Земляное оборудование, землеройные машины и их запасные части (Грузия - Тендер #66239160)

ერთი ერთეული 3 მ³ ფრონტალური დამტვირთველის შესყიდვა

1.2.1 1 (ერთი) ერთეული არანაკლებ 3 მ³ ფრონტალური დამტვირთველი.

1.2.2 პრეტენდენტმა სისტემაში უნდა ატვირთოს მის მიერ შემოთავაზებული არანაკლებ 3 მ³ ფრონტალური დამტვირთველის ტექნიკური პარამეტრები სატენდერო დოკუმენტაციის დანართი №1-ის შესაბამისად, სპეც. ტექნიკის კაბინას უნდა გააჩნდეს FOBS-ის და ROPS-ის უსაფრთხოების სისტემა. მიმწოდებლის მიერ წარმოდგენილი მოსაწოდებელი ტექნიკის მახასიათებლები დადასტურებული უნდა იყოს როგორც პრეტენდენტის, ასევე ტექნიკის მწარმოებლის მიერ. წარმოდგენილი იქნას ასევე შემოთავაზებული საქონლის ვიზუალი აუცილებლად ფოტოს სახით, დამატებით შესაძლებელია წარმოადგინოს ვებ-ბმულის (ლინკის) სახითაც.

1.2.3 ტექნიკა უნდა იყოს ახალი, არანაკლებ 2023 წლის გამოშვების, ტექნიკის ღირებულება უნდა მოიცავდეს საქართველოს კანონმდმებლობით განსაზღვრული ყველა სახის გადასახადს, მოსაკრებლის ჩათვლით, მათ შორის განბაჟებისა და სახელმწიფო რეგისტრაციის (შემსყიდველზე გადაფორმების) ხარჯების ჩათვლით;

1.2.4 ტექნიკას თან უნდა ახლდეს კატალოგი და ექსპლუატაციის (მოხმარების) წესების სახელმძღვანელო რუსულ ან ინგლისურ ენაზე. კატალოგში აუცილებელია მითითებული იყოს რეგლამენტური მომსახურების სახეობები, შესაცვლელი დეტალების და სახარჯი მასალების ჩამონათვალი, რომელიც იდენტური უნდა იყოს პრეტენდენტის მიერ დანართი N4-ში მითითებულ ინფორმაციასთან, არანაკლებ 2 ერთეული ცეცხლმაქრი, 1 ერთეული სააფთიაქო ყუთი და ინსტრუმენტების ნაკრები.

(წინამდებარე სატენდერო დოკუმენტაციის 1.2. პუნქტში მიმაგრებული ტექნიკური დავალება (დანართი 1) პრეტენდენტმა უნდა დაადასტუროს პასუხისმგებელი პირის ხელმოწერით და წარმოადგინოს სატენდერო წინადადების ერთად.)

1.4.1. ხელშეკრულების გაფორმებიდან არაუგვიანეს 2025 წლის 10 დეკემბრის ჩათვლით.

1.5.1 მიმწოდებელი ვალდებულია საკუთარი სახსრებით განახორციელოს წინამდებარე ელექტრონული ტენდერით განსაზღვრული ტექნიკის მიწოდება ხულოს მუნიციპალიტეტში, კერძოდ კურორტ გოდერძიზე.

1.5.2 წინამდებარე სატენდერო დოკუმენტაციის 1.4 პუნქტით განსაზღვრულ ვადაში მიმწოდებელი საქონლის მიწოდებას უზრუნველყოფს საკუთარი ხარჯებით, საქართველოს კანონმდებლობით განსაზღვრული ყველა სახის გადასახადისა და მოსაკრებლის ჩათვლით, მათ შორის, განბაჟების, სახელმწიფო რეგისტრაციის, სახელმწიფო ნომრების ღირებულების და სხვა (საქართველოს კანონმდებლობით გათვალისწინებულ შემთხვევაში) ხარჯების ჩათვლით.

1.5.3. მიმწოდებელი ვალდებულია ტექნიკის მიწოდებისთანავე წარმოადგინოს სსიპ “ლევან სამხარაულის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნა, მოწოდებული ტექნიკის სატენდერო დოკუმენტაციითა და ხელშეკრულებით გათვალისწინებულ მონაცემებთან შესაბამისობაზე, რომლის შემდეგაც მოხდება მიღება-ჩაბარების აქტის გაფორმება. ექსპერტიზის ხარჯები ეკისრება მიმწოდებელი.

1.5.4. მიმწოდებელი ვალდებულია საქონლის მიღება-ჩაბარებიდან არაუგვიანეს 10 დღის განმავლობაში ტექნიკის სპეციფიკიდან გამომდინარე, კურორტის ტერიტორიაზე უსასყიდლოდ ჩაუტაროს თეორიული და პრაქტიკული ტრენინგი.

1.7.1.1. საგარანტიო ვადა ტექნიკის ექსპლუატაციის ნორმების დაცვის შემთხვევაში შეადგენს მიღება- ჩაბარების აქტის გაფორმებიდან 24 თვე ან 2500 მოტო/საათი, რომელიც ადრე შესრულლდება.

1.7.1.2. გარანტია მოიცავს მთლიანი ძრავის სისტემას, სიჩქარეთა გადაცემის კოლოფის სიტემას, წამყვანი მოწყობილობების სისტემას, ელექტრომოწყობილობების სისტემას, ჰიდრავლიკის სისტემას.

1.7.1.2.3. საგარანტიო პერიოდის განმავლობაში მიმწოდებელი შეაკეთებს ან შეცვლის ნებისმიერ ნაწილსა თუ ნაწილებს, რომლებიც შემსყიდველისაგან წერილობითი შეტყობინების მიღების შემდეგ ინსპექტირებისა და დეფექტური აქტის შედგენის შედეგად მატერიალური ან ქარხნული დეფექტის მქონედ იქნება მიჩნეული.

1.7.1.2.4.მიმწოდებელი ვალდებულია საქარხნო დეფექტის აღმოჩენის შემთხვევაში, შეტყობინების მიღებიდან არაუგვიანეს 15 კალენდარულ დღეში განახორციელოს ხარვეზის გამოსწორება შემსყიდველის მხრიდან რაიმე დამატებითი დანახარჯის გაწევის გარეშე, ხოლო დეფიციტური ნაწილის ან სამუშაოს სირთულიდან გამომდინარე, შესაძლებელია შეკეთების მთლიანი ვადა განისაზღვროს არაუმეტეს 30 კალენდარული დღისა".

1.7.1.2.5. შემსყიდველი ვალდებულია იხელმძღვანელოს ქარხანა-მწარმოებლის მიერ გამოცემული შესაბამისი ტექნიკის საექსპლუატაციო სახელმძღვანელოს შესაბამისად და საგარანტიო პერიოდში მოახდინოს ტექნიკისათვის საცხებ-საპოხი მასალების და ფილტრების შეცვლა სახელმძღვანელოს რეგლამენტით განსაზღვრული ვადების გათვალისწინებით.

1.7.1.2.6.რეგლამენტით გათვალისწინებული საცხებ-საპოხი მასალების და ფილტრების შეცვლის ვადების დადგომის მომენტისათვის შემსყიდველი წერილობით აცნობებს მიმწოდებელს. მიმწოდებელი ვალდებულია შეტყობინების მიღებიდან არაუგვიანეს 3 დღის ვადაში მოავლინოს მისი წარმომადგენელი შემოწმებაზე დასასწრებად.

1.7.1.2.7.შემსყიდველი თვითონ უზრუნველყოფს ქარხანა-მწარმოებლის ტექნიკის საექსპლუატაციო სახელმძღვანელოს რეგლამენტით განსაზღვრული სტანდარტების შესაბამისი საცხებ-საპოხი მასალების და მაღალი ხარისხის ფილტრების შეძენას და შეცვლას, რაზედაც შედგება მიმწოდებლის და შემსყიდველის ერთობლივი აქტი.

1.7.1.2.8.წერილით განსაზღვრულ ვადაში მიმწოდებლის მიერ უფლებამოსილი პირის შემოწმებაში მონაწილეობის მიუღებლობის შემთხვევაში, შემსყიდველი ადგილზე ადგენს აქტს და ამ შემთხვევაში მიმწოდებელს პრეტენზია არ უნდა აქტში დაფიქსირებულ შედეგზე.

1.7.1.2.9.მიმწოდებლის წარმომადგენლის შემოწმების პროცედურებში მიღების შემთხვევაში შემსყიდველი არ არის ვალდებული აანაზღაუროს მისი მივლინების ან/და შემოწმებასთან დაკავშირებული სხვა ხარჯები.

1.7.1.2.10. შემსყიდველი იტოვებს უფლებას მიიღოს გადაწყვეტილება საგარანტიო პერიოდში ტექნიკის ტექნიკურ მომსახურებაზე შესყიდვის განხორციელებასთან დაკავშირებით.

1.7.1.2.11.10) თუ შესყიდვის ობიექტის მიწოდებიდან 30 კალენდარული დღეში ან 250 მოტო/საათში (რომელიც უფრო ადრე დადგება), ტექნიკას აღმოაჩნდება საწარმოო დეფექტი ძირითად აგრეგატზე (ძრავა, გადაცემათა კოლოფი, ხიდი), მიმწოდებელი ვალდებულია ტექნიკა (ფრონტალური დამტვირთველი) შეცვალოს ახლით, საწარმოო დეფექტის დადგენიდან 40 (ორმოცი) კალენდარული დღის განმავლობაში.

(წინამდებარე სატენდერო დოკუმენტაციის 1.7.1. პუნქტში მიმაგრებული საგარანტიო პირობები (დანართი 3) პრეტენდენტმა უნდა დაადასტუროს პასუხისმგებელი პირის ხელმოწერით და წარმოადგინოს სატენდერო წინადადების ერთად.)

2.1.1.1. პრეტენდენტი ვალდებულია სატენდერო დოკუმენტაციის 1.2. პუნქტში მიმაგრებული დანართი 1-ის შესაბამის ველში მიუთითოს ინფორმაცია, შემოთავაზებული ტექნიკის მწარმოებელი ქვეყნის, მწარმოებლის და მოდელის შესახებ,

- იმ შემთხვევაში, თუ სატენდერო წინადადების წარდგენის ეტაპზე საერთოდ არ იქნება წარმოდგენილ დანართი №1, ან/და არ იქნება მითითებული სატენდერო დოკუმენტაციის 2.1.1.1. პუნქტით მოთხოვნილი ინფორმაცია ან არასრულყოფილად იქნება წარმოდგენილი, პრეტენდენტი დაექვემდებარება დისკვალიფიკაციას.

2.2.1.1 პრეტენდენტს 2021 წლის 1 იანვრიდან სატენდერო წინადადების მიღების დაწყებამდე პერიოდის განმავლობაში უნდა გააჩნდეს სახელმწიფო შესყიდვის ფარგლებში ან/და სახელმწიფო შესყიდვის ფარგლებს გარეთ, არანაკლებ 200 000.00 (ორასი ათასი) ლარის ჯამური ღირებულების ტექნიკის მიწოდების (კერძოდ-ფრონტალური დამტვირთველის ან ექსკავატორ დამტვირთველის ან ტელესკოპური დამტვირთველი) გამოცდილება, რის დასტურადაც წარმოდგენილ უნდა იქნას შესაბამისი დოკუმენტაცია, კერძოდ: ტექნიკის მიწოდებაზე გაფორმებული ხელშეკრულებ(ებ)ის (არსებობის შემთხვევაში) და ამ ხელშეკრულებ(ებ)ის შესრულების (მიწოდების) დამადასტურებელი დოკუმენტ(ებ)ის (ანგარიშფაქტურ(ებ)ი და ზედნადებ(ებ)ი, ხოლო მიღება-ჩაბარების აქტ(ებ)ის არსებობის შემთხვევაში) ასლები. ანგარიშფაქტურ(ებ)ის გამოწერის ვადა უნდა ემთხვეოდეს სატენდერო პირობების 2.2.1 პუნქტის 2.2.1.1 ქვეპუნქტით განსაზღვრულ ვადას.
სახელმწიფო შესყიდვის ფარგლებში შესაძლებელია წარმოდგენილი იქნას SPA, NAT, GEO, CMR, CON და სხვა ნომრები, სადაც უნდა დასტურდებოდეს საქონლის მიწოდების ფაქტი.

(2.2.1.1 პუნქტით გათვალისწინებული ინფორმაციის წარმოდგენა პრეტენდენტის მიერ სავალდებულოა)

2.3.1.1. პრეტენდენტს საკუთრებაში ან სარგებლობაში უნდა გააჩნდეს შემოთავაზებული ტექნიკის მწარმოებლის მიერ ავტორიზებული არანაკლებ 1 (ერთი) სერვის ცენტრი საქართველოში, ან/და გაფორმებული უნდა ქონდეს მომსახურების ხელშეკრულება ავტორიზებულ სერვის ცენტრთან, რომელიც საგარანტიო პერიოდში, საბაზრო ფასების ადეკვატური ღირებულებით, გაუწევს აღნიშნული ტენდერის ფარგლებში მიწოდებულ ტექნიკას გეგმიურ და არაგეგმიურ (ასეთის არსებობის შემთხვევაში) მომსახურებას. ავტორიზების დასადასტურებლად წარმოდგენილი იქნას მწარმოებლის მიერ გაცემული დოკუმენტი;
2.3.1.2. პრეტენდენტს საკუთრებაში ან სარგებლობაში უნდა გააჩნდეს არანაკლებ 1 (ერთი) სერვის ცენტრი აჭარის ავტონომიური რესპუბლიკის ტერიტორიაზე, რომელიც საგარანტიო პერიოდში, საბაზრო ფასების ადეკვატური ღირებულებით, გაუწევს აღნიშნული ტენდერის ფარგლებში მიწოდებულ ტექნიკას გეგმიურ და არაგეგმიურ (ასეთის არსებობის შემთხვევაში) მომსახურებას.
2.3.1.3.პრეტენდენტს უნდა გააჩნდეს არანაკლებ 1 (ერთი) მობილური სერვის ჯგუფი. პრეტენდენტმა წერილობით უნდა დაადასტუროს, რომ მას გააჩნია 1 (ერთი) მობილური სერვის ჯგუფი, რომელიც საჭიროების შემთხვევაში საგარანტიო პერიოდის განმავლობაში გაუწევს შემსყიდველ ორგანიზაციას შესაბამის გეგმიურ და არაგეგმიურ (ასეთის არსებობის შემთხვევაში) მომსახურებას.

(2.3.1 პუნქტით გათვალისწინებული ინფორმაციის/დოკუმენტაციის წარმოდგენა პრეტენდენტის მიერ სავალდებულოა)

2.7.1.1 პრეტენდენტი უნდა იყოს შემოთავაზებული საქონლის მწარმოებლის ოფიციალური წარმომადგენელი ან/და დილერი ან/და დისტრიბუტორი საქართველოს ტერიტორიაზე. ზემოაღნიშნულის დადასტურების მიზნით პრეტენდენტმა უნდა წარმოადგნოს მწარმოებლის მიერ გაცემული დოკუმენტ(ებ)ი ერთიანი ელექტრონული სისტემის მეშვეობით;


(2.7.1.1 პუნქტით გათვალისწინებული ინფორმაციის/დოკუმენტაციის წარმოდგენა პრეტენდენტის მიერ სავალდებულოა)

2.9.1.1. სატენდერო დოკუმენტაციის 1.2. პუნქტის თანახმად ინფორმაცია/დოკუმენტაცია;
2.9.1.2. სატენდერო დოკუმენტაციის 1.3. პუნქტის თანახმად ფასების ცხრილი (დანართი 2);
2.9.1.3. სატენდერო დოკუმენტაციის 1.7.1. პუნქტის თანახმად ინფორმაცია/დოკუმენტაცია საგარანტიო პირობებთან დაკავშირებით;
2.9.1.4. სატენდერო დოკუმენტაციის 2.1.1 პუნქტის თანახმად ინფორმაცია/დოკუმენტაცია, შემოთავაზებული ტექნიკის მწარმოებელი ქვეყნის, მწარმოებლის და მოდელის შესახებ;
2.9.1.5. სატენდერო დოკუმენტაციის 2.2.1. პუნქტის თანახმად ინფორმაცია/დოკუმენტაცია;
2.9.1.6. სატენდერო დოკუმენტაციის 2.3.1. პუნქტის თანახმად ინფორმაცია/დოკუმენტაცია;
2.9.1.7. სატენდერო დოკუმენტაციის 2.7.1. პუნქტის თანახმად ინფორმაცია/დოკუმენტაცია;
2.9.1.8. წარმოდგენილი იქნას ინფორმაცია საგარანტიო პერიოდის განმავლობაში ტექნიკის გეგმიური მომსახურების ვადების შესახებ ქარხანა-მწარმოებლის მიერ გამოცემული ტექნიკის სახელმძღვანელოს რეგლამენტის თანახმად, დანართი N4-ის შესაბამისად, რომელიც მიმაგრებულია წინამდებარე პუნქტის შესაბამის ველში;

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მიმწოდებელმა უნდა დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა, რისთვისაც ვალდებულია უზრუნველყოს შესაბამისი დადებითი დასკვნის წარმოდგენა, რომელიც გაცემული უნდა იყოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ.

დასკვნაში დასაბუთებული უნდა იყოს, რომ დასკვნის გაცემის მომენტისათვის მიმწოდებელს მის მიერ წარმოდგნილ ფასების ცხრილში დაფიქსირებულ ფასად (საბოლო სატენდერო წინადადების ფასის შესაბამისი) საქართველოს კანონმდებლობით განსაზღვრული სავალდებულო გადასახადებისა და მოსაკრებლების და მიწოდების ადგილზე ტრანსპორტირების ხარჯების ჩათვლით შეუძლია შესაბამისი საქონლის მოწოდება შემსყიდველისათვის.

აკრედიტებული პირის მიერ დასკვნის გაცემის შემთხვევაში, დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტი. ექსპერტიზის ჩატარებასთან დაკავშირებული ნებისმიერი მოქმედებების (მათ შორის საჭიროების შემთხვევაში დოკუმენტაციის წარდგენა და სხვა) დროულად განხორციელებაზე სრული პასუხისმგებლობა ეკისრება პრეტენდენტს. აღნიშნული დასაბუთების და/ან ექსპერტიზის დასკვნის წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას.
ექსპერტიზის ხარჯებს გაიღებს პრეტენდენტი.

შემსყიდველის მიერ მიღებული საქონლის ანაზღაურება მოხდება უნაღდო ანგარიშსწორების წესით, მიმწოდებლის მიერ საქონლის სრულად მოწოდების შესაბამისი მიღება-ჩაბარების აქტის გაფორმების, სასაქონლო ზედნადების და საგადასახადო ანგარიშფაქტურის წარმოდგენის საფუძველზე,

ხელშეკრულების შესრულების დამადასტურებელი დოკუმენტების გაფორმებიდან არაუგვიანეს 10 სამუშაო დღეში.

ლაშა თურმანიძე, 591988855, lasha.turmanidze83@gmail.com

10.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;

10.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;

10.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

10.4. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული. სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება;

10.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;

10.6. პრედენდენტს არა აქვს უფლება წარმოადგინოს ალტერნატიული სატენდერო წინადადება;

10.7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი);

10.8.ფასების ცხრილი/ხარჯთაღრიცხვა წარმოდგენილი იქნას მხოლოდ Excel-ის სახით (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს, მათ შორის ელექტრონულ ხელმოწერას ან/და ელექტრონულ შტამპს);

10.9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);