Инженерные услуги (Грузия - Тендер #66002928)

"ნიჩბისი-დიდგორის" საპროექტო სანიველირე ხაზზე, სიმაღლური ქსელის დაკარგული რეპერების ნაცვლად ახალი რეპერების დამაგრების მომსახურება.

შესასყიდი მომსახურების აღწერილობა და პირობები განისაზღვრება ტექნიკური დავალებით (რომელიც თან ერთვის სატენდერო დოკუმენტაციის (წინამდებარე ელექტრონული კითხვარის) 1.2 პუნქტს.
"ნიჩბისი-დიდგორის" საპროექტო-სანიველირე ხაზზე დასამაგრებელია შემდეგი ტიპის და რაოდენობის რეპერები:
1. გრუნტის რეპერი (ტიპის ნომერი-160) - 30 კომპლექტი. (შენიშვნა: 1 კომპლექტი გრუნტის რეპერი მოიცავს 1 ცალ პილონს, 1 ცალ ბალიშს და 1 ცალ ამოსაცნობ ბოძს).
2. კედლის რეპერი (ტიპის ნომერი-143) - 6 ცალი.
3. კლდის რეპერი (ტიპის ნომერი-99) - 15 ცალი.

1.4.1 მომსახურების გაწევა უნდა დასრულდეს ხელშეკრულების გაფორმებიდან 80 კალენდარული დღის განმავლობაში.

1.4.2 მომსახურების (მომსახურების გაწევის შედეგების) ჩაბარება შესაძლებელია განხორციელდეს როგორც ნაწილ-ნაწილ (ეტაპობრივად), ისე ერთიანად, ხელშეკრულების გაფორმებიდან 80 კალენდარული დღის განმავლობაში.

მომსახურების გაწევის ფორმა და ადგილი განისაზღვრება სატენდერო დოკუმენტაციის 1.2 პუნქტით გათვალისწინებული ტექნიკური დავალებით.

პრეტენდენტ კომპანიას 2022 წლიდან, ტენდერის გამოცხადების დღემდე, გაწეული უნდა ჰქონდეს, ჯამში, სულ ცოტა 20000.00 (ოცი ათასი) ლარის ღირებულების, სანიველირე ხაზზე სიმაღლური ქსელის დაკარგული რეპერების ნაცვლად ახალი რეპერების დამაგრების ან/და არსებული რეპერების აღდგენის მომსახურება ან/და სხვა ნებისმიერი მომსახურება კარტოგრაფიის, გეოდეზიის და ტოპოგრაფიის მომსახურების სფეროში, რის დასადასტურებლადაც უნდა წარმოადგინოს ხელშეკრულებები და ამ ხელშეკრულებების შესრულების დამადასტურებელი მიღება-ჩაბარების აქტები, საგადასახადო ანგარიშ-ფაქტურები (ასეთის არსებობის შემთხვევაში), ასევე, გადახდის დამადასტურებელი დოკუმენტები (სგადახდო დავალებები).
ხელშეკრულებებისა და მათი შესრულების მიღება-ჩაბარების აქტების ნაცვლად, შესაძლებელია წარმოდგენილ იქნას სახელმწიფო შესყიდვების ერთიანი ელექტრონული სისტემის SPA, NAT, ან/და სხვა ნომრები, რომლებშიც რეგისტრირებული დოკუმნტებით ან/და მონაცემებით დადასტურდებული იქნება ხელშეკრულებით ნაკისრი ვალდებულების შესრულება.

პრეტენდენტმა უნდა წარმოადგინოს მინიმუმ 1 პასუხისმგებელი პირის ვინაობა, რომელსაც ექნება გეოდეზისტის ან ტოპოგრაფის კვალიფიკაცია. წარმოდგენილ უნდა იქნეს მისთვის აღნიშნული კვალიფიკაციის მინიჭების დამადასტურებელი, აკრედიტირებული საგანმანათლებლო დაწესებულების მიერ, გაცემული დოკუმენტი. ასევე, მას უნდა გააჩნდეს ზემოაღნიშნულ სფეროში მუშაობის სულ მცირე სამ წლიანი გამოცდილება, რის დასადასტურებლადაც, პრეტენდენტმა, უნდა წარმოდგინოს ინფორმაცია მისი პროფესიული გამოცდილების შესახებ (დამსაქმებელი ორგანიზაციები, დაკავებული პოზიციები, მუშაობის პერიოდები). პრეტენდენტმა, აღნიშნული ინფორმაციის დასადასტურებელად, ერთიან ელექტრონულ სისტემაში უნდა ატვირთოს დამსაქმებელი ორგანიზაციების მიერ გაცემული ცნობა(ები).

პრეტენდენტი ვალდებულია ტექნიკური დოკუმენტაციად ატვირთოს შემდეგი დოკუმენტები:
1. წინამდებარე ელექტრონული კითხვარის 1.3 პუნქტით გათვალისწინებული ფასთა ცხრილი;
2. წინამდებარე ელექტრონული კითხვარის 2.2.1 პუნქტით მოთხოვნილი დოკუმენტაცია პრეტენდენტის გამოცდილებისადმი;
3. წინამდებარე ელექტრონული კითხვარის 2.4.1 პუნქტით მოთხოვნილი დოკუმენტაცია პრეტენდენტის პერსონალის გამოცდილებისადმი.
4. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს პრეტენდენტი კომპანიის ხელმძღვანელის (წარმომადგენლობითი უფლებამოსლების მქონე პირის) თანამდებობა, სახელი, გვარი და კომპანიის სრული საბანკო რეკვიზიტები, პრეტენდენტი ვალდებულია თავის ტექნიკურ დოკუმენტაციაში წარმოადგინოს აღნიშნული ინფორმაცია.

ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით, რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას როგორც სატენდერო წინადადების ფასთან (ფასთა ცხრილის ჯამური ღირებულება) მიმართებაში, ისე ფასთა ცხრილით გათვალისწინებული თითოეული დასახელების მომსახურების ერთეულის ღირებულებასთან მიმართებაში.

შენიშვნა: პრეტენდენტის მიერ, დასკვნასთან ერთად, ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. აუდიტორული დასკვნის წარმოდგენის შემთხვევაში, უნდა წარმოდგენილ იქნას დასკვნის გამცემი, როგორც აუდიტორული კომპანიის, ისე ფიზიკური პირის სახელმწიფო რეგისტრაციების შესახებ სათანადო ბრძანებები.

7.2.1 ხელშეკრულების ღირებულების ანაზღაურება განხორციელდება მომსახურების გაწევის შემდგომ, მხარეთა შორის გაფორმებული მიღება-ჩაბარების აქტისა და შესაბამისი საგადასახადო დოკუმენტაციის (ასეთის არსებობის შემთხვევაში) საფუძველზე - ერთიანად ან ნაწილ-ნაწილ (ეტაპობრივად), იმისდა მიხედვით, თუ მიმწოდებელი როგორ ჩააბარებს მომსახურების შედეგებს - ერთიანად თუ ნაწილ-ნაწილ (ეტაპობრივად).
7.2.2 თუ მიმწოდებელი მომსახურების გაწევის შედეგებს აბარებს ნაწილ-ნაწილ - ეტაპობრივ, შემსყიდველი აანაზღაურებს ხელშეკრულების ღირებულებას ნაწილ-ნაწილ, მიწოდებული ეტაპების მიხედვით.

7.3.1. ანგარიშსწორება განხორციელდება მხარეთა შორის მიღება-ჩაბარების აქტის გაფორმებისა და შესაბამისი საგადასახადო დოკუმენტაციის (ასეთის არსებობის შემთხვევაში) საფუძველზე, მისი წარმოდგენიდან 10 სამუშაო დღის ვადაში.
7.3.2. თუკი ანგარიშსწორების განხორციელების ბოლო დღე ემთხვევა არასამუშაო დღეს, ანგარიშსწორება განხორციელდება მომდევნო სამუშაო დღეს.

თენგიზი ჯუღელი, 577620353, tjugheli@napr.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

10.1.1.პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია, მის მიერ შექმნილ, სატენდერო წინადადების სახით წარმოდგენილ დოკუმენტებზე ("PDF" ფორმატით წარმოდგენილი ფასთა ცხრილი, კომპანიის გამოცდილების ამსახველი ინფორმაცია, გარდა "EXEL"-ის ფორმატით წარმოდგენილი ფასთა ცხრილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხილეთ "სახელმძღვანელო ინსტრუქცია სახელმწიფო შესყიდვების განხორციელებისას, დოკუმენტებზე კვალიფიციური ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე" და "სახელმწიფო შესყიდვების სააგენტოს რეკომენდაცია სახელმწიფო შესყიდვების ერთიან ელექტრონულ სისტემაში ფასების ცხრილის/ხარჯთაღრიცხვის EXEL-ის ფორმატის სახით განთავსებასთან დაკავშირებით"). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათშორის, ელექტრონულ ხელმოწერას ან/და ელექტრონულ შტამპს).
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, რომელშიც გათვალისწინებული იქნება მიმწოდებლის ხელშეკრულებით ნაკისრი ყველა ვალდებულების შესრულებასთან დაკავშირებული ყველა ხარჯი (მ.შ კანონმდებლობით გათვალისწინებული გადასახადები, ტექნიკური დავალებით გათვალისწინებული ყველა გასაწევი მომსახურების და სამუშაოს ხარჯი).
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო (იხილეთ წინამდებარე ელექტრონული კითხვარის 2.9 პუნქტი).