Различные коммерческие услуги и связанные с ними услуги (Грузия - Тендер #66002925)

ღონისძიების „ახალგაზრდული ლიტერატურული კონკურსი“ ორგანიზების მომსახურების შესყიდვა

მიმდინარე წლის სექტემბრის თვეში დაგეგმილია გურჯაანის ახალგაზრდული ლიტერატურული კონკურსი რომელიც ითვალისწინებს 3 დღიანი ღონისძიების ორგანიზებასა და ჩატარებას.
ახალგაზრდული ლიტერატურული კონკურსის მიზანია ნიჭიერი ახალგაზრდების აღმოჩენა და მათი წახალისება.

პროექტის აღწერა
კონკურსში მონაწილეთა ასაკობრივი ჯგუფი 14-25 წელით განისაზღვრება და მოიცავს ახალგაზრდა მწერლებსა და ახალგაზრდა ავტორებს. ისინი, ლიტერატურული ნაწარმოების შექმნაზე იმუშავებენ სპეციალურად შერჩეულ გარემოში, სადაც საშუალება ექნებათ ასევე შეხვდნენ ცნობილ მწერლებს და ლიტერატორებს.
სამუშაო ფორმატი მოიცავს მუშაობას ლიტერატურული ნაწარმოების შექმნისთვის, შეხვედრებს ცნობილ ადამიანებთან, გასართობ აქტივობებს, კონკურსის გახსნას და დაჯილდოების ცერემონიალს.
ჩატარების ადგილი: გურჯაანის მუნიციპალიტეტი
ღონისძიების ხანგრძლივობა: 3 დღე
მონაწილეთა რაოდენობა: 50

კონკურსი გაიმართება ორ ეტაპად:
I ეტაპი
კონკურსში მონაწილეობის მიღების მსურველმა ახალგაზრდებმა უნდა შეავსონ სააპლიკაციო ფორმა და აქვე წარმოადგინონ თავისი საავტორო პროზაული ნაშრომი (მოთხრობა ან ნოველა) არანაკლებ 1000 სიტყვის და არაუმეტეს 5000 სიტყვისა. წინასწარ განსაზღვრული კრიტერიუმებით კომპეტენტური ჟიური (ქართველი თანამედროვე მწერლები და ლიტერატორები) შეარჩევს 50 საუკეთესო ნამუშევარს, რომელიც გადავა მეორე ეტაპზე.
ჟანრი და თემატიკა I ეტაპისთვის: თავისუფალი
მიიღება მხოლოდ ამ კონკურსისთვის შექმნილი ან მანამდე გამოუქვეყნებელი ნაწარმოები ქართულ ენაზე, რომელიც არ უნდა შეიცავდეს პლაგიატის ნიშნებს. მსგავს შემთხვევაში კონკურსანტი ავტომატურად გამოეთიშება კონკურსს.
ტექსტის ფორმა: Word-ის დოკუმენტი, Sylfaen შრიფტი, ზომა - 12. სტრიქონებს შორის დაშორება 1,5. თავფურცელზე უნდა მიეთითოს ნაშრომის სათაური, ავტორის ვინაობა, ასაკი (ჟიურისთვის არ იქნება ხელმისაწვდომი) და საკონტაქტო მონაცემები: ტელეფონის ნომერი, მოქმედი ელექტრონული ფოსტა.
ჟანრი და თემატიკა II ეტაპისთვის: შერჩეული კონკურსანტებისთვის გახდება ცნობილი
კონკურსანტებმა სრული 2 დღე-ღამის განმავლობაშ უნდა შექმნან სრულიად ახალი ნაწარმოები ქართულ ენაზე, რომელიც არ უნდა შეიცავდეს პლაგიატის ნიშნებს. მსგავს შემთხვევაში კონკურსანტი ავტომატურად გამოეთიშება კონკურსს.
ტექსტის ფორმა: Word-ის დოკუმენტი, Sylfaen შრიფტი, ზომა - 12. სტრიქონებს შორის დაშორება 1,5. თავფურცელზე უნდა მიეთითოს ნაშრომის სათაური, ავტორის ვინაობა (ჟიურისთვის არ იქნება ხელმისაწვდომი, დაიფარება) და საკონტაქტო ტელეფონის ნომერი.
II ეტაპი
• შერჩეული 50 მონაწილე უნდა განთავსდეს ისეთ გარემოში, რომელიც უზრუნველყოფილი იქნება სამჯერადი კვებითა და განთავსებით (ჯამში 2 ღამისა და 3 დღის განმავლობაში). ამ პერიოდში, კონკურსანტებმა უნდა იმუშაონ და შექმნან სრულიად ახალი ნაწარმოები;
• ამ პერიოდის განმავლობაში, კონკურსანტები უნდა შეხვდნენ ცნობილ მწერლებსა და ლიტერატორებს.
• დაჯილდოების დღეს, ჟიურიმ უნდა შეაფასოს შექმნილი ნამუშევრები და გამოავლინოს 3 საუკეთესო, რომელთაც გადაეცემათ ფულადი ჯილდოები:
პირველი ადგილი - 2000₾ და საავტორო ნაწარმოებების კრებულის გამოცემა, მეორე ადგილი - 1500₾, მესამე ადგილი - 1000₾;
ღონისძიების ფარგლებში გვესაჭიროება:
• 3 წევრისაგან შემდგარი ჟიური
აღწერა: ჟიურის შემადგენლობაში უნდა შედიოდნენ ცნობილი მწერლები ან ლიტარატორები, რომლებიც გამოავლენენ პირველ ეტაპზე 50 კონკურსანტს და მეორე ეტაპზე სამ საუკეთესო ნაშრომს. გამარჯვებულების გამოვლენა უნდა მოხდეს წინასწარ განსაზღვრული კრიტერიუმებით ქულთა სისტემის მიხედვით, შესაბამისი ოქმითა და ხელმოწერით.
• საცხოვრებელი გარემო სამჯერადი კვებით და საკონფერენციო დარბაზით
აღწერა: საცხოვრებელი გარემო უნდა იყოს კომფორტული, სადაც მეორე ტურში გადასული 50 კონკურსანტი იმუშავებს საკონკურსო ლიტერატურული ნაწარმოების შექმნაზე. საცხოვრებელი გარემო უნდა იყოს ბუნებასთან ადაპტირებული, შესაბამისი ხედებით, რომელიც იქნება მონაწილეებისთვის შთაგონების წყარო. გარემო უნდა ქმნიდეს მშვიდ იდეალურ ატმოსფეროს, უნდა ჰქონდეს საკონფერენციო დარბაზი არანაკლებ 80 ადამიანზე განსაზღვრული, შესაბამისი გახმოვანებით. აუცილებელია, რომ საცხოვრებელი გარემო მოწყვეტილი იყოს დასახლებულ პუნქტს და მიმდებარედ ჰქონდეს ვრცელი სარეკრეაციო ზონა. სულ, 50 კონკურსანტი 3 დღისა და 2 ღამის განმავლობაში, 3 ჟიურის წევრი 1 დღე-ღამის განმავლობაში, 1 ორგანიზატორი 3 დღე და 2 ღამე განმავლობაში.
• 2 ცნობილი მწერალი/ლიტერატორი
აღწერა: კონკურსანტებს, 2 დღის განმავლობაში დღეში 2 საათი მოწვეულმა მწერლებმა უნდა ჩაუტარონ მასტერკლასები
• ბრენდირებული მასალები
o ბრენდირებული კალამი - 70 ცალი (დიზაინი შემსყიდველთან შეთანხმებით);
o ბრენდირებული ტილოს ჩანთა მხრის საკიდით ზომა: 35*30 – 70 ცალი (დიზაინი შემსყიდველთან შეთანხმებით);
o ბრენდირებული ბლოკნოტი ტყავის მყარი ყდით, რეზინით და სანიშნით, 120 ფურცელით - 60 ცალი (დიზაინი შემსყიდველთან შეთანხმებით);
o სერთიფიკატი 50 ცალი მასალა: ცარცი, A4 ფორმატი (დიზაინი შემსყიდველთან შეთანხმებით);
o A4 ზომა მეტალის ოქროსფერი ჩარჩო - 3 ცალი;
o როლაპი, ზომა: 180*60 – 2 ცალი (დიზაინი შემსყიდველთან შეთანხმებით)
• კონკურსის ჯილდო
აღწერა: ჯილდოს დამზადება მეტალით და მარმარილოთი (დიზაინი შემსყიდველთან შეთანხმებით), ზომები სიმაღლე 20 სმ/8სმ - 3 ცალი
• ცნობილი მუსიკოსი/პიანისტი
აღწერა: დაჯილდოების ცერემონიალზე პიანისტმა უნდა დაუკრას კომპოზიციები ქართული კინომუსიკიდან 90 წუთის განმავლობაში (შემსყიდველთან შეთანხმებით);
• ვიდეოგრაფის მომსახურება
აღწერა: ვიდეო გადაღება უნდა მოხდეს 3 დღის განმავლობაში და დამზადდეს კლიპი, რომლის ხანგრძლივობაც მაქსიმუმ იქნება 3წთ (ვიდეო უნდა მოიცავდეს კომენტარებს ღონისძიების მიმდინარეობიდან და გაფორმებული უნდა იყოს დინამიური მუსიკალური ფონით), გარდა ამისა ვიდეოგრაფმა უნდა მოგვაწოდოს მოკლე თითო-თითო წუთიანი ვიდეო რგოლი, სადაც ჩაწერილი ეყოლება ყველა კონკურსანტი და ყველა მოწვეული სტუმარი. ვიდეოს გადაღება უნდა განხორციელდეს HD ფორმატით (შემსყიდველთან შეთანხმებით).
• კვებითი მომსახურება
აღწერა: დაჯილდოების ცერემონიალისთვის იხ: დანართი 1 და მონაწილეებისთვის 3 დღის განმავლობაში უზრუნველყოფილი უნდა იყოს კვებითი მომსახურება. იხ: ცხრილი 2
პრეტენდენტი ვალდებულია ხელშეკრულების გაფორმებიდან ხუთი სამუშაო დღის ვადაში:
• შექმნას პროექტში მონაწილეობის მსურველთა სპეციალური ონლაინ სარეგისტრაციო ბმული, რომლის მეშვეობით მონაწილეობის მსურველები შეძლებენ პროექტში რეგისტრაციას;
• შეიმუშავოს და წარმოადგინოს კონკურსის შესარჩევი კრიტერიუმები, რომლის მიხედვითაც განისაზღვრება როგორც პირველი ეტაპის მონაწილეთა შერჩევა, ასევე კონკურსის გამარჯვებულები;
• წარმოადგინოს ცნობილი ქართველი ლიტერატორების და მწერლების სია, რათა შემსყიდველს ჰქონდეს შესაძლებლობა შეარჩიოს სამი მათგანი, რომლებიც ვალდებულები იქნებიან დაიცვან კონფიდენციალურობა და არ გასცენ ინფორმაცია მათი მუშაობის შესახებ;
წარმოადგინოს კონკურსში მონაწილეობის პირობებზე თანხმობის ფორმა, ჟიურის შეფასების ოქმის ფორმა და მშობლების თანხმობის ფორმა არასრულწოვანი მონაწილეების შემთხვევაში;
• გამარჯვებულის გამოვლენიდან 3 სამუშაო დღეში პრეტენდენტმა უნდა წარმოადგინოს ფულადი ჯილდოს გამარჯვებულებისთვის ჩარიცხვის დამადასტურებელი დოკუმენტი)

მომსახურების მიწოდება განხორციელდება ხელშეკრულების გაფორმებიდან 1 ოქტომბრამდე.

მიწოდების ადგილი: გურჯაანის მუნიციპალიტეტის ტერიტორია.

1. პრეტენდენტს უნდა გააჩნდეს 2022 წლის 1 იანვრიდან ტენდერის გამოცხადების დღემდე მსგავსი 5 ღონისძიების (ხელოვნების სფეროში კონკურსების) ორგანიზებისა და ჩატარების გამოცდილება, რომელთაგან თითოეულის კონტიგენტი/მონაწილეები უნდა შეადგენდნენ არანაკლებ 150 ადამიანს, დამოწმებული შესაბამისი დოკუმენტით პრეტენდენტის გამოცდილება უნდა დასტურდებოდეს შესაბამისი დოკუმენტ(ებ)ით (ხელშეკრულება, ან/და მიღება-ჩაბარება, ან/და სხვა დამადასტურებელი დოკუმენტი);
2. ინფორმაცია გამოცდილების შესახებ წარმოდგენილი უნდა იყოს დანართი #3-ის შესაბამისად;
3. პრეტენდენტმა სისტემაში უნდა ატვირთოს ინფორმაციაში მითითებული მომსახურების გაწევის დამადასტურებელი მხარეთა მიერ ხელმოწერილი ხელშეკრულება, ან/და მიღება-ჩაბარება, ან/და სხვა დამადასტურებელი დოკუმენტი. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, CMR...) წარმოდგენა.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესაბამისი ტენდერის შესყიდვის ობიექტის სავარაუდო ღირებულებაზე (სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-5 და მე-7 პუნქტის გათვალისწინებით), პრეტენდენტი ვალდებულია ფასწარმოქმნის ადეკვატურობა დაასაბუთოს აკრედიტირებული, ან ლიცენზირებული პირის მიერ გაცემული დასკვნით. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ ფასების ცხრილში დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით გასაწევი მომსახურების შესრულების შესაძლებლობა (საექსპერტო მომსახურების ხარჯებს დაფარავს პრეტენდენტი).
2. პრეტენდენტის მიერ წარმოდგენილი დასკვნა დაზუსტებას არ ექვემდებარება.
3. აკრედიტებული, ან ლიცენზირებული პირის მიერ გაცემული დასკვნის წარმოდგენის შემთხვევაში პრეტენდენტს დაუდგება ვალდებულება დასკვნასთან ერთად დამატებით წარმოადგინოს დასკვნის გამცემი აკრედიტირებული პირის შესაბამისი აკრედიტაციის მოწმობა, ან ლიცენზია.
4. დასკვნის წარმოუდგენლობა ან/და უარყოფითი დასკვნის (შეუსაბამობა სატენდერ ოგანცხადებასთან, სატენდერო დოკუმენტაციასთან ან/და სისტემის მეშვეობით პრეტენდენტის მიერ წარმოდგენი ლტექნიკურ/დაზუსტებულ ტექნიკურ დოკუმენტაციასთან) წარმოდგენა გამოიწვვევს პრეტენდენტის დისკვალიფიკაციას.

ანგარიშსწორება მიმწოდებელთან განხორციელდება მომსახურების მიწოდების შემდეგ, ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, დადასტურებული მიღება-ჩაბარების აქტის, შესაბამისი ფინანსური დოკუმენტაციის საფუძველზე.

ანგარიშსწორება განხორციელდება მომსახურების შესახებ მიღება-ჩაბარების აქტის გაფორმებიდან 10 სამუშაო დღის ვადაში.

თამთა კვირიაშვილი, 599852232, gurjaanismunicipaliteti1@gmail.com კულტურის, განათლების, სპორტისა და ახალგაზრდულ საქმეა სამსახურის უფროსის მ/შ ქეთევან დათუკიშვილი ტელ: 599 163917.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ფასების ცხრილის განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. ამხანაგობის შემთხვევაში პრეტენდენტმა უნდა წარმოადგინოს ინფორმაცია სახელმწიფო შესყიდვის შესახებ ხელშეკრულების ფარგლებში შესასრულებელი ვალდებულებების განაწილების შესახებ დანართი #4_ის შესაბამისად.
9. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.