Услуги в области тестирования, анализа и технических консультаций (Грузия - Тендер #66157513)

გრაგნილების საიზოლაციო ქაღალდის პოლიმერიზაციის ხარისხის განსაზღვრის მომსახურების შესყიდვა

სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მოცემულ "ტექნიკური დავალება"-ზე, რაც უცვლელად, დანართად დაერთვება გასაფორმებელ ხელშეკრულებას.

ტექნიკური დავალება:
სინჯის აღება და ანალიზის ჩატარება:

* სინჯის აღება ხდება ტრანსფორმატორის კაპ. შეკეთების, მიმდინარე ან პროფილაქტიკური შეკეთების დროს, რასაც ახორციელებს „შემსყიდველი“. ამ დროისათვის „შემსყიდველი“ მოამზადებს ტრანსფორმატორს სინჯის ასაღებად, (ზარხუფის/სახურავის ახდა, ზეთის ჩამოშვება ტრანსფორმატორიდან, საჭირო ლუკების გახსნა);

* ობიექტამდე მისვლა და უკან დაბრუნება ხდება „მიმწოდებლის“ ხარჯებით;

*სინჯის აღება უნდა განახორციელოს „მიმწოდებლის“ წარმომადგენელმა „შემსყიდველის“ წარმომადგენლის თანდასწრებით და დახმარებით. სინჯის აღება უნდა მოხდეს ტრანსფორმატორის ყველაზე ცხელი წერტილიდან, გრაგნილის ზედა ხვიებიდან. თუ ეს შეუძლებელია, მაშინ დაბალი ძაბვის გრაგნილის გამომყვანებიდან - რაც შეიძლება ახლოს გრაგნილიდან;

*აღებულ სინჯს „მიმწოდებელი“ ათავსებს მშრალ მინის ჭურჭელში, რომელშიც ჩაისხმება ამავე ტრანსფორმატორის ზეთი. სინჯიანი ჭურჭელი ანალიზის ჩატარებამდე უნდა მოთავსდეს მზისაგან დაცულ ადგილზე;

*სინჯის აღების და ანალიზის შემდეგ „მიმწოდებელმა“ შემსყიდველს უნდა გადასცეს ანალიზის ოქმი შესაბამისი დასკვნით, ქართულ ენაზე. ( შესაძლებელია ოქმი წარმოდგენილი იქნას ინგლისურ ენაზე. ამ შემთხვევაში მას თან უნდა ახლდეს ნოტარიურად დამოწმებული თარგმანი ქართულ ენაზე).

შესყიდვის საგანი
1. სსე-ს ქვესადგურ „ზესტაფონი-500“-ის „3ატ“-ს „ც“ ფაზის (დღეისათვის სარეზერვო) ავტოტრანსფორმატორის, ტიპი АОДЦТН167000/500/220, საქ.#92753, დამზადებული 1975წელს, ზაპოროჟიეს სატრანსფორმატორო ქარხანაში, გრაგნილების საიზოლაციო ქაღალდის პოლიმერიზაციის ხარისხის განსაზღვრა, ნარჩენი რესურსის და ავტოტრანსფორმატორის სავარაუდო, დარჩენილი საექსპლუატაციო დროის განსაზღვრა.
2.ოქმის შედგენა შესაბამისი დასკვნით, სახელმძღვანელო დოკუმენტის- РД 34.45-51.300-97
„ელექტრო დანადგარების გამოცდის ნორმები და მოცულობები“, პ.6.6.2 მიხედვით.

„მიმწოდებელმა“ პოლიმერიზაციის ხარისხის დადგენა უნდა განახორციელოს ხელშეკრულების გაფორმებიდან 2025 წლის 31 დეკემბრის ჩათვლით პერიოდში. სსე-ს წერილობითი მოთხოვნისა და ობიექტზე დაშვებიდან არაუმეტეს 20 კალენდარული დღის განმავლობაში.

ობიექტზე დაშვების უფლების მისაღებად მიმწოდებელი ვალდებულია წერილობით მიმართოს შემსყიდველს ხელშეკრულების გაფორმებიდან არაუგვიანეს 5 (ხუთი) სამუშაო დღეში.

შენიშვნა:ობიექტზე დაშვების პროცედურები გაწერილია სატენდერო დოკუმენტაციის 8.1 ველში მიმაგრებული დოკუმენტის - ,,ხელშეკრულების პროექტის" მე-4 მუხლის 4.4 პუნქტში და ,,ხელშეკრულების პროექტის" დანართი #3–ში (მომსახურების უსაფრთხოდ გაწევის წესი და პირობები).

მომსახურების გაწევის ადგილი: ქ/ს "ზესტაფონი 500" - თერჯოლის მუნიციპალიტეტი, სოფ. ღვანკითი

!!
"პრეტენდენტმა" სატენდერო წინადადებით უნდა წარმოადგინოს ინფორმაცია/დოკუმენტაცია უკანასკნელი 10 წლის განმავლობაში გაწეული ანალოგიური მომსახურების შესახებ. კერძოდ, ამ პერიოდში ჩატარებული უნდა ჰქონდეს არანაკლებ სამი ასეთი ანალიზი და უნდა წარმოადგინოს მათი ოქმები.

!!
პრეტენდენტმა სატენდერო წინადადებით უნდა წარმოადგინოს შემდეგი დოკუმენტაცია, კერძოდ, პოლიმერიზაციის ხარისხის განმსაზღვრელ ლაბორატორიას უნდა ჰქონდეს აკრედიტაცია შესაბამისი ქვეყნის აკრედიტაციის ცენტრისაგან. შესაბამისად, სატენდერო წინადადებით წარმოდგენილი უნდა იქნას აკრედიტაციის დამადასტურებელი დოკუმენტი.
სატენდერო წინადადების წარმოდგენისას დოკუმენტ(ებ)ის უცხო ენაზე წარმოდგენის შემთხვევაში, მას თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით).

(!)

პრეტენდენტმა სატენდერო წინადადებით უნდა წარმოადგინოს შემდეგი სახის ინფორმაცია/დოკუმენტაცია, კერძოდ:

2.9.1 სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილი".

2.9.2 თანხმობა ობიექტზე დაშვების პროცედურებზე. ამ მიზნით პრეტენდენტი ვალდებულია გაეცნოს სატენდერო დოკუმენტაციის 8.1 ველში მიმაგრებული დოკუმენტს - ,,ხელშეკრულების პროექტის" მე-4 მუხლის 4.4 პუნქტს და ,,ხელშეკრულების პროექტის" დანართი #3–ს (მომსახურების უსაფრთხოდ გაწევის წესი და პირობები).

იმ შემთხვევაში, თუ ტენდერში პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ განსაზღვრულ ვადაში პრეტენდენტი ვალდებული იქნება დაასაბუთოს ფასწარმოქმნის ადეკვატურობა „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით, რომელიც ადასტურებს პრეტენდენტის მიერ დაფიქსირებულ საბოლოო ფასად ტენდერით (შესაბამისი ტენდერის ნომრის მითითებით) გათვალისწინებული მომსახურების სრულად გაწევის შესაძლებლობას.

დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი;

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება და ექსპერტიზის/აკრედიტებული პირის/აუდიტის მიერ გაცემული დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე პირველი პუნქტის "დ" ქვეპუნქტის შესაბამისად.

• იმ შემთხვევაში თუ ხელშეკრულების მიმდინარეობისას მიმწოდებლის მიერ მოთხოვნილი იქნა საავანსო გადახდა, შემსყიდველი მიმწოდებელს უხდის საავანსო თანხას (სახელშეკრულებო ღირებულების არაუმეტეს 30%) მიმწოდებლის მხრიდან შესაბამისი ოდენობის უპირობო და გამოუთხოვადი სავანსო-საბანკო გარანტიის შემსყიდველ ორგანიზაციაში მატერიალური სახით წარმოდგენის შემთხვევაში, საავანსო-საბანკო გარანტიის წარმოდგენიდან 5 (ხუთი) სამუშაო დღის განმავლობაში;

• მიმწოდებლის მიერ წარმოდგენილი უპირობო და გამოუთხოვადი საავანსო-საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას;

• იმ შემთხვევაში თუ მიმწოდებელი არის დღგ-ს გადამხდელი, საავანსო-საბანკო გარანტიის შესაბამისი ანგარიშფაქტურა წარმოდგენილი უნდა იყოს ავანსის გადახდიდან 2 (ორი) სამუშაო დღეში;

• არარეზიდენტი მიმწოდებლის მიერ საავანსო-საბანკო გარანტიის ინვოისი წარმოდგენილი უნდა იყოს საავანსო-საბანკო გარანტიის წარმოდგენიდან 2 (ორი) სამუშაო დღეში;

• ავანსად გაცემული თანხა ჩაითვლება საბოლოო ანგარიშსწორებისას;

• უპირობო და გამოუთხოვადი საავანსო-საბანკო გარანტია წარმოდგენილი უნდა იყოს ქართულ ენაზე. უცხო ენაზე წარმოდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე" (დამოწმებული ნოტარიულად ან აპოსტილით).

• რეზიდენტი მიმწოდებლის მიერ უპირობო და გამოუთხოვადი საავანსო-საბანკო გარანტია წარმოდგენილი უნდა იყოს, საქართველოს ეროვნული ბანკის მიერ ლიცენზირებული საბანკო დაწესებულებიდან გაცემული შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი და/ან ბეჭედდასმული;

• არარეზიდენტი მიმწოდებლის მიერ უპირობო გამოუთხოვადი საავანსო-საბანკო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან საავანსო-საბანკო გარანტიის უცხოური ბანკიდან წარმოდგენის შემთხვევაში, მიმწოდებელმა მასთან ერთად უნდა წარმოადგინოს ზემოაღნიშნული საავანსო-საბანკო გარანტიის საფუძველზე, საქართველოს ეროვნული ბანკის მიერ ლიცენზირებული საბანკო დაწესებულების გაცემული უპირობო გამოუთხოვადი „კონტრ გარანტია" შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.

ანგარიშსწორება განხორციელდება სრულად გაწეულ მომსახურებაზე ან/და მომსახურების გაწევის დასრულებისას ფაქტიურად გაწეულ მომსახურებაზე, საბოლოო მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) საფუძველზე, ანგარიშსწორება განხორციელდება ლარში, უნაღდო ანგარიშსწორების ფორმით;

ანგარიშსწორება განხორციელდება სრულად გაწეულ მომსახურებაზე ან/და მომსახურების გაწევის დასრულებისას ფაქტიურად გაწეულ მომსახურებაზე, საბოლოო მიღება-ჩაბარების აქტის გაფორმებისა და ანაზღაურებისათვის სათანადო დოკუმენტაციის (თუ მიმწოდებელი არის დღგ–ს გადამხდელი საგადასახადო ანგარიშ-ფაქტურის გამოწერის) წარმოდგენის შემდეგ არაუგვიანეს 8 (რვა) სამუშაო დღის განმავლობაში.

თამარ გაზდელიანი, 551728728, tamar.gazdeliani@gse.com.ge

1. ალტერნატიული სატენდერო წინადადება არ მიიღება;

2. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

3. სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

4.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

5. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

6. თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარმოდგენილი ფასების ცხრილი ან განუფასებლად იქნება წარმოდგენილი, პრეტენდენტი დაექვემდებარება დისკვალიფიკაციას.

7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;

8. რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

9. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.