Отделочные строительные работы (Грузия - Тендер #65946777)

გორის მუნიციპალიტეტი, ეროვნული მნიშვნელობის კატეგორიის კულტურული მემკვიდრეობის უძრავი ძეგლის - გორის ციხის ზედა გალავნის სამხრეთ-აღმოსავლეთი ნაწილის სარეაბილიტაციო სამუშაოები (IV ეტაპი)

❖ პრეამბულა

ქალაქ გორის ისტორიული ციხე-სიმაგრე წარმოადგენს მაღალი პოტენციის მქონე ისტორიულ-კულტურულ და არქეოლოგიურ ობიექტს, რომელსაც გააჩნია ყველა წინაპირობა, დაგეგმილი სარეაბილიტაციო სამუშაოების ეტაპობრივი განხორციელების შემდეგ აქტიურად ჩაერთოს სახელმწიფო და საერთაშორისო ტურიზმის ქსელში, გახდეს რეგიონის ტურისტული ინფრასტრუქტურის საბაზისო ცენტრი. საქართველოს პრეზიდენტის 2006 წლის 7 ნოემბრის №665 ბრძანებულებით, გორის ციხეს მინიჭებული აქვს ეროვნული მნიშვნელობის კატეგორიის უძრავი ძეგლის სტატუსი. საქართველოს კანონით კულტურული მემკვიდრეობის დაცვის შესახებ განსაზღვრულია ძეგლის ფიზიკური და ვიზუალური დაცვის ზონები.
ციხის კომპლექსისა და მიმდებარე ისტორიულ ზონაში არსებული არქეოლოგიური, ქალაქმშენებლობითი და არქიტექტურული ობიექტების ბაზაზე გათვალისწინებულია შეიქმნას კომპლექსური სამუზეუმო-სანახაობითი, შემეცნებითი, სავაჭრო და აქტიური დასვენების სივრცე. ციხის გალავნის შიგნით არსებულ ობიექტებთან ერთად (კოშკი-კარიბჭე, ზედა ბაქანი, ხარო, მარანი, წმ.გიორგის სახელობის დარბაზული ეკლესიის ნაშთები, „ცხრაკარას“ კასკადი, შიდა ეკლესია, მდ. ლიახვზე გამავალი გვირაბი), სამუზეუმო კომპლექსში შევა ციხის სამხრეთ და ჩრდილოეთ ფერდობებზე გამოვლენილი არქეოლოგიური ობიექტები: როსტომ მეფის სასახლე და ეკლესია, ღვთისშობლის მცირე საყდარი, ანტიკური პერიოდის გალავნის კედლის ფრაგმენტები; ისტორიულ ზონაში არსებული ხუროთმოძღვრულად საინტერესო რემოდენიმე საცხოვრებელი სახლი და ნასახლარები; ზედა ბაქანზე არსებული წყლის ყოფილი რეზერვუარის მიწისქვეშა (ამჟამად რეაბილიტირებული) ნაგებობა დაეთმობა არქეოლოგიური და საბრძოლო ხელოვნების ისტორიის სამუზეუმო ექსპოზიციას.
გორის ციხე, ისევე როგორც საქართველოს ციხე-სიმაგრეთა უმეტესობა, თავისი ისტორიის მანძილზე მრავალჯერ დანგრეულა და კვლავ აღდგენილა. 1920 წლის ცნობილმა მიწისძვრამ ქალაქი გორი თითქმის მთლიანად დაანგრია და ციხესაც დიდი ზიანი მიაყენა. 1930 წელს შეკეთდა ციხის ავარიულად დაზიანებული უბნები. 1951 წლიდან დაიწყო გორის ციხის გეგმაზომიერი შესწავლა ამ პერიოდში აღდგა „ცხრაკარას“ ქვედა ხუთი ზღუდე, ციხის კედლების ნაწილი ამაღლდა. 1956 წელს სარეაბილიტაციო სამუშაოები დაკონსერვდა. 1984 წელს განახლდა ციხის კვლევითი და აზომვითი სამუშაოები - დამუშავდა ციხის ზოგიერთი უბნის კონსერვაციის და რესტავრაციის პროექტები, რომელთა საფუძველზეც ჩატარდა „ცხრაკარას“ ზედა ორი განყოფილების რეაბილიტაცია, მოეწყო ციხის ზედა უბანზე ასასვლელი ცენტრალური კიბე, აღდგა კარიბჭე, დანარჩენი უბნები გამაგრდა, გალავნის ნაწილზე კედლები ქონგურებიანად აღდგა.
2006 წელს შესრულდა შემდეგი სარეაბილიტაციო სამუშაოები: მოეწყო ასასვლელი ბილიკი რიყის ქვით; განხორციელდა გალავნის დაზიანებული ფრაგმენტების აღდგენა სამხრეთ-აღმოსავლეთ, სამხრეთ-დასავლეთ და ჩრდილოეთის კედლებზე; გალავნის ღიობებში დამონტაჟდა ლითონის მოაჯირები; კარიბჭეში, ეკლესიის კედლის ფრაგმენტის ღიობში, წყლის ყოფილი რეზერვუარისა და სეისმოსადგურის სათავსოს შესასვლელში დამონტაჟდა კარები; მოეწყო ციხის გარე განათების ქსელი.
2018 წლიდან განახლდა გორის ციხის სარეაბილიტაციო სამუშაოების ეტაპობრივი განხორციელება:
- ჩატარდა არქეოლოგიური გათხრები ადრე გამოვლენილ ხუთ არქეოლოგიურ უბანზე;
- შესრულდა წყლის ყოფილი რეზერვუარის მიწისქვეშა ნაგებობის სარემონტო მოსაპირკეთებელი და საექსპოზიციო-სამუზეუმო სივრცედ ადაპტირებისათვის გათვალისწინებული სამუშაოები (გაწმენდა, გადახურვის ჰიდროიზოლაცია, ინტერიერის ახლად შელესვა, იატაკის მოწყობა, შესასვლელის მოპირკეთება რიყის ქვით და აგურის ჩანართებით, კარების განახლება);
- დამონტაჟდა ციხის სამხრეთ-დასავლეთი ფერდობის გამოფიტული კლდოვანი ზედაპირიდან ქვის ცვენის დამცავი ლითონის ბადე;
- განხორციელდა კარიბჭის კოშკის რეაბილიტაცია და მეორე სართულზე მოეწყო დაცვის სამსახურის სათავსო;
- ტერიტორია გაიწმინდა ნაგვის და ჩამოცვენილი ნანგრევებისაგან. გადაეწყო მორყეული და გამოქარული კედლის ფრაგმენტები. გამაგრდა გალავნის კედლებისა და ბურჯების საძირკვლები. ციხის ტერიტორია უსაფრთხო გადაადგილებისათვის აღიჭურვა დამცავი საშუალებებით;
- დაიშალა წმ. გიორგის ეკლესიის შემორჩენილი კედლის დასავლეთ კიდესა და გალავნის კედელს შორის არსებული რიყის ქვით ნაშენი გვიანდელი ჩანართი;
- ამოშენდა ზედა და ქვედა გალავნის ნაკლული კედლები. შესრულდა გალავნის ზედაპირის კონსერვაცია;
- მომზადდა აღსადგენი სამხრეთ-აღმოსავლეთი გოდოლის ფუძე საძირკვლები და საყრდენი კედლები.
2022-2023 წლებში ძეგლზე განხორციელდა შემდეგი სამუშაოები:
- სარკმლის თაღის დონეზე (საპროექტო დოკუმენტაციის მიხედვით ნიშნული: -1,67 მ.) ამოყვანილია ციხის ზედა გალავნისა და გოდოლის მონოლითური რკინა-ბეტონის საყრდენი კედლები, რომლებიც ექსტერიერსა და ინტერიერში მოპირკეთდა უხეშად დამუშავებული კირქვით, რიყის ქვითა და აგურის სარტყლებით კირის დუღაბზე;
- სხვადასხვა ნიშნულზე მოეწყო მონოლითური რკინა-ბეტონის ფილები;
- საყრდენი კედლების უკანა მხარე შეივსო ყორე ქვითა და კირდუღაბით.

❖ ჩასატარებელი ძირითადი სამუშაოები

ტენდერი ითვალისწინებს 2022-2023 წლებში, გორის ციხის ზედა გალავნის სამხრეთ-აღმოსავლეთ ნაწილზე წარმოებული ფიზიკური სამუშაოების (V ეტაპი) გაგრძელებას:
• ციხის ზედა გალავნის სამხრეთ-აღმოსავლეთ უბანზე აღსადგენი კედლის მონაკვეთისა და გოდოლის კედლის მოწყობა;
• გალავნის კედლისა და გოდოლის მოპირკეთება უხეშად დამუშავებული კირქვის, რიყის ქვითა და აგურის ჰორიზონტალური ჩანართებით, საპირე წყობის ნაკერების შევსება პიგმენტირებული კირდუღაბით, უკანა მხრის შევსება ყორე კირდუღაბით;
• გოდოლის კარიბჭის ღიობის წირთხლებისა და თაღის საპირე წყობისა და გოდოლის დასავლეთით, თაღოვან კარიბჭეში გამავალი კიბის მოწყობა;
• წმ. გიორგის დარბაზული ეკლესიის ჩრდილოეთი კედლის ქვედა ნიშნულზე კოჭებისა და გადახურვის ფილის მოწყობა.

 მიზანი და ძირითადი პირობები

 სარეაბილიტაციო სამუშაოების შედეგად უნდა აღდგეს ძეგლის ისტორიული იერსახე, ჩასატარებელმა სამუშაოებმა უნდა უზრუნველჰყოს ძეგლის არსებული მდგომარეობის გამოსწორების აუცილებელი ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ და სწორ ხელმძღვანელობას.
 სამუშაოების მიმდინარეობისას ყველა გამოყენებული მასალა უნდა იყოს მაღალხარისხიანი და უნდა აკმაყოფილებდეს საქართველოში მოქმედ სამშენებლო ნორმებსა და სტანდარტებს. ყველა მასალა და სამარაგო საგანი მოწოდებული კონტრაქტის ფარგლებში, უნდა იყოს ახალი, უხმარი, სტანდარტული, მაღალი ხარისხის. უხარისხო ან დაბალი ხარისხის მასალები არ მიიღება და მათი გამოყენება არ იქნება ნებადართული. ხარისხიან პროდუქტში მოიაზრება, „პროდუქტის უსაფრთხოებისა და თავისუფალი მიმოქცევის კოდექსით“ გათვალისწინებული მასალა, რომელიც წარმოებულია პროდუქტის უსაფრთხოების სათანადო სტანდარტებისა და განვითარებული ხარისხის ინფრასტრუქტურის მქონე ქვეყანაში.
 სამუშაოების ჩატარებისას ყურადღება უნდა მიექცეს სამუშაოთა შესრულების ხარისხს, რომელთა დაცვა სავალდებულოა კულტურული მემკვიდრეობის ძეგლის ფასეული ელემენტების შესანარჩუნებლად.
 სამუშაოების მიმდინარეობისას ახლადგამოვლენილი გარემოებ(ებ)ის გამოვლენისა და მისი დასაბუთების შემთხვევაში, პროექტიდან რაიმე გადახვევა, ან მასში ცვლილება, შეთანხმებული უნდა იქნეს შემსყიდველთან.
 სარეაბილიტაციო სამუშაოები განხორციელდეს საავტორო ზედამხედველობით. საავტორო ზედამხედველობის ფარგლებში, პროექტის ავტორი ვალდებულია ყოველთვიურად (არაუგვიანეს მომდევნო თვის 10 რიცხვამდე) სააგენტოში წარმოადგინოს ძეგლზე მიმდინარე სამუშაოებზე შესაბამისი ანგარიში. აღნიშნული ვალდებულება გათვალისწინებული უნდა იყოს მიმწოდებელსა და პროექტის ავტორს შორის გაფორმებულ ხელშეკრულებაში.
 სამუშაოები განხორციელდეს პრეტენდენტის მიერ წარმოდგენილი არქიტექტორ-რესტავრატორისა და ინჟინერ-მშენებლის ზედამხედველობით. პრეტენდენტის მიერ წარმოდგენილი პერსონალი (არქიტექტორ-რესტავრატორი და ინჟინერ-მშენებელი) ვალდებულია, ხელშეკრულების დადებიდან სამუშაოების სრულად დასრულებამდე, ყოველთვიურად (არაუგვიანეს მომდევნო თვის 10 რიცხვამდე) წარმოადგინოს ძეგლზე მიმდინარე სამუშაოებზე შესაბამისი წერილობითი ინფორმაცია.
 მიწის სამუშაოები შესრულდეს არქეოლოგის ზედამხედველობით.
 მიწის სამუშაოთა მიმდინარეობის დროს არქეოლოგიური ობიექტის აღმოჩენის შემთხვევაში, „კულტურული მემკვიდრეობის შესახებ“ საქართველოს კანონის მე-10 მუხლის თანახმად, სამუშაოები უნდა შეწყდეს და ამის შესახებ დაუყოვნებლივ ეცნობოს საქართველოს კულტურული მემკვიდრეობის დაცვის ეროვნულ სააგენტოს. სამუშაოთა მიმდინარეობისას გამოვლენილი ახალი არქეოლოგიური მასალა მიმწოდებელმა სათანადოდ უნდა დაიცვას დაზიანებისგან, განადგურებისგან და დაკარგვისგან, ასევე გარემო პირობებისა და არასასურველი ზემოქმედებისგან.
 მიმწოდებელი შემსყიდველთან შეთანხმებული სამუშაოების გეგმა-გრაფიკის შესაბამისად, სამუშაოების დამთავრებისთანავე შემსყიდველს წარუდგენს ინფორმაციას წერილობით, ანგარიშის სახით გათვალისწინებული სამუშაოების მიმდინარეობის შესახებ. მიმწოდებელი ვალდებულია გაითვალისწინოს შემსყიდველის შენიშვნები და წინადადებები, რაც შემდგომში საფუძვლად დაედება შესრულებული სამუშაოების ანაზღაურებას.
 შესრულებული სამუშაოების ანგარიში შემსყიდველს წარედგინება ტექსტური და გრაფიკული მასალის დოკუმენტირებით.
 მიმწოდებელი ვალდებულია რეაბილიტაციის დაწყებამდე ძეგლზე დაამონტაჟოს ჩასატარებელი სამუშაოების ამსახველი საინფორმაციო ბანერი, რომელიც უნდა შეიცავდეს შემდეგ ინფორმაციას:
• მესაკუთრე;
• შემსყიდველი;
• მიმწოდებელი;
• ჩასატარებელი სამუშაოს სახეობა.

შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

ხელშეკრულების გაფორმებიდან 3 (სამი) კალენდარული თვე

გორის მუნიციპალიტეტი, ეროვნული მნიშვნელობის კატეგორიის კულტურული მემკვიდრეობის უძრავი ძეგლის - გორის ციხის ზედა გალავნის სამხრეთ-აღმოსავლეთი ნაწილი.

სამუშაოების დასრულების შემდეგ (საბოლოო მიღება-ჩაბარების აქტის გაფორმების თარიღიდან) 5 (ხუთი) წლის განმავლობაში რაიმე წუნის (დეფექტი ნაკლოვანებები) აღმოჩენის შემთხვევაში, თუ დადგინდება, რომ აღნიშნული წუნი გამოწვეულია მიმწოდებლის მიზეზით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.

პრეტენდენტი ტენდერში მონაწილეობით ავტომატურად აცხადებს თანხმობას სამუშაოს საგარანტიო ვადებთან და პირობებთან დაკავშირებით, რომელიც შემდგომში წარმოადგენს ხელშეკრულების განუყოფელი ნაწილი.

 პრეტენდენტს 2017 წლიდან დღემდე უნდა გააჩნდეს სარეაბილიტაციო სამუშაოების გამოცდილება (გარდა გვირაბებისა და გზებისა), არაუმეტეს ორი ხელშეკრულების ფარგლებში, ჯამური ღირებულებით არანაკლებ 300,000.00 ლარისა, საქართველოს კანონმდებლობით დადგენილი ყველა გადასახადის ჩათვლით. აღნიშნულის დასტურად, პრეტენდენტის მიერ წარმოდგენილი უნდა იქნას შესაბამისი ხელშეკრულებები და შესრულებულ სამუშაოებზე გაფორმებული მიღება-ჩაბარების აქტები ან/და ფორმა N2 ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული სამუშაოების შესრულების ფაქტს.

 ინფორმაცია წარმოდგენილი უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით) დანართის მიხედვით (იხ. დანართი), რომელსაც თან უნდა ერთვოდეს აღნიშნულის დამადასტურებელი დოკუმენტები.

 გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

 იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: დადასტურებული საგადასახადო ანგარიშფაქტურები (არსებობის შემთხვევაში) და/ან გადახდის დამადასტურებელი დოკუმენტები და შემსყიდველის მოთხოვნის შემთხვევაში ამონაწერი საბანკო ანგარიშებიდან.


 პრეტენდენტს, 2021 წლიდან ტენდერის გამოცხადების დღემდე, არ უნდა ჰქონდეს სსიპ საქართველოს კულტურული მემკვიდრეობის დაცვის ეროვნული სააგენტოსთან ვალდებულებების შეუსრულებლობის ან/და არაკეთილსინდისიერად შესრულებული სამუშაოების მიზეზით შეწყვეტილი ხელშეკრულება.

 პრეტენდენტს დასაქმებული უნდა ჰყავდეს არქიტექტორ-რესტავრატორი, ინჟინერ-მშენებელი, კირითხურო, ქვითხურო და სერტიფიცირებული შრომის უსაფრთხოების სპეციალისტი. ინფორმაცია პერსონალის შესახებ უნდა წარმოადგინოს დანართის მიხედვით.
 დასაქმებულ პერსონალზე პრეტენდენტმა უნდა წარმოადგინოს შემდეგი ინფორმაცია:

• არქიტექტორ-რესტავრატორზე, ინჟინერ-მშენებელზე, კირითხუროზე და ქვითხუროზე - 2017 წლიდან დღემდე არანაკლებ 3 (სამი) კულტურული მემკვიდრეობის ძეგლზე რეაბილიტაციის სამუშაოებში მონაწილეობის შესახებ ინფორმაცია (სამუშაოს დასახელება, განხორციელების ვადა თარიღების მითითებით, დამკვეთი/ორგანიზაციის დასახელება, ს/კ, პერსონალის პოზიცია), დანართის შესაბამისად.
• წარმოდგენილი უნდა იყოს არქიტექტორ-რესტავრატორისა და ინჟინერ-მშენებლის დიპლომის ასლი.
 შრომის უსაფრთხოების სპეციალისტის თაობაზე ინფორმაცია წარმოდგენილი უნდა იყოს მხოლოდ სერთიფიკატის სახით.
 დოკუმენტი (CV) წარმოდგენილიო უნდა იყოს 2.4.1 პუნქტში ატვირთული ფაილის მიხედვით, სრულყოფილად შევსებული, ხელმოწერილი დასაქმებული პერსონალის მიერ და დათარიღებული არაუადრეს ტენდერის გამოცხადების დღისა. დოკუმენტი ასევე დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით პრეტენდენტის მიერ.

შენიშვნა: წარმოდგენილი ინფორმაციის გადამოწმების მიზნით, სააგენტო იტოვებს უფლებას მოითხოვოს პრეტენდენტის მიერ მითითებული, პერსონალის შესრულებულ სამუშაოთა შესახებ ანგარიშები, მიღება-ჩაბარების აქტები, ხელშეკრულებები, პროექტები.

მიმწოდებელი ვალდებული იქნება შეასრულოს სარეაბილიტაციო სამუშაოები შემსყიდველის მიერ წარდგენილი გეგმა-გრაფიკის შესაბამისად.

მიმწოდებელი ვალდებულია:
ხელშეკრულების გაფორმების შემდეგ, სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით, მიმართოს სააგენტოს და აიღოს შესაბამისი ნებართვა არაუგვიანეს 10 (ათი) კალენდარული დღის ვადაში, წინააღმდეგ შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სახელობის სასამართლო ექსპერტიზის ეროვნული ბიუროს, ან შესაბამის სფეროში აკრედიტებული ნებისმიერი პირის მიერ გაცემული დასკვნის საფუძველზე (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტ(ებ)ის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით, ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

2 Процентов

5 Процентов

ხელშეკრულების უზრუნველყოფის საბანკო გარანტიის მოქმედების ვადა 90 კალენდარული დღით უნდა აღემატებოდეს შესყიდვის ობიექტის მიწოდების ვადას.

ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში).

საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).
გარანტია უნდა იყოს უპირობო და შემსყიდველს უნდა აძლევდეს უფლებას გარანტიის გამცემი დაწესებულებისგან პირველი მოთხოვნისთანავე, ყოველგვარი დასაბუთების გარეშე, მიიღოს შესაბამისი თანხა.

მიმწოდებლის მიერ წარმოდგენილი, ხელშეკრულების შესრულების უზრუნველყოფის უპირობო საბანკო გარანტია გამოიყენება მიმწოდებლის მიერ ხელშეკრულების პირობების შეუსრულებლობის, ან არაჯეროვნად შესრულების გამო, აგრეთვე შემსყიდველის მიერ პირგასამტეხლოს გამოყენებისა და ხელშეკრულებით გათვალისწინებულ სხვა შემთხვევებში.

მიმწოდებლის მიერ ხელშეკრულების შეწყვეტის შემთხვევაში შემსყიდველს უფლება აქვს აამოქმედოს ხელშეკრულების შესრულების უზრუნველყოფის საბანკო გარანტია სრული ოდენობით.

მიმწოდებლის მიერ ხელშეკრულების შეუსრულებლობის ან არაჯეროვნად შესრულების გამო, შემსყიდველის მიერ ხელშეკრულების ცალმხრივად შეწყვეტის შემთხვევაში, შემსყიდველი უფლებამოსილია აამოქმედოს ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო საბანკო გარანტია სრული ოდენობით. ამ შემთხვევაში საბანკო გარანტიის ამოქმედება მიმწოდებელს არ ათავისუფლებს შემსყიდველისთვის მიყენებული ზიანის ანაზღაურებისგან.

წინასწარი ანგარიშსწორების შემთხვევაში მიმწოდებელი ვალდებულია, წარმოადგინოს ავანსის სახით გადასახდელ თანხაზე (ხელშეკრულებით ჯამური ღირებულების არაუმეტეს 30%) საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

2025 წლის 10 დეკემბრამდე ხელშეკრულების ჯამური ღირებულების სრულად აუთვისებლობის შემთხვევაში მიმწოდებელი ვალდებული იქნება წარმოადგინოს აუთვისებელი თანხის 100% საავანსო საბანკო გარანტია, რომლის მოქმედების ვადაც 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას. აღნიშნული ვადის დარღვევის შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებელს დააკისროს პირგასამტეხლო ხელშეკრულების ჯამური ღირებულების 5%-ის ოდენობით.

საავანსო თანხის გადახდა მოხდება შესაბამისი საბანკო გარანტიის წარმოდგენის დღიდან არაუგვიანეს 10 (ათი) სამუშაო დღის ვადაში.

შესრულებული სამუშაოს ანგარიშსწორება განხორციელდება ეტაპობრივად, ექსპერტიზის დადებითი დასკვნის საფუძველზე მხარეთა მიერ შედგენილი მიღება-ჩაბარების აქტ(ებ)ის მიხედვით.

იმ შემთხვევაში, თუ განსაზღვრული გარემოებების გამო, მიმწოდებლის მიერ შესრულებული სამუშაოების ღირებულებამ შეადგინა ამ ხელშეკრულებით გათვალისწინებულ თანხაზე ნაკლები, შემსყიდველი აუნაზღაურებს მიმწოდებელს მის მიერ ფაქტიურად შესრულებული სამუშაოს ღირებულებას წინამდებარე ხელშეკრულებით განსაზღვრული ერთეულის ფასების შესაბამისად.

ექსპერტიზა ჩაუტარდება შესრულებულ სამუშაოებს შესაბამისობისა