Прочие услуги (Грузия - Тендер #65890323)

მცხეთის მუნიციპალიტეტის ტერიტორიაზე უმეთვალყურეოდ დარჩენილი ძაღლების თავშესაფარში გადაყვანის (საჭიროების შემთხვევაში ევთანაზიისა და ცხოველთა სამარხში გადაყვანის) მომსახურება.

1.2.1.მუნიციპალიტეტის ტერიტორიაზე უმეთვალყურეოდ დარჩენილი ძაღლების დაჭერა უნდა განხორციელდეს საერთაშორისო სტანდარტების მოთხოვნების შესაბამისად (ჰუმანური მეთოდებით), კერძოდ:
1.2.1.1.იზოლირებული ცხოველების ტრანსპორტირება სპეციალური ავტოტრანსპორტით თავშესაფარში ან შემფარებლის/მიმკედლებლის არსებობის შემთხვევაში მოხდეს მათი სტერილიზაცია/კასტრაცია,იდენტიფიკაცია,ვაქცინაცია ადგილზე მობილური ვეტერინარული კლინიკის მეშვეობით;
1.2.1.2.თავშესაფარში გადაყვანილი ცხოველების შესაბამისი გამოკვლევების შემდგომ მათი სტერილიზაცია, კასტრაცია, დეჰელმენტიზაცია, ვაქცინაცია და საჭიროების შემთხვევაში სხვა ვეტერინარული მომსახურების გაწევა, მარკირება ყურის კლიპის მეშვეობით (დაბირკვა), კუპირებული ყურების, ცხოველის ხანდაზმულობის ან ვეტერინარის გადაწყვეტილებით სხვა საჭირო შემთხვევაში მათი იდენტიფიკაცია უნდა განხორციელდეს ჩიპირების(კანქვეშ სპეციალური იმპლანტის შეყვანის) გზით და რეგისტრირებული ცხოველების მიკედლების არეალში დაბრუნება, ცხოველის შესაბამისი მაიდენტიფიცირებული ნომერი უნდა იქნეს გატარებული შესაბამის ბაზაში. ვეტერინარული მომსახურება უნდა განახორციელოს მხოლოდ ვეტერინარმა ექიმმა. ცხოველის გაჩუქების შემთხვევაში უნდა გაფორმდეს შესაბამისი გაჩუქების ხელშეკრულება ცხოველის აყვანის მსურველთან;
1.2.1.3.უნდა მოხდეს ცხოველთა თავშესაფარში მოხვედრილი ცხოველების იდენტიფიცირება და ანტირაბიული ვაქცინირება;
1.2.1.4.ვეტერინარის დასკვნის საფუძველზე სიკვდილის წინა სტადიაში მყოფი ცხოველების ევთანაზია და ცხოველთა ლეშის გაუვნებელყოფა შესაბამის სპეციალიზირებულ სამარხში, ბიოთერმულ ორმოში ან კრემატორიუმში. ევთანაზიის საჭიროების შემთხვევაში საკითხი ინდივიდუალურად უნდა შეთანხმდეს ცხოველთა დაცვის დაინტერესებულ ორგანიზაციებთან, რომლებმაც ასეთი დაინტერესების შესახებ წინასწარ მიმართეს ოფიციალური ფორმით თავშესაფარს და უნდა გაფორმდეს შესაბამისი აქტი, სადაც მიეთითება ევთანაზიის საჭიროების მომწვევი გარემოების შესახებ;
1.2.1.5.ცხოველების დაჭერა უნდა განხორციელდეს შემსყიდველის მიერ მითითებული ადგილებიდან, ასევე უნდა განხორციელდეს ცხოველთა რეგისტრაციის მკაცრი კონტროლი.
1.2.1.6.თავშესაფარი უნდა იყოს მოპირკეთებული კაპიტალურად, როგორც ვეტერინარულ ნაწილში ასევე ვოლიერულ განყოფილებებში უნდა შედიოდეს წყალმომარაგება და ელექტორენერგია, თავშესაფარი უნდა შედგებოდეს როგორც საიზოლაციო ასევე საარანტინე ვოლიერებისგან, კედლების, ჭერისა და იატაკის მოპირკეთება უნდა იძლეოდეს სველი წესით დასუფთავებისა და ხარისხიანი დეზინფექციის შესაძლებლობას, საკარანტინე ვოლიერები უნდა იყოს საიზოლაციო ვოლიერებისგან განცალკევებულად, იზოლირებულად აშენებულ შენობაში. თავშესაფრის შენობა-ნაგებობა უნდა იყოს მუნიციპალიტეტის თვითმმართველი ორგანოს მიერ მიღებული ექსპლუატაციაში, დაუშვებელია ვოლიერები მოწყობილი იყოს ისეთ შენობა-ნაგებობაში რომელიც წარსულში განკუთვნილი იყო სხვა დანიშნულებისათვის, ასევე დაუშვებელია ვოლიერების მოწყობა ძველ, ამორტიზირებულ შენობაში. დაავადებათა გავრცელების რისკების შემცირების მიზნით საკარანტინე ვოლიერები უნდა იყოს განთავსებული საიზოლაციო ვოლიერებისგან განცალკევებულად. ვეტერინარული სივრცე უნდა შედგებოდეს: საოპერაციო ოთახისგან, თერაპიული სამკურნალო ოთახისგან, მისაღები ოთახისგან, ინსტრუმენტების სასტერილიზაციო ოთახისგან და სპეციალურ კონტროლს დაქვემდებარებული საშუალებების შესანახი ოთახისგან, სპეციალურ კონტროლს დაქვემდებარებული სანარკოზე საშუალებები უნდა ინახებოდეს ცალკე ოთახში და დაცული უნდა იყოს სპეციალურ ლითონის სეიფში, რომლის გასაღებს უნდა ფლობდეს თავშესაფრის წარმომადგემელი მხოლოდ ერთი პიროვნება;
1.2.1.7.უმეთვალყურეოდ მყოფი პატრონიანი ძაღლის იზოლირების შემთხვევაში თავშესაფარი ვალდებულია ითანამშრომლოს სხვადასხვა დაწესებულებასთან მისი პირვანდელი მეპატრონისადმი გადაცემისათვის, საჭიროების შემთხვევაში თავშესაფარი ვალდებულია მოახდინოს დაინტერესებული პირების ინფორმირება იზოლირებული მიუსაფარი ცხოველების შესახებ, ასევე უნდა ხორციელდებოდეს დაინტერესებული პირების ინფორმირება ზოონოზური დაავადებების რისკების შემცირების მიზნით, თუ რა რეაგირება იქნა მიღებული შესულ ინფორმაციებთან დაკავშირებით.

მომსახურების გაწევა ხორციელდება ეტაპობრივად ხელშეკრულების გაფორმებიდან 2025 წლის 31 დეკემბრამდე, შემსყიდველის დავალების შესაბამისად

მომსახურების გაწეევა უნდა განხორციელდეს მცხეთის მუნიციპალიტეტის ტერიტორიაზე შემსყიდველის მოთხოვნის შესაბამისად, მოთხოვნიდან არაუგვიანეს ერთი კალენდარული დღის განმავლობაში.

პრეტენდენტს უნდა გააჩნდეს 2022 წლის 1 იანვრიდან ტენდერის გამოცხადების დღემდე აღნიშნული მომსახურების განხორციელების გამოცდილება, გამოცდილების დამადასტურებელ დოკუმენტად პრეტენდენტმა უნდა წარმოადგინოს მინიმუმ ერთი ხელშეკრულება და მისი შესრულების დამადასტურებელი მიღება-ჩაბარების აქტები.

პრეტენდენტს უნდა გააჩნდეს სარგებლობის ნებისმიერი ფორმით (საკუთრება, იჯარა, ქირავნობა, თხოვება ან სხვა) თავშესაფარი, რომელიც აღჭურვილი უნდა იყოს:

1.ცხოველთა პირველადი მისაღები სათავსოებით (საკარანტინე ზონა, განათება, ვენტილაცია, გათბობა);

2. უნდა არსებობდეს ცხოველთა იზოლირებისათვის განცალკევებული სივრცე (ოთახები,ვოლიერები);

3. ვეტერინარული სივრცე უნდა მოიცავდეს: თერაპიულ სამკურნალო ოთახს, ინსტურმენტების სასტერილიზაციო ოთახს, მისაღებ ოთახს, სპეციალურ კონტროლს დაქვემდებარებული საშუალებების შესანახ ოთახს და საოპერაციო კაბინეტს შესაბამისი აღჭურვილობით;

4. თავშესაფარს უნდა გააჩნდეს შესაბამისი სივრცე ცხოველთა გასეირნებისათვის, სადაც მოხალისეები ან თავშესაფრის თანამშრომლები მოახდენენ ცხოველთა გასეირნებას;

5. მინიმუმ 1 (ერთი) ცალი სპეციალიზირებული ავტოსატრანსპორტო საშუალება.(პრეტედენტის სპეციალიზირებულ ავტომობილში ვოლიერები უნდა იყოს ერთმანეთისაგან იზოლირებული და უნდა ხორციელდებოდეს ყოველდღიურ დეზინფექცია. უნდა იქნეს წარმოდგენილი სადეზინფექციო საშუალებების ფლობის დამადასტურებელი დოკუმენტაცია), უნდა იქნეს წარმოდგენილი სატრანსპორტო საშუალებების ფლობის(საკუთრება,იჯარა,ქირავნობა ან სხვა) დამადასტურებელი დოკუმენტი;

-პრეტედენტმა უნდა წარმოადგინოს საჯარო რეესტრის ეროვნული სააგენტოს მიერ დამოწმებული დოკუმენტი(ამონაწერი), რომელიც დაადასტურებს რომ პრეტენდეტს გააჩნია საკუთრებაში ან იჯარით აქვს აღებული(იჯარის უფლება უნდა იყოს რეგისტრირებული საჯარო რეესტრის ეროვნულ სააგენტოში) უძრავი ქონება. ხოლო ქირავნობის, თხოვების ან სარგებლობის სხვა ნებისმიერი ფორმის შემთხვევაში წარმოდგენილი უნდა იქნეს შესაბამისი ხელშეკრულება;
-პრეტედენტის მიერ, წარმოდგენილ უნდა იქნეს წარმოდგენილი ობიექტის(თავშესაფრის რომელიც იმყოფება მის საკუთრებაში/იჯარით ან ქირავნობა,თხოვება ან სხვა ფორმა) ნახაზი, გეგმა, მუნიციპალიტეტის თვითმმართველობის ორგანოს მიერ გაცემული ობიექტის ექსპლუატაციაში გაშვების თაობაზე შესაბამისი დოკუმენტის ასლი.

პრეტენდენტმა უნდა წარმოადგინოს თავშესაფრის ვეტერინარ(ებ)ის კვალიფიკაციის დამადასტურებელი დოკუმენტი (cv,დიპლომი)

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტის დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ელექტრონული ტენდერის ჩატარების წესი.

1.1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში.
1.2. მიმწოდებელთან ანგარიშსწორება განხორციელდება მიღება–ჩაბარების აქტის, სასაქონლო ზედნადების ან/და საგადასახადო ანგარიშ-ფაქტურის საფუძველზე.
1.3. ანგარიშსწორება განხორცილდება მიმწოდებლის საბანკო ანგარიშზე, მიღება-ჩაბარების აქტის გაფორმებიდან 10 (ათი) სამუშაო დღის ვადაში.
1.4. თუ ანგარიშსწორება უნდა შესრულდეს განსაზღვრულ დღეს და ეს დღე ემთხვევა არასამუშაო დღეს, მაშინ ანგარიშსწორება შესაძლებელია განხორციელდეს მომდევნო სამუშაო დღეს.
3.5 დაფინანსების წყარო ადგილობრივი ბიუჯეტი

მიმწოდებელთან ანგარიშსწორება განხორციელდება ეტაპობრივად ფაქტიურად შესრულებული სამუშაოს მიღება-ჩაბარების აქტის წარმოდგენიდან 10 (ათი) სამუშაო დღის განმავლობაში

სოფიო მამისაშვილი, 577727714, sofomamisashvili@yahoo.com