Инженерные услуги (Грузия - Тендер #66002969)

მცხეთის მუნიციპალიტეტის სოფ. ძველ ქანდაში, საკადასტრო კოდით 72.09.47.219 არსებულ მიწის ნაკვეთზე, კულტურის სახლის მშენებლობის დეტალური საპროექტო-სახარჯთაღრიცხვო დოკუმენტაციის სახელმწიფო შესყიდვა

1. ტექნიკური დავალება
წინამდებარე დავალება მოიცავს სოფ. ძველ ქანდაში, სოფლის საჯარო სკოლის შენობის მიმდებარედ, მცხეთის მუნიციპალიტეტის ბალანსზე მყოფ 330კვ.მ. მიწინ ნაკვეთზე ს.კ. 72.09.47.219, მდებარეობს მცირე საკედლე ბლოკით და სილიკატური აგურით ნაშენი ამორტიზირებული, უსახური ძველი სოფლის სკოლის შენობა, რომელიც ექვემდებარება სრულ დემონტაჟს, ვარგისი მასალის ადგილზე დასაწყობებით, ხოლო გამონთავისუფლებულ ფართზე უნდა მოხდეს თანამედროვე სტანდარტების შესაბამისი კულტურის სახლის მშენებლობა.
- საპროექტო ფართის მიწის ვაკისის ფარგლებში შესაძლოა განთავსებული იყოს მიწისქვეშა კომუნიკაციები (წყალსადენი, კანალიზაცია, გაზსადენი, მაღალი ძაბვის კაბელები, გათბობის,
კავშირგაბმულობის ქსელები და სხვა), რაზეც საჭირო გახდება სრულყოფილი გამოკვლევა და შესაბამისი ღონისძიებების განხორციელება, შესაბამისი ტექნიკური პირობების გათვალისწინებით. საჭიროების შემთხვევაში კომუნიკაციების გადატანის პროექტის მომზადება, რომელიც უნდა შეთანხმდეს შესაბამის ბენეფიციართან. ასევე, საპროექტო დოკუმენტაცია უნდა მოიცავდეს ინფორმაციას, უცვლელად დატოვებული მიწისქვეშა კომუნიკაციების ვარგისიანობის პერიოდის შესაბამისობას, ახლად მოწყობილი პროექტების საექსპლუატაციო ვადასთან. პროექტის შემუშავებისას გათვალისწინებული უნდა იყოს საპროექტო ობიექტების არქიტექტურული იერსახის ადგილმდებარეობასთან შესაბამისობა, მაქსიმალურად უნდა იყოს უზრუნველყოფილი შენობის არსებულ ლანდშაფტში ინტეგრირება, აღნიშნული საპროექტო ობიექტი არ უნდა იყვნენ ამოვარდნილნი კონტექსტიდან. გათვალისწინებული უნდა იყოს, ენერგოეფექტური მშენებლობის სტანდარტების მოთხოვნები, თანამედროვე მასალების გამოყენება, აღნიშნული ტერიტორიისთვის დამახასიათებელი კლიმატური ფაქტორები და შესაბამისი დატვირთვები შენობაზე, რომელიც განისაზღვრება სამშენებლო ნორმებისა და წესების „სამშენებლო კლიმატოლოგია“ (პნ 01.05-08) მონაცემების საფუძველზე. კულტურის სახლში უნდა განთავსდეს შემდეგი დანიშნულების სათავსები (დაზუსტდეს ადგილზე პროექტანტის მიერ, შემსყიდველთან შეთანხმებით): ადმინისტრაციული ნაწილი საოფისე ოთახებით, საცეკვაო დარბაზი თავისი გასახდელებით და სველი წერტილებით ადმინისტრაციისთვის, ქალებისთვის და მამაკაცებისთვის, ასევე შეზღუდული შესაძლებლობების მქონე (შშმ) ვიზიტორებისთვის, სხვადასხვა საზოგადოებრივი დანიშნულების სივრცე, დამლაგებლის და დაცვის ოთახები და სხვა დამხმარე სათავსები. კულტურის სახლმა უნდა შეასრულოს ისტორიული, კულტურული, შემეცნებით-საგანმანათლებლო და სარეკრეაციო ცენტრის როლი. პროექტის შემუშავებისას გათვალისწინებული უნდა იყოს თანამედროვე მასალებისა და კონსტრუქციების გამოყენება. წარმოდგენილი უნდა იყოს გამოყენებული მასალების სერტიფიკატები და გარანტიები.
დასაპროექტებელია შენობის სივრცეების ზონირება, რომელიც ადაპტირებული უნდა იყოს თანამედროვე მოთხოვნების და სტანდარტების შესაბამისად. პროექტით გათვალისწინებული უნდა იყოს გარე ინფრასტრუქტურის- ეზოს შემოღობვა, კეთილმოწყობა (გარე განათება, სკამები, ნაგვის ურნები, მანიშნებლები და ა.შ.). არსებულ სანიაღვრე არხზე, უსაფრთხოების მიზნით, მოსაწყობია გადასასვლელები, აუცილებელია დაკონკრეტდეს სპეცტრანსპორტის (სახანძრო მანქანის, სასწრაფოს და ა.შ.) წვდომისა და გაჩერების ადგილები. შენობის გარშემო გათვალისწინებული უნდა იყოს შემოსავლელი გზა სპეცტრანსპორტის შეუფერხებელი წვდომისთვის შენობის ყველა ფასადზე.
პროექტი მომზადებული უნდა იყოს საქართველოში მოქმედი სამშენებლო ნორმებისა და წესების დაცვით, ასევე ევროსტანდარტების მოთხოვნების შესაბამისად. პროექტის მომზადებისას გათვალისწინებული უნდა იყოს მინიმუმ მოქმედი სამშენებლო წესებისა და ნორმების მოთხოვნები (მაგრამ არ შემოიფარგლება):
- საქართველოს მთავრობის დადგენილება №41 2016 წლის 28 იანვარი ქ. თბილისი ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე; - საქართველოს მთავრობის დადგენილება №57 2009 წლის 24 მარტი ქ. თბილისი მშენებლობის ნებართვის გაცემის წესისა და სანებართვო პირობების შესახებ;
- СП 118.13330.2012 Общественные Здания и Сооружения;
- საინჟინრო კომუნიკაციების პროექტირებისას გათვალისწინებული უნდა იყოს სამშენებლო წესების და ნორმების მოთხოვნები (მაგრამ არ შემოიფარგლება):
- СНиП 41-01-2003 Отопление, вентиляция и кондиционирование;
- СНиП 2.04.01-85* Внутренний водопровод и канализация зданий; Проектирование и монтаж электроустановок жилых и общественных зданий;
- ПУЭ Правила устройства электроустановок;
-ППБ-0-148-87. Правила пожарной безопасности для спортивных сооружений; СП 1.13130.2009, СП 2.13130.2012, СП 4.13130.2009. Системы Противопожарной Защиты; - СП 52.13330.2011. Естественное и искусственное освещение Актуализированная редакция СНиП 23-05- 95*
პროექტი უნდა მოიცავდეს (არ შემოიფარგლდებოდეს), შემდეგ საპროექტო დოკუმენტაციას და ნახაზებს:
არქიტექტურული ნაწილი: - არქიტექტურული ნაწილის საერთო განმარტებითი ბარათი, რომელიც უნდა მოიცავდეს ინფორმაციას, როგორც გენერალური გეგმის, ასევე ცალკეული შენობა-ნაგებობების შესახ;
- საპროექტო ტერიტორიის ორთო ფოტოსურათი;
- საპროექტო ობიექტის მიმდებარე ტერიტორიის ტოპოგრაფიული გადაღება (ტოპოგეგმა UTM კოორდინატთა სისტემით მ. 1:200) საკადასტრო საზღვრებითა და საინჟინრო ქსელების დატანით;
- არსებული სიტუაციის ამსახველი ფოტომასალა;
- ობიექტის სიტუაციური გეგმა წვრილ მასშტაბში დასახლების ინფრასტრუქტურის ჩვენებით მასშტაბი (1:5000 ან 1:10 000);
- ობიექტის გენერალური გეგმა მსხვილ მასშტაბში საჭიროების შემთხვევაში (1:200 ან 1:500); - დასაგეგმარებელი შენობა-ნაგებობის/ების სამ განზომილებიანი მაღალი ხარისხის ვიზუალიზაცია (ე.წ. რენდერები მაღალი რეზოლუციით);
- დასაგეგმარებელი შენობა-ნაგებობის ფასადები, მასშტაბი (1:50 ან 1:100);
- დასაგეგმარებელი შენობა-ნაგებობის ფუნქციონალური გეგმები სათავსების დანიშნულების მითითებით, მასშტაბი (1:50 ან 1:100);
- დასაგეგმარებელი შენობა-ნაგებობის გრძივი და განივი ჭრილები, მასშტაბი (1:50 ან 1:100);
- შენობა-ნაგებობის სახურავის გეგმები წყლის გადაყვანის ორგანიზების ჩვენებით, მასშტაბი (1:50 ან 1:100), წყალგადამყვანების ფრაგმენტების დეტალური ნახაზები და კვანძები (მასშტაბი 1:5, 1:10 ან 1:20), სამუშაოების და მასალების რაოდენობრივი სპეციფიკაციები (საჭიროების შემთხვევაში);
- დასაგეგმარებელი შენობა-ნაგებობის იატაკებისა და ჭერების მოპირკეთების გეგმები მოპირკეთების ტიპების ჩვენებით, მასშტაბი (1:50 ან 1:100), იატაკების და ჭერების ტიპების ფრაგმენტების დეტალური ნახაზები და კვანძები (მასშტაბი 1:5, 1:10 ან 1:20), სამუშაოების და მასალების რაოდენობრივი სპეციფიკაციები;
- დასაგეგმარებელი შენობა-ნაგებობის ღიობების მარკირების გეგმები და კარ-ფანჯრების ტიპები მასშტაბი (1:50 ან 1:100), კარ-ფანჯრების ტიპების დეტალური ნახაზები (მასშტაბი 1:5, 1:10 ან 1:20) ნაკეთობების რაოდენობრივი სპეციფიკაციები;
- საპროექტო შენობა-ნაგებობის არქიტექტურული დეტალებისა და კვანძების ნახაზები (კიბეები, მოაჯირები, სახურავის კვანძები და სხვა დეტალები) მასშტაბი (1:5, 1:10 ან 1:20); - შენობის საევაკუაციო გეგმები მასშტაბი (1:50 ან 1:100).
კონსტრუქციული ნაწილი:
- სრული გეოლოგიური კვლევა, ტოპოგრაფიულ გეგმაზე გაბურღვის წერტილების დატანით, ნიადაგის ჭრილების ნახაზები ფენების მითითებით, ლაბორატორიული კვლევის შედეგები და რეკომენდაციები;
- კონსტრუქციული ნაწილის განმარტებითი ბარათი, სადაც აღწერილი უნდა იყოს საპროექტო გადაწყვეტილებები, რეკომენდაციები, კონსტრუქციული გადაწყვეტილებების დასაბუთება, სათანადო ანგარიშები, დატვირთვების და საანგარიშო მონაცემების მითითებით;
- კონსტრუქციული სამუშაო ნახაზები (სქემები, დეტალები, კვანძები (მ. 1:100, 1:50, 1:25); - სამუშაოებისა და მასალების რაოდენობრივი სპეციფიკაციები.
ინტერიერის ნაწილი:
- ინტერიერის ნაწილის საერთო განმარტებითი ბარათი, რომელიც უნდა მოიცავდეს ინფორმაციას დასაგეგმარებელი სივრცეების შესახებ;
- იატაკის მოპირკეთების გეგმები, ჭერების რეფლექტური გეგმები მათზე ყველა საინჟინრო სისტემის ელემენტებისა თუ სხვა კომპონენტების ზუსტი ადგილმდებარეობის მითითებით (1:50 ან 1:100);
- მოსაპირკეთებელი მასალების სპეციფიკაცია;
ელექტრული ნაწილი - ელექტრული ნაწილის განმარტებითი ბარათი, რომელშიც მოცემული იქნება როგორც მთლიანად ობიექტის, ასევე ცალკეული შენობა-ნაგებობის ელექტოენერგიაზე მოთხოვნილება, დაგეგმარებული ელ. ქსელების კატეგორია, ტიპი და ელ. გაყვანილობის მონტაჟის წესი. აქვე უნდა იყოს მოცემული ასევე დამიწების კონტურების გაანგარიშება;
- შენობა-ნაგებობის განათების შიდა ქსელების გეგმები (მასშტაბი 1:50, 1:100), სამუშაოებისა და მასალების რაოდენობრივი სპეციფიკაციები;
- ობიექტის შიდა-სამოედნო ელ. ქსელების გეგმები (ძალოვანი ქსელი, ტერიტორიის განათება, მეორადი დამიწების ქსელი), საკაბელო ტრანშეების ჭრილები, სამუშაოებისა და მასალების რაოდენობრივი სპეციფიკაციები;
სუსტდენიანი სისტემები:
- სუსტდენიანი სისტემების განმარტებითი ბარათები, რომელშიც მოცემული იქნება დაგეგმარებული ქსელების (სატელეფონო, კომპიუტერული, სახანძრო სიგნალიზაციის, დაშვების კონტროლისა და ვიდეო მეთვალყურეობის ქსელები) დახასიათება.
- შენობა-ნაგებობების შიდა კომპიუტერული ქსელების გეგმები (მასშტაბი 1:50, 1:100), სამუშაოებისა და მასალების რაოდენობრივი სპეციფიკაციები;
სანტექნიკური ნაწილი: - სანტექნიკური ნაწილის განმარტებითი ბარათი, რომელშიც მოცემული იქნება დაგეგმარებული ქსელების დახასიათება. აქვე მითითებული იქნება მთლიანად ობიექტის მოთხოვნილება სასმელ ცივ და ცხელ წყალზე (დღე-ღამის, წუთობრივი და წამობრივი ხარჯი) და შესაბამისი საკანალიზაციო ჩამონადენების რაოდენობა. მოცემული იქნება ასევე მოთხოვნილება ხანძარქრობისათვის საჭირო ტექნიკურ წყალზეც;
- სანტექნიკური მოწყობილობების განლაგების გეგმები (მასშტაბი 1:50 ან 1:100), სამუშაოებისა და მასალების რაოდენობრივი სპეციფიკაციები;
- შენობა-ნაგებობების შიდა ცივი და ცხელი წყალსადენის ქსელების გეგმები (მასშტაბი 1:50 ან 1:100), აქსონომეტრიული სქემები, სამუშაოებისა და მასალების რაოდენობრივი სპეციფიკაციები;
- დასაგეგმარებელი ობიექტის შიდასამოედნო სანტექნიკური ქსელების (სასმელი წყალი, სახანძრო წყალსადენი, სარწყავი სისტემა, ფეკალური კანალიზაცია, სანიაღვრე კანალიზაცია) გეგმები (მასშტაბი 1:200, 1:500). სამუშაოებისა და მასალების რაოდენობრივი სპეციფიკაციები;
- შიდა სამოედნო სანტექნიკური ქსელების გრძივი პროფილები, ტრანშეების ჭრილები, საკონტროლო და საკომუნიკაციო ჭების ნახაზები და სქემები, წყლის ხარჯის გამზომი კვანძის სქემა. სამუშაოებისა და მასალების რაოდენობრივი სპეციფიკაციები;
- ინვენტარის, აპარატურის, მოწყობილობა-დანადგარების სპეციფიკაციები.
- შენობის გათბობა, გაგრილების, ვენტილაციის პროექტი;
- მშენებლობის ორგანიზაციის პროექტი.
სამუშაოთა წარმოების კალენდარული გეგმა-გრაფიკი.
- მშენებლობის ორგანიზაციის პროექტის განმარტებითი ბარათი, რომელშიც მოცემული იქნება ინფორმაცია ობიექტის მშენებლობის ხანგრძლივობის, ენერგო, მატერიალურ და შრომით რესურსებზე, სასაწყობო და საყოფაცხოვრებო ფართებზე მოთხოვნილების შესახებ. განმარტებით ბარათში მოყვანილი იქნება აგრეთვე აუცილებელი უსაფრთხოების ტექნიკისა და გარემოსდაცვითი ღონისძიებანი;
- ობიექტის მშენებლობის კალენდარული და ფინანსური გრაფიკი.
სახარჯთაღრიცხვო დოკუმენტაცია მომზადდეს მშენებლობის შემფასებელთა კავშირის მიერ 2024წ. გამოცემული ,,მეთოდური ცნობარი“-ს, (მშენებლობის და სარემონტო სამუშაოების სახარჯთაღრიცხვო ფასების გაანგარიშების შესახებ) მიხედვით. სამშენებლო რესურსების საბაზრო ან მშენებლობის შემფასებელთა კავშირის ფასთა კრებულით, მიმდინარე დონეზე.
- პრეტენდენტმა სრული საპროექტო-სახარჯთაღრიცხვო დოკუმენტაცია უნდა წარმოადგინოს ცალ-ცალკე 4 ეგზემპლარად (ალბომების სახით A4 და A3 ფორმატში).
სრული საპროექტო დოკუმენტაციის ელ. ვერსია თვითოეულ პროექტზე (CD), (PDF) (DWG) ან ArchiCAD ან AutoCAD ფორმატში, აგრეთვე ხარჯთაღრიცხვა და მოცულობების უწყისი Excel- ფორმატში.
მიმწოდებელმა უნდა უზრუნველყოს პროექტების განხორციელების პროცესში (საპროექტო დოკუმენტაციის მიხედვით კონსულტაციის გაწევა, საჭიროებისამებრ საპროექტო დოკუმენტაციის კორექტირება) სამშენებლო სამუშაოების მიმდინარეობის დასრულებამდე.
იმ შემთხვევაში, თუ სამუშაოების შესრულების პროცესში აღმოჩნდა საპროექტო-სახარჯთაღრიცხვო დოკუმენტაციით გათვალისწინებული დამატებითი სამუშაოების
შესრულების აუცილებლობა, ამ დამატებით საპროექტო-სახარჯთაღრიცხვო დოკუმენტაციის შედგენას მიმწოდებელი განახორციელებს ანაზღაურების გარეშე.
მიღება-ჩაბარების აქტი გაფორმდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
- შენიშვნა: ხარჯთაღრიცხვა უნდა შესრულდეს: პროექტის ყველა ნაწილის ხარჯთაღრიცხვა ცალ-ცალკე და პროექტს უნდა ახლდეს ყველა ნაწილის კრებსითი ხარჯთაღრიცხვა. საპროექტო ორგანიზაციის მიერ მოწოდებული უნდა იყოს შენობის მოვლა-შენახვის სავარაუდო ხარჯები.
მიმწოდებელი ვალდებულია: ტექნიკური დავალებით გაუთვალისწინებელი გარემოების აღმოჩენის შემთხვევაში, გაითვალისწინოს მისი შეტანა საპროექტო დოკუმენტაციაში დამატებითი აზღაურების გარეშე (დამკვეთთან შეთანხმებით);

ხელშეკრულების გაფორმებიდან 30 დღე

1.5.1. მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია.
1.5.2. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
1.5.3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია _ 3 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია _ 3 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია _ 1 CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).
1.5.4. საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქ. მცხეთა, ანტიოქიის ქ. N7 მუნიციპალიტეტი

პრეტენდენტს 2021წლიდან უნდა გააჩნდეს სულ მცირე 50 000.00 ლარის ღირებულების საპროექტო-სახარჯთაღრიცხვო დოკუმენტაციის მომზადების მომსახურების გაწევის გამოცდილება, რის დასადასტურებლადაც წარმოდგენილი უნდა იყოს შესაბამისი დოკუმენტაცია (ხელშეკრულება/ები, მიღება-ჩაბარების აქტი/ები, ფორმა N2 (ები)-ასეთის არსებობის შემთხვევაში) სრულად, ხოლო სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს შესაბამისი SPA/CMR/NAT ნომერი და ამ შემთხვევაში დამატტებითი დოკუმენტაციის (ხელშეკრულება,მიღება-ჩაბარების აქტი, ფორმა N2) წარმოდგენა სავალდებულო არაა.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

საბოლოო ანგარიშსწორება განხორციელდება საპროექტო-სახარჯთაღრიცხვო
დოკუმენტაციაზე სსიპ - ლევან სამხარაულის სახელობის სასამართლო ექსპერტიზის
ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი
დასკვნის საფუძველზე. ექსპერტიზის დასკვნის მომზადების ღირებულება ანაზღაურდება
მიმწოდებლის მიერ

შემსყიდველი ორგანიზაცია აუნაზღაურებს მიმწოდებელს გაწეული მომსახურების ღირებულებას, მიღება-ჩაბარების აქტის წარდგენიდან 10 სამუშაო დღის განმავლობაში

სოფიო მამისაშვილი, 577727714, sofomamisashvili@yahoo.com