Инженерные услуги (Грузия - Тендер #66211320)

დმანისის მუნიციპალიტეტი, ბაშფლების ტბის წყალქვეშა და მიმდებარე ტერიტორიის არქეოლოგიური კვლევა

 პროექტის შესახებ

აღნიშნული კვლევითი პროექტი გულისხმობს 2025 წლის ზაფხულსა და შემოდგომაზე, დმანისის მუნიციპალიტეტში (ისტორიული “დბანისხევი/დმანისხევი“), მდინარე მაშავერას მარჯვენა შენაკადებით წარმოქმნილ ორმდინარეთში არსებულ ხელოვნურ წყალსაცავში (ბაშფლემის ტბა) თევზაობისას, უშუალოდ წყლის პირას, ადგილობრივი პირების მიერ შემთხვევით ნაპოვნ, ბრტყელი ბაზალტის ფირფიტის (რომელზეც სავარაუდო დამწერლობის ნიშნებია ამოტვიფრული) (იხ. ფოტო 1) აღმოჩენის ადგილის არქეოლოგიურ შესწავლას.
უნდა აღინიშნოს, რომ ქვაზე არსებულ ნიშანთა გრაფიკული მოხაზულობა ერთ რომელიმე, დღემდე ცნობილ დამწერლობას არ იმეორებს, თუმცა, საუბარი გარკვეულ გრაფიკულ მსგავსებებზე სხვა დამწერლობებთან შეიძლება. ეს დამწერლობებია: ფინიკიური, ეგვიპტური (იერატიკული და დემოტიკური), ბერძნული, ბრაჰმანული და ჩრდ. იბერიული. ჩანს მსგავსებები ალბანურ ალფაბეტთან, ასევე „კოლხურ რუნებთან“, ბრინჯაოს და ადრერკინის ხანის საბეჭდავებთან, გრაკლიანი გორის და ქართულ ასომთავრულ დამწერლობასთან.

 პროექტის აღწერა

არქეოლოგიური გათხრები დმანისში (სადაც აღმოჩენილ იქნა დამწერლობიანი ფირფიტა), 1936 წლიდან იღებს სათავეს. 80-იან წლებში აქ ნაპოვნი იქნა ადრეული პლეისტოცენური ეპოქისთვის დამახასიათებელი ცხოველების ძვლები, ქვის იარაღები, 1999 და 2001 წელს ჩატარებული გათხრების შედეგად კი ნაპოვნი იქნა 1,8 მლნ. წლის ასაკის ჰომინიდთა თავის ქალები და ყბის ძვლები Homo Georgicus. ნათელია აღნიშნული რეგიონის მნიშვნელობა და როლი არამარტო საქართველოს, არამედ მსოფლიოს ისტორიის მასშტაბით, თუმცა მიუხედავად ამისა, ვერ ვიტყვით, რომ დღეს დმანისის რაიონი სრულად შესწავლილი და გამოკვლეულია. საჭიროა მდ. მაშავერას აუზის საფუძვლიანი შესწავლა, უფრო კონკრეტულად კი ბაშფლემის ტბის ფსკერის და მიმდებარე ტერიტორიის კვლევა, რომელიც შეუიარაღებელი თვალითაც შესამჩნევად საინტერესოდ გამოიყურება არქეოლოგიური კუთხით. გარდა ფირფიტისა, მიმდებარე ტერიტორიაზე ზედაპირული დათვალიერებისას, აღმოჩნდა სხვა საინტერესო არქეოლოგიური არტეფაქტებიც -ქვასანაყი; ობსიდიანის და ბაზალტის ფრაგმენტები (იხ.დანართი 2). აღნიშნული გარემოება კიდევ უფრო ამყარებს ჩვენს ვარაუდებს ამ ტერიტორიის ისტორიულ-არქეოლოგიურ მნიშვნელობასთან დაკავშირებით.
საყოველთაოდ ცნობილ დმანისის არქეოლოგიური სანახსა და ჩვენს მიერ აღწერილ ლოკაციას შორის პირდაპირი (ჰაერით) მანძილი 2 კილომეტრს არ აღემატება. გარდა ჰომინიდების ნაშთებისა, აქ მომდევნო ისტორიული ეპოქების (ბრინჯაოს, ადრერკინის, ანტიკური და შუასაუკუნეების) არაერთი კვალია დადასტურებული (ჯაფარიძე ვ., 1978). ფირფიტის აღმოჩენის ადგილთან, ბაშფლემის ტბასთან მიმავალი გზა თბილისი-სადახლოს მთავარ გზას მიუყვება, შემდეგ მარჯვნივ გადაუხვევს, სამხრეთ-დასავლეთისკენ: მარნეული - ბოლნისი - კაზრეთი - პატარა დმანისი - საფარლო - ამამლო. ამ უკანასკნელ სოფელს გაცილებული რამდენიმე კილომეტრში მარჯვნივ, ჩრდილოეთით, ზეგანისკენ მიმავალი გზა ჩნდება, რომელიც დასაწყისში, რამდენიმე ასეულ მეტრზე ბრტყელი ბაზალტის ქვითაა მოპირკეთებული, რომელიც, შემდგომ, სრული დაზიანების გამო ქრება და შემდეგ კვლავ ჩნდება. ის რამდენიმე ათეულ მეტრზე შედარებით კარგად არის შემონახული. როგორც ჩანს, ეს ის გზაა, რომელიც ქართულ საისტორიო წყაროებშია აღწერილი და რომელიც თრიალეთის კლდეკარიდან წამოსული შიდა ქართლს, თავისი დასავლეთი, აღმოსავლეთი და ჩრდილოეთი მიმართულებებით, სომხეთთან და, საერთოდ, სამხრეთის ქვეყნებთან აკავშირებდა. გზის მოპირკეთება შუასაუკუნეებში უნდა იყოს შესრულებული.
ჩვენთვის საინტერესო ტერიტორია, ჩრდილოეთიდან სამხრეთისკენ ასე მოჩანს: საქართველოს კულტურულ-რელიგიურ და ადმინისტრაციულ ცენტრთან, შიდა ქართლთან დამაკავშირებელ კლდეკარის საერისთავოს, თრიალეთად წოდებულ ქვეყანას, ზურტაკეტი მოსდევდა, რომელიც მაშავერას მარცხენა სანაპიროს ტერიტორიებს მოიცავდა. მას უკვე მაშავერას მარცხენა შენაკადებით შემოსაზღვრული რეგიონი მოსდევს, რომლის კერძო სახელი ჯერჯერობით დაუდგენელია და ზურტაკეტსა და ლორე-ტაშირს შორისაა მოქცეული.
ადგილობრივი მოსახლეობის გადმოცემით, ბაშფლების ტბის შუაგულში მდგარა ქვის საკმაოდ მაღალი ორი სვეტი, რომელზედაც ანალოგიური ნიშნები ყოფილა ამოტვიფრული, როგორც ტბის პირას აღმოჩენილ ბაზალტის ქვაზე. ამ ეტაპზე ქვის სტელები აღარ ჩანს, დიდი ალბათობით ის წაქცეულია და ტბის ფსკერზეა მოქცეული. ამ ყველაფრის გათვალისწინებით, აუცილებელია პროფესიონალი მყვინთავების მიერ, ტბის ფსკერის გულდასმით დათვალიერება.
აღნიშნული ტერიტორიის სიღრმისეული არქეოლოგიური კვლევა, რადგან ამით გაჩნდება შესაძლებლობა ბევრად მეტი და საინტერესო აღმოჩენა გაკეთდეს, რაც კიდევ უფრო გაამყარებს და დაასაბუთებს ამ პირველი აღმოჩენის მნიშვნელობას. ერთიანობაში კი, ეს ყველაფერი მოგვცემს საშუალებას მნიშვნელოვანი ცოდნა მივიღოთ დმანისის ამ მონაკვეთის ისტორიული, არქეოლოგიური და ლინგვისტური თავისებურებების შესახებ.

 პროექტის მიზანი

პროექტის ძირითად მიზანია ბაშფლემის ტბის ფსკერის და მიმდებარე ტერიტორიაზე არსებული არქეოლოგიური ობიექტების შესწავლა.

 პროექტით განსაზღვრული სამუშაოები

1. ისტორიული წყაროების ანალიზი: ქრონოლოგიურად გაიწერება რეგიონის ისტორია. განსაკუთრებით, თავმოყრილი იქნება, წინასწარი შეფასებიდან გამომდინარე ნავარაუდევი, გვიან ბრინჯაო და ადრე რკინის ეპოქებთან დაკავშირებული წყაროები;
2. ისტორიულ-გეოგრაფიული ანალიზი: შეჯერდება ისტორიულ გეოგრაფიისადმი მიძღვნილ ლიტერატურაში არსებული მონაცემები აღნიშნული რეგიონთან მიმართებაში, დადგინდება და აღდგება ისტორიული ტოპონომიკა;
3. ტოპოგრაფიული რუკების მოძიება, ექსპერტიზა და მასალის მომზადება მაღალი სანდოობის რუკების შესადგენად;
4. მიდამოს აეროფოტოგადაღება გეორადარის გამოყენებით: მიდამოს 3D მოდელირება;
5. ტბის და წყაროების ჰიდროლოგიური კვლევა და წყლის ქიმიური ანალიზი: არსებული მონაცემების მოძიება;
6. ტბის ფსკერის გეოფიზიკური კვლევა და მოდელირება სკანერის მეშვეობით;
7. ბიოლოგიური მასალის აღმოჩენის შემთხვევაში:
ა) ბიოანთროპოლოგიური კვლევა;
ბ) გენეტიკური კვლევა; გ) სტაბილური იზოტოპების ანალიზი;
8. მიღებული შედეგების ეტაპობრივი დისემინაცია:
ა) სტატიების გამოქვეყნება მღალრეიტინგულ ჟურნალებში
ბ) სამეცნიერო კონფერენციის ორგანიზება
გ) მას-მედიით ფრათოდ გაშუქება
დ) სტატიის/წიგნის ელექტრონული ვერსიის მომზადება
ე) ლექციის ჩატარება/მოხსენების წარდგენა;
9. ბაშფლების ტბის ფსკერის გამოკვლევა პროფესიონალი მყვინთავების (წყალქვეშა არქეოლოგია) მიერ;

 ბაშფლემის ტბის ფსკერზე და მიმდებარე ტერიტორიაზე 2025 წელს ჩასატარებელი არქეოლოგიური და სხვადასხვა სახის სამუშაოები

1. ტრანზექტების მიხედვით ტბის ფსკერის სკანირება; მიღებული შედეგების დამუშავება, ჩასაყვინთი არეალების მონიშვნა, თემატური რუკების შედგენა. ფსკერზე აღმოჩენილი არტეფაქტების (ასეთის არსებობის შემთხვევაში) ამოტანა, მათი დამუშავება, ფოტოფიქსაცია.
2. ჰუმუსის მოხსნა 3 არეალში ფართობით 2X5X0,30;
3. ჰუმუსის მოხსნა 2 არეალში ფართობით 10X10X0,30;
4. სამი არეალის არქეოლოგიური შესწავლა (თითოს ფართობი 2X5 კვ. მ);
5. სამ არეალში გამოვლენილი კულტურული ფენის პრეპარაცია (თითოს ფართობი 2X5);
6. ორი (2) არეალის არქეოლოგიური შესწავლა (ფართობი 10X10);
7. ორ არეალში აღმოჩენილი კულტურული ფენის პრეპარაცია (ფართობი 10X10);
8. მიწის გატანა ხელით და ურიკით 5 მ. მანძილზე;
9. განათხარი ფართობის (თხრილები) ნაწილობრივი რეკულტივაცია (50 კვ მ.)
 არქეოლოგიური გათხრების ჩატარების პირობები

სამუშაოების ჩატარებისას ყურადღება უნდა მიექცეს სამუშაოთა შესრულების ხარისხობრივ მაჩვენებლებს, რომელთა დაცვა სავალდებულოა კულტურული მემკვიდრეობის ობიექტების ფასეული ელემენტების შესანარჩუნებლად. მუშაობის პროცესში მიმწოდებელი ვალდებულია, სამუშაოები შეასრულოს საველე-არქეოლოგიური სამუშაოების მეთოდების სრული დაცვით;

სამუშაოთა მიმდინარეობისას გამოვლენილი არქეოლოგიური ობიექტები და არქეოლოგიური მასალა მიმწოდებელმა სათანადოდ უნდა დაიცვას დაზიანებისგან, განადგურებისა და დაკარგვისგან, ასევე გარემო პირობებისა და სხვა არასასურველი ზემოქმედებისაგან;

თუ არქეოლოგიურ სამუშაოთა მიმდინარეობისას გამოვლინდა მაღალი მატერიალური ღირებულების მქონე ნივთი (ნივთები), ამასთანავე, მეთოდოლოგიური, კლიმატური, ტექნიკური ან სხვა პირობების გამო ვერ ხერხდება მისი (მათი) დაუყოვნებლივ ამოღება და უსაფრთხო ადგილას ტრანსპორტირება, მიმწოდებელი ვალდებულია, დაუყოვნებლივ მიმართოს შინაგან საქმეთა სამინისტროს შესაბამის ტერიტორიულ ორგანოს;

მოძრავი არქეოლოგიური მონაპოვარი, უნდა ჩაბარდეს უახლოეს მუზეუმ-ნაკრძალს, მუზეუმს ან სხვა შესაბამის სამეცნიერო დაწესებულებას სათანადო თანმხლებ დოკუმენტაციასთან ერთად;
არქეოლოგიური სამუშაოების მიმდინარეობისას, ახლადგამოვლენილი გარემოებ(ებ)ით გამოწვეული ცვლილებები შეთანხმებულ უნდა იქნეს შემსყიდველთან.

 ძირითადი პირობები

მიმწოდებელი შემსყიდველთან შეთანხმებული სამუშაოების გრაფიკის შესაბამისად, წარუდგენს მას ინფორმაციას, წერილობითი ანგარიშის სახით, გათვალისწინებული სამუშაოების მიმდინარეობის შესახებ. იგი ვალდებულია, გაითვალისწინოს შემსყიდველის შენიშვნები და წინადადებები, რაც შემდგომში საფუძვლად დაედება შესრულებული სამუშაოების ანაზღაურებას. სამუშაოების შესრულების გრაფიკი განსაზღვრავს სამუშაოთა მიმდინარეობას და შემსყიდველისათვის ეტაპობრივად წარდგენის გეგმას. ჩატარებული არქეოლოგიური გათხრების ანგარიშები, უნდა ჩაბარდეს ქვემოთ ჩამოთვლილი კრიტერიუმების გათვალისწინებით:
ტექსტი აკრეფილი უნდა იყოს A4 ზომის სტანდარტულ ფურცელზე; შრიფტის სახე - Sylfaen;
ტექსტის შრიფტის ზომა - 11; სქოლიოს შრიფტის ზომა - 10;
სტრიქონებს შორის ინტერვალი - 1,15;
ფურცლის გვერდზე ტექსტის მინდორი: მარცხნიდან – 1.5სმ, მარჯვნიდან - 1 სმ, ზემოდან - 2.5 სმ, ქვემოდან 2.5 ს.
ავტორის სახელი და გვარი დაიწეროს სათაურის ქვეშ, მარჯვენა მხარეს. ელექტრონული ფოსტის მითითებით.
სურათები - ნუმერაციის მითითება ტექსტში, ფრჩხილების გამოყენებით, მაგ., (სურ.1).
საჭიროების შემთხვევაში შესაძლებელია ლიტერატურისა და შენიშვნების ჩატანა სქოლიოში.
შესრულებული სამუშაოების ანგარიში შემსყიდველს წარედგინება - ანგარიშის ელექტრონული ვერსიის კომპაქტური დისკის (2 ეგზემპლარი), მაღალი რეზოლუციის ფოტომასალის კომპაქტური დისკისა (1 ეგზემპლარი) და მყარი ასლი ალბომის სახით (1 ეგზემპლარი).
მიმწოდებელი ვალდებულია, არქეოლოგიური სამუშაოების დაწყებამდე კულტურული მემკვიდრეობის ობიექტზე დაამონტაჟოს ჩასატარებელი სამუშაოების ამსახველი საინფორმაციო ბანერი, რომელიც უნდა შეიცავდეს შემდეგ ინფორმაციას:
მესაკუთრე; შემსყიდველი;
მიმწოდებელი;
ჩასატარებელი სამუშაოს სახეობა;

 შემსყიდველისთვის გადასაცემი საბოლოო პროდუქცია

წარმოდგენილი პირობებისა და ვადების ფარგლებში, მიმწოდებელმა საბოლოო პროდუქციის სახით შემსყიდველს უნდა გადასცეს არქეოლოგიური კვლევის ჩატარების შედეგები, შემდეგი შემადგენლობით:
ა) შესწავლილი ტერიტორიის, მასზე გამოვლენილი ობიექტების ფიქსაცია და მოპოვებული მასალის პირველადი დამუშავება, მათ შორის ფოტო და ვიზუალური აღწერის მასალები;
ბ) შესწავლილი ტერიტორიის (ობიექტის) ისტორიულ-ბიბლიოგრაფიული და საარქივო კვლევის მასალები შესაბამისი წყაროების მითითებით, მასზე მოპოვებული პირველადი ინფორმაციის საარქივო მონაცემებთან მიმართების ანალიზი;
გ) არქეოლოგიური კვლევისას გამოვლენილი ობიექტების განლაგების სქემა და ანაზომი;
დ) შესწავლილი ტერიტორიის ადგილმდებარეობის სიტუაციური გეგმა (მასშტაბი 1:2000 ან 1:500), GPS კოორდინატებით;
ე) არქეოლოგიური კვლევისას გამოვლენილი ობიექტების განლაგების სქემა და ანაზომი; გამოხაზული ნახაზები (მასშტაბი 1:10 ან 1:20 ან 1:25 ან 1:50 ან 1:100) ძირითადი პარამეტრების ზომების დატანით;
ვ) შესწავლილი ტერიტორიის კვადრატებად დაყოფის სქემა;
ზ) სავლევი ტერიტორიების დრონით გადაღება, მასალის დამუშევება;
თ) საველე და ლაბორატორიული ფოტოგადაღება და დამუშავება;
ი) გათხრების დროს მოპოვებული არტეფაქტების პირველადი დამუშავება;
კ) ტექსტური აღწერილობა.

 სამუშაოთა შესრულების ვადები

შესრულებული სამუშაოს ანგარიშის ჩაბარების საბოლოო ვადა განისაზღვროს არქეოლოგიური სამუშაოების ნებართვის გაცემიდან 3 (სამი) კალენდარული თვე.

შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

შესრულებული სამუშაოს ანგარიშის ჩაბარების საბოლოო ვადა განისაზღვროს არქეოლოგიური სამუშაოების ნებართვის გაცემიდან 3 (სამი) კალენდარული თვე.

დმანისის მუნიციპალიტეტი, ბაშფლების ტბის წყალქვეშა და მიმდებარე ტერიტორია

პრეტენდენტს 2015 წლიდან არქეოლოგიური მომსახურების სფეროში განხორციელებული უნდა ჰქონდეს არანაკლებ 3 (სამი) არქეოლოგიური სამუშაო.

პრეტენდენტმა ჩატარებულ არქეოლოგიურ სამუშოებზე ინფორმაცია უნდა წარმოადგინოს ჩამონათვალის სახით (არსებობის შემთხვევაში CMR/SPA/NAT ნომრის მითითებით) დანართის მიხედვით (იხ. დანართი N1), რომელსაც თან უნდა ერთვოდეს აღნიშნულის შესრულების დამადასტურებელი დოკუმენტები: შესაბამისი ხელშეკრულებები და გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების შესრულების ფაქტს.

იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: დადასტურებული საგადასახადო ანგარიშფაქტურები (არსებობის შემთხვევაში) და/ან გადახდის დამადასტურებელი დოკუმენტები და შემსყიდველის მოთხოვნის შემთხვევაში ამონაწერი საბანკო ანგარიშებიდან.

გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

პრეტენდენტს 2021 წლიდან ტენდერის გამოცხადების დღემდე არ უნდა ჰქონდეს სსიპ საქართველოს კულტურული მემკვიდრეობის დაცვის ეროვნული სააგენტოსთან ვალდებულებების შეუსრულებლობის ან/და არაკეთილსინდისიერად შესრულებული სამუშაოების მიზეზით შეწყვეტილი ხელშეკრულება.

პრეტენდენტს დასაქმებული უნდა ჰყავდეს არქეოლოგ(ებ)ი და მხატვარ-არქიტექტორი.

პრეტენდენტმა უნდა წარმოადგინოს არქეოლოგიური სამუშოების განხორციელების პროცესში მონაწილე არქეოლოგ(ებ)ის, მხატვარ-არქიტექტორის შესახებ ინფორმაცია დანართის მიხედვით (იხ. დანართი N1).

ობიექტზე არქეოლოგების რაოდენობას განსაზღვრავს მიმწოდებელი არანაკლებ 1 და არაუმეტეს 5 (დაზუსტებული ინფორმაცია უნდა ასახოს ხარჯთაღრიცხვაში).

პრეტენდენტმა უნდა წარმოადგინოს არქეოლოგიურ სამუშაოებში ჩართული მონაწილე არქეოლოგის (ხელმძღვანელის) და მხატვარ-არქიტექტორის კვალიფიკაციის დამადასტურებელი დოკუმენტი (ხარისხის დამადასტურებელი დოკუმენტის ასლი) და CV-ი - დანართი N2 სახით.
თითოეულ მათგანს 2015 წლიდან ტენდერის გამოცხადების დღემდე განხორციელებული უნდა ჰქონდეთ არანაკლებ 3 (სამი) არქეოლოგიური სამუშაო.
გამოცდილების ამსახველ ინფორმაციაში წარმოდგენილი უნდა იყოს: პროექტის (სამუშაოს) დასახელება, განხორციელების ვადა წლების მითითებით, დამკვეთი (ორგანიზაციის დასახელება, ს/კ) და პერსონალის პოზიცია (დანართის შესაბამისად).

დოკუმენტი (CV) წარმოდგენილიო უნდა იყოს 2.4.1 პუნქტში ატვირთული ფაილის მიხედვით, სრულყოფილად შევსებული, ხელმოწერილი დასაქმებული პერსონალის მიერ და დათარიღებული არაუადრეს ტენდერის გამოცხადების დღისა. დოკუმენტი ასევე დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით პრეტენდენტის მიერ.

პრეტენდენტი ვალდებულია წარმოადგინოს გეგმა-გრაფიკი, სადაც უნდა მიეთითოს მომსახურების (სამუშაოს) ეტაპები, დასრულების ვადების და ეტაპების ღირებულებების აღნიშნვით. ეტაპობრივი გეგმა-გრაფიკის წარმოუდგენლობის შემთხვევაში მიწოდება განხორციელდება ერთჯერადად სამუშაოს შესრულების საბოლოო ვადის შესაბამისად.
პრეტენდენტმა უნდა წარმოადგინოს:
სამუშაოთა ჩატარების ორგანიზების პროექტი და მათი ჩატარების კალენდარული გრაფიკი, სექტორებისა და შესაბამისი სამუშაოების თანმიმდევრობის ჩვენებით.

მიმწოდებელი ვალდებულია:
ხელშეკრულების გაფორმების შემდეგ, არქეოლოგიური სამუშაოების დაწყებამდე გადაიხადოს სანებართვო მოსაკრებელი არქეოლოგიური სამუშაოების ნებართვის მისაღებად 50 (ორმოცდაათი) ლარის ოდენობით, მიმართოს სააგენტოს და აიღოს არქეოლოგიური სამუშაოების სანებართვო მოწმობა არაუგვიანეს 10 (ათი) კალენდარული დღის ვადაში, წინააღმდეგ შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება. წინააღმდეგ შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

წინასწარი ანგარიშსწორების შემთხვევაში მიმწოდებელი ვალდებულია, წარმოადგინოს ავანსის სახით გადასახდელ თანხაზე (არაუმეტეს ხელშეკრულების საერთო ღირებულების 30%) საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

2025 წლის 10 დეკემბრამდე ხელშეკრულების ჯამური ღირებულების სრულად აუთვისებლობის შემთხვევაში მიმწოდებელი ვალდებული იქნება წარმოადგინოს აუთვისებელი თანხის 100% საავანსო საბანკო გარანტია, რომლის მოქმედების ვადაც 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას. საავანსო თანხის გადახდა მოხდება შესაბამისი საბანკო გარანტიის წარმოდგენის დღიდან არაუგვიანეს 10 (ათი) სამუშაო დღის ვადაში. აღნიშნული ვადის დარღვევის შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებელს დააკისროს პირგასამტეხლო ხელშეკრულების ჯამური ღირებულების 5%-ის ოდენობით.

გაწეული მომსახურების ანგარიშსწორება განხორციელდება ერთ ეტაპად, მხარეთა მიერ შედგენილი მიღება-ჩაბარების აქტის მიხედვით.
იმ შემთხვევაში, თუ განსაზღვრული გარემოებების გამო, მიმწოდებლის მიერ გაწეული მომსახურების ღირებულებამ შეადგინა ხელშეკრულებით გათვალისწინებულ თანხაზე ნაკლები, შემსყიდველი უნაზღაურებს მიმწოდებელს მის მიერ ფაქტიურად გაწეული მომსახურების ღირებულებას წინამდებარე ხელშეკრულებით განსაზღვრული ერთეულის ფასების შესაბამისად.

ანგარიშსწორება მოხდება ერთ ეტაპად, მიღება-ჩაბარების აქტის გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან (ასეთის არსებობის შემთხვევაში) არაუგვიანეს 10 (ათი) სამუშაო დღის ვადაში.

თამარ ბაგაშვილი, 599335183, tamaribagashvili13@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გარეშე.
9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით (დღგ-ს გარეშე). გამარჯვებულთან, თუ იგი დღგ-ს გადამხდელად არის რეგისტრირებული, ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა.
10. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა გამოიწვევს მის დისკვალიფიკაციას დაზუსტების გარეშე.

11. პრეტენდენტის მიერ სავალდებულოდ წარმოსადგენი დოკუმენტებია:

სატენდერო დოკუმენტაციის 1.3. პუნქტის თანახმად - ხარჯთაღრიცხვა (როგორც PDF-ის, ისე EXCEL - ის ფორმით);
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გა