Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #66494360)

თელავის მუნიციპალიტეტის სოფლებში არსებული სასმელი წყლის ჭაბურღილებზე არსებული ტუმბოების და ელ.მოწყობილობების შეკეთების, ამოცვლის და ტექნიკური მომსახურების შესყიდვა.

გამარჯვებული პრეტენდენტი ვალდებულია უზრუნველყოს თელავის მუნიციპალიტეტის სოფლებში არსებული სასმელი წყლის ჭაბურღილების გამართული მუშაობა. დაზიანების შემთხვევაში არაუგვიანეს 1 კალენდარული დღისა უნდა აცნობოს თელავის მუნიციპალიტეტის მერიას და აღმოფხვრას დაზიანებები (ტუმბოების და ელ. მოწყობილობების სტაბილიზატორების გარდა) არაუმეტეს 3 კალენდარული დღის ვადაში, ხოლო ტუმბოებისა და სტაბილიზატორების დაზიანების შემთხვევაში არაუმეტეს 5 კალენდარული დღის ვადაში.
ტუმბოს ამოცვლის შემთხვევაში წარმოდგენილი უნდა იყოს ახალი ტუმბოს ტექნიკური მონაცემები.
ნებისმიერი ტიპის დაზიანების შემთხვევაში მიმწოდებელმა სამუშაოები უნდა შეასრულოს თელავის მუნიციპალიტეტის მერიის ინფრასტრუქტურის სამსახურის წარმომადგენლის თანდასწრებით.
დაზიანების შემთხვევაში უნდა ამოიცვალოს მხოლოდ ის ნაწილი/დეტალი რაც უშუალოდ არის დაზიანებული.
საჭიროების შემთხვევაში მუნიციპალიტეტის მერიის ინფრასტრუქტურის სამსახურის წერილობითი მოთხოვნიდან დენის სტაბილიზატორი დააყენოს არაუგვიანეს 5 კალენდარული დღისა.

ხელშეკრულების დადებიდან - 2025 წლის 31 დეკემბრის ჩათვლით, დამკვეთის მოთხოვნის შესაბამისად.

ახალი კორონა ვირუსის (covid 19) გავრცელებასთან დაკავშირებით, ქვეყანაში შექმნილი მდგომარეობიდან გამომდინარე, მიმწოდებელი ვალდებულია, სამუშაოების შესრულების პროცესში უზრუნველყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და საზოგადოებრივი ჯანმრთელობის ეროვნული ცენტრის მიერ გაცემული რეკომენდაციების დაცვა.
მიწოდების ადგილი: თელავის მუნიციპალიტეტი.

შესყიდვის ობიექტზე ვრცელდება გარანტია მისი მონტაჟიდან არანაკლებ 1 წელის ვადით. რომლის განმავლობაშიც, უნდა უზრუნველყოს, აღმოჩენილი დაზიანების ან წუნის აღმოფხვრა საკუთარი სახსრებით.

ტენდერში მონაწილე პრეტენდენტს 2022 წლიდან ტენდერის გამოცხადების თარიღამდე, ჯამურად შესრულებული უნდა ჰქონდეს ანალოგიური სამუშაოები, არანაკლებ 300 000 ლარის. აღნიშნულზე წარმოდგინილი უნდა იქნეს შესაბამისი დამადასტურებელი დოკუმენტები: მიღება-ჩაბარების აქტები, ხელშეკრულებები. ტენდერის საშუალებით შესყიდვის შემთხვევაში მიღება-ჩაბარების აქტების და ხელშეკრულებების წარმოდგენა სავალდებულო არ არის და დანართში მიეთითება SPA/NAT/CMR ნომერი.
ანალოგიური ტიპის, ხასიათის, სირთულის და შინაარსის სამუშაოებს მიეკუთვნება: ჭაბურღილების ტუმბოების და ელ. მოწყობილობების შეკეთების/ამოცვლის ტექნიკური მომსახურება.
გამოცდილების სახით წარმოდგენილი სამუშაო, რომელიც პრეტენდენტს გადაცემული აქვს, როგორც მესამე პირს და ეს სამუშაო წარმოადგენს სახელმწიფო შესყიდვას, პრეტენდენტი ვალდებულია წარმოადგინოს მისი ქვეკონტრაქტორობის უფლება. (თანხმობა).

სამუშაოს შესრულების პროცესში გამოყენებული მასალა და მოწყობილობა უნდა იყოს ხარისხიანი და აკმაყოფილებდეს საქართველოში მოქმედ ყველა სამშენებლო ნორმასა და სტანდარტს. მიმწოდებელმა სამუშაოების მიმდინარეობის დროს უნდა უზრუნველყოს გამოყენებული მასალების ხარისხის დამადასტურებელი მოქმედების ვადის მქონე სერტიფიკატების წარმოდგენა.

ქვეკონტრაქტორის წარმოდგენის შემთხვევაში წარმოდგენილი უნდა იქნას ქვეკონტრაქტორთან გაფორმებული ხელშეკრულება. ქვეკონტრაქტორი არ უნდა იყოს ,,შავ სიაში".

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა პრეტენდენტმა უნდა დაასაბუთოს აუდიტის/საშემფასებლო დასკვნით და წარმოადგინოს დასკვნის გამცემი ორგანოს უფლებამოსილების დადგენის დამადასტურებელი დოკუმენტი (სერთიფიკატი)

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის გათვალისწინებით.
-ანგარიშსწორება მოხდება უნაღდო ანგარისწორებით ლარში.
-ანგარიშსწორება ხორციელდება წარმოდგენილი შესრულებული სამუშაოების აქტების საფუზველზე.

ანგარიშსწორება მოხდება მიღება-ჩაბარების აქტის გაფორმებიდან არაუმეტეს 10 სამუშაო დღის განმავლობაში.

ვაჟა გიგოიძე, 598207733, vazha.gigoidze@telavi.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. დამატებით პრეტენდენტმა უნდა ატვირთოს მომსახურების ხარჯთაღრიცხვა PDF ფაილის სახით. PDF ფაილი უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.