Инженерные услуги (Грузия - Тендер #66065307)

ქ. თბილისის მთაწმინდის რაიონის ტერიტორიაზე შესასრულებელი სამუშაოებისათვის საპროექტო დოკუმენტაციის, დეფექტური აქტების და საგზაო მოძრაობის ორგანიზაციის სქემის შედგენა.

1.2.1 საპროექტო დოკუმენტაციის შედგენა ითვალისწინებს:

- ქ. თბილისის მთაწმინდის რაიონის ტერიტორიაზე წყალ-კანალიზაციის, სანიაღვრე და სადრენაჟე ქსელების მოწყობა/შეკეთების სამუშაოების საპროექტო დოკუმენტაციის შედგენა.
პროექტი უნდა მოიცავდეს - ტოპოგადაღება 1:500 მასშტაბში WGS 84 სისტემაში UTM პროექციაში, გეგმურ სიმაღლური წერტილების (რეპერის) დამაგრება X,Y,H - კოორდინატების განსაზღვრა, რეპერების დამაგრების უწყისი, გეოლოგიური დასკვნა და ჰიდროგეოლოგიური დასკვნა (საჭიროების შემთხვევაში) მუშა ნახაზები, გეგმები, ჭრილები, სქემები, ობიექტის ფოტოფიქსაცია, ადგილმდებარეობის ორთოფოტო კოორდინაცია ბადით, მშენებლობის ორგანიზაციის პროექტი, მოცულობითი უწყისი, ხარჯთაღრიცხვა (როგორც რესურსული აგრეთვე გამსხვილებული ვერსიები) და მოქმედი სამშენებლო ნორმების და წესებით გათვალიწინებულ სხვა მოთხოვნებს.

- ქ. თბილისის მთაწმინდის რაიონის ტერიტორიაზე მდებარე საინჟინრო ნაგებობების (გრუნტის დამჭერი კედლები, საყრდენი კედლები და სხვა), სკვერების, სპორტული მოედნების, ფეხით მოსიარულეთა სავალი ნაწილის მოწყობა/შეკეთების სამუშაოების საპროექტო დოკუმენტაციის შედგენა.
პროექტი უნდა მოიცავდეს - ტოპოგადაღება 1:500 მასშტაბში WGS 84 სისტემაში UTM პროექციაში, გეგმურ-სიმაღლური წერტილების დამაგრება X,Y,H კოორდინატების განსაზღვრა, რეპერების დამაგრების საწყისი, გეოლოგიური დასკვნა (საჭიროების მიხედვით), მუშა ნახაზები, გეგმები, ჭრილები, სქემები, ობიექტის ფოტოფიქსაცია, ადგილმდებარეობის ორთოფოტო კოორდინატთა ბადით, მშენებლობის ორგანიზაციის პროექტი, მოცულობითი უწყისი, ხარჯთაღრიცხვა (როგორც რესურსული აგრეთვე გამსხვილებული ვერსიები) და მოქმედი სამშენებლო ნორმების და წესებით გათვალიწინებულ სხვა მოთხოვნებს.
სპორტულ მოედნის ან სკვერის შემთხვევაში ემატება ვერტიკალური გეგმები, დენდროლოგია, ელექტროობა, წყალკანალიზაცია, სუსტი დენები, აზომვითი არქიტექტურული ნახაზები 1:100 მასშტაბით და მოქმედი სამშენებლო ნორმების და წესებით გათვალიწინებული სხვა მოთხოვნები.

- ქ. თბილისის მთაწმინდის რაიონის ტერიტორიაზე მდებარე ავარიული შენობების გამაგრების (წინმსწრებ-დამზღვევი ღონისძიებები) და სადემონტაჟო სამუშაოების საპროექტო დოკუმენტაციის შედგენა.
პროექტი უნდა მოიცავდეს - ნაგებობის აზომვა, მუშა ნახაზები, გეგმები, ჭრილები, სქემები გეოლოგიური და ჰიდროგეოლოგიური დასკვნა (საჭიროების მიხედვით), მშენებლობის ორგანიზაციის პროექტი, მოცულობითი უწყისი, ხარჯთაღრიცხვა (როგორც რესურსული აგრეთვე გამსხვილებული ვერსიები) აზომვითი არქიტექტურული ნახაზი (საჭიროების შემთხვევაში), ფოტოფიქსაცია და მოქმედი სამშენებლო ნორმების და წესებით გათვალიწინებულ სხვა მოთხოვნებს.

1.2.2 დეფექტური აქტების (საჭიროების შემთხვევაში ხარჯთაღრიცხვით) დოკუმენტაციის შედგენა ითვალისწინებს:
- ქ. თბილისის მთაწმინდის რაიონის ტერიტორიაზე მდებარე დაზიანებული ასფალტის, ქვაფენილის საფარიანი ქუჩების და შიდა ეზოების შეკეთების სამუშაოების დეფექტური აქტების და მოცულობათა უწყისების (საჭიროების შემთხვევაში ხარჯთაღრიცხვით, როგორც რესურსული, აგრეთვე გამსხვილებული ვერსიები) შედგენა შესაბამისი ესკიზით, საგზაო სამოსის კონსტრუქციით, წყალამრიდი ნაგებობებით, ფოტოფიქსაციით.
- ქ. თბილისის მთაწმინდის რაიონის ტერიტორიაზე წყალ-კანალიზაციის, სანიაღვრე და სადრენაჟე ქსელების, ფეხით მოსიარულეთა სავალი ნაწილის, სკვერების, სპორტული მოედნების და მცირე ზომის საინჟინრო ნაგებობების მოწყობა/შეკეთების სამუშაოების დეფექტური აქტების და მოცულობათა უწყისების (საჭიროების შემთხვევაში ხარჯთაღრიცხვით, როგორც რესურსული, აგრეთვე გამსხვილებული ვერსიები) შედგენა.

წარმოდგენილი დოკუმენტაცია უნდა შეიცავდეს - ტოპოგადაღება 1:500 მასშტაბში WGS 84 სისტემაში UTM პროექციაში, გეგმურ სიმაღლური წერტილების (რეპერის) დამაგრება X,Y,H - კოორდინატების განსაზღვრა, რეპერების დამაგრების უწყისი, მუშა ნახაზები, გეგმები, ჭრილები, სქემები, ობიექტის ფოტოფიქსაცია, ადგილმდებარეობის ორთოფოტო კოორდინაცია ბადით, მშენებლობის ორგანიზაციის პროექტი, მოცულობითი უწყისი, (საჭიროების შემთხვევაში ხარჯთაღრიცხვით, როგორც რესურსული, აგრეთვე გამსხვილებული ვერსიები) და მოქმედი სამშენებლო ნორმების და წესებით გათვალიწინებულ სხვა მოთხოვნებს.
შემსყიდველის მიერ გაცემული დავალებების შესაბამისად, ხარჯთაღრიცხვის (როგორც რესურსული, აგრეთვე გამსხვილებული ვერსიები) წარმოდგენის საჭიროება სამშენებლო ობიექტის ყოველ კონკრეტული მისამართზე მიმწოდებელს ეცნობება წერილობით.

1.2.3 საგზაო მოძრაობის ორგანიზაციიის სქემის შედგენა.

1.2. 4 გასაწევი მომსახურების პირობები:
- შემსყიდველის მიერ მითითებულ ობიექტებზე გასვლა, აღმოჩენილი დეფექტების აღმოფხვრის მიზნით ჩასატარებელი სამუშაოების მოცულობების დათვლა, შესაბამისი ესკიზის შედგენა;
- აღმოჩენილი დეფექტების აღმოფხვრის მართლზომიერად განხორციელების მიზნით ადგილობრივ მოსახლეობასთან ურთიერთობა, ინფორმაციის მოპოვება და მათთან მიზნობრივი კოორდინირება;
- შესასრულებელი სამუშაოების შედგენისას მიმწოდებელმა უნდა იხელმძღვანელოს ქვეყანაში მოქმედი სამშენებლო ნორმებითა და წესებით. ხარჯთაღრიცხვები შედგენილი უნდა იქნას საქართველოს მთავრობის 2014 წლის 14 იანვრის N52 და N55 დადგენილებებით გათვალისწინებული სამშენებლო ნორმების, წესების და ტექნიკური რეგულირების სხვა დოკუმენტების მოთხოვნათა შესაბამისად (როგორც რესურსული აგრეთვე გამსხვილებული ვერსიები)
- საინფორმაციო მონაცემთა ბაზის წარმოება გამოვლენილი დეფექტების (ფოტომასალის დართვით) და ტექნიკური დავალების აღნუსხვის, დაარქივების მიზნით და შემდგომ ამ ბაზის შემსყიდველისათვის გადაცემა როგორც ბეჭდური, ასევე ელექტრონული ფორმით.
- გეოლოგიური სამუშაოების მსვლელობას უნდა დაესწროს შემსყიდველის ინსპექტირების ჯგუფი.
- საავტორო ზედამხედველობა სამშენებლო სამუშაოების განხორციელების პროცესში, კონსულტაციების გაწევა და საჭიროების შემთხვევაში საპროექტო-სახარჯთაღრიცხვო დოკუმენტაციის კორექტირება შემჭიდროებულ ვადებში შემსყიდველთან შეთანხმებით;

1.2. 5 გასათვალისწინებელი პირობები:
- წყალ-კანალიზაციის, სანიაღვრე და სადრენაჟე ქსელების, საინჟინრო ნაგებობების (კონსტრუქციული ნაწილის ან/და გეოლოგიის ან/და ხარჯთაღრიცხვის და სხვა) საპროექტო დოკუმენტაციის წარმოდგენის შემთხვევაში, მიმწოდებელი ვალდებულია წარმოადგინოს ასევე, საექსპერტო ორგანიზაციის დადებითი დასკვნა (კონსტრუქციული ნაწილი ან/და გეოლოგია ან/და ხარჯთაღრიცხვა და სხვა);

- ექსპერტიზის მომსახურების ღირებულების ანაზღაურებას უზრუნველყოფს მიმწოდებელი, რომლის ღირებულებაც გათვალისწინებული უნდა იქნეს ფასების ცხრილის შესაბამისი პოზიციის ერთეულის ფასში;

- საექსპერტო დასკვნა გაცემული უნდა იქნეს სსიპ „ლევან სამხარაულის სახელობის ექსპერტიზის ეროვნული ბიურო"-ს ან აკრედიტაციის ეროვნულ ცენტრში აკრედიტებული პირის მიერ;

1.2.6 წარმოდგენილ დოკუმენტაციაში დეფექტების აღმოჩენის შემთხვევაში, შემსყიდველი უფლებამოსილია დოკუმენტაცია დასაზუსტებლად დაუბრუნოს მიმწოდებელს. ასეთ შემთხვევაში, შესაძლებელია განისაზღვროს შესყიდვის ობიექტის მოწოდების დამატებითი ვადა;

შესყიდვის ობიექტის მიწოდება მოხდება ეტაპობრივად, შემსყიდველის მიერ გაცემული დავალებების შესაბამისად. ხელშეკრულებით გათვალისწინებული მომსახურების გაწევის საბოლოო ვადაა 2025 წლის 31 დეკემბერი

ქ. თბილისი, ძმ.ზუბალაშვილების ქ. N20

პრეტენდენტის მიერ 2022 წლის 1 იანვრიდან გაწეული ანალოგიური მომსახურების (საპროექტო დოკუმენტაციის ან/და დეფექტური აქტების შედგენა) საერთო ღირებულება არ უნდა იყოს 50000 (ორმოცდაათი ათასი) ლარზე ნაკლები, მათ შორის შედგენილი უნდა ქონდეს საგზაო სამუშაოებზე არანაკლებ 25 000 ლარის ღირებულების დეფექტური აქტი ან/და პროექტი და წყალ/კანალიზაციის ან/და სანიაღვრე/სადრენაჟე ქსელების სამუშაოებზე არანაკლებ 25 000 ლარის ღირებულების დეფექტური აქტი ან/და პროექტი.

აღნიშნული ინფორმაცია მოცემული უნდა იყოს დანართი N2-ში რომელიც სატენდერო წინადადებასთან ერთად ატვირთული უნდა იქნას ერთიან ელექტრონულ სისტემაში.

თუ მომსახურება არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ამ შემთხვევაში უნდა აიტვირთოს მომსახურების გაწევის დამადასტურებელი შემდეგი დოკუმენტაცია: ხელშეკრულება, მიღება-ჩაბარების აქტი გაწეული მომსახურების ღირებულების მითითებით და გაწეულ მომსახურებაზე გადახდილი თანხის დამადასტურებელი დოკუმენტი (დადასტურებული საგადასახადო ანგარიშ-ფაქტურა ან საგადახდო დავალება), წარმოდგენილი უნდა იქნეს დამკვეთის მიერ შესყიდვების ერთიანი ელექტრონული სისტემის გამოყენებით გაფორმებული ხელშეკრულების ელექტრონული ტენდერის ნომერი ან CMR ნომერი (ასეთის არსებობის შემთხვევაში) რის საფუძველზეც მოხდა ქვეკონტრაქტის გაფორმება.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად შეადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულის გათვალისწინებით, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში, არ მოითხოვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში

ანგარიშსწორება მოხდება ადგილობრივი ბიუჯეტის სახსრებით, მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში

ხათუნა შიუკაშვილი, 599696678, kh.shiukashvili@tbilisi.gov.ge ტექნიკურ საკითხებთან დაკავშირებით: ინფრასტრუქტურული პროექტების მართვისა და პროექტირების განყოფილების უფროსი - მიხეილ ლეჟავა ტელ: 577 77 09 99

1.სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5.სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
6.შემსყიდველ ორგანიზაციაში წარმოსადგენი ყველა დოკუმენტის ნამდვილობაზე პასუხისმგებელია პრეტენდენტი.
7. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8.სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.