Архитектурные и сопутствующие услуги (Грузия - Тендер #66344132)

ა(ა)იპ „საქართველოს ეროვნული ბოტანიკური ბაღი“-ს ტერიტორიაზე არსებული ვარდების საკოლექციო ნაკვეთის რეკონსტრუქცია-რეაბილიტაციის სამუშაოების საზედამხედველო მომსახურების შესყიდვა

NAT250001639 ელექტრონულ ტენდერში გაფორმებულია შესაბამისი ხელშეკრულება და მიმდინარეობს სამშენებლო სამუშაოები, აღნიშნული სამუშაოების ზედამხედველობის მიზნით შპს „ინსპექტ-ა“-სთან გადაუდებელი აუცილებლობის საფუძველზე გაფორმებულია ხელშეკრულება ნომერი: #ბ-2025/35 (CMR250104575) რომლის მომსახურების გაწევის ვადაა ხელშეკრულების გაფორმებიდან 2025 წლის 31 აგვისტოს ჩათვლით, აღნიშნულის გათვალისწინებით მომსახურების ფაქტობრივი ღირებულება დაზუსტდება ხელშეკრულების გაფორმების შემდგომ ფაქტიურად დარჩენილი შესასრულებელი სამუშაოების შესაბამისად.
გასაწევი მომსახურება მოცემულია ტექნიკურ დავალებაში, იხილეთ თანდართული ფაილი.

1.4.1 მომსახურების მომსახურების გაწევის საორიენტაციო ხანგრძლივობა შეადგენს ხელშეკრულების გაფორმებიდან 2025 წლის 31 დეკემბრის ჩათვლით.
1.4.2 თუ სარეკონსტრუქციო/სარეაბილიტაციო სამუშაოები დასრულდა სამუშაოების მწარმოებელ კომპანიასთან გაფორმებულ ხელშეკრულებით/შეთანხმებით გათვალისწინებულ ვადამდე ან მის შემდეგ, იგივე ვადით გაიზრდება ამ ხელშეკრულებით განსაზღვრული მომსახურების გაწევის ვადა, მაგრამ არანაკლებ სამუშაოთა მწარმოებელ კომპანიასთან საბოლოო მიღება-ჩაბარების აქტის გაფორმებამდე, რის თაობაზეც გაფორმდება შეთანხმება. აღნიშნულ შემთხვევაში, მიმწოდებელი არ არის უფლებამოსილი უარი თქვას შეთანხმების გაფორმებაზე ან მოითხოვოს ხელშეკრულების ღირებულების გაზრდა.

ქალაქი თბილისი, საქართველოს ეროვნული ბოტანიკური ბაღის ტერიტორიაზე. სამუშაოების ძირითადი ნაწილი მოიცავს ვარდების საკოლექციო ნაკვეთის რეკონსტრუქცია-რეაბილიტაციის ტექნიკურ ზედამხედველობას;

პრეტენდენტს 2023 წლის 1 იანვრიდან ტენდერის გამოცხადების თარიღამდე გაწეული უნდა ჰქონდეს სამშენებლო-სარემონტო სამუშაოების ზედამხედველობის მომსახურება საერთო ღირებულებით არანაკლებ 50 000 (ორმოცდაათი ათასი) ლარის (დღგ-ს ჩათვლით) ოდენობით. პრეტენდენტმა ელექტრონული სისტემის მეშვეობით უნდა წარმოადგინოს გამოცდილების დამადასტურებელი ხელშეკრულებები და შესაბამისი მიღება-ჩაბარების აქტები. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

2.4.1.1 მიმწოდებელმა უნდა უზრუნველყოს შესაბამისი გამოცდილებისა და კომპეტენციის გუნდის მობილიზება, რომელსაც შეწევს უნარი შეასრულოს ამ ტექნიკური დავალებით განსაზღვრული მოთხოვნები. გუნდის თითოეულ წევრს უნდა ჰქონდეს მათზე დაკისრებული მოვალეობის შესაბამისი კვალიფიკაცია/გამოცდილება;
2.4.1.2 საკვანძო ინჟინრების (დანართი N3) გარდა პერსონალის რაოდენობა უნდა განისაზღვროს მიმდინარე სამშენებლო სამუშაოების საჭიროებისამებრ, დამკვეთთან შეთანხმებულად, მაგრამ არანაკლებ დანართი N3-ით განსაზღვრული რაოდენობის და კვალიფიკაციისა.
2.4.1.3 აღსანიშნავია, რომ სამუშაოების მიმდინარეობისას საჭიროა მუდმივი ზედამხედველობა, რაც გულისხმობს ტექნიკური ზედამხედველის ადგილზე მობილიზებას, სამუშაოების ციკლის შესაბამისად.
2.4.1.4 პრეტენდენტმა, მის მიერ შემოთავაზებულ თითოეულ სპეციალისტზე უნდა წარმოადგინოს საანკეტო მონაცემები დანართი N5-ის შესაბამისად, რომელიც მოიცავს სპეციალისტების ბიოგრაფიულ მონაცემებს, ინფორმაციას მათი განათლებისა და კვალიფიკაციის შესახებ, სატენდერო დოკუმენტაციით გათვალისწინებული ანალოგიური სფეროში მუშაობის გამოცდილების ქონის შესახებ.
2.4.1.5 პრეტენდენტმა უნდა წარმოადგინოს შესაბამის ძირითად სპეციალისტებთან გაფორმებული წინარე შეთანხმება (თითოეულ სპეციალისტთან ცალ-ცალკე) დანართი N4-ის შესაბამისად, რომლის მიხედვითაც პრეტენდენტის გამარჯვების შემთხვევაში, სპეციალისტი იღებს ვალდებულებას, რომ კომპეტენციის შესაბამისად, პირადად განახორციელებს ამ ტენდერით გათვალისწინებული მომსახურების გაწევას.

2.7.1.1 ტექნიკური ზედამხედველობის განხორციელების უფლებამოსილება აქვს საჯარო სამართლის იურიდიულ პირს − ლევან სამხარაულის სახელობის სასამართლო ექსპერტიზის ეროვნულ ბიუროს ან სხვა საქართველოს კანონმდებლობის შესაბამისად აკრედიტებულ ინსპექტირების ორგანოს/პირს;
2.7.1.2 ტენდერში მონაწილე პრეტენდენტი აკრედიტირებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ, შესყიდვის ობიექტში ჩაშლილი საზედამხედველო სამუშაოების ყველა მიმართულებით.
2.7.1.3 პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამისი სფეროთი.
2.7.1.4 არარეზიდენტმა იურიდიულმა პირმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ გენერალური დირექტორის განკარგულება აკრედიტირებული პირის რეგისტრაციის თაობაზე და შესაბამისი რეგისტრირებული აკრედიტაციის სფერო.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

7.2.1 ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.
7.2.2 ანგარიშსწორება განხორციელდება ეტაპობრივად, ფაქტიურად შესრულებული მომსახურების შესაბამისად, კერძოდ, ზედამხედველის მიერ დადასტურებული, ფაქტობრივად შესრულებული სამუშაოების ღირებულების იმ პროცენტული ოდენობით, რომელიც მხარეების მიერ არის დაფიქსირებული ხელშეკრულებაში.
7.2.3 წინასწარი საავანსო ანგარიშსწორება არ გამოიყენება.
7.2.4 იმ შემთხვევაში, თუ განსაზღვრული გარემოებების გამო ზედამხედველის მიერ გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, შემსყიდველი აუნაზღაურებს ზედამხედველს მის მიერ ფაქტობრივად გაწეული მომსახურების ღირებულებას ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე ზედამხედველს პრეტენზია არ უნდა გააჩნდეს აუთვისებელ მომსახურების მოცულობათა შესრულებაზე და მის გადახდაზე.

ანგარიშსწორება განხორციელდება მხარეთა შორის გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის (ასეთის არსებობის შემთხვევაში) წარმოდგენიდან 10 (ათი) სამუშაო დღის განმავლობაში.

გვანცა ჟღენტი, 599156117, jgentigvanca@gmail.com

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3 პრეტენდენტს არ აქვს უფლება წარმოადგინოს ალტერნატიული წინადადება;
10.1.4 დაინტერესებულ პირს აქვს შესაძლებლობა ადგილზე გაეცნოს ვითარებას;
10.1.5 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.6 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.1.7 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;