკრულება ან/და შესაბამისი ცნობა/წერილი სააგენტოდან საამზომველო ინსტრუმენტის „GEO-CORS“-ის სისტემაში ჩართვის შესახებ.
პრეტენდენტს უნდა გააჩნდეს სათანადო ლიცენზია, რომელიც უნდა წაროადგინოს ტექნიკურ დოკუმენტაციასთან ერთად.

ფასწარმოქმნის ადეკვატურობის დასაბუთება არ მოითხოვება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
2. შემსყიდველი ხელშეკრულებით განსაზღვრული თანხის გადახდას განახორციელებს 2025 წლის ბიუჯეტის სახსრებით.
3. ხელშეკრულების მოქმედების ვადის ამოწურვის მომენტისათვის არსებული აუთვისებელი/გამოუყენებელი თანხა რჩება შემსყიდველთან და იგი არ წარმოშობს რაიმე დამატებით ვალდებულებებს მიმწოდებლის მიმართ.
4.ანგარიშსწორება შესაძლებელია განხორციელდეს ეტაპობრივად, მიმწოდებლის მიერ წარმოდგენილი შესრულებული მომსახურების მიღება - ჩაბარების აქტის წარმოდგენის შემდეგ.

ანგარიშსწორება შემსყიდველის მიერ მოხდება ფაქტობრივად გაწეული მომსახურების შესაბამისად გაფორმებული მიღება-ჩაბარების აქტის წარმოდგენის შემდეგ 10 (ათი) სამუშაო დღის განმავლობაში.

მარინე ჭყრუნიშვილი, 595220711, marinechkrunishvili@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. შესყიდვაში მონაწილე პირებმა (პრეტენდენტებმა) უნდა წარმოადგინონ შემდეგი ტექნიკური ინფორმაცია/დოკუმენტები: ფასების ცხრილი დანართი №1-ის შესაბამისად;
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.