Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #65732575)

შპს „ჯიარ ლოგისტიკა და ტერმინალები“-ს საკუთრებაში არსებული ჯოჯგინა ამწეების ფაზაროტორული ელექტრო ძრავების და ჰიდრობიძგარების შეკეთება/ტექნიკური მომსახურეობა ტექნიკური დავალებისა და დანართი N1-ის (პრეისკურანტი) შესაბამისად.

ტექნიკური დავალება:

1.2.1.ელექტროძრავების და ჰიდრობიძგარების ტექნიკური მომსახურება უნდა განხორცილდეს პრეისკურანტში მითითებული საქონლის და მომსახურების შესაბამისად.
1.2.2.მიმწოდებელმა ძრავის დაზიანების ყოველ კონკრეტულ შემთხვევის შესახებ, შემსყიდველისაგან მიღებული შეტყობინებიდან 2 (ორი) კალენდარული დღის განმავლობაში უნდა მოახდინოს ძრავის დათვალიერება და შეადგინოს შესაბამისი დეფექტური აქტი, სადაც მითითებული იქნება გასაწევი მომსახურების და ამ მომსახურების გაწევისათვის საჭირო სათადარიგო ნაწილების ჩამონათვალი და ღირებულებები მის მიერ პრეისკურანტში დაფიქსირებული ერთეულის ფასების შესაბამისად.
1.2.3.ელექტროძრავების და ჰიდრობიძგარების დემონტაჟს და მონტაჟს უზრუნველყოფს შემსყიდველი.
1.2.4.მიმწოდებელმა დაზიანებული ძრავი და ჰიდრობიძგარი უნდა აღადგინოს მხარეების მიერ დეფექტური აქტის დამოწმებიდან 14 (თოთხმეტი) კალენდარული დღის განმავლობაში.
შენიშვნა:განსაკუთრებულ შემთხვევაში შესაძლებელია კონკრეტული მომსახურების ვადა განისაზღვროს შემსყიდველთან შეთანხმებით, რაც უნდა დაფიქსირდეს დეფექტურ აქტში.
1.2.5.დაზიანებული ძრავის და ჰიდრობიძგარების შესაკეთებლად საჭირო სათადარიგო ნაწილების შესაყიდვას ან/და დამზადებას, საჭიროების შემთხვევაში დაზიანებული ძრავის სერვის-ცენტრში და აღდგენილი ძრავის 1.5 მუხლით განსაზღვრულ ადგილამდე ტრანსპორტირებას, საჭირო მუშა ხელის დაქირავებას ან/და სხვა რაიმე სახის დამატებითი თანმდევი სამუშაოების განხორციელებას უზრუნველყოფს მიმწოდებელი საკუთარი სახსრებით.
1.2.6 აღდგენილი ძრავის და ჰიდრობიძგარების ტესტირების პროცესში რაიმე სახის დაზიანების ან დეფექტის აღმოჩენის შემთხვევაში მიმწოდებელი ვალდებულია უზრუნველყოს დეფექტის გამოსწორება (აღდგენა) საკუთარი ხარჯებით, შემსყიდველის მხრიდან რაიმე სახის ჩარევის გარეშე.
1.2.7 თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (სათადარიგო ნაწილები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურება უნდა განხორციელდეს ეტაპობრივად, ხელშეკრულების გაფორმებიდან 12 (თორმეტი) კალენდარული თვის ჩათვლით, შემსყიდველის მოთხოვნიდან 14 (თოთხმეტი) კალენდარული დღის განმავლობაში.

ქ. თბილისი, ისანი–სამგორის ცენტრალური რაიონი ნაკვეთი (01/154) – ქ. თბილსის საბაჟო–საკონტეინერო ტერმინალი.

აღდგენილ ძრავებებზე, ექსპლუატაციის პირობების დაცვის შემთხვევაში უნდა ვრცელდებოდეს არანაკლებ 6 (ექვსი) თვიანი გარანტია. მიმწოდებელმა, საგარანტიო ვადის პერიოდში გამოვლენილი წუნდებული საქონლის შეკეთება/შეცვლა უნდა უზრუნველყოს საკუთარი ხარჯებით, მოთხოვნიდან არაუგვიანეს 8 (რვა) კალენდარული დღის ვადაში

2.2.1.1.პრეტენდენტს 2021 წლის 01 იანვრიდან უნდა გააჩნდეს არანაკლებ 25000.00 ლარის ღირებულების ანალოგიური და/ან მსგავსი მომსახურების გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი, ან/და შესრულების დამადასტურებელი სხვა დოკუმენტაცია ან/და სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრები (მაგ: NAT/CMR/SPA და ა.შ).

2.2.1.2. იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა 2.2.1.1 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ მომსახურებებზე დადასტურებული საგადასახადო ანგარიშ-ფაქტურების ელექტრონული ვერსიები.

პრეტენდენტს უნდა გააჩნდეს საკუთარი ან/და არანაკლებ ამ ტენდერის შედეგად გაფორმებული ხელშეკრულების მოქმედების ვადით სარგებლობის უფლებით, მინიმუმ ერთი მოქმედი სერვის ცენტრი საქართველოს ტერიტორიაზე, რაზედაც პრეტენდენტმა უნდა წარმოადგინოს სერვის-ცენტრის სარგებლობის უფლების ან/და საკუთრების დამადასტურებელი დოკუმენტაცია.

2.9.1 სატენდერო წინადადების ფასი:

ა) პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილების თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
გ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო სავარაუდო ღირებულებასთან მიმართებით;
დ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

2.9.2. პრეტენდენტის სატენდერო წინადადება რომელშიც პოზიციების ფასი გადააჭარბებს პრეისკურანტში დაფიქსირებული პოზიციების სავარაუდო ფასს, არ ჩაითვლება მისაღებად.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად გაწეული მომსახურების მიხედვით, მხარეებს შორის მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ 10 (ათი) კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ნინო გოგუა, 577952552, nino.gogua@railway.ge ტექნიკურ საკითხებთან დაკავშირებით დაუკავშირდით საკონტაქტო პირი: გელა კელაპტრიშვილი, ტელ: 591707910

10.1.1 სახელმწიფო შესყიდვების ერთიან ელექტრონულ სისტემაში ატვირთულ ყველა დოკუმენტზე წარმოდგენილი უნდა იქნას მოქმედი კანონმდებლობის შესაბამისად.

10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი აუნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

10.1.4 პრეტენდენტი ვალდებულია ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 დანართი N1 (პრეისკურანტი) - სატენდერო დოკუმენტაციის 2.9 პუნქტის მოთხოვნების დაცვით (აღნიშნული დოკუმენტის წარმოუდგენლობა, ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას);

10.2.3 სატენდერო დოკუმენტაციის 1.7.1, 2.2.1 და 2.3.1 პუნქტების მოთხოვნებით გათვალისწინებული ინფორმაცია/დოკუმენტაცია.