Ремонт и техническое обслуживание транспортных средств и оборудования и сопутствующие услуги (Грузия - Тендер #66433073)

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ბალანსზე რიცხული ავტომობილისა და მასთან დაკავშირებული მოწყობილობების შეკეთებისა და ტექნიკური მომსახურების შესყიდვა.

ა) ავტოსატრანსპორტო საშუალების ტექ. მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები, აგრეთვე მომსახურების დაწყებისა და დასრულების ვადები. მანქანის ტექნიკური დათვალიერება (დიაგნოსტიკა) უნდა მოხდეს უფასოდ.
ბ) მიმწოდებელი ვალდებულია, მის საკუთრებაში ან/და სარგელობაში არსებულ ყველა ავტოტექმომსახურების ცენტრში უზრუნველყოს შემსყიდველის ავტოსატრანსპორტო საშუალების მინიმუმ 1 თავისუფალი ბოქსი.
გ) განფასების ცხრილში არ არსებული დეტალის შესყიდვის საჭიროების შემხვევაში დეტალის და მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით.
დ) მიმწოდებელმა უნდა უზრუნველყოს შემსყიდველის მიმართვისთანავე ოპერატიული, რიგგარეშე, მაღალხარისხიანი მომსახურება.
ე) შემსყიდველის წარმომადგენლის მიერ ავტომანქანის მიმწოდებლის სერვისცენტრში შეყვანიდან მაქსიმუმ 3 (სამი) საათის განმავლობაში მიმწოდებლი ვალდებულია ყოველგვარი ანაზღაურების გარეშე შეადგინოს დეფექტური აქტი და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის რაოდენობის კორექტირება) შემთხვევაში მისი ხელმოწერის (ორივე მხარის მიერ ხელმოწერის) (დეფექტურ აქტში აუცილებლად უნდა დაფიქსირდეს თარიღი და დრო) შემდეგ მიმწოდებელმა დაიწყოს მომსახურების განხორციელება, ხოლო თუ მიმწოდებელი არ მოაწერს დეფექტურ აქტს ხელს, შემსყიდველს უფლება აქვს ცალმხრივად გაწყვიტოს ხელშეკრულება მიმწოდებელთან.
ვ) სერვისცენტრ(ებ)ი უნდა ფუნქციონირებდეს კვირაში არანაკლებ 40 (ორმოცი) საათის განმავლობაში, საჭიროების შემთხვევაში მომსახურების გაწევა უნდა განხორციელდეს არასამუშაო საათებშიც (დასვენების დღეები, შაბათ-კვირა და ა.შ).

მომსახურების გაწევა განხორციელდება ეტაპობრივად, ხელშეკრულების გაფორმებიდან 2025 წლის 31 დეკემბრის ჩათვლით, ამასთან მომსახურების ვადა თითოეულ შემთხვევაზე არ უნდა აღემატებოდეს:

1. სამუხრუჭე ხუნდის შეცვლა არაუმეტეს 1 სთ.
2. სავალი ნაწილების შეცვლა/აღდგენა მოთხოვნიდან არაუმეტეს 1 სამუშაო დღე.
3. ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5 სამუშაო დღე.
4. ელექტრული დეტალების შეცვლა/აღდგენა მოთხოვნიდან 1 სამუშაო დღე.
5. თუ ავტომობილს დასჭირდება ისეთი დეტალი, რომელიც არ აღმოაჩნდება მიმწოდებელს და გაყიდვაში არ მოიძებნება ადგილობრივ ბაზარზე, მომწოდებელს მიეცეს შეძენა/შეკეთებისთვის გონივრული ვადა არაუმეტეს 40 (ორმოცი) კალენდარული დღის ოდენობით.

შენიშვნა: მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში, მოთხოვნის შემთხვევაში წარუდგინოს შემსყიდველს შეკვეთის დამადასტურებელი დოკუმენტი (დოკუმენტში მითითებული უნდა იყოს შეკვეთის საგანი და მისი ჩამოსვლის დრო).

• მიმწოდებელმა უნდა უზრუნველყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ბალანსზე რიცხული ავტოსატრანსპორტო საშუალებების და მათთან დაკავშირებული მოწყობილობების შეკეთება და ტექნიკური მომსახურება საჭიროების მიხედვით შემდეგ რეგიონებში და მუნიციპალიტეტებში:
1. ქ. თბილისი (მინიმუმ ორი სერვისცენტრი);
2. კახეთი;
3. აჭარა;
4. იმერეთი;
აღნიშნული რეგიონ(ებ)იდან 50 კილომეტრის რადიუსში, საჭიროების შემთხვევაში მომსახურება უნდა განხორციელდეს ევაკუატორით, მიმწოდებლის ხარჯით.

მიმწოდებლის მიერ განხორციელებულ მომსახურებაზე და სათადარიგო ნაწილებზე (ახალი) უნდა ვრცელდებოდეს არანაკლებ 6 თვიანი საგარანტიო ვადა (გარდა სწრაფცვეთადი ნაწილებისა), ასევე გარანტია ვრცელდება შემდეგი სახის მომსახურებებზე
-სავალ ნაწილებზე არანაკლებ 6 თვე.
-ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ
-ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი.
-სათუნუქე და სამღებრო სამუშაოებზე არანაკლებ 1 წელი.
-გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 2 000 კმ
- გენერატორის ღვედზე - მინიმუმ 10,000 კმ;
- ჰაერის ფილტრზე - მინიმუმ 8,000 კმ;
- ძრავის ზეთის ფილტრზე - მინიმუმ 8,000 კმ;
- საწვავის ფილტრზე - მინიმუმ 10,000 კმ;
- გადაცემათა კოლოფის ზეთზე - გარბენი მინიმუმ 35,000 კმ;
- ძრავის ზეთზე - გარბენი მინიმუმ 8,000კმ;
- ავტომობილის ძრავის კაპიტალურ რემონტზე/ახლით შეცვლაზე მიღება-ჩაბარების აქტის გაფორმებიდან არანაკლებ 1 წელი.

1. პრეტენდენტს 01.01.2021-დან ტენდერის გამოცხადების დღემდე პერიოდში, უნდა გააჩნდეს ავტოსატრანსპორტო საშუალებების შეკეთებისა და ტექნიკური მომსახურების გაწევის გამოცდილება, ჯამური ღირებულებით არანაკლებ 52828 ( ორმოცდა თორმეტი ათას რვაას ოცდარვა)

2. იმ შემთხვევაში, თუ სატენდერო დოკუმენტაციის 2.2.1 მუხლით მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი N3-ის ფორმით და მიუთითოს შესაბამისი CON ან/და SPA ან/და NAT ან/და CMR საშუალების ნომრები და არ წარმოადგინოს დოკუმენტაცია.

3. იმ გამოცდილების დასადასტურებლად, რომლებშიც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაციები), პრეტენდენტი ვალდებულია წარმოადგინოს ორმხრივად (როგორც დამკვეთის ასევე შემსრულებლის მხრიდან) შესაბამისი უფლებამოსილი პირების მიერ, ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონის შესაბამისად, კვალიფიციური ელექტრონული ხელმოწერით ხელმოწერილი ან კვალიფიციური ელექტრონული შტამპით დამოწმებული დოკუმენტი, საიდანაც უნდა იდენტიფიცირდებოდეს როგორც ავტოსატრანსპორტო საშუალებების შეკეთებისა და ტექნიკური მომსახურების გაწევის შინაარსი და ღირებულება, ასევე საანგარიშო პერიოდში ავტოსატრანსპორტო საშუალებების შეკეთებისა და ტექნიკური მომსახურების გაწევის დაწყებისა და დასრულების ვადები.

4. პრეტენდენტის მიერ იმ გამოცდილების შესახებ ინფორმაციაში, რომელიც შესრულებულია ერთობლივად, ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მიერ, პრეტენდენტმა ასევე უნდა წარმოადგინოს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეთა უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების მომსახურება შეასრულეს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეებმა ცალ-ცალკე, აღნიშნული ხელშეკრულების ფარგლებში.

5. პრეტენდენტი ვალდებულია მომსახურების ღირებულება მიუთითოს ლარებში. ამასთან, უცხოურ ვალუტაში შესრულებული მომსახურების შემთხვევაში, აღნიშნული ინფორმაცია მითითებული უნდა იყოს ლარებში, მომსახურების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

6. იმ შემთხვევაში, თუ პრეტენდენტი არის უცხოური საწარმო ან მისი წარმომადგენლობა/ფილიალი საქართველოში:
6.1 სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ (წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი).
6.2 სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.

7. ტენდერში ამხანაგობის მონაწილეობა
7.1 იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N6 -ის შესაბამისად.
7.2 ამხანაგობის მონაწილეთა ტექნიკური დოკუმენტაციის სატენდერო პირობებთან შესაბამისობა დგინდება მონაწილის მიერ შესასრულებელი ვალდებულებისადმი დადგენილ მოთხოვნასთან მიმართებით, ამ მუხლის 7.1 პუნქტის მოთხოვნათა გათვალისწინებით. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვის ცენტრების (ქალაქ თბილისი (მინიმუმ ორი სერვისცენტრი, აქედან მინიმუმ ერთი სერვისცენტრი განთავსებული უნდა იყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ადმინისტრაციული შენობიდან (მის: ქ. თბილისი წერეთლის გამზ. N144) არაუმეტეს 10 კმ.-ის რადიუსზე); აჭარის; კახეთის და იმერეთის რეგიონებში) ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.

პრეტენდეტის სერვის ცენტრები ასევე უნდა იყოს აღჭურვილი შემდეგი მატერიალურ-ტექნიკური აღჭურვილობით:
1. ელექტრო მომარაგების ალტერნატიული წყარო (გენერატორი) ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
2. ელექტრო სისტემის კომპიუტერული დიაგნოსტიკა ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
3. ამწე მექანიზმი არანაკლებ ერთი ერთეული ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
4. საყრდენი დისკის გასაჩარხი აპარატი ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
5. ვულკანიზაციის, ბალანსირების და დისკების გასწორების აპარატი ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
6. თვლების შეყრის კომპიუტერული დიაგნოსტიკის აპარატი ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
7. ძრავის დიაგნოსტირება და კაპიტალური შეკეთება არანაკლებ თბილისის სერვისცენტრში;
8. გადაცემათა კოლოფის და ხიდების კაპიტალური შეკეთება არანაკლებ თბილისის სერვის ცენტრში;
9. საწვავის სისტემის დიაგნოსტირება და შეკეთება ყველა ზემოთხსენებულ რეგიონის მუნიციპალიტეტებში არსებულ სერვის ცენტრში;
10. ძრავისა ზეთის შეცვლა ყველა ზემოთხსენებულ რეგიონის მუნიციპალიტეტებში არსებულ სერვის ცენტრში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი) რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ხარჯთაღრიცხვით (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.

ხელშეკრულების ფარგლებში ანგარიშსწორება იწარმოებს ეტაპობრივად, ფაქტიურად გაწეული მომსახურების მიხედვით, მომსახურების გაწევის შემდეგ, მხარეებს შორის გაფორმებული მიღება-ჩაბარების აქტისა და მიმწოდებლის მიერ წარმოდგენილი კანონმდებლობით გათვალისწინებული დოკუმენტაციის შემდგომ.

ანგარიშსწორება მიმწოდებელთან განხორციელდება ფაქტიურად გაწეული მომსახურების შესაბამისად, ხელშეკრულების შესაბამისად გაფორმებული მიღება-ჩაბარების აქტის და საგადასახადო ანგარიშ-ფაქტურის საფუძველზე, წარმოდგენიდან არაუგვიანეს 10 (ათი) სამუშაო დღის განმავლობაში.

ნიკოლოზი კაპანაძე, 577558535, nkapanadze@moh.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5. პრედენდენტს არა აქვს უფლება წარმოადგინოს ალტერნატიული სატენდერო წინადადება;
6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით, დღგ-ს ჩათვლით;
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).
8. პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე 52828 ( ორმოცდა თორმეტი ათას რვაას ოცდარვა) ლარზე;
9. სატენდერო დოკუმენტაციის პრეისკურანტში პრეტენდენტის მიერ მითითებული შესყიდვის ობიექტის ერთეულის ფასები არ უნდა აღემატებოდეს შესაბამის პოზიციებზე შემსყიდველის მიერ მითითებულ სავარაუდო ფასებს;
10. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ფასებთან მიმართებაში;

11. პრეტენდენტის მიერ ერთიან ელექტრონულ სისტემაში ასატვირთი მონაცემები:
11.1. სატენდერო დოკუმენტაციის 1.3 მუხლით განსაზღვრული განფასებული ხარჯთაღრიცხვა (პრეტენდენტის მიერ პრეისკურანტი წარმოდგენილი უნდა იყოს EXCEL-ის ფორმატში).
11.2. სატენდერო დოკუმენტაციის 1.7.1 მუხლით განსაზღვრული ინფორმაცია საგარანტიო ვადის შესახებ.
11.3. სატენდერო დოკუმენტაციის 2.2.1 მუხლით განსაზღვრული ინფორმაცია პრეტენდენტის გამოცდილების შესახებ.
11.4 სატენდერო დოკუმენტაციის 2.2.1. მუხლით განსაზღვრული დანართი N6 - განაწილება (ტენდერში ამხანაგობის მონაწილეობის შემთხვევაში).
11.5. სატენდერო დოკუმენტაციის 2.3.1 მუხლით განსაზღვრული ინფორმაცია პრეტენდენტის მატერიალურ-ტექნიკური ბაზის შესახებ.