Инженерные услуги (Грузия - Тендер #66284209)

ქ.თბილისში, გლდანის რაიონში მდებარე საჯარო სკოლების შენობის სახურავების და წყალსაწრეტი მილების მიმდინარე შეკეთების სამუშაოების დეფექტური აქტების შედგენის მომსახურება.

1.2. გასაწევი მომსახურება ითვალისწინებს ქ.თბილისში, გლდანის რაიონში მდებარე №79, №174, № 119, № 175, №177, № 115, № 160, № 118 საჯარო სკოლების შენობების სახურავების და წყალსაწრეტი მილების მიმდინარე შეკეთების სამუშაოებისთვის დეფექტური აქტების შედგენას ტექნიკური დავალების შესაბამისად.

1.2.1 შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა და დეფექტური აქტის შედგენა (სამუშაოთა მოცულობებისა და გამოსაყენებელი მასალების ზუსტი აღწერით);
1.2.2. საჭიროების შემთხვევაში დეფექტური აქტის შესაბამისი ხარჯთაღრიცხვის შედგენა (შემსყიდველის მიერ გადაცემული ფასების მიხედვით);
1.2.3. მიმწოდებელმა ორგანიზაციამ უნდა იხელმძღვანელოს შემსყიდველის მიერ გადაცემული შესაბამისი სამუშაოების შესასრულებლად გაფორმებული ხელშეკრულებით გათვალისწინებული სამუშაოების ჩამონათვალით.
1.2. 4. შემსყიდველი უფლებამოსილია, აცნობოს მიმწოდებელს დეფექტურ აქტში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია, შენიშვნების გაცნობიდან არაუგვიანეს 3 სამუშაო დღის ვადაში საკუთარი ხარჯებით აღმოფხვრას დეფექტურ აქტში აღმოჩენილი წუნი (ხარვეზი);
1.2. 5. სამშენებლო სამუშაოების წარმოების დროს გათვალისწინებული უნდა იქნეს საავტორო ზედამხედველობა;
1.2.6. საავტორო ზედამხედველობის განხორციელების ვადა - შედგენილი დეფექტური აქტების და სახარჯთაღრიცხვო დოკუმენტაციის მიხედვით მიმდინარე სამუშაოების მთელი პერიოდი, რომლის განმავლობაშიც მიმწოდებელი ვალდებულია, შემსყიდველის მოთხოვნის შემთხვევაში, დაუყოვნებლივ მოახდინოს დოკუმენტაციის კორექტირება;
1.2.7. მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი ნორმებითა და აღიარებული სტანდარტებით.
1.2.8. აღმოჩენილი დეფექტების აღმოფხვრის მართლზომიერად განხორციელების მიზნით ადგილობრივ მოსახლეობასთან ურთიერთობა, ინფორმაციის მოპოვება და მათთან მიზნობრივი კოორდინირება.
1.2.9. მიმწოდებელმა, უნდა წარმოადგინოს სამუშაო ობიექტის სქემატური ნახაზი და საჭიროების შემთხვევაში, ობიექტის მდგომარეობის ამსახველი ფოტომასალა.
1.2.10. მიმწოდებელმა დოკუმენტაცია უნდა წარმოდგინოს ელექტრონული ვერსიითა (DWG და PDF ფორმატში) და ნაბეჭდი სახით (Sylfaen) ოთხ ეგზემპლარად;
1.2.11 გასაწევი მომსახურების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში, რომელიც თან ერთვის სატენდერო დოკუმენტაციას.

ეტაპობრივად, შემსყიდველის წერილობითი დავალების შესაბამისად, ხელშეკრულების ძალაში შესვლიდან 2025 წლის 15 ნოემბრის ჩათვლით.

შენიშვნა: საავტორო ზედამხედველობის განხორციელების ვადა - შედგენილი დეფექტური აქტების და სახარჯთაღრიცხვო დოკუმენტაციის მიხედვით მიმდინარე სამუშაოების მთელი პერიოდი, რომლის განმავლობაშიც მიმწოდებელი ვალდებულია, შემსყიდველის მოთხოვნის შემთხვევაში, დაუყოვნებლივ მოახდინოს დოკუმენტაციის კორექტირება.

ქ. თბილისი, დ. სარაჯიშვილის გამზ. N1გ, ქალაქ თბილისის მუნიციპალიტეტის გლდანის რაიონის გამგეობის ადმინისტრაციული შენობა.

2.2.1.1 პრეტენდენტს 2022 წლის 01 იანვრიდან ტენდერის გამოცხადების დღემდე უნდა გააჩნდეს არანაკლებ 150% ღირებულების ანალოგიური მომსახურების (სახურავის შეკეთების სამუშაოებისათვის დეფექტური აქტების/საპროექტო დოკუმენტაციის შედგენა) გამოცდილება. წარმოდგენილ იქნას დამადასტურებელი დოკუმენტები: ხელშეკრულებ(ებ)ა, ამ ხელშეკრულებ(ებ)ის შესრულების დამადასტურებელი მიღება-ჩაბარების აქტ(ებ)ი, დადასტურებული ანგარიშ-ფაქტურა ან/და გადახდის დამადასტურებელი დოკუმენტი.

2.2.1.2 იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2–ის შესაბამისად (სატენდერო განცხადების SPA/NAT/CMR . . . ნომრების მითითებით).

შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება 2025 წლის ქ. თბილისის მუნიციპალიტეტის ადგილობრივი ბიუჯეტის სახსრებით

ეტაპობრივად, ფაქტიურად გაწეული მომსახურების მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

სალომე კიკნაველიძე, 577361417, s.kiknavelidze@tbilisi.gov.ge დავით ბეჟუაშვილი - საკ. ნომერი +995 577 000796.

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

2. ინფორმაცია/დოკუმენტაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.