Автотранспортные услуги (Грузия - Тендер #66268529)

პროექტის (VET-2808) ფარგლებში დაგეგმილი სხვადასხვა აქტივობების საჭიროებისათვის ტრანსპორტირების უზრუნველყოფის მომსახურების სახელმწიფო შესყიდვა

ტრანსპორტირების უზრუნველყოფის მომსახურების ტექნიკური აღწერილობა:
1. მიმწოდებელს საავტომობილო ტრანსპორტით მომსახურების გასაწევად უნდა გააჩნდეს:
1.1. ოთხადგილიანი არანაკლებ 2 (ორი) მაღალი გამავლობის (ორხიდიანი) საავტომობილო ტრანსპორტი.
1.2. ოთხადგილიანი არანაკლებ 2 (ორი) საავტომობილო ტრანსპორტი.
2. ხელშეკრულების მიმდინარეობის პროცესში მძღოლების ან სატრანსპორტო საშუალებების ცვლილების შემთხვევაში, მომწოდებელი ვალდებულია ცვლილების განხორციელებამდე მინიმუმ 2 (ორი) სამუშაო დღით ადრე წარმოადგინოს ზემოთ აღნიშნული ინფორმაცია სრულად.
3. შემოთავაზებული სატრანსპორტო საშუალებების გამოშვების წელი არ უნდა იყოს 2008 წელზე ნაკლები.
4. შემოთავაზებული სატრანსპორტო საშუალებები უნდა მუშაობდეს ბენზინზე ან დიზელზე.
5. შემოთავაზებული სატრანსპორტო საშუალებები უნდა იყოს ქარხნული მარცხენა საჭით.
6. მიმწოდებელს უნდა შეეძლოს უზრუნველყოს საავტომობილო ტრანსპორტით მომსახურების გაწევა (მგზავრების გადაყვანა) როგორც ქალაქ თბილისში, ასევე, ქალაქგარეთ (საქართველოს მაშტაბით).
7. მიმწოდებელი ვალდებულია უზრუნველყოს სატრანსპორტო საშუალების მობილიზება, შეთანხმებიდან არაუმეტეს 1 დღის ვადაში. აღნიშნული მოთხოვნის დროს შემსყიდველი მიმწოდებელს აძლევს დავალებას გასაწევი მომსახურების სახეობის, რაოდენობის, გასაწევი მომსახურების მიმართულებისა და ვადების შესახებ. ქალაქ თბილისში, მოძრაობის დაწყების ადგილი წინასწარ განისაზღვრება შემსყიდველის მიერ.
8. შემსყიდველის მიერ მგზავრთა გადაყვანის განხორციელება შესაძლებელია ასევე მოთხოვნილ იქნეს საქართველოს კანონმდებლობით დადგენილ უქმე და დასვენების დღეებში.
9. საავტომობილო ტრანსპორტი უნდა იყოს კომფორტული, ჰქონდეს ტექნიკურად გამართული როგორც კონდიცირების, ასევე გათბობის სისტემა.
10. მგზავრთა გადაყვანის დაწყებამდე სატრანსპორტო საშუალება უნდა დამუშავდეს ბაქტერიების საწინააღმდეგო სპეციალური სადეზინფექციო ხსნარით. ინტერიერი იყოს სუფთა მდგომარეობაში და არ იდგეს მძაფრი/მძიმე უსიამოვნო სუნი.
11. მომსახურების გაწევის პერიოდში, ავტოსატრანსპორტო საშუალების დაზიანების ან სხვა გაუთვალისწინებელი მიზეზით გამოწვეულ დამატებით ხარჯებს ანაზღაურებს მიმწოდებელი.
12. საავტომობილო ტრანსპორტით მომსახურების დროს დაცული უნდა იქნას უსაფრთხოების ყველა ნორმა, რაზეც პასუხისმგებლობა ეკისრება მიმწოდებელს.
13. მიმწოდებელი პასუხიმგებელია მომსახურების გაწევის დროს საავტომობილო ტრანსპორტის ტექნიკურ გამართულობაზე და გაუმართაობის ან ხარვეზის შემთხვევაში ვალდებულია ოპერატიულად გადაჭრას შექმნილი პრობლემა, რათა უმოკლეს დროში უზრუნველყოს მგზავრების დანიშნულების ადგილამდე მიყვანა. ამასთან,ტრანსპორტირების დროს მომხდარი უბედური შემთხვევისას მგზავრების ჯანმრთელობის და/ან სიცოცხლის ზიანის ანაზღაურება სრულად დაეკისრება მიმწოდებელს.
14. ტრანსპორტირებისას მარშრუტის მანძილის (კმ-ების) დაანგარიშება მოხდება მგზავრთა გადაყვანის საწყისი წერტილიდან საბოლოო წერტილამდე აპლიკაცია „Google maps”-ის მეშვეობით. მგზავრთა გადაყვანის პროცესში, ასანაზღაურებლი თანხა ანგარიშდება მხოლოდ განვლილი მანძილით საწყისიდან საბოლოო წერტილამდე, მხოლოდ კილომეტრაჟით და არ ანგარიშდება საათობრივად, პრეტენდენტის მიერ ფასების ცხრილში (დანართი N1) დაფიქსირებული ფასის შესაბამისად.
15. შემსყიდველი იტოვებს უფლებას, პრეტენდენტის მიერ წარმოდგენილი ინფორმაციის სატენდერო განაცხადთან შესაბამისობის გადამოწმება, მოახდინოს ადგილზე გადამოწმებით თავისი წარმომადგენლის მიერ, რაზეც წინასწარ ეცნობება პრეტენდენტს.

ეტაპობრივად შემსყიდველის მოთხოვნის შესაბამისად, 2025 წლის 31 ოქტომბრის ჩათვლით.

1.5.1. ტრანსპორტირებისას დაცული უნდა იყოს უსაფრთხოების ნორმები, რაზეც სრულად პასუხისმგებელია მიმწოდებელი.
1.5.2. საავტომობილო ტრანსპორტით მომსახურება უნდა განხორციელდეს შემსყიდველის მოთხოვნის შესაბამისად, საქართველოს მასშტაბით.

პრეტენდენტს ბოლო 3 (სამი) წლის განმავლობაში ტენდერის გამოცხადების დღემდე უნდა გააჩნდეს ჯამურად არანაკლებ 10 000 ლარის ღირებულების ანალოგიურ სფეროში მომსახურების გამოცდილება.

ზემოაღნიშნულის დამადასტურებლად პრეტენდენტმა უნდა წარმოადგინოს ხელმოწერით დადასტურებული დანართი №4.

პრეტენდენტმა ერთიანი ელექტრონული სისტემის საშაულებით უნდა წარმოადგინოს ხელმოწერით დადასტურებული დანართი №3.

ამასთან, ერთიანი ელექტრონული სისტემის საშაულებით უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტ(ებ)ი. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტ(ებ)ი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი (მესაკუთრის საკუთრების დამადასტურებელ დოკუმენტთან ერთად), რომელთა მოქმედების ვადა ტოლი უნდა იყოს ან აღემატებოდეს აღნიშნული ტენდერით გათვალისწინებული მომსახურების გაწევის ვადას (სატენდერო დოკუმენტაციის 1.4 ქვეპუნქტი).

ასევე, პრეტენდენტმა ერთიანი ელექტრონული სისტემის საშაულებით უნდა წარმოადგინოს მომსახურების გასაწევი ავტოსატრანსპორტო საშუალებების და აპარატურის ფოტო მასალა, სადაც გარკვევით უნდა ჩანდეს ავტოსატრანსპორტო საშუალების ინტერიერი, სახელმწიფო ნომერი და ექსტერიერი.

პრეტენდენტმა უნდა წარმოადგინოს ინფორმაცია მძღოლების შესახებ: სახელი, გვარი, შესაბამისი მართვის მოწმობა და ჯანმრთელობის ცნობა (ფორმა#100).

ხელშეკრულების მიმდინარეობის პროცესში მძღოლების ან სატრანსპორტო საშუალებების ცვლილების შემთხვევაში, მომწოდებელი ვალდებულია ცვლილების განხორციელებამდე მინიმუმ 2 (ორი) სამუშაო დღით ადრე წარმოადგინოს ზემოთ აღნიშნული ინფორმაცია სრულად.

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია გამარჯვების შემთხვევაში ხელშეკრულების გაფორმების მომენტისთვის ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება განხორციელდება უნაღდო ანგარისწორების ფორმით ლარში, ფაქტიურად გაწეული მომსახურების ღირებულების შესაბამისად.

ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად გაწეული მომსახურების ღირებულების შესაბამისად გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადახდო დოკუმენტაციის წარდგენიდან 10 (ათი) სამუშაო დღის ვადაში.

მარაიმ გიუნაშვილი, 551700106, mariam.giunashvili@eiec.gov.ge