Услуги в области садоводства (Грузия - Тендер #66265758)

სსიპ - ეროვნული სატყეო სააგენტოს დაქვემდებარებაში არსებულ სახელმწიფო ტყეში (ტაძრისის სატყეო) 65,8 ჰა-ზე ტყის აღდგენის სამუშაოების შესყიდვა.

განსახორციელებელი ღონისძიებების შესახებ დეტალური ინფორმაცია იხ. დანართ N2 ტყის აღდგენის პროექტი (ტექნიკური დავალება) და დანართ N1-ში (ხარჯთაღრიცხვა) საპროექტო ობიექტები უზრუნველყოფილია მისასვლელი გზებით.
აუცილებელი მოთხოვნა:
. მწვანედ მოცემულ გრაფებში, მითითებული თანხები წარმოდგენს ზღვრულ ღირებულებებს, პრეტენდენტის მიერ შემოთავაზებული ერთეულის ფასი არ უნდა აღემატებოდეს ზღვრულ ფასს.
. პრეტენდენტის მიერ ხარჯთაღრიცხვის სავარაუდო ფასის შემცირების/კლების შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე, ხარჯთაღრიცხვით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, ხარჯთაღრიცზვის სავარაუდო ღირებულებასა და სისტემაში პრეტენდენტის მიერ დაფიქსირებულ ხარჯთაღრიცხვის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად.

მომსახურებასთან დაკავშირებით მიმწოდებლის მიერ ნაკისრი ყველა ვალდებულება სრულად უნდა განხორციელდეს ხელშეკრულების გაფორმებიდან, თითოეული პროექტისათვის დადგენილი ვადების შესაბამისად, არაუგვიანეს 2028 წლის 31 დეკემბრამდე.

საპროექტო ობიექტების მდებარეობა და ტყის აღდგენის პროექტით განსახორციელებელი ღონისძიებები წარმოდგენილია შემდეგ ლოკაციაზე: სამცხე-ჯავახეთის სატყეო სამსახურის ბორჯომის სატყეო უბნის, ტაძრისის სატყეო N35-(ლიტერი N24;25;28) და N36-(ლიტერი N1;3-8;15-19;22)-ში 65.8 ჰა ფართობზე. ფართობი უზრუნველყოფილია მისასვლელი გზით.

მიმწოდებელი ვალდებულია უზრუნველყოს საპროექტო ობიექტების დაცვა ხელშეკრულების მოქმედების პერიოდში, ხოლო ზიანის შემთხვევაში მოახდინოს მისი ანაზღაურება დადგენილი წესით, საკუთარი ძალებით, აღადგინოს ღობე. იმ შემთხვევაში თუ ობიექტის დაუცველობის პირობებში ზიანი მიადგა დარგულ ნერგს ან/და ბუნებრივად წამოსულ მოზარდ-აღმონაცენს, დარგული ნერგის შემთხვევაში მომწოდებელი უზრუნველყოფს დაზიანებული, დაღუპული ნერგის ჩანაცვლებას საკუთარი ძალებით, ხოლო ბუნებრივი განახლების ხელშეწყობის შემთხვევაში, მომწოდებელი ვალდებული იქნება ხელშეკრულების ვადის გასვლის შემდეგაც უზრუნველყოს ტერიტორიის მოვლაპატრონობა საკუთარი ძალებით არანაკლებ ერთი წლის ვადით და იმ შემთხვევამდე, სანამ ტერიტორიაზე განახლება ჩაითვლება კარგ განახლებად, „ტყის დაცვის, აღდგენისა და მოვლის წესის შესახებ დებულების დამტკიცების თაობაზე“ საქართველოს მთავრობის 2021 წლის 27 ივლისის N383 დადგენილების მოთხოვნათა შესაბამისად. კერძოდ: როდესაც განახლება კარგია 1 ჰექტარზე მოზარდის რაოდენობა შეადგენს 0,5 - 1,0 მეტრის - 4.0 ათას ძირს და მეტს; 1,0-3,0 მ. – 2.0 ათას ძირს და მეტს; 3,0 მ და მეტის – 1.0 ათას ცალს და მეტს

პრეტენდენტმა უნდა წარმოადგინოს არანაკლებ 1 ზედამხედველობის განმახორციალებელ პირთან გაფორმებული ხელშეკრულება.
ზედამხედველობის განმახორციელებელ პირს უნდა ჰქონდეს არანაკლებ მეტყევის ან/და აგრონომის ან/და ეკოლოგის დიპლომი ან/და სერთიფიკატი (გაცემული უნდა იყოს აკრედიტირებული სასწავლო დაწესებულების მიერ)

ქვეკონტარქტორის არსებობის შემთხვევაში წარმოდგენილი უნდა იქნეს ქვეკონტრაქტორთან გაფორმებული ხელშეკრულება ტენდერის ნომრის მითითებით

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული, როგორც ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი ქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მოხდება ეტაპობრივად, უნაღდო ანგარიშსწორებით ლარში, ფაქტიურად გაწეული მომსახურების შესაბამისად.

სატენდერო დოკუმენტაციით გათვალისწინებული, ანგარიშსწორებისათვის საჭირო ყველა დოკუმენტის მოწოდებიდან 10 სამუშაო დღის ვადაში.

ირაკლი ლილუაშვილი, 591079757, Irakli.Liluashvili@forestry.gov.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.