Автотранспортные услуги (Грузия - Тендер #66095745)

-სამგზავრო სატრანსპორტო საშუალებების დაქირავება მძღოლთან ერთად, სავარაუდო ღირებულებით 15000 ლარი.

1. მომსახურების მომწოდებელმა საჭიროების შემთხვევაში უნდა უზრუნველყოს ერთი დღის მანძილზე (12 საათი), 80 მგზავრის ერთდროულად ტრანსპორტირება;
2. ავტოტრანსპორტს უნდა ჰქონდეს გავლილი ტექნიკური დათვალიერება. ავტოსატრანსპორტო საშუალებას უნდა ჰქონდეს გამართული გათბობისა და გაგრილების სისტემა;
3. მომსახურების მთელი პერიოდის განმავლობაში მომწოდებელმა უნდა აიღოს პასუხისმგებლობა ავტომანქანის ტექნიკურ გამართულობაზე. მომსახურების გაწევის პერიოდში ხარვეზის აღმოჩენის შემთხვევაში მომწოდებელმა ოპერატიულად (გონივრულ ვადაში) უნდა გადაჭრას აღნიშნული პრობლემა და სწრაფად განახორციელოს მომსახურების გაწევა;
4. მგზავრთა დროულად და უსაფრთხოდ გადაყვანის პასუხისმგებლობა ეკისრება მომწოდებელს;
5. მომწოდებელმა სატრანსპორტო მომსახურების გაწევისას, საჭიროების შემთხვევაში თავისი ხარჯებით უნდა მოახდინოს მძღოლის სასტუმროს და კვების ხარჯების დაფინანსება. ავტომანქანის 8 საათზე მეტი დროის მოცდენის შემთხვევაში, მიზანშეწონილად მიმაჩნია თითოეულ საათზე მომსახურების მომწოდებელს აუნაზღაურდეს 9 (ცხრა) ლარი.

მომსახურების მიწოდების ვადა შეადგენს ხელშეკრულების გაფორმებიდან 2025 წლის 31 დეკემბრის ჩათვლით.

მომსახურება გაწეულ უნდა იქნას წინამდებარე ტექნიკური დავალების და შემსყიდველის მიერ მითითებული მარშუტის შესაბამისად.
მიმწოდებელი მომსახურებას განახორციელებს საქართველოს ტერიტორიაზე, შემსყიდველის მოთხოვნის შესაბამისად.

მოითხოვება 2022 წლის პირველი იანვრიდან მოცემული ტენდერის გამოცხადების დღემდე, მგზავრთა გადაყვანის მომსახურების გამოცდილება დანართი -ის მიხედვით. მომწოდებელს მოეთხოვება დანართის სრულად წარმოდგენა ელექტრონული სისტემის მეშვეობით.

ინფორმაცია მატერიალურ-ტექნიკური ბაზის შესახებ (წარმოდგენილი ინფორმაციით პრეტენდენტი მიუთითებს საჭირო ავტოსატრანსპორტო საშუალებების რაოდენობიდან რამდენია მის საკუთრებაში და რამდენია მოქმედი კანონმდებლობის შესაბამისად იჯარით/ქირავნობით/თუ სხვა ფორმით სარგებლობაში მომსახურების გაწევის სრული ვადის გათვალისწინებით). წარმოდგენილი უნდა იქნას საკუთრების დამადასტურებელი დოკუმენტების ასლები, სახელშეკრულებო შემთხვევაში – ხელშეკრულების ასლ(ებ)ი, რომელიც ერთი თვით უნდა აღემატებოდეს მომსახურების დასრულების ვადას.

მომწოდებელმა უნდა უზრუნველყოს- სატრანსპორტო საშუალების ყოველდღიურად საექსპლუატაციოდ გამართული მდგომარეობა.
მგზავრთა რაოდენობის შესაბამისად საჭირო რაოდენობის სატრანსპორტო უზრუნველყოფა მომწოდებელმა უნდა განახორციელოს ზესტაფონის მუნიციპალიტეტში შემსყიდველის მიერ მითითებულ ადგილას, რისთვისაც მიმწოდებელი 1 დღით ადრე იქნება ინფორმირებული.(სატელეფონო ზარით ან სხვა საშუალებით)
-იმ შემთხვევაში თუ შემსყიდველი არ დაისაჭიროებს მომსახურეობისთვის განკუთვნილ ღირებულებას სრულად, პრეტენდენტის პრეტენზია გათვალისწინებული არ იქნება.
- გაზის აპარატურიანი სატრანსპორტო საშუალებები არ დაიშვება. გაზის აპარატურიანი ავტოტრანსპორტის წარმოდგენის შემთხვევაში შემსყიდველი ორგანიზაცია უფლებამოსილია მოახდინოს პრეტენდენტის დისკვალიფიკაცია.
-იმ შემთხვევაში, როდესაც მიმწოდებელი ვეღარ ასრულებს წინამდებარე ხელშეკრულებით გათვალისწინებულ მოვალეობას, აღნიშნული განიხილება, როგორც ხელშეკრულების არაჯეროვანი შესრულება და შემსყიდველ ორგანიზაციას უფლება აქვს შეწყვიტოს ხელშეკრულება, რის შედეგადაც მიმწოდებელს დაეკისრება შემსყიდველი ორგანიზაციის სასარგებლოდ საჯარიმო თანხის გადახდა, კონკრეტული ხელშეკრულებით შესასყიდი (დარჩენილი) მომსახურების ღირებულების 20%-ის ოდენობით.

ელექტრონული ტენდერის ჩატარების წესის დამტკიცების შესახებ ,,სახელმწიფო შესყიდვების სააგენტოს თავმჯდომარის 2017 წლის 14 ივლისის #12 ბრძანების მე–18 მუხლის საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%–ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, შემსყიდველის მიერ განსაზღვრულ ვადაში ფასწარმოქმნის ადექვატურობა უნდა დაასაბუთოს ხელშეკრულებებით ან მიღება-ჩაბარების აქტების წარმოდგენით ან სხვა დოკუმენტით
წარმოდგენილი დოკუმენტები უნდა ადასტურებდეს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

-ანგარიშსწორება მოხდება ეტაპობრივად ფაქტობრივად გაწეული მომსახურების და ინსპექტირების ჯგუფის დადებითი დასკვნის წარმოდგენის მიხედვით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ტარიელსახელაშვილი, 599247158, tariel.saxelashvili@gmail.com სატენდერო კომისიის აპარატის წევრი :
გიორგი ამილახვარი 551187719.

1. -სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს დღგ-ს გარეშე.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი .
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ: ფასების ცხრილი, ინფორმაცია საკუთარი გამოცდილების შესახებ და სხვა პირობები.) დაამოწმოს/დაადასტუროს ელექტრონულად
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს ელექტრონულად
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს ელექტრონულად.