Ремонт и техническое обслуживание транспортных средств и оборудования и сопутствующие услуги (Грузия - Тендер #65766548)

ავოტსატრანსპორტო საშუალებების რეცხვის მომსახურების შესყიდვა

1.2.1. მანქანების რეცხვა და მსგავსი მომსახურებები მოიცავს ავტოსატრანსპორტო საშუალებების: მსუბუქი (სედანი), მაღალი გამავლობის (ჯიპის ტიპის) და მიკროავტობუსის რეცხვის მომსახურებას.
1.2.2. ავტოსატრანსპორტო საშუალებების: მსუბუქი (სედანი), მაღალი გამავლობის (ჯიპის ტიპის) და მიკროავტობუსის რეცხვის მომსახურების გაწევა უნდა განხორციელდეს საბარათე (პლასტიკური ბარათი) სისტემის ან ტალონების მეშვეობით (დანართი №1, დანართი №2 შესაბამისად).
შენიშვნა: პრეტენდენტი ვალდებულია დეტალურად გაეცნოს დანართ №1-ში და დანართ №2-ში მოცემულ პირობებს/აღწერილობას და წარმოადგინოს აღნიშნული დანართები, მასში მითითებული პირობების/აღწერილობის უცვლელად.
აღნიშნული დოკუმენტი წარმოდგენილი უნდა იყოს სატენდერო დოკუმენტაციის 10.1.2 პუნქტით დადგენილი წესის შესაბამისად. პრეტენდენტი ვალდებულია გაითვალისწინოს, რომ დოკუმენტზე ხელმოწერით ეთანხმება და ადასტურებს დანართში მითითებულ პირობებს/აღწერილობას.
1.2.3. შესყიდვის ობიექტის დასახელება ასახულია სატენდერო დოკუმენტაციის დანართი №3-ში "ფასების ცხრილი".
შენიშვნა: პრეტენდენტი უფლებამოსილია დანართი №3 "ფასების ცხრილი" წარმოადგინოს Excel-ის ფორმატის ცხრილის სახით.
(გთხოვთ გაითვალისწინოთ, რომ პრეტენდენტის მიერ Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)).

1.4.1 პრეტენდენტმა რეცხვის მომსახურების გაწევა უნდა განახორციელოს პერიოდულად, შემსყიდველის მოთხოვნის შესაბამისად, ხელშეკრულების გაფორმებიდან - 2025 წლის 31 დეკემბრის ჩათვლით.
1.4.2 პრეტენდენტმა შემოთავაზებულ ყველა ავტოსამრეცხაოში უნდა უზრუნველყოს რეცხვის მომსახურება, რომელიც უნდა განხორციელდეს პრეტენდენტის მიერ შესაბამისი საბარათე (პლასტიკური ბარათი) სისტემის ან ტალონების მეშვეობით შემსყიდველის ავტოსატრანსპორტო საშუალების ავტოსამრეცხაოში მისვლიდან არაუგვიანეს 1 (ერთი) საათის განმავლობაში;
1.4.3 ავტოსამრეცხაო ობიექტებზე რეცხვითი მომსახურებით სარგებლობა შესაძლებელი უნდა იყოს ყოველდღე 08:00 სთ-დან 21:00 სთ-მდე (მათ შორის უქმე/დასვენების დღეებში);

პრეტენდენტის მიერ რეცხვის მომსახურების გაწევა უნდა განხორციელდეს პრეტენდენტის მიერ მითითებულ მისამართ(ებ)ზე არსებულ ავტოსამრეცხაო სადგურებში.

2.1.1.1.პრეტენდეტს ბოლო ერთი წლის (2024წ) განმავლობაში უნდა გააჩნდეს ავტოსატრანსპორტო საშუალებების რეცხვის მომსახურების გაწევის გამოცდილება არანაკლებ 4000 (ათი ათასი) ლარისა (იგულისხმება ფაქტიურად გაწეული მომსახურების ჯამური ღირებულება).
2.1.1.2. გამოცდილების დასადასტურებლად, პრეტენდენტმა სახელმწიფო შესყიდვების ერთიან ელექტრონულ სისტემაში, უნდა წარმოადგინოს ხელშეკრულებ(ები)ა და ამ ხელშეკრულებ(ებ)ის შესრულების დამადასტურებელი დოკუმენტაცია: მიღება-ჩაბარების აქტი ან/და შესრულების დამადასტურებელი სხვა დოკუმენტაცია (ასლი).
2.1.1.3. იმ შემთხვევაში, თუ მიწოდება განხორციელებულია სახელმწიფო შესყიდვების ერთიანი ელექტრონული სისტემის (https://tenders.procurement.gov.ge) გამოყენებით და ხელშეკრულების შესაბამის ველში ასახულია გადახდები ან/და ატვირთულია შესრულების დამადასტურებელი დოკუმენტები, ან/და ხელშეკრულებას მინიჭებული აქვს სტატუსი "შესრულებული ხელშეკრულება", გამოცდილების დასადასტურებლად საკმარისი იქნება შესაბამისი განცხადების ნომრ(ებ)ის (CMR, SPA, NAT და ა. შ.) წარმოდგენა.

2.3.1.1. პრეტენდენტს, ქალაქ თბილისის ტერიტორიაზე საკუთრებაში ან სარგებლობაში ან ქვეკონტრაქტით უნდა გააჩნდეს არანაკლებ 2 (ორი) ავტოსამრეცხაო სადგური (სხვადასხვა ლოკაციაზე მდებარე), თითოეული (ერთ ლოკაციაზე მდებარე) არანაკლებ 3 (სამი) სამრეცხაო ბოქსით, რომელთაგან მინიმუმ ერთი უნდა მდებარეობდეს პრეზიდენტის ადმინისტრაციის შენობიდან (ქ. თბილისი, ათონელის ქუჩა N25) არაუმეტეს 8 (რვა) კილომეტრისა.
შენიშვნა:აღნიშნულის დასადასტურებლად პრეტენდენტმა უნდა წარმოადგინოს საკუთრების ან სარგებლობის დამადასტურებელი დოკუმენტი (სარგებლობის შემთხვევაში პრეტენდენტმა უნდა წარმოადგინოს შესაბამისი საიჯარო ხელშეკრულება, რომლის მოქმედების ვადაც უნდა იყოს არანაკლები 2025 წლის 31 დეკემბრისა), ხოლო საკუთრების შემთხვევაში შესაბამისი საკადასტრო კოდი.
2.3.1.2. პრეტენდენტის საკუთრებაში ან სარგებლობაში არსებული ავტოსამრეცხაო სადგურები ან ქვეკონტრაქტით არსებული ავტოსამრეცხაო სადგურები აღჭრვილი უნდა იყოს ვიდეომეთვალყურეობის სისტემით.
2.3.1.3. ყველა შემოთავაზებულ ობიექტებზე უნდა გამოყოს საკონტაქტო პირი (მენეჯერი), რომელთანაც შესაძლებელი იქნება მომსახურების წინასწარი დაჯავშნა/ჩაწერა;

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ინფორმაცია ქვეკონტრაქტორებთან არსებული ავტოსამრეცხაოების შესახებ, შესაბამისი მისამართების მითითებით. ასევე, ქვეკონტრაქტორებთან გაფორმებული ხელშეკრულებების ასლები, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.
ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – “შავ სიაში“.
შენიშვნა: თუ პრეტენდენტს განზრახული აქვს მომსახურების მიწოდება ქვეკონტრაქტორის გარეშე, უნდა წარმოადგინოს ინფორმაცია ამის შესახებ.

შენიშვნა: შემსყიდველი არ იღებს ვალდებულებას, ტექნიკური დავალებით გათვალისწინებული მომსახურების რაოდენობის სრულად შესყიდვის შესახებ.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.2.1. ანგარიშსწორება განხორციელდება ფაქტობრივად მიწოდებული შესყიდვის ობიექტის მიხედვით, შესაბამისი საანგარიშსწორებო დოკუმენტაციის (მხარეთა შორის გაფორმებული მიღება-ჩაბარების აქტი და კანონმდებლობით განსაზღვრულ შემთხვევაში მიმწოდებლის მიერ წარმოდგენილი საგადასახადო ანგარიშფაქტურა) სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში, უნაღდო ანგარიშსწორებით, ეროვნულ ვალუტაში - ლარში.
7.2.2 დაფინანსების წყარო: საქართველოს 2025 წლის სახელმწიფო ბიუჯეტიდან საქართველოს პრეზიდენტის ადმინისტრაციისთვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ნათია მუკბანიანი, 595908111, nmukbaniani@president.ge

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №3 "ფასების ცხრილი". პრეტენდენტი უფლებამოსილია აღნიშნული დანართი წარმოადგინოს Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.